 |
ທ່ານໜານມອນ ແກ້ວສິງໄຊ ກຳມະການພັກແຂວງ ເລຂາພັກເມືອງ ປະທານປ້ອງກັນຊາດ - ປ້ອງກັນຄວາມສະຫງົບເມືອງແລະ ທ່ານ ພັນໂທ ສົມຊາຍຫຼ້າພິມພອນ ກຳມະການປະຈຳພັກເມືອງ ຫົວໜ້າການທະການກອງບັນຊາການທະຫານເມືອງສິງໄດ້ຜັດປ່ຽນກັນຂຶ້ນຜ່ານບົດລາຍງານໂດຍຫຍໍ້ກ່ຽວກັບສະພາບລວມຂອງເມືອງ, ວຽກງານປ້ອງກັນຊາດ - ປ້ອງກັນຄວາມສະຫງົບ ແລະ ການພັດທະນາເສດຖະກິດ-ສັງຄົມຂອງເມືອງໃນໄລຍະຜ່ານມາ.
 |
ທ່ານ ພັນເອກ ແກ້ວ ຊໍແສນວົງ ຫົວໜ້າຫ້ອງການຄະນະກຳມະການ ປກຊ - ປກສ ແຂວງ ຜ່ານມະຕິຕົກລົງ ເລກທີ 057/ຄ.ປກຊ-ປກສ, ລົງວັນທີ 29 ກໍລະກົດ 2026 ວ່າດ້ວຍການແຕ່ງຕັ້ງປະທານ, ຮອງປະທານ, ຜູ້ປະຈຳການ ແລະ ກຳມະການຄະນະກຳມະການປ້ອງກັນຊາດ-ປ້ອງກັນຄວາມສະຫງົບເມືອງສິງ, ໃນນີ້ໄດ້ແຕ່ງຕັ້ງທ່ານ ໜານມອນ ແກ້ວສິງໄຊ ກຳມະການພັກແຂວງ ເລຂາພັກເມືອງ ປະທານ ປ້ອງກັນຊາດ - ປ້ອງກັນຄວາມສະຫົງບເມືອງສິງ ເປັນປະທານ,ທ່ານ ສົມລິດ ພອນປະເສີດ ຮອງເລຂາພັກເມືອງ ປະທານຄະນະກຳມະການປົກຄອງເມືອງ ເປັນຮອງປະທານ,ທ່ານ ພັນໂທ ສົມຊາຍ ຫຼ້າພິມພອນ ກຳມະການປະຈຳພັກເມືອງ ຫົວໜ້າການທະຫານ ກອງບັນຊາການທະຫານເມືອງ ເປັນຮອງປະທານ ທັງເປັນຜູ້ປະຈຳການ,ທ່ານ ພັນໂທ ຄຳພຸດ ອິນປັນຍາ ກຳມະການພັກເມືອງ ຫົວໜ້າກອງບັນຊາການປ້ອງກັນຄວາມສະຫງົບເມືອງ ເປັນກຳມະການ ແລະ ທ່ານ ຄຳສຸກ ໄຊຍະສິງ ກຳມະການພັກເມືອງ ຫົວໜ້າຫ້ອງວ່າການເມືອງ ເປັນກຳມະການ.
 |
ໃນພິທີດັ່ງກ່າວ, ໄດ້ມອບເງິນສົດ 100,000,000 ກີບ ແລະ ເຄື່ອງບັນເທົາທຸກມູນຄ່າ 70,000,000ກີບ ລວມທັງໝົດເປັນ 170,000,000 ກີບ ໃຫ້ກຽດມອບໂດຍ ທ່ານພົນໂທ ຄຳກິ່ງ ຜຸຍຫຼ້າມະນີວົງ, ຮັບໂດຍ ທ່ານ ໜານມອນ ແກ້ວສິງໄຊ.
ທ່ານພົນໂທ ຄຳກິ່ງ ຜຸຍຫຼ້າມະນີວົງໄດ້ສະແດງຄວາມຍ້ອງຍໍຊົມເຊີຍ ມາຍັງບັນດາທ່ານ ທີ່ໄດ້ຮັບການແຕ່ງຕັ້ງໃນຄັ້ງນີ້, ຕີລາຄາສູງຕໍ່ຜົນງານອັນພົ້ນເດັ່ນ ທີ່ຍາດມາໄດ້ໃນໄລຍະຜ່ານມາ,ພ້ອມທັງເນັ້ນໜັກໃຫ້ຜູ້ທີ່ຖືກແຕ່ງຕັ້ງໃໝ່ ຈົ່ງເອົາໃຈໃສ່ຍົກສູງຄວາມຮັບຜິດຊອບ,ຕໍ່ໜ້າທີ່ການເມືອງ, ເຮັດໃຫ້ວຽກງານກຳລັງປ້ອງກັນຊາດ-ປ້ອງກັນຄວາມສະຫງົບ ເປັນໜ້າທີ່ຮັບຜິດຊອບຂອງທົ່ວປວງຊົນບັນດາເຜົ່າຢ່າງແທ້ຈິງ, ຕ້ານແລະ ສະກັດກັ້ນປະກົດການຫຍໍ້ທໍ້ພ້ອມກັນຕິດຕາມກວດກາສະພາບການຢ່າງໃກ້ຊິດ ແລະ ເຂັ້ມງວດ ຕໍ່ກຸ່ມຄົນບໍ່ຫວັງດີທີ່ມີແນວຄິດປໍລະປັກຕໍ່ປະເທດຊາດ ກໍຄືເມືອງສິງ ເພື່ອບໍ່ໃຫ້ມີປະກົດການຫຍໍ້ທໍ້ເກີດຂຶ້ນໃນສັງຄົມ, ປັບປຸງແບບແຜນວິທີເຮັດວຽກ,ສືບຕໍ່ຍົກສູງການຊີ້ນຳ-ນຳພາ, ສ້າງຄວາມສາມັກຄີເປັນປຶກແຜ່ນທັງພາຍໃນ ແລະ ພາຍນອກ ພ້ອມກັນສຸມໃສ່ພັດທະນາພື້ນຖານໂຄງລ່າງ ແລະ ຊຸກຍູ້ເສດຖະກິດ-ສັງຄົມ ພາຍໃນເມືອງ ໃຫ້ຈະເລີນກ້າວໜ້າຂຶ້ນເລື້ອຍໆ.
ຂ່າວ: ນາງ ອຳພອນ ນວນລະວົງ
ຄໍາເຫັນ