flag

ຂ່າວສືກສາ-ກິລາ

ປະກາດຍົກລະດັບໂຮງຮຽນ ເຕັກນິກວິຊາຊີບແຂວງບໍລິຄຳໄຊ ຂຶ້ນເປັນວິທະຍາໄລ ເຕັກນິກວິຊາຊີບ

ປະກາດຍົກລະດັບໂຮງຮຽນ ເຕັກນິກວິຊາຊີບແຂວງບໍລິຄຳໄຊ ຂຶ້ນເປັນວິທະຍາໄລ ເຕັກນິກວິຊາຊີບ

ປະກາດຍົກລະດັບໂຮງຮຽນ ເຕັກນິກວິຊາຊີບແຂວງບໍລິຄຳໄຊ ຂຶ້ນເປັນວິທະຍາໄລ ເຕັກນິກວິຊາຊີບ
ພິທີປະກາດຍົກລະດັບໂຮງຮຽນເຕັກນິກ-ວິຊາຊີບ ແຂວງບໍລິຄໍາໄຊ ໄດ້ຈັດຂຶ້ນເປັນ ວິທະຍາໄລ ເຕັກນິກວິຊາຊີບ ໄດ້ຈັດຂຶ້ນໃນວັນທີ 22 ພືດສະພາ 2026 ນີ້ ທີ່ເດີ່ນໂຮງຮຽນແຫ່ງດັ່ງກ່າວ ໂດຍມີ ທ່ານ ນາງ ດາລາວອນ ກິດຕິພັນ ຮອງລັດຖະມົນຕີ ກະຊວງສຶກສາທິການ ແລະ ກິລາ ແລະ ທ່ານ ຄຳແຫວນ ປັນຍານຸວົງ ປະທານຄະນະກໍາມະການປົກຄອງແຂວງບໍລິຄຳໄຊ, ມີບັນດາຕາງໜ້າພະແນກການອ້ອມຂ້າງແຂວງ ແຂກຖືກເຊີນ ຕະຫຼອດຮອດຄູ-ອາຈານ ແລະ ນັກສຶກສາ ເຂົ້າຮ່ວມ.
ປະກາດຍກລະດບໂຮງຮຽນ ເຕກນກວຊາຊບແຂວງບລຄຳໄຊ ຂນເປນວທະຍາໄລ ເຕກນກວຊາຊບ - image 1
 

ໂຮງຮຽນເຕັກນິກ-ວິຊາຊີບ ແຂວງບໍລິຄຳໄຊ ຕັ້ງຢູ່ບ້ານຫ້ວຍຄູນ, ເມືອງບໍລິຄັນ, ແຂວງບໍລິຄໍາໄຊ ຫ່າງຈາກໃຈກາງຕົວເມືອງປາກຊັນ 12 ກິໂລແມັດ, ມີເນື້ອທີ່ທັງໝົດ 167,625 ຕາແມັດ, ສ້າງຕັ້ງຂຶ້ນເມື່ອ ວັນທີ 25 ກັນຍາ 2002 ຕາມຂໍ້ຕົກລົງຂອງທ່ານ ລັດຖະມົນຕີກະຊວງສຶກສາທິການ ແລະ ກິລາ ສະບັບເລກທີ 1458 ປັດຈຸບັນ ມີຄູສອນທັງໝົດ 58 ຄົນ, ຍິງ 25 ຄົນ, ມີລະດັບການສຶກສາປະລິນຍາໂທ 6 ຄົນ, ປະລິນຍາຕີ 30 ຄົນ, ຍິງ 15 ຄົນ, ຊັ້ນສູງ 19 ຄົນ, ຍິງ 7 ຄົນ, ຊັ້ນກາງ 3 ຄົນ, ຍິງ 3 ຄົນ, ມີນັກສຶກສາທັງ

ໝົດ 748 ຄົນ, ຍິງ 305 ຄົນ, ໃນນັ້ນມີສາມັນວິຊາຊີບຄູ່ຂະໜານ 472 ຄົນ, ຍິງ 241 ຄົນ.

ນັບແຕ່ສົກປີ 2020-2026 ເປັນຕົ້ນມາ ພາຍໃນໂຮງຮຽນ ໄດ້ຈັດຕັ້ງປະຕິບັດ ຫຼັກສູດການຮຽນ-ການສອນ ມີ 11 ສາຂາອາຊີບ ຄື: ສ້ອມແປງເຄື່ອງຈັກລົດຍົນ, ຊ່າງສ້ອມແປງຕົວຖັງ ແລະ ສີລົດຍົນ, ສ້ອມແປງເຄື່ອງເຢັນ-ເຄື່ອງປັບອາກາດ, ປຸງແຕ່ອາຫານ ແລະ ບໍລິການເຄື່ອງດື່ມ, ຊ່າງກໍ່-ໂບກ, ຊ່າງເຟີນີເຈີ, ການບັນຊີ, ການລ້ຽງສັດນ້ຳ, ການລ້ຽງສັດປີກ, ການປູກພືດເສດຖະກິດ, ການປູກໄມ້ໃຫ້ໝາກ, ລວມນັກສຶກສາທີ່ເຂົ້າຮຽນ ແລະ ຈົບຈາກວິທະຍາໄລ ແຕ່ປີ 2002-2026 ມີຈໍານວນທັງໝົດ 9,390 ຄົນ, ຍິງ 4,178 ຄົນ.

ນອກຈາກນີ້ ໂຮງຮຽນແຫ່ງດັ່ງກ່າວ ໄດ້ມີການຮ່ວມມືດ້ານວິຊາການ MOU ກັບພາກລັດ 2 ແຫ່ງ ແລະ ພາກເອກກະຊົນ 42 ແຫ່ງ ແລະ ຮ່ວມມືກັບຕ່າງປະເທດ, ອົງການຈັດຕັ້ງສາກົນ ເຊິ່ງການຮ່ວມມືແມ່ນກ່ຽວກັບການຈັດຝຶກອົບຮົມ, ການສ້າງຫຼັກສູດ, ການຈັດການຮຽນ-ການສອນແບບຄວບຄູ່ ພ້ອມທັງສົ່ງນັກສຶກສາລົງຝຶກງານ - ຍົກລະດັບບຸກຄະລາກອນ, ການຊ່ວຍເຫຼືອດ້ານວິຊາການອື່ນໆ. ເຊິ່ງວິໃສທັດແຜນພັດທະນາ ວິທະຍາໄລເຕັກນິກ-ວິຊາຊີບ ແຂວງບໍລິຄຳໄຊ ປີ 2026-2030 ແມ່ນຈັດຕັ້ງປະຕິບັດພາຍໃຕ້ສະໂລແກນທີ່ວ່າ ຮຽນດີ ມີວິໄນ ມຸ້ງຫວັງກ້າວໄກໃນອາຊີບ; ມຸງໝັ່ນສ້າງກຳລັງແຮງງານ ໃຫ້ມີຄຸນນະພາບ ມີທັກສະສີມືເປັນເລີດ ແລະ ສອດຄ່ອງກັບຕະຫຼາດແຮງງານ. ພ້ອມນີ້ ໃນຕ້ອນທ້າຍຂອງພິທີ ຍັງໄດ້ຮັບຟັງການຂຶ້ນຜ່ານ ຂໍ້ຕົກລົງຂອງທ່ານ ລັດຖະມົນຕີກະຊວງສຶກສາທິການ ແລະ ກິລາ ສະບັບເລກທີ 5682 ວ່າດ້ວຍການຍົກລະດັບສະຖານະ ໂຮງຮຽນ ເຕັກນິກວິຊາຊີບ ແຂວງບໍລິຄໍາໄຊ ຂຶ້ນເປັນ ວິທະຍາໄລ ເຕັກນິກ - ວິຊາຊີບ ໃຫ້ກຽດມອບຂໍ້ຕົກລົງໃນຄັ້ງນີ ໂດຍແມ່ນ ທ່ານ ນາງ ດາລາວອນ ກິດຕິພັນ ແລະ ຮັບໂດຍ ທ່ານ ຄໍາແວ່ນ ປັນຍານຸວົງ ອໍານວຍການ ວິທະຍາໄລ ເຕັກນິກ - ວິຊາຊີບ ແຂວງບໍລິຄໍາໄຊ. ຫຼັງຈາກນັ້ນ ບັນດາຄະນະປະທານພ້ອມດ້ວຍແຂກທີ່ເຂົ້າຮ່ວມ ຍັງໄດ້ພ້ອມກັນຮ່ວມຕັດແຖບຜ້າ ເປີດປ້າຍ ແລະ ລັ່ນຄ້ອງ 9 ບາດ ເພື່ອເປັນການປະກາດຢັ້ງຢືນ ໃນການປະການ ຍົກລະດັບ ໂຮງຮຽນ ເຕັກນິກວິຊາຊີບ ຂຶ້ນເປັນ ວິທະຍາໄລ ເຕັກນິກວິຊາຊີບ ແຂວງບໍລິຄໍາໄຊ ຂຶ້ນຢ່າງເປັນທາງການ. ຂ່າວ: ສຸກທະວີ - ພາບ: ຄຳຟອງ

ຄໍາເຫັນ

ຂ່າວສືກສາ-ກິລາ

ເມືອງອາດສະພອນ ມີນັກຮຽນສອບເສັງຈົບຊັ້ນປະຖົມທັງໝົດ 1 ພັນກວ່າຄົນ

ເມືອງອາດສະພອນ ມີນັກຮຽນສອບເສັງຈົບຊັ້ນປະຖົມທັງໝົດ 1 ພັນກວ່າຄົນ

ຫ້ອງການສຶກສາທິການ ແລະ ກິລາເມືອງອາດສະພອນ ແຂວງສະຫວັນນະເຂດ ຈັດກອງປະຊຸມລາຍງານການກະກຽມຄວາມພ້ອມບັນດາໜ້າວຽກຕ່າງໆ ໃນບັ້ນສອບເສັງຈົບຊັ້ນປະຖົມສຶກສາ ປ5 ປະຈຳສົກຮຽນ 2025-2026 ໃນວັນທີ 25 ພຶດສະພາຜ່ານມາ, ໂດຍມີທ່ານ ກອງແລ ອ່ອນຈັນທະລືໄຊ ປະທານຄະນະກຳມະການປົກຄອງເມືອງ, ມີທ່ານ ຖາວອນ ໄຊຍະເຄື່ອງ ຫົວໜ້າຫ້ອງການສຶກສາທິການ ແລະ ກິລາເມືອງ ພ້ອມດ້ວຍຫ້ອງການ, ໜ່ວຍງານ, ຄະນະຮັບຜິດຊອບການສອບເສັງ ແລະ ຄະນະອຳນວຍການໂຮງຮຽນປະຖົມພາຍໃນເມືອງເຂົ້າຮ່ວມ.
ປະກາດໂຮງຮຽນປະຖົມສົມບູນຫຼວງພະບາງ ເປັນໂຮງຮຽນຕົວແບບ

ປະກາດໂຮງຮຽນປະຖົມສົມບູນຫຼວງພະບາງ ເປັນໂຮງຮຽນຕົວແບບ

ພິທີປະກາດໂຮງຮຽນປະຖົມສົມບູນ ຫຼວງພະບາງ ເປັນໂຮງຮຽນຕົວແບບ ຈັດຂຶ້ນໃນວັນທີ 22 ພຶດສະພາຜ່ານມາ, ມີທ່ານ ນາງ ວຽນວິໄລ ດີລະພັນ ຮອງປະທານຄະນະກໍາມະການປົກຄອງແຂວງ, ທ່ານ ສຸລິເດດ ແກ້ວບົວລະເພັດ ຫົວໜ້າພະແນກສຶກສາທິການ ແລະ ກິລາແຂວງ (ສກຂ) ພ້ອມດ້ວຍແຂກຖຶກເຊີນ, ຄູສອນ ແລະ ນັກຮຽນເຂົ້າຮ່ວມ.
ອຸດົມໄຊ ຈັດກິດຈະກຳວັນເຕະບານ ຮາກຖານເຍົາວະຊົນ

ອຸດົມໄຊ ຈັດກິດຈະກຳວັນເຕະບານ ຮາກຖານເຍົາວະຊົນ

ແຂວງ ອຸດົມໄຊ ຈັດກິດຈະກຳວັນເຕະບານ ຮາກຖານເຍົາວະຊົນ (AFC Grassroots Football Day) ປະຈຳປີ 2026 ໄດ້ຈັດຂຶ້ນ ໃນວັນທີ 23 ພຶດສະພາ 2026 ນີ້ ທີ່ສະຫນາມກິລາແຂວງອຸດົມໄຊ ເພື່ອເປັນການສ້າງພື້ນຖານ ແລະ ຄັດເລືອກນັກກິລາເຕະບານລຸ້ນສືບທອດທີ່ມີພອນສະຫວັນ ເຂົ້າສູ່ທີມແຂວງ ແລະ ທີມຊາດໃນອະນາຄົດ.
ອຸດົມໄຊ ຈັດກິດຈະກຳວັນເຕະບານ ຮາກຖານເຍົາວະຊົນ

ອຸດົມໄຊ ຈັດກິດຈະກຳວັນເຕະບານ ຮາກຖານເຍົາວະຊົນ

ແຂວງ ອຸດົມໄຊ ຈັດກິດຈະກຳວັນເຕະບານ ຮາກຖານເຍົາວະຊົນ (AFC Grassroots Football Day) ປະຈຳປີ 2026 ໄດ້ຈັດຂຶ້ນ ໃນວັນທີ 23 ພຶດສະພາ 2026 ນີ້ ທີ່ສະຫນາມກິລາແຂວງອຸດົມໄຊ ເພື່ອເປັນການສ້າງພື້ນຖານ ແລະ ຄັດເລືອກນັກກິລາເຕະບານລຸ້ນສືບທອດທີ່ມີພອນສະຫວັນ ເຂົ້າສູ່ທີມແຂວງ ແລະ ທີມຊາດໃນອະນາຄົດ.
ຍົກລະດັບຄຸນນະພາບຄູ ເສີມສ້າງການສຶກສາລາວ

ຍົກລະດັບຄຸນນະພາບຄູ ເສີມສ້າງການສຶກສາລາວ

ໃນວັນທີ 18 ພຶດສະພາຜ່ານມາ, ທີ່ຫ້ອງການສຶກສາທິການ ແລະ ກິລາເມືອງຈອມເພັດ ແຂວງຫຼວງພະບາງ ໄດ້ຈັດກອງປະຊຸມຝຶກອົບຮົມ “ສ້າງຄວາມເຂັ້ມແຂງໃຫ້ຜູ້ເຮັດວຽກສຶກສານິເທດພາຍໃນໂມດູນ 1 ເພື່ອຍົກສູງຄວາມສາມາດຂອງບຸກຄະລາກອນດ້ານການສຶກສາ ແລະ ເສີມສ້າງຄຸນນະພາບການຮຽນ-ການສອນໃນໂຮງ ຮຽນໃຫ້ດີຂຶ້ນ ໂດຍເປັນກຽດຂອງທ່ານ ສຸລິເດດ ແກ້ວບົວລະເພັດ ຫົວໜ້າພະແນກສຶກສາທິການ ແລະ ກິລາແຂວງ, ມີທ່ານ ນາງ ບຸນມີ ແກ້ວສະຫວັດ ຮັກສາການ ຜູ້ອໍານວຍການວິທະຍາໄລຄູຫຼວງພະບາງ, ທ່ານ ນາງ ຈັນສະໝຸດ ສຸກກະເສີມ ຫົວໜ້າຫ້ອງການສຶກສາທິການ ແລະ ກິລາເມືອງ ພ້ອມດ້ວຍພາກສ່ວນກ່ຽວຂ້ອງເຂົ້າຮ່ວມ.
ນັກສຶກສາລາວ ໄດ້ລາງວັນທີ 3 ການແຂ່ງຂັນຮ້ອງເພງ ຢູ່ມະຫາວິທະຍາໄລວິງ ສສ ຫວຽດນາມ

ນັກສຶກສາລາວ ໄດ້ລາງວັນທີ 3 ການແຂ່ງຂັນຮ້ອງເພງ ຢູ່ມະຫາວິທະຍາໄລວິງ ສສ ຫວຽດນາມ

ນັກສຶກສາລາວທີ່ກຳລັງສຶກສາຢູ່ ມະຫາວິທະຍາໄລວິງ (Vinh University) ສສ ຫວຽດນາມ ໄດ້ສ້າງຜົນງານອັນດີເດັ່ນ ແລະ ນຳເອົາຄວາມພາກພູມໃຈມາໃຫ້ປະເທດຊາດ ດ້ວຍການໄດ້ລາງວັນອັນດັບທີ 3 ໃນງານແຂ່ງຂັນ “ຮ້ອງເພງນັກສຶກສາ” ສົກຮຽນ 2025-2026.
ສສກ ສົ່ງເສີມແມ່ຍິງໃຫ້ເປັນຜູ້ນຳໃນຂະແໜງການສຶກສາ, ວິທະຍາສາດ ແລະ ກິລາ

ສສກ ສົ່ງເສີມແມ່ຍິງໃຫ້ເປັນຜູ້ນຳໃນຂະແໜງການສຶກສາ, ວິທະຍາສາດ ແລະ ກິລາ

ກະຊວງສຶກສາທິການ ແລະ ກິລາ (ສສກ) ຮ່ວມກັບລັດຖະບານອົສຕຣາລີ ໂດຍຜ່ານແຜນງານບີຄວາ ຈັດກອງປະຊຸມຝຶກອົບຮົມໂຄງການສົ່ງເສີມແມ່ຍິງ ໃນການເປັນຜູ້ນຳຢູ່ໃນຂະແໜງການສຶກສາ, ວິທະຍາສາດ ແລະ ກິລາ ໃນລະຫວ່າງວັນທີ 18-20 ພຶດສະພານີ້, ທີ່ເມືອງແກ້ວອຸດົມ ແຂວງວຽງຈັນ ພາຍໃຕ້ການເປັນປະທານຂອງທ່ານ ຕຸດາວັນ ໜໍ່ເມືອງເສດ ຄະນະປະຈໍາພັກກະຊວງ, ຫົວໜ້າກົມຈັດຕັ້ງ ແລະ ພະນັກງານ ກະຊວງ ສສກ, ຜູ້ຊີ້ນໍາວຽກງານ 3 ອົງການຈັດຕັ້ງມະຫາຊົນ; ມີທ່ານ ນາງ ສຸດສາຍໃຈ ດວງສະຫວັນ ຄະນະບໍລິຫານງານສູນກາງສະຫະພັນແມ່ຍິງລາວ, ປະທານຄະນະບໍລິຫານງານສະຫະພັນແມ່ຍິງກະຊວງ ສສກ ແລະ ທ່ານ ນາງ ເບຄໍາ ສະເຫຼີມສຸກ ຜູ້ຮັບຜິດຊອບວຽກງານບົດບາດຍິງ-ຊາຍ ແລະ ການສຶກສາຮຽນຮ່ວມແຜນງານບີຄວາ ພ້ອມດ້ວຍຂະແໜງການທີ່ກ່ຽວຂ້ອງເຂົ້າຮ່ວມ.
ລົດແກ້ວ ອິນທະກຸມມານ ສ້າງຜົນງານເດັ່ນໄດ້ແຊັມແລ່ນມາຣາທອນລາຍການຊຸບເປີສະປອດ ໄລຍະທາງ 16 ກິໂລແມັດ ຢູ່ປະເທດໄທ

ລົດແກ້ວ ອິນທະກຸມມານ ສ້າງຜົນງານເດັ່ນໄດ້ແຊັມແລ່ນມາຣາທອນລາຍການຊຸບເປີສະປອດ ໄລຍະທາງ 16 ກິໂລແມັດ ຢູ່ປະເທດໄທ

ວົງການກິລາແລ່ນ-ລານຂອງ ສປປ ລາວ ສ້າງຊື່ສຽງໃນເວທີສາກົນອີກຄັ້ງ ເມື່ອນັກແລ່ນສາວທີມຊາດລາວ "ນາງ ລົດແກ້ວ ອິນທະກຸມມານ" ສາມາດສ້າງຜົນງານໄດ້ຢ່າງໂດດເດັ່ນອີກຄັ້ງ ດ້ວຍການເຂົ້າເສັ້ນໄຊອັນດັບທີ 1 ໃນການແຂ່ງຂັນແລ່ນມາຣາທອນລາຍການໃຫຍ່ລະດັບພາກພື້ນ ລາຍການ “SuperSports 10 Mile Marathon” ທີ່ຈັດຂຶ້ນຢ່າງຍິ່ງໃຫຍ່ ຢູ່ນະຄອນຫຼວງບາງກອກ ປະເທດໄທ ໃນວັນທີ 17 ພຶດສະພາ ຜ່ານມາ.
ງານກິລາ Coke ສາມັກຄີ 4 ໂຮງຮຽນ ຄັ້ງທີ III ປະຈຳປີ 2026 ໄດ້ປະສົບຜົນເລັດຢ່າງຈົບງາມ,

ງານກິລາ Coke ສາມັກຄີ 4 ໂຮງຮຽນ ຄັ້ງທີ III ປະຈຳປີ 2026 ໄດ້ປະສົບຜົນເລັດຢ່າງຈົບງາມ,

ງານກິລາ "Coke ສາມັກຄີ 4 ໂຮງຮຽນ" ຄັ້ງທີ III ປະຈຳປີ 2026 ໄດ້ປະສົບຜົນເລັດຢ່າງຈົບງາມ, ດ້ວຍຮອຍຍິ້ມ, ຄວາມມ່ວນຊື່ນ ແລະ ມິດຕະພາບອັນແໜ້ນແຟ້ນ ໄດ້ຈັດຂຶ້ນໃນລະຫວ່າງວັນທີ 13 - 15 ພຶດສະພາ 2026, ທີ່ສະໝາມກິລາລ້ານຊ້າງສະເຕດ້ຽມ, ຊຶ່ງປີນີ້ເປັນຄັ້ງທີ III ທີ່ໄດ້ສ້າງເວທີແຫ່ງຄວາມຝັນແລະ ເປີດໂອກາດໃຫ້ນັກຮຽນໄດ້ສະແດງຄວາມສາມາດດ້ານກິລາຢ່າງເຕັມສ່ວນ. ໂດຍມີທ່ານ ຄຳແກ້ວ ມະຫາໄຊ ຮອງປະທານຄະນະກຳມະການ ປົກຄອງເມືອງ ຫາດຊາຍຟອງ,ທ່ານ ສົມສີ ຫຼວງພະຈັນ ຮອງຫົວໜ້າພະແນກສຶກສາທິການ ແລະ ກິລາ ນະຄອນຫຼວງວຽງຈັນ , ທ່ານ ສົມສີ ເທບພະວົງ ຫົວໜ້າຫ້ອງການສຶກສາທິການ ແລະ ກິລາ ເມືອງຫາດຊາຍຟອງ ,ທ່ານ ພະສິນ ປັນດີ ຜູ້ຈັດການ ບໍລິສັດ ລາວ ໂຄຄາ-ໂຄລາ ບ໊ອຕຕລິ້ງ ຈຳກັດ ພ້ອມດ້ວຍນັກຮຽນ ແລະ ນັກກິລາເຂົ້າຮ່ວມ.
ອະດີດນັກຮຽນມັດທະຍົມຫຼວງພະບາງ ສ້າງກິດຈະກໍາອະນາໄມຕົວເມືອງ

ອະດີດນັກຮຽນມັດທະຍົມຫຼວງພະບາງ ສ້າງກິດຈະກໍາອະນາໄມຕົວເມືອງ

ໃນວັນທີ 17 ພຶດສະພາຜ່ານມາ, ອະດີດນັກຮຽນມັດທະຍົມຫຼວງພະບາງຮຸ່ນປີ 1995-1996 ທີ່ສຶກສາຮໍ່າຮຽນຢູ່ໂຮງຮຽນມັດທະຍົມສົມບູນສັນຕິພາບ ແລະ ໂຮງຮຽນອຸດົມຫຼວງພະບາງເລກ 1 ໄດ້ພ້ອມກັນສ້າງກິດຈະກຳອະນາໄມຕົວເມືອງຫຼວງພະບາງ ໂດຍມີທ່ານ ສຸລິວົງ ແກ້ວປະທຸມ ອະດີດຄູສອນເປັນຜູ້ນຳພາ.
ເພີ່ມເຕີມ

ຂ່າວ​ລ່າ​ສຸດ

EPaper