ສະຫາຍ ພົນຈັດຕະວາ ຕີເບດ ສີແພງຄູນ ກໍາມະການຄະນະພັກ ອົງການກົມໃຫຍ່ ຫົວໜ້າຫ້ອງການເມືອງ ກົມໃຫຍ່ພະລາທິການກອງທັບ ໄດ້ຜ່ານຂໍ້ຕົກລົງຂອງກະຊວງປ້ອງກັນປະເທດ ວ່າດ້ວຍການແຕ່ງຕັ້ງຫົວໜ້າກົມການເງິນ ກົມໃຫຍ່ພະລາທິການກອງທັບ, ອີງຕາມກົດໝາຍນາຍທະຫານ ກອງທັບປະຊາຊົນລາວ ສະບັບເລກທີ 43/ສພຊ, ລົງວັນທີ 14 ມິຖຸນາ 2018 ໃນພາກທີ II ໝວດທີ 4 ມາດຕາ 26 ວ່າດ້ວຍການແຕ່ງຕັ້ງ, ຍົກຍ້າຍນາຍທະຫານ, ອີງຕາມການສະເໜີຂອງກົມໃຫຍ່ພະລາທິການກອງທັບ ສະບັບເລກທີ 2378 ລົງວັນທີ 25 ມີນາ 2024, ອີງຕາມການຄົ້ນຄວ້າຕົກລົງເປັນເອກະພາບຂອງກອງປະຊຸມຄະນະປະຈໍາພັກ ກະຊວງປ້ອງກັນປະເທດຄັ້ງວັນທີ 17 ມິຖຸນາ 2024 ແລະ ອີງຕາມການນໍາສະເໜີຂອງກົມພະນັກງານ ກົມໃຫຍ່ການເມືອງກອງທັບ ກະຊວງປ້ອງກັນປະເທດຕົກລົງແຕ່ງຕັ້ງ ສະຫາຍ ພັນເອກ ລໍາເງິນ ສຸຂະວົງ ເປັນຫົວໜ້າກົມການເງິນ ກົມໃຫຍ່ພະລາທິການກອງທັບຜູ້ໃໝ່, ຈາກນັ້ນ, ກໍໄດ້ຜ່ານໜັງສືນໍາສົ່ງຂອງກົມໃຫຍ່ການເມືອງກອງທັບ ເລກທີ 3308/ກມທ, ລົງວັນທີ 5 ມິຖຸນາ 2024, ອີງຕາມຂໍ້ຕົກລົງຍົກຍ້າຍຂອງກະຊວງການເງິນ ສະບັບເລກທີ 1195 ລົງວັນທີ 11 ເມສາ 2024, ອີງຕາມການຄົ້ນຄວ້າ ແລະ ນໍາສະເໜີຂອງກົມພະນັກງານ ກົມໃຫຍ່ການເມືອງກອງທັບຕົກລົງ: ນໍາສົ່ງສະຫາຍ ພັນໂທ ສາຍຄໍາ ແກ້ວຍະສານ ຫົວໜ້າພະແນກຄຸ້ມຄອງງົບປະມານ ປກຊ ແລະ ປກສ ກົມງົບປະມານແຫ່ງລັດ ກະຊວງການເງິນ ໄປໃຫ້ກົມການເງິນກົມໃຫຍ່ພະລາທິການກອງທັບ.
ໂອກາດນີ້, ສະຫາຍ ພົນຕີ ຄໍາເພັດ ສີຊານົນ ໄດ້ໃຫ້ກຽດໂອ້ລົມເນັ້ນໜັກຕໍ່ບັນດາສະຫາຍທີ່ໄດ້ຮັບການແຕ່ງຕັ້ງ ແລະ ນໍາສົ່ງໃນຄັ້ງນີ້ໃຫ້ເອົາໃຈໃສ່ຍົກສູງຄວາມຮັບຜິດຊອບຂອງຕົນ ເຂົ້າໃນໜ້າທີ່ວຽກງານວິຊາສະ ເພາະ, ປະຕິບັດແນວທາງ, ແຜນນະໂຍບາຍ, ມະຕິ, ຄໍາສັ່ງ, ກົດລະບຽບຂອງພັກ, ລັດຖະທຳມະນູນ, ກົດໝາຍ ແລະ ລະບຽບການຂອງລັດ, ຕັ້ງໜ້າປະກອບສ່ວນເຂົ້າໃນການປັບປຸງກໍ່ສ້າງກົມກອງ, ຮໍ່າຮຽນທິດສະດີມາກ-ເລນິນ, ແນວຄິດ ໄກສອນ ພົມວິຫານ, ຍົກລະດັບການສຶກສາ, ວິຊາສະເພາະ, ຝຶກຝົນຫຼໍ່ຫຼອມດ້ານຄຸນທາດການ ເມືອງ, ຄຸນສົມບັດສິນທໍາປະຕິວັດ, ແບບແຜນການດໍາລົງຊີວິດ, ມີສະຕິຕໍ່ການຈັດຕັ້ງ ແລະ ຄວາມເປັນແບບ ຢ່າງນໍາໜ້າໃນທຸກຂົງເຂດວຽກງານ ເພື່ອແນໃສ່ເຮັດສຳເລັດໜ້າທີ່ການຈັດຕັ້ງພັກ-ລັດ ແລະ ກອງທັບມອບໝາຍໃຫ້.
ຂ່າວ-ພາບ: ຄໍາປະສົງ ລາດຊະວົງ
ຄໍາເຫັນ