 |
ໃນພິທີ, ທ່ານ ອ່ອນແກ້ວ ອຸ່ນອາລົມ ໄດ້ກ່າວເປີດບັ້ນສອບເສັງຢ່າງເປັນທາງການ ພ້ອມທັງໄດ້ໂອ້ລົມ ແລະ ໃຫ້ກຳລັງໃຈແກ່ນ້ອງນັກຮຽນທຸກຄົນ ແລະ ທ່ານໄດ້ເນັ້ນໜັກເຖິງຄວາມສຳຄັນຂອງການສອບເສັງໃນຄັ້ງນີ້ ຊຶ່ງເປັນການວັດແທກຄວາມຮູ້ ຄວາມສາມາດທີ່ໄດ້ສຶກສາຮ່ຳຮຽນມາຕະຫຼອດໄລຍະຜ່ານມາ. ພ້ອມທັງໄດ້ຮຽກຮ້ອງໃຫ້ຄະນະກຳມະການທຸກພາກສ່ວນ ປະຕິບັດໜ້າທີ່ຂອງຕົນດ້ວຍຄວາມຮັບຜິດຊອບສູງ, ຮັບປະກັນໃຫ້ການສອບເສັງດຳເນີນໄປດ້ວຍຄວາມໂປ່ງໃສ, ຍຸຕິທຳ ແລະ ຖືກຕ້ອງຕາມລະບຽບການທີ່ວາງອອກ.
 |
ບັ້ນສອບເສັງຄັ້ງນີ້, ຈະໄດ້ດໍາເນີນໄປເປັນເວລາທັງໝົດ 3 ວັນ, ນັບແຕ່ວັນທີ 18 ຫາ 20 ມິຖຸນາ 2025 ຈຶ່ງຈະສຳເລັດ, ໂດຍມີ 5 ວິຊາສອບເສັງຄື: ພາສາລາວ-ວັນນະຄະດີ, ກຸ່ມວິຊາ ວິທະຍາສາດສັງຄົມ, ກຸ່ມວິຊາ ວິທະຍາສາດທຳມະຊາດ, ພາສາອັງກິດ ແລະ ວິຊາຄະນິດສາດ.
(ຂ່າວ: ແສງອາທິດ)
ຄໍາເຫັນ