ປະຊາຊົນບ້ານແກ້ງກະເວົາ, ບ້ານສອງກະລອງ ແລະ ບ້ານຈານເໜືອເມືອງສາລະວັນແຂວງສາລະວັນໄດ້ປະກອບສົມທົບທຶນ 150 ລ້ານກີບເພື່ອກໍ່ສ້າງຝາຍນ້ຳລົ້ນສະໜອງນ້ຳແກ່ການຜະລິດກະສິກຳ.
ທ່ານ ບຸດດາ ຕໍຫັດ ເລຂາໜ່ວຍພັກ ນາຍບ້ານໆແກ້ງກະເວົາ ໃຫ້ສຳພາດຕໍ່ສື່ມວນຊົນແຂວງສາລະວັນ ວ່າ: ຄະນະພັກ, ອໍານາດການປົກຄອງບ້ານ ແລະ ປະຊາຊົນ ໄດ້ປຶກສາຫາລືກັນ ແລະ ຄົ້ນຄວ້າກ່ຽວກັບການສຳຫຼວດການສ້າງຝາຍນ້ຳລົ້ນ, ແລວຄອງຝາຍ, ເກັບກໍາຂໍ້ມູນລະອຽດ, ເນື້ອທີ່ຂອງແຕ່ລະບ້ານ, ແຕ່ລະຄອບຄົວ ທີ່ນອນໃນເຂດດັ່ງກ່າວ ຈຶ່ງໄດ້ມີຄວາມເປັນເອກະພາບກັນ ສົມທົບທຶນຮອນປະກອບສ່ວນຢ່າງເປັນເຈົ້າການ ສ້າງຝາຍນ້ຳລົ້ນ, ຂຸດຄອງຝາຍ ແລະ ໄດ້ລົງມືຈັດຕັ້ງປະຕິບັດ ເປັນເວລາ 2 ອາທິດ ຈຶ່ງສຳເລັດ ໂດຍໄດ້ນໍາໃຊ້ກົນຈັກ ເພື່ອຈົກຄອງຝາຍ ໄລຍະ 4 ພັນກວ່າແມັດ, ກວ້າງ 1,5 ແມັດ, ເລິກປະມານ 1 ແມັດກວ່າ, ໃນນັ້ນຄອບຄົວທີ່ຈະໄດ້ຊົມໃຊ້ນໍ້າທໍາການຜະລິດ ມີທັງໝົດ 61 ຄອບຄົວ, ປັດຈຸບັນການຈັດຕັ້ງປະຕິບັດສຳເລັດ 100% ແລະ ໄດ້ທົດລອງນໍາໃຊ້ນໍ້າແມ່ນສະດວກສະບາຍ, ປະຊາຊົນ ກໍມີຄວາມດີອົກດີໃຈ ຕໍ່ກັບຜົນສໍາເລັດ ທີ່ເປັນໝາກຜົນອັນລວມຂອງປະຊາຊົນໃນ 3 ບ້ານ ມູນຄ່າການກໍ່ສ້າງທັງໝົດ 150 ລ້ານກີບ.
ທ່ານ ມີໄຊ ສິດທິວົງ ຕາງໜ້າປະຊາຊົນບ້ານແກ້ງກະເວົາ ໄດ້ສະແດງຄວາມດີໃຈ ແລະ ຊົມເຊີຍຕໍ່ການຊີ້ນໍາໆພາຂອງອົງການປົກຄອງທັງ 3 ບ້ານ ກໍຄືປະຊາຊົນ ໄດ້ມີສ່ວນຮ່ວມ, ມີຄວາມສາມັກຄີກັນຕັດສິນໃຈສູງ, ຂົນຂວາຍ, ຊອກທຸກເງື່ອນໄຂທຸກດ້ານ ເພື່ອເປັນການລິເລີ່ມວຽກງານດັ່ງກ່າວໃຫ້ເກີດຂຶ້ນ, ທັງໄດ້ປະກອບສ່ວນຢ່າງຕັ້ງໜ້າ ໂດຍສະເພາະການສົມທົບທຶນຮອນ, ເຫື່ອແຮງ, ປະກອບສ່ວນເນື້ອທີ່ດິນຂຸດຄອງຝາຍຜ່ານ ທັງເປັນໃບໜ້າໃໝ່ ຂອງການຈັດຕັ້ງ, ຂອງປະຊາຊົນ ທີ່ຕ້ອງການເພີ່ມພູນຜະລິດຜົນ ເປັນຕົ້ນການປູກ-ການລ້ຽງ ແລະ ອື່ນໆ.
ສໍາລັບຝາຍນໍ້າລົ້ນດັ່ງກ່າວ, ຕາມການສຳຫຼວດ ສາມາດຫົດເນື້ອທີ່ໄດ້ທັງໝົດ 30 ເຮັກຕາ ນອນໃນ 3 ບ້ານ ຄື: ບ້ານແກ້ງກະເວົາ ກວມເອົາເນື້ອການຜະລິດປະມານເນື້ອທີ່ 15 ເຮັກຕາ, ໃນ 30 ຄອບຄົວ, ບ້ານສອງກະລອງ 10 ເຮັກຕາ, ໃນຈໍານວນ 25 ຄອບຄົວ ແລະ ບ້ານຈານເໜືອ 6 ຄອບຄົວ ກວມເອົາ 5 ເຮັກຕາ ເພື່ອຊຸກຍູ້ສົ່ງເສີມປະຊາຊົນ ໄດ້ທໍາການຜະລິດຫຼາຍຂຶ້ນ, ນອກຈາກການເຮັດນາປູກເຂົ້າແລ້ວກໍຍັງສາມາດປູກພືດພັກລະດູແລ້ງ, ການລ້ຽງ ແລະ ສາມາດແກ້ໄຂວຽກງານຕ້ານແລ້ງ, ຕ້ານຖ້ວມ ໃນລະດັບໜຶ່ງພາຍໃນບ້ານດັ່ງກ່າວອີກດ້ວຍຊຶ່ງສອດຄ່ອງກັບແນວທາງນະໂຍບາຍຂອງພັກ-ລັດ. ປະຊາຊົນໃນ 3 ບ້ານ ມີພົນລະເມືອງທັງໝົດເກືອບ 2 ພັນຄົນ, ສ່ວນໃຫຍ່ມີອາຊີບປູກຝັງ-ລ້ຽງສັດ. ພາຍຫຼັງໄດ້ສຳເລັດການບຸກເບີກຈົກຄອງຝາຍແລ້ວ ກໍໄດ້ທົດລອງນໍາໃຊ້ນ້ຳເຂົ້າໃສ່ການຜະລິດ ຊຶ່ງຫຼາຍຄອບຄົວ ກໍໄດ້ລົງມືສູ່ການປູກເຂົ້ານາແຊງ ແລ້ວຈໍານວນໜຶ່ງ.
ອຳນາດການປົກຄອງທັງ 3 ບ້ານ ຍັງມີແຜນສືບຕໍ່ປັບປຸງໃຫ້ດີຂຶ້ນໃນຕໍ່ໜ້າ ເພື່ອນໍາໃຊ້ຝາຍເກັບນໍ້າ ໃຫ້ຍາວນານ, ຍືນຍົງ ໂດຍສະເພາະຫົວງານ ຈະໄດ້ເທເບຕົງເສີມເຫຼັກ ແລະ ອອກລະບຽບການນໍາໃຊ້ນໍ້າ, ການບົວລະບັດຄອງຝາຍ, ການບໍາລຸງຮັກສາໃນທຸກໆປີ, ປັບປຸງຈຸດທີ່ນໍ້າໄຫຼບໍ່ສະດວກ ແລະ ອື່ນໆ, ທັງມີແຜນການພັດທະນາໃຫ້ດີຂຶ້ນໃນຕໍ່ໜ້າ.
ຂ່າວ-ພາບ: ວິໄລວອນ ສິດທິໄຊ
ທ່ານ ບຸດດາ ຕໍຫັດ ເລຂາໜ່ວຍພັກ ນາຍບ້ານໆແກ້ງກະເວົາ ໃຫ້ສຳພາດຕໍ່ສື່ມວນຊົນແຂວງສາລະວັນ ວ່າ: ຄະນະພັກ, ອໍານາດການປົກຄອງບ້ານ ແລະ ປະຊາຊົນ ໄດ້ປຶກສາຫາລືກັນ ແລະ ຄົ້ນຄວ້າກ່ຽວກັບການສຳຫຼວດການສ້າງຝາຍນ້ຳລົ້ນ, ແລວຄອງຝາຍ, ເກັບກໍາຂໍ້ມູນລະອຽດ, ເນື້ອທີ່ຂອງແຕ່ລະບ້ານ, ແຕ່ລະຄອບຄົວ ທີ່ນອນໃນເຂດດັ່ງກ່າວ ຈຶ່ງໄດ້ມີຄວາມເປັນເອກະພາບກັນ ສົມທົບທຶນຮອນປະກອບສ່ວນຢ່າງເປັນເຈົ້າການ ສ້າງຝາຍນ້ຳລົ້ນ, ຂຸດຄອງຝາຍ ແລະ ໄດ້ລົງມືຈັດຕັ້ງປະຕິບັດ ເປັນເວລາ 2 ອາທິດ ຈຶ່ງສຳເລັດ ໂດຍໄດ້ນໍາໃຊ້ກົນຈັກ ເພື່ອຈົກຄອງຝາຍ ໄລຍະ 4 ພັນກວ່າແມັດ, ກວ້າງ 1,5 ແມັດ, ເລິກປະມານ 1 ແມັດກວ່າ, ໃນນັ້ນຄອບຄົວທີ່ຈະໄດ້ຊົມໃຊ້ນໍ້າທໍາການຜະລິດ ມີທັງໝົດ 61 ຄອບຄົວ, ປັດຈຸບັນການຈັດຕັ້ງປະຕິບັດສຳເລັດ 100% ແລະ ໄດ້ທົດລອງນໍາໃຊ້ນໍ້າແມ່ນສະດວກສະບາຍ, ປະຊາຊົນ ກໍມີຄວາມດີອົກດີໃຈ ຕໍ່ກັບຜົນສໍາເລັດ ທີ່ເປັນໝາກຜົນອັນລວມຂອງປະຊາຊົນໃນ 3 ບ້ານ ມູນຄ່າການກໍ່ສ້າງທັງໝົດ 150 ລ້ານກີບ.
ທ່ານ ມີໄຊ ສິດທິວົງ ຕາງໜ້າປະຊາຊົນບ້ານແກ້ງກະເວົາ ໄດ້ສະແດງຄວາມດີໃຈ ແລະ ຊົມເຊີຍຕໍ່ການຊີ້ນໍາໆພາຂອງອົງການປົກຄອງທັງ 3 ບ້ານ ກໍຄືປະຊາຊົນ ໄດ້ມີສ່ວນຮ່ວມ, ມີຄວາມສາມັກຄີກັນຕັດສິນໃຈສູງ, ຂົນຂວາຍ, ຊອກທຸກເງື່ອນໄຂທຸກດ້ານ ເພື່ອເປັນການລິເລີ່ມວຽກງານດັ່ງກ່າວໃຫ້ເກີດຂຶ້ນ, ທັງໄດ້ປະກອບສ່ວນຢ່າງຕັ້ງໜ້າ ໂດຍສະເພາະການສົມທົບທຶນຮອນ, ເຫື່ອແຮງ, ປະກອບສ່ວນເນື້ອທີ່ດິນຂຸດຄອງຝາຍຜ່ານ ທັງເປັນໃບໜ້າໃໝ່ ຂອງການຈັດຕັ້ງ, ຂອງປະຊາຊົນ ທີ່ຕ້ອງການເພີ່ມພູນຜະລິດຜົນ ເປັນຕົ້ນການປູກ-ການລ້ຽງ ແລະ ອື່ນໆ.
ສໍາລັບຝາຍນໍ້າລົ້ນດັ່ງກ່າວ, ຕາມການສຳຫຼວດ ສາມາດຫົດເນື້ອທີ່ໄດ້ທັງໝົດ 30 ເຮັກຕາ ນອນໃນ 3 ບ້ານ ຄື: ບ້ານແກ້ງກະເວົາ ກວມເອົາເນື້ອການຜະລິດປະມານເນື້ອທີ່ 15 ເຮັກຕາ, ໃນ 30 ຄອບຄົວ, ບ້ານສອງກະລອງ 10 ເຮັກຕາ, ໃນຈໍານວນ 25 ຄອບຄົວ ແລະ ບ້ານຈານເໜືອ 6 ຄອບຄົວ ກວມເອົາ 5 ເຮັກຕາ ເພື່ອຊຸກຍູ້ສົ່ງເສີມປະຊາຊົນ ໄດ້ທໍາການຜະລິດຫຼາຍຂຶ້ນ, ນອກຈາກການເຮັດນາປູກເຂົ້າແລ້ວກໍຍັງສາມາດປູກພືດພັກລະດູແລ້ງ, ການລ້ຽງ ແລະ ສາມາດແກ້ໄຂວຽກງານຕ້ານແລ້ງ, ຕ້ານຖ້ວມ ໃນລະດັບໜຶ່ງພາຍໃນບ້ານດັ່ງກ່າວອີກດ້ວຍຊຶ່ງສອດຄ່ອງກັບແນວທາງນະໂຍບາຍຂອງພັກ-ລັດ. ປະຊາຊົນໃນ 3 ບ້ານ ມີພົນລະເມືອງທັງໝົດເກືອບ 2 ພັນຄົນ, ສ່ວນໃຫຍ່ມີອາຊີບປູກຝັງ-ລ້ຽງສັດ. ພາຍຫຼັງໄດ້ສຳເລັດການບຸກເບີກຈົກຄອງຝາຍແລ້ວ ກໍໄດ້ທົດລອງນໍາໃຊ້ນ້ຳເຂົ້າໃສ່ການຜະລິດ ຊຶ່ງຫຼາຍຄອບຄົວ ກໍໄດ້ລົງມືສູ່ການປູກເຂົ້ານາແຊງ ແລ້ວຈໍານວນໜຶ່ງ.
ອຳນາດການປົກຄອງທັງ 3 ບ້ານ ຍັງມີແຜນສືບຕໍ່ປັບປຸງໃຫ້ດີຂຶ້ນໃນຕໍ່ໜ້າ ເພື່ອນໍາໃຊ້ຝາຍເກັບນໍ້າ ໃຫ້ຍາວນານ, ຍືນຍົງ ໂດຍສະເພາະຫົວງານ ຈະໄດ້ເທເບຕົງເສີມເຫຼັກ ແລະ ອອກລະບຽບການນໍາໃຊ້ນໍ້າ, ການບົວລະບັດຄອງຝາຍ, ການບໍາລຸງຮັກສາໃນທຸກໆປີ, ປັບປຸງຈຸດທີ່ນໍ້າໄຫຼບໍ່ສະດວກ ແລະ ອື່ນໆ, ທັງມີແຜນການພັດທະນາໃຫ້ດີຂຶ້ນໃນຕໍ່ໜ້າ.
ຂ່າວ-ພາບ: ວິໄລວອນ ສິດທິໄຊ
ຄໍາເຫັນ