ຜົນການສອບເສັງແຂ່ງຂັນນັກຮຽນເກັ່ງລະດັບຊາດ

ນວ ເອົາໃຈໃສ່ປັບປຸງຄຸນນະພາບການສຶກສາ ແລະ ກິລາໃຫ້ດີຂຶ້ນຢ່າງຕໍ່ເນື່ອງ

ນວ ເອົາໃຈໃສ່ປັບປຸງຄຸນນະພາບການສຶກສາ ແລະ ກິລາໃຫ້ດີຂຶ້ນຢ່າງຕໍ່ເນື່ອງ
ໂດຍ: ພູວັນ ໃນໜຶ່ງສົກຮຽນທີ່ຜ່ານມາພະແນກສຶກສາທິການ ແລະ ກິລານະຄອນຫຼວງວຽງຈັນ (ນວ) ໄດ້ເອົາໃຈໃສ່ປັບປຸງຄຸນນະພາບການສຶກສາ ແລະ ກິລາໃຫ້ດີຂຶ້ນຢ່າງຕໍ່ເນື່ອງ ຊຶ່ງສະແດງອອກໃນການສອບເສັງນັກຮຽນເກັ່ງໃນລະດັບ ນວ

 ແລະ ຜົນການສອບເສັງແຂ່ງຂັນນັກຮຽນເກັ່ງລະດັບຊາດ ສາມາດຍາດໄດ້ລາງວັນຕ່າງໆຈຳນວນຫຼາຍມີນັກຮຽນທີ່ໄດ້ຮັບໃບປະກາສະນີຍະບັດແດງທັງໝົດ 60 ຄົນ ຍິງ 49 ຄົນທຽບໃສ່ສົກຮຽນຜ່ານມາເພີ່ມຂຶ້ນ 6ຄົນໂດຍລວມເຫັນວ່າຄຸນນະພາບການສຶກສາດີຂຶ້ນເລື້ອຍໆ.
ທ່ານ ສົມພອນ ສອນດາລາ ຫົວໜ້າພະແນກສຶກສາທິການ ແລະ ກິລາ ນວ ໄດ້ລາຍງານໃຫ້ຮູ້ໃນພິທີສະຫຼຸບການສອບເສັງຈົບຊັ້ນມັດທະຍົມສຶກສາຕອນປາຍ (ມ7) ສົກຮຽນ 2023-2024ເມື່ອບໍ່ດົນມານີ້ວ່າ: ໃນສົກຮຽນ 2023-2024 ທົ່ວ ນວ ມີໂຮງລ້ຽງເດັກ ແລະ ໂຮງຮຽນອະນຸບານທັງໝົດ 413 ແຫ່ງ, ພາກລັດ 124 ແຫ່ງ, ເອກະຊົນ 289 ແຫ່ງເພີ່ມຂຶ້ນຈາກປີກາຍ 9 ແຫ່ງ, ມີຄູສອນທັງໝົດ 3.076ຄົນ, ມີນັກຮຽນທັງໝົດ 40.857 ຄົນ, ຍິງ 21.412 ເພີ່ມຂຶ້ນຈາກປີກາຍ 2.645 ຄົນ, ມີສູນການສຶກສາກ່ອນໄວຮຽນ 4 ແຫ່ງ, ຊັ້ນປະຖົມສຶກສາມີທັງໝົດ 532ແຫ່ງ, ໃນນີ້ມີໂຮງຮຽນລັດ 356ແຫ່ງ, ໂຮງຮຽນເອກະຊົນ 189ແຫ່ງ,ມີນັກຮຽນທັງໝົດ 80.992 ຄົນຍິງ 39.009 ຄົນ, ນັກຮຽນໂຮງຮຽນລັດ 43.121 ຄົນ, ນັກຮຽນໂຮງຮຽນເອກະຊົນ 37.871 ຄົນ, ມີຄູສອນທັງໝົດ 3.347ຄົນ ຍິງ 2.588 ຄົນ, ຄູລັດ1.662ຄົນ ຍິງ 1.180ຄົນ, ມີໂຮງຮຽນມັດທະຍົມສຶກສາທັງໝົດ 197ແຫ່ງ ມີນັກຮຽນ 86.715ຄົນຍິງ 43.670ຄົນ, ໃນນັ້ນມີໂຮງຮຽນເອກະຊົນ 90ແຫ່ງ, ມີນັກຮຽນ 21.877 ຄົນ ຍິງ 10.765 ຄົນ, ມີຄູສອນທັງໝົດ 3.903 ຄົນ ຍິງ 2.221 ຄົນ, ມີຄູລັດ 2.461 ຄົນ ຍິງ 1.437 ຄົນ, ສຳລັບການແຂ່ງຂັນສອບເສັງນັກຮຽນເກັ່ງລະດັບນວ ຊະນະເລີດລະດັບທີໜຶ່ງມີ 12 ຄົນ ຍິງ 6 ຄົນ,ຂັ້ນປ5 ມີ 4 ຄົນ ຍິງ 2 ຄົນ, ຂັ້ນມ4 ມີ 4 ຄົນ ຍິງ 4 ຄົນ,ຂັ້ນມ7 ມີ 4 ຄົນ, ນອກນັ້ນຍັງມີອັນດັບທີສອງ, ສາມ ແລະ ລາງວັນຊົມເຊີຍ, ຜົນການສອບເສັງແຂ່ງຂັນນັກຮຽນເກັ່ງລະດັບຊາດນວ ໄດ້ສົ່ງນັກຮຽນເຂົ້າຮ່ວມການສອບເສັງລະດັບຊາດຈຳນວນ 8 ຄົນສາມາດຍາດໄດ້ລາງວັນຕ່າງໆດັ່ງນີ້:ອັນດັບທີ 1 (ໄດ້ຮັບຫຼຽນຄຳ, ເງິນລາງວັນຕ່າງຈຳນວນ 19.100.000ກີບ ແລະ ໃບຍ້ອງຍໍຂັ້ນກະຊວງສຶກສາທິການ ແລະ ກິລາ) ມີຈຳນວນ 6ຄົນຍິງ4ຄົນໄດ້ແກ່ວິຊາພາສາລາວ-ວັນນະຄະດີຂັ້ນມ4), ຄະນິດສາດຂັ້ນມ4,ຟີຊິກສາດຂັ້ນມ4, ເຄມີສາດຂັ້ນ ມ4, ຟີຊິກສາດຂັ້ນ ມ7,ເຄມີສາດຂັ້ນ ມ7, ອັນດັບທີ 2 ໄດ້ຮັບຫຼຽນເງິນ, ເງິນລາງວັນຕ່າງຈຳນວນ15.3550.000 ກີບ ແລະ ໃບຍ້ອງຍໍຂັ້ນກະຊວງສຶກສາທິການ ແລະ ກິລາມີຈຳນວນ 1ຄົນຍິງ1ຄົນໄດ້ແກ່ວິຊາພາສາລາວ-ວັນນະຄະດີຂັ້ນ ມ7 ພ້ອມນັ້ນຍັງມີລາງວັນຊົມເຊີຍຈຳນວນໜຶ່ງ ພິເສດປີນີ້ນວ ສາມາດຍາດໄດ້ລາງວັນຊະນະເລີດຖາມຕອບວິທະຍາສາດລະດັບຊາດ.
ທ່ານ ສົມພອນ ສອນດາລາ ກ່າວໃຫ້ຮູ້ອີກວ່າ: ສຳລັບການສອບເສັງຈົບຊັ້ນ ປ5ນັກຮຽນມີໜ້າສອບເສັງ 15.662ຄົນຍິງ7.586 ຄົນ, ສອບເສັງໄດ້ 15.650 ຄົນ ຍິງ 7.583ຄົນ ເທົ່າກັບ 99,92% ມີນັກຮຽນເສັງໄດ້ໃບປະກາດແດງ293 ຄົນ ຍິງ 192ຄົນ, ຊັ້ນມ4ນັກຮຽນມີໜ້າສອບເສັງຕົວຈິງ 11.906 ຄົນ ຍິງ5.899 ຄົນເສັງໄດ້ທັງໝົດ11.371 ຄົນ ຍິງ5.880 ຄົນ, ເສັງໄດ້ໃບປະກາດສະນິຍະບັດແດງ71 ຄົນຍິງ54 ຄົນທຽບໃສ່ສົກຮຽນຜ່ານມາເພີ່ມຂຶ້ນ 24 ຄົນ, ຊັ້ນ ມ7 ມີນັກຮຽນເຂົ້າສອບເສັງທັງໝົດ 9.352ຄົນ ຍິງ4.833ຄົນ, ເສັງໄດ້ທັງໝົດ9.350ຄົນ ຍິງ4.833ຄົນ ເທົ່າກັບ 99,98%, ນັກຮຽນທີ່ມີຄະແນນ 7 ຂຶ້ນໄປທຸກວິຊາລວມມີ 3.474ຄົນ, ຍິງ 2.161 ຄົນ ນັກຮຽນທີ່ໄດ້ຮັບໃບປະກາສະນີຍະບັດແດງທັງໝົດ 60 ຄົນ ຍິງ 49 ຄົນທຽບໃສ່ສົກຮຽນຜ່ານມາເພີ່ມຂຶ້ນ 6 ຄົນ. ໃນໜຶ່ງສົກຮຽນຜ່ານມາສະແດງໃຫ້ເຫັນວ່າ ພະແນກສຶກສາທິການ ແລະ ກິລາ ນວ ໄດ້ເອົາໃຈໃສ່ປັບປຸງຄຸນນະພາບການສຶກສາ ແລະ ກິລາໃຫ້ດີຂຶ້ນເລື້ອຍໆ ສາມາດສ້າງນັກຮຽນເກັ່ງໃນລະດັບ ນວ ແລະ ນັກຮຽນເກັ່ງລະດັບຊາດ ສາມາດຍາດໄດ້ລາງວັນຕ່າງໆຈຳນວນຫຼາຍ ເຮັດໃຫ້ມີນັກຮຽນທີ່ໄດ້ຮັບໃບປະກາສະນີຍະບັດແດງເພີ່ມຂຶ້ນ ສະແດງໃຫ້ເຫັນເຖິງສັງຄົມມີຄວາມເຊື່ອໝັ້ນຕໍ່ຂະແໜງການສຶກສາຂອງລາວໄດ້ເປັນຢ່າງດີ.

ຄໍາເຫັນ

ຂ່າວສືກສາ-ກິລາ

ສະມາຄົມນັກທຸລະກິດ ຮ້ານອາຫານລາວ ຮ່ວມກັບ ບໍລິສັດ ເບຍລາວ ຈັດການແຂ່ງຂັນກິລາດອກປີໄກ່

ສະມາຄົມນັກທຸລະກິດ ຮ້ານອາຫານລາວ ຮ່ວມກັບ ບໍລິສັດ ເບຍລາວ ຈັດການແຂ່ງຂັນກິລາດອກປີໄກ່

ສະມາຄົມນັກທຸລະກິດ ຮ້ານອາຫານລາວ (ສນຮລ) ຮ່ວມມືກັບ ບໍລິສັດ ເບຍລາວ ຈໍາກັດ ສືບຕໍ່ຈັດການແຂ່ງຂັນກິລາດອກປີກໄກ່ ສະເພາະພາຍໃນສະມາຄົມ ແລະ ບໍລິສັດ ເບຍລາວ ຈຳກັດ ຊຶ່ງປີນີ້ ເປັນຄັ້ງທີ 9 ເພື່ອເປັນການຮັດແໜ້ນຄວາມສາມັກຄີຮັກແພງພາຍໃນໃຫ້ແໜ້ນແຟ້ນຂຶ້ນເລື້ອຍໆແນໃສ່ສົ່ງເສີມສ້າງຄວາມເຂັ້ມແຂງໃຫ້ບັນດາສະມາຊິກຂອງສະມາຄົມ ກໍຄືຜູ້ປະກອບການທາງດ້ານທຸລະກິດຮ້ານອາຫານ ພາຍໃນນະຄອນຫຼວງວຽງຈັນ ເຕີບໃຫຍ່ເຂັ້ມແຂງທາງທຸລະກິດ ປະກອບສ່ວນສົ່ງເສີມການພັດທະນາເສດຖະກິດ - ສັງຄົມຂອງຊາດ ໃຫ້ເຕີບໃຫຍ່ຂຶ້ນເລື້ອຍໆ.
ສນຊ ເປີດການແຂ່ງຂັນ ກິລາເຕະບານເພື່ອຮັດແໜ້ນຄວາມສາມັກຄີ

ສນຊ ເປີດການແຂ່ງຂັນ ກິລາເຕະບານເພື່ອຮັດແໜ້ນຄວາມສາມັກຄີ

ເນື່ອງໃນໂອກາດສະເຫຼີມສະຫຼອງ ວັນສ້າງຕັ້ງແນວລາວສ້າງຊາດ ຄົບຮອບ 75 ປີ (13 ສິງຫາ 1950 – 13 ສິງຫາ 2025), ສູນກາງແນວລາວສ້າງຊາດ ໄດ້ເປີດການແຂ່ງຂັນ ກິລາເຕະບານເພື່ອຮັດແໜ້ນຄວາມສາມັກຄີ ຍິງ-ຊາຍ ເພື່ອຂ່ຳນັບຮັບຕ້ອນວັນສໍາຄັນດັ່ງກ່າວ ທີ່ສະໜາມກິລາກູດໄລຟ ບ້ານສີໄຄ ເມືອງສີໂຄດຕະບອງ ນະຄອນຫຼວງວຽງຈັນ ເມື່ອວັນທີ 21 ກໍລະກົດ ນີ້ ໂດຍເປັນປະທານກ່າວເປີດຂອງທ່ານ ຄຳໄຫຼ ສີປະເສີດ ກຳມະການສູນກາງພັກ ຮອງປະທານສູນກາງແນວລາວສ້າງຊາດ (ສນຊ) ຜູ້ປະຈຳການ, ທ່ານ ນາງ ອາລີ ວົງໜໍ່ບຸນທຳ ກຳມະການສູນກາງພັກ ປະທານສູນກາງສະຫະພັນແມ່ຍິງລາວ, ມີບັນດານັກກິລາຈາກບັນດາກະຊວງ, ອົງການທຽບເທົ່າ, ນະຄອນຫຼວງເຂົ້າຮ່ວມ.
ຮຽບຮຽງເນື້ອໃນກົດໝາຍສາມັນສຶກສາ

ຮຽບຮຽງເນື້ອໃນກົດໝາຍສາມັນສຶກສາ

(ສພຊ) - ວັນທີ 21-22 ກໍລະກົດນີ້ ທີ່ສະພາແຫ່ງຊາດ (ສພຊ) ໄດ້ມີກອງປະຊຸມຮຽບຮຽງເນື້ອໃນກົດໝາຍວ່າດ້ວຍສາມັນສຶກສາ (ສ້າງໃໝ່) ໂດຍການເປັນປະທານຂອງທ່ານ ຄໍາໃບ ດຳລັດ ຮອງປະທານສະພາແຫ່ງຊາດ; ເຂົ້າຮ່ວມມີບັນດາທ່ານປະທານ ແລະ ຮອງປະທານກຳມາທິການທີ່ກ່ຽວຂ້ອງພາຍໃນ ສພຊ, ຮອງລັດຖະມົນຕີກະຊວງສຶກສາທິການ ແລະ ກິລາ, ຮອງລັດຖະມົນຕີກະຊວງຍຸຕິທໍາ, ຮອງຫົວໜ້າຫ້ອງວ່າການສໍານັກງານປະທານປະເທດ, ຄະນະຮັບຜິດຊອບປັບປຸງກົດໝາຍ ພ້ອມດ້ວຍຄະນະກົມ, ພະແນກ ແລະ ພະນັກງານທີ່ກ່ຽວຂ້ອງ.
ຄອສພ ໄດ້ທີ 1 ປະເພດຊາຍດຽວແຂ່ງຂັນກິລາເປຕັງ ຊີງຂັນແນວລາວສ້າງຊາດ

ຄອສພ ໄດ້ທີ 1 ປະເພດຊາຍດຽວແຂ່ງຂັນກິລາເປຕັງ ຊີງຂັນແນວລາວສ້າງຊາດ

ຄະນະໂຄສະນາອົບຮົມສູນກາງພັກ (ຄອສພ) ໄດ້ອັນດັບທີ 1 ໃນປະເພດດ່ຽວຊາຍ ໃນການແຂ່ງຂັນກິລາເປຕັງ ຊີງຂັນແນວລາວສ້າງຊາດ ເນື່ອງໃນໂອກາດຂໍ່ານັບຮັບຕ້ອນ ແລະ ສະເຫຼີມສະຫຼອງ ວັນສ້າງຕັ້ງແນວລາວສ້າງຊາດ ຄົບຮອບ 75 ປີ ຊຶ່ງການແຂ່ງຂັນດັ່ງກ່າວໄດ້ປິດລົງໃນວັນທີ17 ກໍລະກົດ ນີ້ ທີ່ນະຄອນຫຼວງວຽງຈັນ, ໂດຍມີທ່ານ ສິນລະວົງ ຄຸດໄພທູນ ກຳມະການກົມການເມືອງສູນກາງພັກ ປະທານສູນກາງແນວລາວສ້າງຊາດ ມີບັນການນໍາພັກ-ລັດ, ຄະນະນໍາ ຄູຝຶກ ແລະ ນັກກິລາ ຈາກບັນດາແຂວງ, ນະຄອນ ຫຼວງ, ກະຊວງ, ອົງການທຽບເທົ່າ, ທົ່ວປະເທດ ເຂົ້າຮ່ວມ.
ສາລະວັນຫາລືການສ້າງຂະບວນການກິລາ

ສາລະວັນຫາລືການສ້າງຂະບວນການກິລາ

ຄະນະໂຄສະນາອົບຮົມແຂວງສາລະວັນ ຮ່ວມກັບພະແນກສຶກສາທິການ ແລະ ກິລາແຂວງ ຈັດກອງປະຊຸມປຶກສາຫາລື ກ່ຽວກັບການຈັດກິດຈະກໍາສ້າງຂະບວນການກິລາຟຸດຊໍ ແລະ ກິລາເປຕັງ ເພື່ອຂໍ່ານັບຮັບຕ້ອນກອງປະຊຸມໃຫຍ່ຄັ້ງທີ X ຂອງອົງຄະນະພັກແຂວງ ແລະ ຕ້ອນຮັບວັນສະຖາປະນາ ສປປລາວ ຄົບຮອບ 50 ປີ (2 ທັນວາ 1975-2 ທັນວາ 2025) ແລະ ວັນເກີດປະທານໄກສອນ ພົມວິຫານ ຄົບຮອບ 105 ປີ (13 ທັນວາ 1920-13 ທັນວາ 2025).ກອງປະຊຸມດັ່ງກ່າວ ໄດ້ຈັດຂຶ້ນ ເມື່ອບໍ່ດົນມານີ້ ທີ່ໂຮງຮຽນນອກຫຼັກສູດແຂວງສາລະວັນ ໂດຍການເປັນປະທານ ຂອງທ່ານ ຈັນສະໝອນ ພົມມະແສງ ຫົວໜ້າຄະນະໂຄສະນາອົບຮົມແຂວງ.
ນັກຮຽນລາວແຂ່ງຂັນຄະນິດສາດສາກົນສິງກະໂປ ຍາດໄດ້ 15 ຫຼຽນ

ນັກຮຽນລາວແຂ່ງຂັນຄະນິດສາດສາກົນສິງກະໂປ ຍາດໄດ້ 15 ຫຼຽນ

ການແຂ່ງຂັນຄະນິດສາດສາກົນສິງກະໂປ (SIMOC) ແມ່ນການແຂ່ງຂັນຄະນິດສາດຈາກປະເທດສິງກະ ໂປ ທີ່ໄດ້ຮັບຄວາມນິຍົມໃນທົ່ວໂລກ ໂດຍສະເພາະໃນຂົງເຂດປະເທດອາຊຽນ. ການແຂ່ງຂັນ SIMOC ແມ່ນມີເອກະລັກສະເພາະຕົວ ຊຶ່ງປະສົມປະສານການແກ້ໂຈດຄະນິດສາດແບບດ່ຽວ ແລະ ການແຂ່ງຂັນແບບກຸ່ມຜ່ານຮູບແບບເກມທີ່ມີຊື່ວ່າ:“Math Warriors” ແລະ “Math Master Mind” ການແຂ່ງຂັນນີ້ບໍ່ພຽງແຕ່ທົດສອບທັກສະດ້ານຄະນິດສາດຂອງຜູ້ເຂົ້າຮ່ວມ ແຕ່ຍັງລວມເຖິງທັກສະໃນການເຮັດວຽກເປັນທີມ ແລະ ການສື່ສານ.
ຫາລືການນຳໃຊ້ສື່ການຮຽນການສອນຝຶກເວົ້າພາສາລາວ

ຫາລືການນຳໃຊ້ສື່ການຮຽນການສອນຝຶກເວົ້າພາສາລາວ

ກະຊວງສຶກສາທິການ ແລະ ກິລາ ແຫ່ງ ສປປ ລາວ ຮ່ວມກັບ ລັດຖະບານອົສະຕຣາລີ ແລະ ບັນດາຄູ່ຮ່ວມພັດທະນາ ໄດ້ຈັດກອງປະຊຸມປຶກສາຫາລືການນຳໃຊ້ສື່ການຮຽນການສອນ (ຝຶກເວົ້າພາສາລາວ)ຂຶ້ນໃນວັນທີ 16 ກໍລະກົດນີ້ ທີ່ໂຮມແຮມດອນຈັນພາເລດ ໂດນການເປັນປະທານຂອງ ທ່ານ ອຸທິດ ທິບມະນີຮອງຜູ້ອໍານວຍການສະຖາບັນຄົ້ນຄວ້າວິທະຍາສາດການສຶກສາ (ສວສ), ທ່ານ ນາງ ເຄດ ກູດຟຣຸດ;ວ່າການແທນເລຂານເອກສະຖານທູດອົດສະຕຣາລີ,ມີບັນດາຜູ້ຕາງໜ້າຈາກກະຊວງສຶກສາທິການ ແລະ ກີລາ, ພະແນກສຶກສາທິການ ແລະ ກິລາແຂວງ, ເມືອງ ແລະ ອົງການຈັດຕັ້ງສາກົນເຂົ້າຮ່ວມ.
ຖະແຫຼງຂ່າວແຂ່ງຂັນເຕະບານຊີງຂັນນະຄອນຫຼວງວຽງຈັນ ຄັ້ງທີ 1

ຖະແຫຼງຂ່າວແຂ່ງຂັນເຕະບານຊີງຂັນນະຄອນຫຼວງວຽງຈັນ ຄັ້ງທີ 1

ການແຂ່ງຂັນກິລາບານເຕະຊີງຂັນນະຄອນຫຼວງວຽງຈັນ ຄັ້ງທີ 1 ຫຼື ລາຍການ THE CAPITAL CUP 2025 ຈະເປີດຂຶ້ນໃນວັນທີ 19 ກໍລະກົດ ນີ້ ເພື່ອເປັນການເລືອກເຟັ້ນຫານັກກິລາຜູ້ທີ່ມີພອນສະຫວັນດີເດັ່ນ ກຽມຕາງໜ້ານະຄອນຫຼວງວຽງຈັນ ຮ່ວມງານກິລາແຫ່ງຊາດ ຄັ້ງທີ 12 ຈະຈັດຂຶ້ນ ລະຫວ່າງວັນທີ 15-25 ພະຈິກ 2025.
ດັບເບິນຢູໄອຈີ ນາຄາ ຄອງແຊັມການແຂ່ງຂັນ ເຕະບານເຍົາວະຊົນອາຍຸບໍ່ເກີນ 13 ປີ

ດັບເບິນຢູໄອຈີ ນາຄາ ຄອງແຊັມການແຂ່ງຂັນ ເຕະບານເຍົາວະຊົນອາຍຸບໍ່ເກີນ 13 ປີ

ໃນວັນທີ 10 ກໍລະກົດ ຜ່ານມານີ້, ທີມນັກກິລາ ຢູ 13 ດັບເບິນຢູໄອຈີ ນາຄາ (WIG NAGA) ຕົວແທນໜຶ່ງດຽວຈາກ ສປປ ລາວ ໄດ້ເດີນທາງກັບເຖິງນະຄອນຫຼວງວຽງຈັນ ຫຼັງສ້າງຜົນງານໄດ້ຢ່າງໂດດເດັ່ນ ສາມາດຄອງແຊັມການແຂ່ງຂັນ ເຕະບານເຍົາວະຊົນອາຍຸບໍ່ເກີນ 13 ປີ ຊຶ່ງເປັນລາຍການໃຫຍ່ລະດັບສາກົນ ຫຼື IBER Cup 2025 ທັງໄດ້ສ້າງຊື່ສຽງ ໃຫ້ກັບປະເທດຊາດໃນເວທີສາກົນ.
ສຶກສາ ນວ ສະເໜີໂຮມໂຮງຮຽນປະຖົມມາເປັນໂຮງຮຽນຂະໜາດກາງ ຫຼື ໃຫຍ່

ສຶກສາ ນວ ສະເໜີໂຮມໂຮງຮຽນປະຖົມມາເປັນໂຮງຮຽນຂະໜາດກາງ ຫຼື ໃຫຍ່

ທ່ານນາງ ລີປ່າເອ້ຍ ລີບົວປາວ ຮອງຫົວໜ້າພະແນກສຶກສາທິການ ແລະ ກິລາ ນະຄອນຫຼວງ ຂຶ້ນຕອບຄໍາຊັກຖາມ ແລະ ຄໍາຊີ້ແຈງ ຂອງສະມາຊິກສະພາແຫ່ງຊາດ ປະຈໍາເຂດເລືອກຕັ້ງທີ 1 ແລະ ສະມາຊິກສະພາປະຊາຊົນນະຄອນຫຼວງວຽງຈັນ (ສສຊ ແລະ ສສນວ) ໃນກອງປະຊຸມສະໄໝສາມັນເທື່ອທີ 9 ຂອງສະພາປະຊາຊົນນະຄອນຫຼວງວຽງຈັນ ຊຸດທີ II ທີ່ຕິດພັນກັບຂະແໜງສຶກສາ ແລະ ກິລາ ຄື: ສະເໜີກ່ຽວກັບມາດຕະການ ແລະ ວິທີແກ້ໄຂບັນຫາຄຸນນະພາບການສຶກສາຂອງໂຮງຮຽນລັດທີ່ຫຼຸດໂຮງຮຽນເອກະຊົນ ຕິດພັນກັບ (ຫຼັກສູດການສຶກສາ, ບຸກຄະລາກອນຄູ, ການມີສ່ວນຮ່ວມຂອງສະຖາບັນຄອບຄົວ)
ເພີ່ມເຕີມ