 |
ໃຫ້ກຽດເຂົ້າຮ່ວມໃນພິທີເປີດໂດຍມີ ທ່ານ ສີທອງ ທັນຂັນຕີ, ຮອງຫົວໜ້າພະແນກສຶກສາທິການ ແລະ ກິລາແຂວງອຸດົມໄຊ, ທ່ານ ພັນໂທ ຖາວອນ ຫຼວງຈັນດາວົງ ຄະນະບໍລິຫານງານສະຫະພັນບານເຕະແຫ່ງຊາດລາວ(ສຕລ), ພ້ອມດ້ວຍຄະນະສະຫະພັນກິລາບານເຕະແຂວງ, ຄູຝຶກ ແລະນັກກິລາເຍົາວະຊົນພາຍໃນເທດສະບານເມືອງໄຊເຂົ້າຮ່ວມ.
ໃນພິທີ, ທ່ານ ຄຳສຸກ ສະຣິດທິລາດ, ຮອງປະທານສະຫະພັນບານເຕະແຂວງອຸດົມໄຊ
ໄດ້ຍົກໃຫ້ເຫັນເຖິງຄວາມສຳຄັນຂອງກິດຈະກຳໃນຄັ້ງນີ້ໂດຍມີຈຸດປະສົງຫຼັກເພື່ອພັດທະນາທັກສະພື້ນຖານກິລາບານເຕະໃຫ້ແກ່ເຍົາວະຊົນຢ່າງຖືກຕ້ອງຕາມຂັ້ນຕອນ,ທັງເປັນການຍົກລະດັບຄວາມຮູ້ຄວາມສາມາດໃຫ້ແກ່ຄູຝຶກພາຍໃນແຂວງ.ນອກຈາກການເຝິກຝົນທາງດ້ານເຕັກນິກແລ້ວ,ກິດຈະກຳນີ້ຍັງແນໃສ່ສົ່ງເສີມໃຫ້ເຍົາວະຊົນມີສຸຂະພາບແຂງແຮງ, ສ້າງຄວາມຮັກແພງສາມັກຄີ,ມີນ້ຳໃຈນັກກິລາ ແລະ ທີ່ສຳຄັນແມ່ນເພື່ອໃຫ້ເຂົາເຈົ້າຫ່າງໄກຈາກສິ່ງເສບຕິດ ແລະປະກົດການຫຍໍ້ທໍ້ຕ່າງໆໃນສັງຄົມ.
ປະທານໃນພິທີ ຍັງໄດ້ເນັ້ນໜັກຕື່ມວ່າ: ກິລາເຕະບານແມ່ນກິລາທີ່ມວນຊົນຊາວແຂວງອຸດົມໄຊໃຫ້ຄວາມນິຍົມສູງ ແລະ ມີການຂະຫຍາຍຕົວຢ່າງກວ້າງຂວາງແຕ່ຂັ້ນແຂວງລົງຮອດຮາກຖານ. ດັ່ງນັ້ນ, ການຈັດກິດຈະກຳຄັ້ງນີ້ຈຶ່ງເປັນໂອກາດດີໃນການຄັດເລືອກເອົານັກກິລາຜູ້ທີ່ມີພອນສະຫວັນ ເພື່ອນຳມາບຳລຸງສ້າງໃຫ້ກາຍເປັນນັກກິລາຕົວແທນຂອງແຂວງ ກໍຄືທີມຊາດໃນຊຸມປີຕໍ່ໜ້າ. ພ້ອມທັງໄດ້ຮຽກຮ້ອງໃຫ້ຄູຝຶກ ແລະ ນັກກິລາທຸກຄົນຈົ່ງພ້ອມກັນເອົາໃຈໃສ່ຝຶກຊ້ອມ ແລະ ປະຕິບັດຕາມລະບຽບວິໄນຢ່າງເຂັ້ມງວດ ເພື່ອເຮັດໃຫ້ວົງການກິລາເຕະບານຂອງແຂວງອຸດົມໄຊ ມີບາດກ້າວຂະຫຍາຍຕົວໃໝ່ທີ່ເຂັ້ມແຂງກວ່າເກົ່າ.ຂ່າວ: ແສງອາທິດ
ຄໍາເຫັນ