,ມີບັນດາພະນັກງານ, ຄູ-ອາຈານ, ນັກຮຽນເຂົ້າຮ່ວມ.
ທ່ານ ສົມພອນ ສອນດາລາ ຫົວໜ້າພະແນກສຶກສາທິການ ແລະ ກິລານວໄດ້ລາຍງານໃຫ້ຮູ້ວ່າ: ຜົນສໍາເລັດວຽກງານສຶກສາແລະກິລາໄດ້ສຳເລັດການບຳລຸງຊັ້ນປະຖົມໃຫ້ແກ່ປະຊາຊົນພາຍໃນ ນວ ຈຳນວນ 48ບ້ານ, ມີຜູ້ສໍາເລັດທັງໝົດ 651 ຄົນ,ສໍາເລັດການບຳລຸງຊັ້ນມັດທະຍົມຕອນຕົ້ນໃຫ້ແກ່ປະຊາຊົນໄດ້ຈຳນວນ 72 ຈຸດຮຽນ,ມີຜູ້ສໍາເລັດ1.462 ຄົນ,ສໍາເລັດການບຳລຸງຊັ້ນມັດທະຍົມຕອນປາຍບຳລຸງມ7ໃຫ້ແກ່ປະຊາຊົນກຸ່ມຜູ້ສົນໃຈຜູ້ທີ່ດ້ອຍໂອກາດຈຳນວນ 4 ຈຸດຮຽນມີທັງໝົດ207 ຄົນ, ໄດ້ຈັດຝຶກອົົບຮົມວິຊາຊີບໃຫ້ແກ່ປະຊາຊົນໃນນວ ເຊັ່ນ: ວິຊາຕັດຫຍິບ, ປຸງແຕ່ງອາຫານ, ເສີມສວຍ, ການບຳລຸງພາສາອັງກິດ, ການເຮັດເຂົ້າໜົມຊະນິດຕ່າງໆໄດ້ທັງໝົດ 310 ຄົນ,ໃນນວມີສູນຝຶກອົບຮົມພາກເອກະຊົນຮູບແບບການສຶກສານອກໂຮງຮຽນຈຳນວນ 108 ແຫ່ງເຊັ່ນ: ການຝຶກອົບຮົມພາສາຕ່າງປະເທດ, ການຝຶກອົບຮົມທັກສະການເວົ້າແລະການໂຄສະນາສື່ສານ, ການຝຶກອົບຮົມການເສີມສວຍ, ປຸງແຕ່ງແລະອື່ນໆ;ສໍາລັບການສຶກສາຊັ້ນສູງນັກຮຽນຈົບມ7 ໄດ້ຮຽນຕໍ່ພາຍໃນປະເທດຈໍານວນ 8.764 ຄົນແລະມີນັກຮຽນຈົບມ7 ແລະພະນັກງານໄປສຶກສາຕໍ່ທີ່ສສຫວຽດນາມຈໍານວນ 47 ຄົນ, ຮຽນຢູ່ນະຄອນຫຼວງຮ່າໂນ້ຍ 20 ຄົນ, ຮຽນຢູ່ນະຄອນໂຮ່ຈິມິນ 17 ຄົນ,ໃນນີ້ຊັ້ນປະລິນຍາໂທ 7 ຄົນ; ແຂວງແທງຮົວຈໍານວນ 10 ຄົນ. ນອກນັ້ນ, ຍັງໄດ້ຈັດການຮຽນ-ການສອນສາມັນວິຊາຊີບໄດ້ທັງໝົດ 164 ຄົນ;ໄດ້ຍາດແຍ່ງການຊ່ວຍເຫຼືອຮ່ວມມືກັບບັນດາອົງການຈັດຕັ້ງສາກົນທີ່ບໍ່ສັງກັດລັດຖະບານໃນການສະໜັບສະໜູນດ້ານອຸປະກອນການຮຽນ-ການສອນ, ກໍ່ສ້າງພື້ນຖານໂຄງລ່າງ, ປັບປຸງສະພາບແວດລ້ອມການຝຶກອົບຮົມ,ໃຫ້ທຶນການສຶກສາ, ການຊ່ວຍເຫຼືອອຸປະກອນ ແລະ ປັບປຸງຫ້ອງກວດການໄດ້ຍິນຂອງໂຮງຮຽນຄົນພິການ, ຈາກນະຄອນຫຼວງ, ກະຊວງສຶກສາ ແລະ ຄູ່ຮ່ວມພັດທະນາເຊັ່ນ: Asia Exchange Foundation,ADRF, GOOD HANDS, BEQUAL, SCG, DICໄດ້ຮັບທຶນຊ່ວຍເຫຼືອຝຶກອົບຮົມໃຫ້ແກ່ຊາວໜຸ່ມຜູ້ດ້ອຍໂອກາດເປັນຕົ້ນການເບິ່ງແຍງຜູ້ສູງອາຍຸ, ການໂຮງແຮມ ແລະ ການກໍ່ສ້າງຫໍພັກສຳລັບນັກຝຶກອົບຮົມຈາກອົງການ IV-JAN ແລະ ອື່ນໆ, ສໍາເລັດການຈັດງານແຂ່ງຂັນງານກິລາປະຈໍາປີຄັ້ງທີ 2 ທີ່ເມືອງສີໂຄດຕະບອງເປັນເຈົ້າພາບ ແລະ ການແຂ່ງຂັນສິລະປະນັກຮຽນທົ່ວນວ ທີ່ສູນການຄ້າລາວ-ໄອເຕັກ, ສາມາດເຫັນໄດ້ບັນດານັກຮຽນຜູ້ທີ່ມີພອນສະຫວັນເພື່ອຄັດເລືອກ ແລະ ກະກຽມເຂົ້າຮ່ວມແຂ່ງຂັນກິລານັກຮຽນທົ່ວປະເທດທີ່ແຂວງສາລະວັນໃນທ້າຍປີນີ້.
ໂອກາດນີ້, ທ່ານພູວົງ ວົງຄໍາຊາວໄດ້ໃຫ້ກຽດໂອ້ລົມເນັ້ນໜັກຕໍ່ຜູ້ບໍລິຫານການສຶກສາທຸກຂັ້ນ, ຕໍ່ຄູ-ອາຈານ, ນັກຮຽນ ແລະ ອຳນາດການປົກຄອງ ກໍຄືຜູ້ປົກຄອງໃຫ້ເອົາໃຈໃສ່ເພີ່ມທະວີບົດບາດຂອງຕົນສຶກສາອົບຮົມການເມືອງແນວຄິດໃຫ້ມີຄວາມທຸ່ນທ່ຽງສາມັກຄີຮັກແພງຊ່ວຍເຫຼືອຊຶ່ງກັນ ແລະ ກັນ, ມີຄວາມກະຕືລືລົ້ນຫ້າວຫັນໃນການປະຕິບັດໜ້າທີ່ວຽກງານຂອງຕົນຢ່າງມີຜົນສຳເລັດ, ວາງແຜນປັບປຸງແກ້ໄຂສິ່ງທີ່ຄົງຄ້າງໃຫ້ສອດຄ່ອງ ແລະ ແທດເໝາະກັບສະພາບຕົວຈິງໃນແຕ່ລະໄລຍະສ້າງເງື່ອນໄຂ ແລະ ໂອກາດໃຫ້ໂຮງຮຽນໄດ້ຮັບການພັດທະນາ ແລະ ຂະຫຍາຍຕົວຂຶ້ນເລື້ອຍໆ, ການກະກຽມພື້ນຖານໂຄງລ່າງໃຫ້ມີຄວາມພ້ອມໂດຍພື້ນຖານ ເພື່ອດຶງດູດຄວາມສົນໃຈຂອງລູກຫຼານ ແລະຜູ້ປົກຄອງໃຫ້ນໍາລູກຫຼານມາຮຽນໃຫ້ຫຼາຍຂຶ້ນ;ມີການສະຫຼຸບ, ວາງແຜນ,ຈັດສຳມະນາແລະຝຶກອົບຮົມຄູ, ເຜີຍແຜ່ບັນດານິຕິກຳທີ່ກ່ຽວພັນກັບການພັດທະນາໂຮງຮຽນຮອບດ້ານແລະ ຖອດຖອນບົດຮຽນດ້ານວິຊາການເພື່ອປັບປຸງຄຸນນະພາບການຮຽນ-ການສອນຂອງຄູ, ສົມທົບກັບຄະນະພັດທະນາການສຶກສາຂັ້ນບ້ານ,ເລຂາພັກກຸ່ມບ້ານ, ຊຸມຊົນ, ຜູ້ປົກຄອງໃຫ້ສົ່ງລູກຫຼານກັບຄືນເຂົ້າຮຽນຈົນຈົບການສຶກສາຂັ້ນພື້ນຖານ ໃຫ້ຖືວ່າການສຶກສາແມ່ນໜ້າທີ່ຂອງປວງຊົນ ເພື່ອແນໃສ່ເຮັດໃຫ້ການສຶກສາໄດ້ຮັບການພັດທະນາທາງດ້ານປະລິມານ ແລະ ຄຸນນະພາບໃຫ້ດີຂຶ້ນກວ່າເກົ່າ ໃຫ້ສົມກັບວ່າ ພັກ ແລະ ລັດຖະບານໄດ້ຖືເອົາການພັດທະນາການສຶກສາເປັນໃຈກາງໃນການພັດທະນາຊັບພະຍາກອນມະນຸດ ເປັນຂໍກຸນແຈສຳຄັນໃນການພັດທະນາເສດຖະກິດ-ສັງຄົມແຫ່ງຊາດ.
(ຂ່າວ-ພາບ: ບຸນອູ້ມ)
ຄໍາເຫັນ