ລະຫວ່າງ ອົງການປົກຄອງແຂວງ ກັບ ບໍລິສັດ ນໍ້າຫີນວິວບໍລິການຄົບວົງຈອນ ຈຳກັດຜູ້ດຽວ ໄດ້ຈັດຂຶ້ນໃນວັນທີ 29 ຕຸລາຜ່ານມາ ຢູ່ທີ່ຫ້ອງປະຊຸມຮ້ານອາຫານສິງຫາ ເມືອງໄຊ ໂດຍການເຂົ້າຮ່ວມຂອງທ່ານ ສົມຈິດ ປັນຍາສັກ ຮອງເຈົ້າແຂວງອຸດົມໄຊ, ມີທ່ານ ສົມຄິດ ກັນສະໜິດ ເຈົ້າເມືອງ ເມືອງໄຊ, ພະແນກແຜນການ ແລະ ການລົງທຶນ ແຂວງ ອຸດົມໄຊຕ່າງໜ້າອົງການປົກຄອງແຂວງ, ອຳນວຍການບໍລິສັດ ນໍ້າຫີນວິວບໍລິການຄົບວົງຈອນ ຈຳກັດຜູ້ດຽວ, ປະທານສະພາການຄ້າແລະອຸດສາຫະກຳ ພ້ອມດ້ວຍ ບັນດາພະແນກການ, ຂະແໜງການທີ່ກ່ຽວຂ້ອງຂັ້ນແຂວງ, ເມືອງໄຊ ເຂົ້າຮ່ວມເປັນສັກຂີພິຍານ.
ໂຄງການພັດທະນາອ່າງນໍ້າຫີນ ທີ່ຕັ້ງຢູ່ບ້ານນ້ຳອຸ່ນ ແລະ ບ້ານທ່າສະເລືອງ ເມືອງໄຊ ແຂວງອຸດົມໄຊ ເປັນແຫຼ່ງທ່ອງທ່ຽວທຳມະຊາດແບບຍືນຍົງ. ສຳລັບ ກິດຈະກຳທີ່ໂຄງການຈະພັດທະນາໃນເບື້ອງຕົ້ນລວມມີ: ຖະໜົນຄົນຍ່າງ, ຫ້າງສັບພະສິນຄ້າ, ພັດທະນາດອນຕ່າງໆເປັນບ່ອນລອຍນໍ້າ, ທີ່ພັກ ເປັນບັງກະໂລ, ຮ້ານບັນເທິງ, ຮ້ານເສີມຄວາມງາມ, ສະຫນາມເດັກຫຼີ້ນ - ສວນສະນຸກ, ສວນສາທາລະນະ - ສວນດອກໄມ້, ສວນໄມ້ໃຫ້ໝາກ, ສູນຟິດເນັດ, ສະໂມສອນຕີດອກປີກໄກ່, ສະໜາມໄດຣຟກອຟ ແລະ ບໍລິການລ່ອງເຮືອ.
ຕາງໜ້າຝ່າຍອົງການປົກຄອງແຂວງ ລົງນາມໂດຍ ທ່ານ ນາງ ຈັນທະລາ ໄຊບຸນເຮືອງ ຫົວໜ້າພະແນກແຜນການ ແລະ ການລົງທຶນແຂວງ ພ້ອມດ້ວຍ ບັນດາພະແນກການທີ່ກ່ຽວຂ້ອງ, ຝ່າຍ ບໍລິສັດ ລົງນາມໂດຍ ທ່ານ ນາງ ໝອນຄຳ ສຸກສິງຫາ ອຳນວຍການ ບໍລິສັດ ນໍ້າຫີນວິວບໍລິການຄົບວົງຈອນ ຈຳກັດຜູ້ດຽວ. ພາຍຫຼັງ ເຊັນບົດບັນທຶກຄວາມເຂົ້າໃຈ ຮ່ວມກັນແລ້ວ ທາງບໍລິສັດຈະໄດ້ດໍາເນີນການສໍາຫຼວດ, ອອກແບບ ແລະ ສຶກສາຄວາມເປັນໄປໄດ້ຂອງໂຄງການຢ່າງລະອຽດ ເປັນຕົ້ນແມ່ນ ສຶກສາຄວາມເປັນໄປໄດ້ທາງດ້ານເສດຖະກິດ-ເຕັກນິກ ແລະ ຄວາມເປັນໄປໄດ້ທາງດ້ານສະພາບແວດລ້ອມ-ສັງຄົມຂອງໂຄງການ, ຄວາມເປັນໄປໄດ້ທາງດ້ານເນື້ອທີ່ດິນ ທີ່ຈະນໍາໃຊ້ເຂົ້າໃນການພັດທະນາການລົງທຶນ ເພື່ອພັດທະນາອ່າງນໍ້າຫີນ ເປັນແຫຼ່ງທ່ອງທ່ຽວ ທຳມະຊາດແບບຍືນຍົງ, ສ້າງສິ່ງອໍານວຍຄວາມສະດວກຕ່າງໆ ແລະ ດ້ານບໍລິການ ການທ່ອງທ່ຽວຄົບວົງຈອນ ຢູ່ເຂດອ່າງນໍ້າຫີນ, ຄວາມເປັນໄປໄດ້ທາງດ້ານສິ່ງແວດລ້ອມ ແລະ ຄວາມເປັນໄປໄດ້ໃນການທົດແທນຄ່າເສຍຫາຍ ແລະ ການຈັດສັນຍົກຍ້າຍປະຊາຊົນ (ໃນກໍລະນີທີ່ດີນນອນຢູ່ໃນໂຄງການ, ຜົນລະປູກ ແລະ ສິ່ງປຸກສ້າງ ຂອງປະຊາຊົນ) ແລະ ຄວາມເປັນໄປໄດ້ໃນການ ອອກແບບແຜນຜັງຂອງໂຄງການ.
(ຂ່າວ: ໄມພອນ)
ຄໍາເຫັນ