ຍົກລະດັບຄຸນນະພາບຄູ ເສີມສ້າງການສຶກສາລາວ

ໃນກອງປະຊຸມ ບັນດາຜູ້ເຂົ້າຮ່ວມໄດ້ຮັບຟັງການນຳສະເໜີພາບລວມ ກ່ຽວກັບການຈັດຕັ້ງວຽກງານສຶກສານິເທດພາຍໃນ ໂດຍເນັ້ນໃສ່ຈຸດປະສົງ, ຜົນໄດ້ຮັບຂອງໂມດູນ 1 ແລະ ການສະໜັບສະໜູນການພັດທະນາວິຊາຊີບຄູແບບຕໍ່ເນື່ອງຂັ້ນໂຮງຮຽນ. ນອກນັ້ນ, ຍັງມີການແລກປ່ຽນບົດຮຽນ, ປະສົບການ ແລະ ຄົ້ນຄວ້າແນວທາງ ໃໝ່ໆ ເພື່ອພັດທະນາວຽກງານການສຶກສາໃຫ້ມີປະສິດທິຜົນຍິ່ງຂຶ້ນ. ພ້ອມນັ້ນ, ສຳມະນາກອນຍັງໄດ້ຮຽນຮູ້ເຖິງ

ຮູບແບບ ແລະ ຂະບວນການສຶກສານິເທດ, ພາລະບົດບາດ ແລະ ໜ້າທີ່ຂອງຜູ້ເຮັດວຽກສຶກສານິເທດພາຍໃນ,

ຂັ້ນຕອນການໃຫ້ການຊ່ວຍເຫຼືອດ້ານວິຊາການ, ການນຳໃຊ້ແບບຟອມພາຍໃຕ້ໂຄງການ FLIP.

ການອົບຮົມຄັ້ງນີ້, ມີເປົ້າໝາຍສຳຄັນເພື່ອສ້າງຄວາມເຂັ້ມແຂງໃຫ້ບຸກຄະລາກອນດ້ານສຶກສານິເທດໃຫ້ເຂົ້າໃຈລະບົບການສະໜັບສະໜູນການພັດທະນາຄູແບບຕໍ່ເນື່ອງ ຕາມຂໍ້ຕົກລົງເລກທີ 3342, ລົງວັນທີ 19 ກໍລະກົດ 2022 ເພື່ອນຳໄປປັບໃຊ້ໃນວຽກງານຕົວຈິງ ແລະ ຍົກລະດັບຄຸນນະພາບການສຶກສາໃນທ້ອງຖິ່ນ. ຂ່າວ: ວຽງຈັນໃໝ່