 |
ໂອກາດນີ້, ທ່ານ ບຸນມີ ຫຼ່ຽມໄຊຍະຈັກ ໄດ້ລາຍງານວ່າແຂ່ງຂັນເຕະບານເຍົາ ວະຊົນນາໆຊາດ ລາຍການ ດັ່ງກ່າວ ຈັດຂຶ້ນວັນທີ 17-23 ມິຖຸນາ ຢູ່ນະຄອນທາຍຫງຽນ ສສ ຫວຽດນາມ ໂດຍມີທີມຊັ້ນນໍາໃນອາຊຽນ ແລະ ຫຼາຍປະເທດ ເຂົ້າຮ່ວມຊີງໄຊ ໃນນີ້ U-10 ສະໂມສອນ ເບ ສະຫວັນ ເອັບຊີ ຖືກຈັດຢູ່ກຸ່ມ B ຮ່ວມ ກັບເຈົ້າພາບ ທີມໃນ ສສ ຫວຽດນາມ ແລະ ຫຼານນ້ອຍຂອງພວກເຮົາ ກໍເຮັດໃຫ້ບໍ່ຜິດຫວັງ ຍິງປະຕູຄູ່ແຂ່ງຂັນລວມ75 ປະຕູ ທັງເປັນສະຖິຕິໃໝ່ ບໍ່ເສຍຈັກປະຕູໃນລາຍການນີ້ ສໍາລັບເດືອນກໍລະກົດ ທີ່ຈະມາເຖິງນີ້ ພວກເຮົາຍັງຈະສົ່ງນັກກິລາ ເຂົ້າຮ່ວມແຂ່ງຂັນເຕະບານຊີງແຊັມນາໆ ຢູ່ແຂວງຊຽງໃໝ່ ປະເທດໄທ ຄາດວ່າຈະມີທີມຈາກ 15 ຊາດ ເຂົ້າຮ່ວມ ນອກນີ້ຍັງຈະສົ່ງນັກກິລາໄປຮ່ວມຊີງແຊັມ ຢູ່ນະຄອນຊຽງໄຮ້ ສປ ຈີນ ຕື່ມອີກ ຊຶ່ງພວກເຮົາຈະສຸມທຸກຄວາມພະຍາມ ເພື່ອຍາດເອົາໄຊຊະນະມາໃຫ້ຊາວ ນວ ກໍຄືປະເທດຊາດ. ໂອກາດນີ້ ທ່ານ ສີລິລາດທົງສິນ ທອງເພັງ ກໍໄດ້ສະແດງຄວາມຍິນດີຕ້ອນຮັບ ແລະ ຊົມເຊີຍຄະນະບໍລິຫານ, ຄູຝຶກ ແລະ ນັກກິລາ ສະໂມສອນ ເບ ສະຫວັນ ເອັບຊີ ທີ່ສາມາດຍາດໄດ້ຜົນງານອັນໂດດເດັ່ນ ແລະ ຄວ້າແຊັມລາຍການນາໆຊາດ ມາຝາກມາຕ້ອນຊາວ ນວ ກໍຄືຊາວລາວ ໄດ້ພາກພູມໃຈ ຊຶ່ງສະໂມສອນດັ່ງກ່າວ ຄະນະພັກ-ອົງການປົກຄອງ ນວ ໄດ້ຮັບຮູ້ ຕິດຕາມ ແລະ ອໍານວຍຄວາມສະດວກໃນການເຄື່ອນໄຫວມາໂດຍຕະຫຼອດ ແລະ ຢືນຢັນຈະສືບຕໍ່ໃຫ້ການສະໜັບສະໜູນ ແລະ ອໍານວຍຄວາມສະດວກຢ່າງສຸດຄວາມສາມາດ ເພື່ອໃຫ້ສະໂມສອນ ເບ ສະຫວັນ ເອັບຊີ ຍາດເອົາຜົນງານໃໝ່ ຍິ່ງໃຫຍ່ກວ່າເກົ່າ ມາຝາກຕ້ອນຊາວ ນວ ກໍຄື ສປປ ລາວ ໃນອະນາຄົດ.
ສຳລັບຜົນງານໃນຮອບແບ່ງກຸ່ມ ນັດທີ 1: U- 10 ເບ ສະຫວັນ ເອັບຊີ ຊະນະ TháiNguyên kids 18-0 ປະຕູ ນັດທີ 2 ຊະນະ CLB bong da bac Kan 5-0 ປະຕູ ນັດທີ 3 ຊະນະ Mongcai kids 20-0 ປະຕູ ນັດທີ 4 ຊະນະ kids CT 14-0 ປະຕູ ສົ່ງຜົນໃຫ້ U-10 ເບ ສະຫວັນ ຕົວແທນຈາກ ສປປ ລາວ ຜ່ານເຂົ້າຮອບ 4 ທີມ ໃນຖານະແຊັມກຸ່ມ B ໃນຮອບ 4 ທີມສຸດທ້າຍ ຊະນະ MÓNG CÁI KIDS (ທີມ A) 5-0 ປະຕູ ແລະ ຮອບຊີງຊະນະເລີດ ຊະນະສະໂມສອນຈາກເຈົ້າພາບຫວຽດນາມ 13-0 ປະຕູ ໄດ້ແຊັມລາຍການດັ່ງກ່າວ ສ້າງສະຖິຕິໃໝ່ໃນການອອກນອກປະເທດ ຍິງປະຕູຄູ່ແຂ່ງຂັນເຖິງ 75 ປະຕູ ບໍ່ເສຍຈັກປະຕູ ໂດຍຍິງໄດ້ 75 ປະຕູ ບໍ່ເສຍຈັກປະຕູ.
ຂ່າວ-ພາບ: ສົງການ ພັນແພງດີ
ຄໍາເຫັນ