 |
ການຝຶກອົບຮົມໃນຄັ້ງນີ້ ໄດ້ເນັ້ນໃສ່ການປະຍຸກໃຊ້ເຄື່ອງມືດີຈີຕອນເຂົ້າໃນວຽກງານປະຈຳວັນຕົວຈິງ ໂດຍກວມເອົາ 6 ທັກສະສໍາຄັນຄື: Google Drive: ການຈັດການ ແລະ ເກັບຮັກສາຂໍ້ມູນອອນລາຍ; Google Lens: ການສະແກນ ແລະ ຄົ້ນຫາຂໍ້ມູນອັດສະລິຍະ; Media Tools: ການດາວໂຫຼດວິດີໂອ ແລະ ການແປງໄຟລ໌ຮູບພາບ JPEG; Document Apps: ການນຳໃຊ້ແອັບພລິເຄຊັນຈັດການເອກະສານ; Google Meet: ການປະຊຸມອອນລາຍແບບມືອາຊີບ; Basic AI: ການນຳໃຊ້ປັນຍາປະດິດ (AI) ຂັ້ນພື້ນຖານ.
ທ່ານ ສົມຈິດ ແພງສະຫວັດ ໄດ້ເນັ້ນຢ້ຳເຖິງ ການນຳໃຊ້ AI ຢ່າງມີສະຕິ ແລະ ຮອບຄອບ ໂດຍຫຼັກການສຳຄັນ: “ໃຫ້ AI ເປັນຜູ້ຊ່ວຍ ແຕ່ມະນຸດຍັງເປັນຜູ້ກວດສອບ, ວິເຄາະ ແລະ ຕັດສິນໃຈຂັ້ນສຸດທ້າຍ”; ຄວາມປອດໄພຂອງຂໍ້ມູນ: ຫ້າມປ້ອນລະຫັດຜ່ານ, ເລກບັນຊີ ຫຼື ເອກະສານທາງການທີ່ເປັນຄວາມລັບເຂົ້າໄປໃນ AI ເດັດຂາດ; ການກວດສອບ: ບໍ່ຄວນເຊື່ອຄຳຕອບຈາກ AI ທັນທີ, ຕ້ອງກວດສອບກັບແຫຼ່ງຂໍ້ມູນທາງການສະເໝີ; ການເຝົ້າລະວັງ: ຮູ້ທັນຂ່າວປອມ (Fake News), ຮູບພາບ, ສຽງ ຫຼື ວິດີໂອທີ່ຖືກສ້າງຂຶ້ນດ້ວຍ AI (Deepfake) ແລະ ລະວັງອະຄະຕິຂອງ AI ທີ່ອາດເກີດຈາກຂໍ້ມູນທີ່ບໍ່ທັນສະໄໝ.
ການຝຶກອົບຮົມຄັ້ງນີ້ ເປັນການປູພື້ນຖານສຳຄັນໃນການຍົກລະດັບທັກສະດີຈີຕອນ ໃຫ້ຄະນະນຳ ແລະ ບຸກຄະລາກອນ ເພື່ອຫຼຸດຜ່ອນເວລາໃນການເຮັດວຽກ, ເພີ່ມຄວາມໄວໃນການສື່ສານ ແລະ ຈັດການຂໍ້ມູນຢ່າງມີລະບົບ ເພື່ອນຳໃຊ້ເຕັກໂນໂລຊີເຂົ້າໃນການຮັບໃຊ້ວຽກງານພັດທະນາເມືອງປະທຸມພອນ ໃຫ້ກ້າວໜ້າ ແລະ ທັນສະໄໝຢ່າງຍືນຍົງ.
ຂ່າວ: ເມືອງປະທຸມພອນ
ຄໍາເຫັນ