 |
ກອງປະຊຸມພົບປະຄັ້ງນີ້ພາຍໃຕ້ຫົວຂໍ້ວ່າ “ເພີ່ມທະວີການຮ່ວມມືໃນເຂດໂລກໃຕ້, ຊຸກຍູ້ການບໍລິຫານທີ່ກວມລວມ ແລະ ຍືນຍົງກວ່າເກົ່າ”, ໃນສະເພາະໜ້ານີ້ທີ່ສະພາບເສດຖະກິດໂລກມີການປ່ຽນແປງຢ່າງເລິກເຊິ່ງ, ລະບຽບການສາກົນລໍຖ້າການປັບປຸງຢ່າງຮີບດ່ວນນັ້ນ, ຈິດໃຈການຮ່ວມມື “ບຣິກສໃຫຍ່” ປາະກົດມີຄຸນຄ່າຍິ່ງຂຶ້ນ, ກາຍເປັນຄວາມຮຽກຮ້ອງຕ້ອງການອັນຮີບດ່ວນຕໍ່ການພັດທະນາຂອງໂລກ, ຍ້ອນວ່າ:
ໜຶ່ງ, “ບຣິກສໃຫຍ່” ແມ່ນ “ຫົວຈັກສຳຄັນຂອງເຂດໂລກໃຕ້” ທີ່ຂັບເຄື່ອນການເຕີບໂຕຂອງເສດຖະກິດໂລກ. ໃນຖານະເປັນຕົວແທນທີ່ເປັນແກນກາງຂອງກຸ່ມເສດຖະກິດຈະເລີນໃໝ່, ຍອດມູນຄ່າເສດຖະກິດຂອງປະເທດສະມາຊິກບຣິກສ ກວມເອົາປະມານ 30% ຂອງທົ່ວໂລກ, ຂະໜາດການຄ້າກວມເອົາປະມານ 1 ສ່ວນ 5 ຂອງໂລກ. ປີ 2024, ຈັງຫວະການເຕີບໂຕໂດຍລວມຂອງ GDP ມີເຖິງ 4% ຊຶ່ງສູງກວ່າລະດັບສະເລ່ຍຂອງໂລກຢ່າງຊັດເຈນ. ການເຕີບໂຕທີ່ແຂງແຮງແບບນີ້ບໍ່ພຽງແຕ່ໄດ້ເພີ່ມແຮງຂັບເຄື່ອນເຂົ້າໃນການພັດທະນາຂອງປະເທດສະມາຊິກເທົ່ານັ້ນ, ຍັງໄດ້ກາຍເປັນສິ່ງຄ້ຳປະກັນທີ່ສຳຄັນສຳລັບການຟື້ນຟູເສດຖະກິດຂອງໂລກ. ໂດຍຜ່ານການລົງເລິກການປະສານງານດ້ານເສດຖະກິດ, ປະເທດສະມາຊິກບຣິກສ ໄດ້ເສີມຂະຫຍາຍບົດບາດນຳໜ້າຫຼາຍກວ່າເກົ່າໃນຂົງເຂດການຄ້າ ການລົງທຶນ ແລະ ການທະນາຄານຂອງທົ່ວໂລກ, ຊຸກຍູ້ໃຫ້ເສດຖະກິດໄດ້ຮັບການພັດທະນາໄປສູ່ທິດທາງທີ່ດຸ່ນດ່ຽງ ແລະ ກວມລວມກວ່າເກົ່າ.
ສອງ, “ບຣິກສໃຫຍ່” ເປັນກຳລັງທີ່ເປັນຂໍກຸນແຈເລັ່ງລັດການປະຕິຮູບການບໍລິຫານໂລກ. ປັດຈຸບັນນີ້, ລະບົບການບໍລິຫານສາກົນພວມຜະເຊີນໜ້າກັບສິ່ງທ້າທາຍຫຼາຍຢ່າງ, ລະບຽບເກົ່າທີ່ນຳພາໂດຍປະເທດທີ່ພັດທະນາແລ້ວແມ່ນບໍ່ສອດຄ່ອງກັບສະພາບການສາກົນອັນໃໝ່. ທັດສະນະ “ເປີດກວ້າງ, ກວມລວມ, ຮ່ວມມື ແລະ ຕ່າງຝ່າຍຕ່າງໄດ້ຮັບຜົນປະໂຫຍດ” ທີ່ສົ່ງເສີມໂດຍບຣິກສໄດ້ສະໜອງແນວຄວາມຄິດອັນໃໝ່ໃຫ້ແກ່ການບໍລິຫານໂລກ. ປະເທດສະມາຊິກບຣິກສໄດ້ຜ່ານກົນໄກຕ່າງໆ ເຊັ່ນ: ທະນາຄານພັດທະນາໃໝ່ ແລະ ອື່ນໆ, ຊຸກຍູ້ການຮ່ວມມືໃນຂົງເຂດຕ່າງໆ ຕົວຢ່າງ: ການກໍ່ສ້າງພື້ນຖານໂຄງລ່າງ, ການພັດທະນາແບບຍືນຍົງ ແລະ ອື່ນໆ ຊຶ່ງໄດ້ປະກອບສ່ວນ “ສະຕິປັນຍາຂອງເຂດໂລກໃຕ້” ໃຫ້ແກ່ການບໍລິຫານໂລກ. ນອກນີ້, ບຣິກສ ຍັງຕັ້ງໜ້າຊຸກຍູ້ການປະຕິຮູບຂອງອົງການກອງທຶນເງິນຕາສາກົນ ແລະ ອົງການການທະນາຄານສາກົນອື່ນໆ, ຍົກສູງສິດໃນການປະກອບຄຳເຫັນຂອງກຸ່ມເສດຖະກິດຈະເລີນໃໝ່ ແລະ ປະເທດກຳລັງພັດທະນາໃນວຽກງານສາກົນ.
ສາມ, “ບຣິກສໃຫຍ່” ເປັນເສົາຄ້ຳສຳຄັນໃນການຮັກສາສະຖຽນລະພາບຂອງເຂດໂລກໃຕ້. ໃນສະພາບເສດຖະກິດໂລກທີ່ສັບສົນ, ປະເທດໃນເຂດໂລກໃຕ້ໄດ້ຜະເຊີນໜ້າກັບສິ່ງທ້າທາຍຮ່ວມ ເຊັ່ນ: ການປັບປຸງໂຄງປະກອບເສດຖະກິດ, ການຮັບມືກັບການປ່ຽນແປງຂອງດິນຟ້າອາກາດ ແລະ ອື່ນໆ. ໃນຖານະເປັນ “ກ້ອນກຳລັງທີ 1 ໃນເຂດໂລກໃຕ້”, ປະເທດສະມາຊິກບຣິກສ ໄດ້ຜ່ານການເພີ່ມທະວີການປະສານງານພາຍໃນ, ເຕົ້າໂຮມກຳລັງແຮງຂອງປະເທດໃນເຂດໂລກໃຕ້ຢ່າງມີປະສິດທິຜົນ, ປາກົດຕົວເປັນຫຼັກໝັ້ນ ແລະ ຫາງສຽງທີ່ເປັນເອກະພາບກັນ. “ກອງທຶນຖາວອນຂອງປ່າໄມ້ເຂດຮ້ອນ” ແລະ ຫົວຂໍ້ອື່ນໆທີ່ກອງປະຊຸມພົບປະສຸມໃສ່ໃນຄັ້ງນີ້, ໄດ້ສະທ້ອນໃຫ້ເຫັນເຖິງປະເທດສະມາຊິກບຣິກສເປັນເຈົ້າການແບກຫາບຄວາມຮັບຜິດຊອບໃນຫົວຂໍ້ລັກສະນະທົ່ວໂລກ. ໂດຍຜ່ານການຮ່ວມມື “ບຣິກສໃຫຍ່”, ປະເທດໃນເຂດໂລກໃຕ້ໄດ້ຄອງຖານະສຳຄັນກວ່າເກົ່າໃນການບໍລິຫານໂລກ, ແລະ ສາມາດປົກປ້ອງຜົນປະໂຫຍດ ກໍຄື ພື້ນທີ່ການພັດທະນາຂອງຕົນໄດ້ດີກວ່າເກົ່າ.
ສີ່, “ບຣິກສໃຫຍ່” ເປັນຜູ້ຊຸກຍູ້ທີ່ສຳຄັນສຳລັບການພັດທະນາແບບຍືນຍົງຂອງໂລກ. ກອງປະຊຸມພົບປະຄັ້ງນີ້ໄດ້ເນັ້ນໜັກເຖິງ “ການບໍລິຫານແບບຍືນຍົງ” ສະທ້ອນໃຫ້ເຫັນເຖິງປະເທດສະມາຊິກບຣິກສໃຫ້ຄວາມສຳຄັນເປັນຢ່າງສູງຕໍ່ການພັດທະນາແບບຍືນຍົງຂອງໂລກ. ບຣິກສໄດ້ດຳເນີນການຮ່ວມມືຢ່າງກວ້າງຂວາງໃນຂົງເຂດຕ່າງໆ ເຊັ່ນ: ບຸກເບີກການພັດທະນາພະລັງງານສະອາດ, ອະນຸລັກສິ່ງແວດລ້ອມ, ການຊຸກຍູ້ຄວາມຍຸຕິທຳໃນສັງຄົມ ແລະ ອື່ນໆ, ຜ່ານການປະດິດສ້າງໃໝ່ດ້ານເຕັກໂນໂລຊີ ແລະ ການປະສານງານດ້ານນະໂຍບາຍ, ຊຸກຍູ້ໃຫ້ເປົ້າໝາຍການພັດທະນາແບບຍືນຍົງຂອງໂລກໄດ້ຮັບການຈັດຕັ້ງປະຕິບັດ. ພຶດຕິກຳຄືແນວນີ້ບໍ່ພຽງແຕ່ໄດ້ສະໜອງແຜນການແກ້ໄຂບັນຫາທີ່ມີລັກສະນະທົ່ວໂລກເທົ່ານັ້ນ, ຍັງໄດ້ສະໜອງບົດຮຽນທີ່ໜ້າຖອດຖອນໃຫ້ແກ່ບັນດາປະເທດກຳລັງພັດທະນາ.
ປັດຈຸບັນນີ້, ສະພາບດ້ານເສດຖະກິດ ແລະ ການເມືອງທົ່ວໂລກມີການປ່ຽນແປງຢ່າງເລິກເຊິ່ງ, ຈິດໃຈການຮ່ວມມື “ບຣິກສໃຫຍ່” ເປັນທາງເລືອກຮ່ວມຂອງກຸ່ມເສດຖະກິດທີ່ຈະເລີນໃໝ່, ທັງເປັນຄວາມຮຽກຮ້ອງທີ່ຕ້ອງເປັນໄປໃນການພັດທະນາຂອງທົ່ວໂລກ. ການລົງເລິກການຮ່ວມມື “ບຣິກສໃຫຍ່” ຢ່າງຕໍ່ເນື່ອງ, ຈະຊຸກຍູ້ໃຫ້ສ້າງລະບົບການບໍລິຫານໂລກທີ່ມີຄວາມຍຸຕິທຳ ກວມລວມ ແລະ ຍືນຍົງກວ່າເກົ່າເພື່ອສ້າງພື້ນຖານທີ່ໜັກແໜ້ນສຳລັບການພັດທະນາຂອງສັງຄົມມະນຸດໃນອະນາຄົດ.
(ໂດຍ: ຊີອາໄອ)
ຄໍາເຫັນ