ອົງການກວດສອບແຫ່ງລັດມອບໃບຢັ້ງຢືນໜ່ວຍພັກປອດໃສເຂັ້ມແຂງ ແລະ ໜັກແໜ້ນ ພ້ອມມອບບັດໃຫ້ສະມາຊິກພັກສົມບູນ 

ອົງການກວດສອບແຫ່ງລັດມອບໃບຢັ້ງຢືນໜ່ວຍພັກປອດໃສເຂັ້ມແຂງ ແລະ ໜັກແໜ້ນ ພ້ອມມອບບັດໃຫ້ສະມາຊິກພັກສົມບູນ 
ພິທີມອບ-ຮັບໃບຢັ້ງຢືນໜ່ວຍພັກປອດໃສ, ເຂັ້ມແຂງ ແລະ ໜັກແໜ້ນ ປະຈໍາປີ 2023 ແລະ ມອບ ບັດສະມາຊິກພັກ ໃຫ້ສະມາຊິກພັກສົມບູນ ອົງການກວດສອບແຫ່ງລັດ ຊຸດທີ IX ຊຶ່ງຈັດຂຶ້ນໃນຕອນເຊົ້າ ຂອງວັນ ທີ 14ພຶດສະພາ ນີ້ທີ່ອົງການກວດສອບແຫ່ງລັດ ໂດຍການເປັນປະທານຂອງ ສະຫາຍ ເຄນ ລໍວັນໄຊ ຮອງເລຂາຄະນະພັກ ອົງການກວດສອບແຫ່ງລັດ, ພ້ອມດ້ວຍ ຄະນະບໍລິຫານງານພັກ, ຄະນະໜ່ວຍພັກ ຕະຫຼອດຮອດສະມາຊິກພັກສົມບູນ-ສໍາຮອງເຂົ້າຮ່ວມ.
ໂດຍປະຕິບັດຕາມຄໍາສັ່ງ ຂອງກົມການເມືອງສູນກາງພັກ ສະບັບເລກທີ 01/ກມສພ, ລົງວັນທີ 3 ມັງກອນ 2018 ວ່າດ້ວຍການເພີ່ມທະວີກໍ່ສ້າງໜ່ວຍພັກປອດໃສ, ເຂັ້ມແຂງ ແລະ ໜັກແໜ້ນ,ເພື່ອເສີມຂະຫຍາຍມູນເຊື້ອອັນດີງາມ, ຜົນງານທີ່ໂດດເດັ່ນ, ດ້ານດີທີ່ຍາດມາໄດ້, ຜ່ານການແກ້ໄຂຈຸດອ່ອນຂໍ້ຄົງຄ້າງ ແລະ ສິ່ງທີ່ທ້າ ທາຍທົດສອບ ທີ່ເປັນອັນຕະລາຍຕໍ່ພັກເຮົາ, ເຊີດຊູບົດບາດການນໍາພາຂອງພັກເຮົາ ມີຄວາມຈໍາເປັນຕ້ອງໄດ້ກໍ່ສ້າງ ໜ່ວຍພັກ, ຄະນະໜ່ວຍພັກ ແລະ ສະມາຊິກພັກ ໃຫ້ມີຄວາມສາມາດນໍາພາການຈັດຕັ້ງປະຕິບັດໜ້າທີ່ການເມືອງ ຂອງພັກ ແລະ ແຜນພັດທະນາເສດຖະກິດສັງຄົມຂອງລັດວາງອອກໃຫ້ປະກົດຜົນເປັນຈິງ.
ຄະນະພັກອົງການກວດສອບແຫ່ງລັດ ປະກອບມີ 10 ໜ່ວຍພັກ ທີ່ຂຶ້ນກັບ ມີສະມາຊິກພັກທັງໝົດ 167 ສະຫາຍ, ຜ່ານການປະເມີນປະຈໍາປີ 2023 ເຫັນວ່າມີ 7 ໜ່ວຍພັກ ສາມາດຍາດໄດ້ການກໍ່ສ້າງໜ່ວຍພັກປອດໃສ, ເຂັ້ມແຂງ ແລະ ໜັກແໜ້ນ ປະກອບມີ:1. ໜ່ວຍພັກຫ້ອງການ,2. ໜ່ວຍພັກຈັດຕັ້ງ ແລະ ພະນັກງານ, 3. ໜ່ວຍພັກປະເມີນຜົນການກວດສອບ, 4. ໜ່ວຍພັກກວດສອບວິສາຫະກິດ, 5. ໜ່ວຍພັກກວດສອບອົງການຈັດຕັ້ງລັດ, 6. ໜ່ວຍພັກສະຖາບັນຄົ້ນຄວ້າ ແລະ ຝຶກອົບຮົມວຽກງານກວດສອບ, 7. ໜ່ວຍພັກກວດກາ.
ພ້ອມກັນນັ້ນ ຍັງມີພິທີມອບ-ຮັບບັດສະມາຊິກພັກໃຫ້ບັນດາສະມາຊິກພັກສົມບູນ ທີ່ຄົບມາດຖານເງື່ອນໄຂ ຈໍານວນທັງໝົດ 15 ສະຫາຍຍິງ 6 ສະຫາຍ,ທັງນີ້ກໍເພື່ອເປັນການຢັ້ງຢືນເຖິງຜົນງານ ແລະ ຄຸນງາມຄວາມດີ ຂອງບັນດາ ສະຫາຍພະນັກງານ-ສະມາຊິກພັກ ທີ່ມີຜົນງານທີ່ດີເດັ່ນໃນການປະຕິບັດໜ້າທີ່ການເມືອງຂອງຕົນ, ກົມກອງ-ໜ່ວຍພັກ, ທັງເປັນການປັບປຸງຄຸນນະພາບຂອງສະມາຊິກພັກ ແນໃສ່ຍົກສູງບົດບາດການນໍາພາຂອງພັກ ແລະສະຖານະພາບດ້ານຄຸນທາດການເມືອງ.
ໃນຕອນທ້າຍ, ຍັງໄດຮັບຟັງການໂອ້ລົມ ຂອງສະຫາຍ ເຄນ ລໍວັນໄຊໂດຍມີຄໍາເຫັນຊີ້ທິດເຍຶອງທາງຕໍ່ກັບ ສະມາຊິກພັກ ກໍຄື ຄະນະໜ່ວຍພັກ ໃຫ້ເອົາໃຈໃສ່ເສີມຂະຫຍາຍ ມູນເຊື້ອອັນດີງາມ, ຄຸນງາມຄວາມດີທີ່ຍາດມາໄດ້, ພ້ອມທັງສືບຕໍ່ສຶກສາອົບຮົມການເມືອງແນວຄິດ, ຄຸນສົມບັດ ສິນທໍາປະຕິວັດຂອງຖັນແຖວພະນັກງານ-ສະມາຊິກພັກ ໃຫ້ມີຄວາມຕໍ່ເນື່ອງ ແລະ ເປັນປະຈໍາ, ກໍ່ສ້າງ, ພັດທະນາ ສະມາຊິກພັກ ແລະ ໜ່ວຍພັກຂອງຕົນ ໃຫ້ມີຄວາມເຂັ້ມແຂງ ພ້ອມກັນຈັດຕັ້ງປະຕິບັດວຽກງານ ແລະ ປະຕິບັດ ແນວທາງປ່ຽນແປງໃໝ່ຂອງພັກໃຫ້ຖືກທິດ.
 ຂ່າວ:ອົງການກວດສອບແຫ່ງລັດ,ພາບ:ພູວຽງຄໍາ

ຄໍາເຫັນ

ຂ່າວການເມືອງ

ຄະນະປະຈໍາສະພາແຫ່ງຊາດ ເນັ້ນບາງດ້ານທີ່ຕ້ອງເອົາໃຈໃສ່ໃນການໂຄສະນາເຜີຍແຜ່ກົດໝາຍ

ຄະນະປະຈໍາສະພາແຫ່ງຊາດ ເນັ້ນບາງດ້ານທີ່ຕ້ອງເອົາໃຈໃສ່ໃນການໂຄສະນາເຜີຍແຜ່ກົດໝາຍ

ທ່ານ ຄໍາແພງ ວິລະພັນ ປະທານກຳມາທິການກົດໝາຍ ຂອງສະພາແຫ່ງຊາດ ໄດ້ຕາງໜ້າຄະນະປະຈໍາສະພາແຫ່ງຊາດ ກ່າວບົດປະກອບຄໍາເຫັນຕໍ່ບົດລາຍງານຂອງລັດຖະບານ ກ່ຽວກັບວຽກງານການໂຄສະນາ ເຜີຍແຜ່ກົດໝາຍ ຕໍ່ກອງປະຊຸມສະໄໝສາມັນ ເທື່ອທີ 9 ຂອງສະພາແຫ່ງຊາດ ຊຸດທີ IX ໃນຕອນແລງວັນທີ 13 ມິຖຸນານີ້ ທີ່ຫໍສະພາແຫ່ງຊາດ ພາຍໃຕ້ການເປັນປະທານຂອງ ທ່ານ ຄໍາໃບ ດຳລັດ ຮອງປະທານສະພາແຫ່ງຊາດ.
ກະຊວງຍຸຕິທໍາ ໂຄສະນາເຜີຍແຜ່ກົດໝາຍມີຜົນສໍາເລັດຫຼາຍດ້ານ

ກະຊວງຍຸຕິທໍາ ໂຄສະນາເຜີຍແຜ່ກົດໝາຍມີຜົນສໍາເລັດຫຼາຍດ້ານ

ກະຊວງຍຸຕິທໍາໄດ້ໂຄສະນາເຜີຍແຜ່ກົດໝາຍມີຜົນສໍາເລັດຫຼາຍດ້ານ. ທ່ານ ໄພວີ ສີບົວລິພາ ລັດຖະ ມົນຕີກະຊວງຍຸຕິທໍາໄດ້ລາຍງານກ່ຽວກັບຜົນການສະຫຼຸບຕີລາຄາການໂຄສະນາເຜີຍແຜ່ກົດໝາຍທົ່ວປະເທດ ຕໍ່ກອງປະຊຸມສະໄໝສາມັນເທື່ອທີ 9 ຂອງສະພາແຫ່ງຊາດ ຊຸດທີ IX ໃນວັນທີ 13 ມິຖຸນານີ້ ພາຍໃຕ້ການເປັນປະທານຂອງທ່ານ ຄໍາໃບ ດໍາລັດ ຮອງປະທານສະພາແຫ່ງຊາດ.
ແຕ່ງຕັ້ງ ຫົວໜ້າກອງບັນຊາການ ປກສ ແຂວງຄໍາມ່ວນຜູ້ໃໝ່

ແຕ່ງຕັ້ງ ຫົວໜ້າກອງບັນຊາການ ປກສ ແຂວງຄໍາມ່ວນຜູ້ໃໝ່

ວັນທີ 13 ມີຖຸນານີ້ ທີ່ສະໂມສອນ ແຂວງຄໍາມ່ວນ ໄດ້ຈັດພິທີປະກາດ ການອະນຸມັດໃຫ້ຫົວໜ້າກອງບັນຊາການ ປກສ ແຂວງຄໍາມ່ວນ ພັກການຮັບອຸດໜູນບໍານານ ແລະ ແຕ່ງຕັ້ງຫົວໜ້າ, ຮອງຫົວໜ້າ ກອງບັນຊາການ ປກສ ແຂວງຜູ້ໃໝ່, ໃຫ້ກຽດເຂົ້າຮ່ວມໂດຍ ທ່ານ ພົອ ວິໄລ ຫຼ້າຄໍາຟອງ ກໍາມະການກົມການເມືອງສູນກາງພັກ ຮອງນາຍົກລັດຖະມົນຕີ ລັດຖະມົນຕີກະຊວງປ້ອງກັນຄວາມສະຫງົບ, ມີທ່ານ ວັນໄຊ ພອງສະຫວັນ ກໍາມະການສູນກາງພັກ ເລຂາພັກແຂວງ ເຈົ້າແຂວງຄໍາມ່ວນ.
ສສຊ ສຸມໃສ່ປະກອບຄຳເຫັນຕໍ່ວຽກງານການທ່ອງທ່ຽວ

ສສຊ ສຸມໃສ່ປະກອບຄຳເຫັນຕໍ່ວຽກງານການທ່ອງທ່ຽວ

ທ່ານ ລີເບີ ລີບົວປາວສະມາຊິກສະພາແຫ່ງຊາດ (ສສຊ) ເຂດເລືອກຕັ້ງທີ 7 ແຂວງໄຊຍະບູລີມີຄຳເຫັນ 3 ຈຸດກ່ຽວກັບການລາຍງານການຈັດຕັ້ງປະຕິບັດປີທ່ອງທ່ຽວລາວ 2024 ແລະ ທິດທາງແຜນການໃນຕໍ່ໜ້າໃນວາລະກອງປະຊຸມສະໄໝສາມັນເທື່ອທີ 9 ຂອງສະພາແຫ່ງຊາດ ຊຸດທີ IX ໃນວັນທີ 13 ມິຖຸນານີ້ ພາຍໃຕ້ການເປັນປະທານຂອງທ່ານ ຄໍາໃບ ດໍາລັດ ຮອງປະທານສະພາແຫ່ງຊາດ.
3 ເດືອນຕົ້ນປີນີ້ຂະແໜງການທ່ອງທ່ຽວສ້າງລາຍຮັບໄດ້ 426 ລ້ານກວ່າໂດລາ

3 ເດືອນຕົ້ນປີນີ້ຂະແໜງການທ່ອງທ່ຽວສ້າງລາຍຮັບໄດ້ 426 ລ້ານກວ່າໂດລາ

3 ເດືອນຕົ້ນປີ (ມັງກອນຫາເດືອນມີນາ2025) ມີນັກທ່ອງທ່ຽວຕ່າງປະເທດເຂົ້າມາທ່ອງທ່ຽວລາວເພີ່ມຂຶ້ນ 11% ທຽບໃສ່ໄລຍະດຽວກັນຂອງປີ 2024, ຄາດຄະເນລາຍຮັບທີ່ກະຈາຍໃນສັງຄົມໄດ້ 426,975,454 ໂດລາ. ຂະນະດຽວກັນ, ມີນັກທ່ອງທ່ຽວພາຍໃນເພີ່ມຂຶ້ນ 98.6%. ໃນວາລະກອງປະຊຸມສະໄໝສາມັນເທື່ອທີ 9 ຂອງສະພາແຫ່ງຊາດ ຊຸດທີ IX ໃນວັນທີ 13 ມິຖຸນານີ້ ພາຍໃຕ້ການເປັນປະທານຂອງທ່ານ ຄໍາໃບ ດໍາລັດ ຮອງປະທານສະພາແຫ່ງຊາດ.
ລັດຖະບານຈະສຸມໃສ່ຫຼາຍບັນຫາ ພັດທະນາສະຖານທີ່ທ່ອງທ່ຽວຕໍ່ໜ້າ

ລັດຖະບານຈະສຸມໃສ່ຫຼາຍບັນຫາ ພັດທະນາສະຖານທີ່ທ່ອງທ່ຽວຕໍ່ໜ້າ

ລັດຖະບານ ກໍຄືກະຊວງຖະແຫຼງຂ່າວ, ວັດທະນະທໍາ ແລະ ທ່ອງທ່ຽວ (ຖວທ)ຈະສຸມໃສ່ຫຼາຍບັນຫາ ເພື່ອພັດທະນາສະຖານທີ່ທ່ອງທ່ຽວໃນຕໍ່ໜ້າ. ທ່ານ ນາງ ສວນສະຫວັນ ວິຍະເກດ ລັດຖະມົນຕີກະຊວງຖວທໄດ້ຂຶ້ນລາຍງານການຈັດຕັ້ງປະຕິບັດປີທ່ອງທ່ຽວລາວ 2024 ແລະ ທິດທາງແຜນການໃນຕໍ່ໜ້າຕໍ່ກອງປະຊຸມສະໄໝສາມັນເທື່ອທີ 9 ຂອງສະພາແຫ່ງຊາດ ຊຸດທີ IX ໃນວັນທີ 13 ມິຖຸນານີ້ ທີ່ຫໍສະພາແຫ່ງຊາດ ພາຍໃຕ້ການເປັນປະທານຂອງທ່ານ ຄໍາໃບ ດໍາລັດ ຮອງປະທານສະພາແຫ່ງຊາດ.
ເນັ້ນ 2 ຄໍາເຫັນເຈາະຈີ້ມ ເພື່ອໃຫ້ ສສຊ ມີຄໍາເຫັນຕໍ່ການຈັດຕັ້ງປະຕິບັດປີທ່ອງທ່ຽວລາວ

ເນັ້ນ 2 ຄໍາເຫັນເຈາະຈີ້ມ ເພື່ອໃຫ້ ສສຊ ມີຄໍາເຫັນຕໍ່ການຈັດຕັ້ງປະຕິບັດປີທ່ອງທ່ຽວລາວ

ພາຍໃຕ້ຄໍາຂວັນ: “ທ່ອງທ່ຽວລາວປອດໄພ, ຊື່ນໃຈໃນວັດທະນະທໍາ, ທໍາມະຊາດເເລະປະຫວັດສາດ” ໃນຜ່ານມາ ມີອັນພົ້ນເດັ່ນຫຼາຍດ້ານ; ແຕ່ຄຽງຄູ່ກັນນັ້ນ, ຍັງມີຫຼາຍອັນເປັນສິ່ງທ້າທາຍ ເຮັດໃຫ້ການທ່ອງທ່ຽວເຮົານີ້ ຍັງມີຂີດຈໍາກັດ. ສະພາແຫ່ງຊາດ ຈຶ່ງໄດ້ມີ 2 ຄໍາເຫັນເຈາະຈີ້ມ ເພື່ອໃຫ້ສະມາຊິກສະພາແຫ່ງຊາດ ມີຄວາມຄິດເຫັນ ຢ່າງມີຈຸດສຸມ ແນໃສ່ເພື່ອສະເໜີ ວິທີການ ແລະ ມາດຕະການ ໃນການຈັດຕັ້ງປະຕິບັດວຽກງານດັ່ງກ່າວ ໃນຕໍ່ໜ້າ.
ສສຊ ເຂດ 18 ສະເໜີໃຫ້ລັດຖະບານແກ້ໄຂບັນຫາແຫຼ່ງພັດທະນາພະລັງງານໄຟຟ້າຄືນ

ສສຊ ເຂດ 18 ສະເໜີໃຫ້ລັດຖະບານແກ້ໄຂບັນຫາແຫຼ່ງພັດທະນາພະລັງງານໄຟຟ້າຄືນ

ບັນດາສະມາຊິກສະພາແຫ່ງຊາດ (ສສຊ) ໄດ້ສຸມໃສ່ປະກອບຄໍາເຫັນຕໍ່ບົດລາຍງານກ່ຽວກັບການຈັດຕັ້ງປະຕິບັດນະໂຍບາຍ, ນິຕິກໍາ, ກົນໄກຕ່າງໆໃນການພັດທະນາພະລັງງານໄຟຟ້ານໍ້າຕົກ, ລົມ ແລະ ແສງອາທິດໃນກອງປະຊຸມສະໄໝສາມັນເທື່ອທີ 9 ຂອງສະພາແຫ່ງຊາດ ຊຸດທີ IX ໃນຕອນບ່າຍວັນທີ 12 ມິຖຸນານີ້ ໂດຍການເປັນປະທານຂອງທ່ານ ສົມມາດ ພົນເສນາ ຮອງປະທານສະພາແຫ່ງຊາດ. ທ່ານ ແດງ ປະທຸມທອງ ສສຊ ເຂດເລືອກຕັ້ງທີ 18 ແຂວງໄຊສົມບູນ ໄດ້ສະເໜີໃຫ້ລັດຖະບານແກ້ໄຂບັນຫາແຫຼ່ງພັດທະນາພະລັງງານໄຟຟ້າຄືນ.
ຄະນະປະຈຳສະພາແຫ່ງຊາດ ສະເໜີໃຫ້ກວດກາຄືນບັນດາໂຄງການລົງທຶນດ້ານພະລັງງານໄຟຟ້າ

ຄະນະປະຈຳສະພາແຫ່ງຊາດ ສະເໜີໃຫ້ກວດກາຄືນບັນດາໂຄງການລົງທຶນດ້ານພະລັງງານໄຟຟ້າ

ທ່ານ ນາງ ປິ່ງຄໍາລາຊະສິມມາ ປະທານກໍາມາທິການເສດຖະກິດ, ເຕັກໂນໂລຊີ ແລະ ສິ່ງແວດລ້ອມຕາງໜ້າຄະນະປະຈໍາສະພາແຫ່ງຊາດປະກອບຄຳເຫັນຕໍ່ບົດລາຍງານການຈັດຕັ້ງປະຕິບັດບັນດານະໂຍບາຍ,ນິຕິກຳ,ກົນໄກຕ່າງໆໃນການພັດທະນາພະລັງງານໂຟຟ້າຕໍ່ກອງປະຊຸມສະໄໝສາມັນເທື່ອທີ 9 ຂອງສະພາແຫ່ງຊາດ ຊຸດທີ IX ໃນວັນທີ 12 ມິຖຸນານີ້ ພາຍໄຕ້ການເປັນປະທານຂອງທ່ານ ສົມມາດ ພົນເສນາ ຮອງປະທານສະພາແຫ່ງຊາດ.
ທິດທາງ ແລະ ມາດຕະການແກ້ໄຂບັນຫາ ແລະ ພັດທະນາໄຟຟ້າ

ທິດທາງ ແລະ ມາດຕະການແກ້ໄຂບັນຫາ ແລະ ພັດທະນາໄຟຟ້າ

ນັບແຕ່ເລີ່ມປະຕິບັດແນວທາງປ່ຽນແປງໃໝ່ ໂດຍເປີດຮັບການລົງທຶນຂອງເອກະຊົນ ດ້ວຍນະໂຍບາຍພິເສດຫຼາຍຢ່າງ ຊຶ່ງກໍມີອັນທີ່ເຮັດໃຫ້ປະເທດເສຍປຽບຫຼາຍ ໃນໄລຍະຜ່ານມາ; ມາຮອດປັດຈຸບັນ, ສະພາບການມີການປ່ຽນແປງລັດຖະບານຈຶ່ງມີທິດທາງສ້າງການຫັນປ່ຽນປະເທດເຮົາ ຈາກການເປັນ “ໝໍ້ໄຟໃຫ້ແກ່ກຳໄລຂອງຕ່າງປະເທດ” ມາເປັນ “ເສດຖະກິດທີ່ມີອຸດສາຫະກຳເຂັ້ມແຂງດ້ວຍພະລັງງານຕົນເອງ” ຕາມທິດເສດຖະກິດເອກະລາດ ເປັນເຈົ້າຕົນເອງ ເພື່ອທີ່ຈະສ້າງເສດຖະກິດທີ່້ເຂັ້ມແຂງ ບົນພື້ນຖານການມີຂະແໜງພະລັງງານເປັນແຮງຂັບເຄື່ອນໃນອະນາຄົດ.
ເພີ່ມເຕີມ