ເຈົ້າແຂວງຫຼວງນໍ້າທາ ປະທານປ້ອງກັນຊາດ–ປ້ອງກັນຄວາມສະຫງົບແຂວງ, ທ່ານ ພົນຕີ ພັນແສງ ບຸນພັນ ຮອງຫົວໜ້າກົມໃຫຍ່ ເສນາທິການ ກອງທັບ ກະຊວງປ້ອງກັນປະເທດ, ທ່ານ ເວີຍກ່ວນຊ່ຽວ ຮອງອຳນວຍການ ບໍລິສັດ ສະໜາມ ກິລາ ຍິງປືນລາວ ເລກ 9 ຈໍາກັດຜູ້ດຽວ ພ້ອມດ້ວຍພາກສ່ວນທີ່ກ່ຽວຂ້ອງເຂົ້າຮ່ວມ.
ທ່ານ ພັນໂທ ຂີງຄໍາ ກູໂພຄໍາ ຄະນະປະສານງານ ໂຄງການ ຕາງໜ້າໃຫ້ບໍລິສັດ ສະໜາມກິລາ ຍິງປືນລາວ ເລກ 9 ຈໍາກັດ ຜູ້ດຽວ ໃນນາມ ຄູ່ຮ່ວມມື ກັບ ກອງບັນຊາການທະຫານແຂວງ ຕາມທິດຊີ້ນຳ ຂອງກະຊວງ ປ້ອງກັນປະເທດ ອີງຕາມ ຂໍ້ຕົກລົງ ຂອງລັດຖະມົນຕີ ກະຊວງປ້ອງກັນປະເທດ ວ່າດ້ວຍການຕົກລົງ ເຫັນດີ ໃຫ້ບໍລິສັດຈິ່ງເພີ່ງຫ່ວງ ແກັດເຈ້ຍ ຫຸ້ມຫໍ່ ລາວ ດຳເນີນການກໍ່ສ້າງ ສະໜາມ ກິລາ ຍິງປືນ ແບບໃນຮົ່ມຂອງແຂວງຫຼວງນໍ້າທາ ທີ່ຂອບເຂດ ບ້ານ ຕີນຕົກ, ເມືອງຫຼວງນໍ້າທາ, ສະບັບ ເລກທີ 114/ກປທ, ລົງວັນທີ26/01/2022, ບົດວິພາກ ເສດຖະກິດ ວ່າດ້ວຍ
ໂຄງການ ກໍ່ສ້າງ ສະໜາມກິລາຍິງປືນລາວ ເລກ 9 ຮ່ວມມື ລະຫວ່າງ ກອງບັນຊາການທະຫານແຂວງຫຼວງນ້ຳທາ ກັບ ບໍລິສັດ ສະໜາມ ກິລາ ຍິງປືນ ລາວເລກ 9 ຈໍາກັດຜູ້ດຽວ ແລະ ສັນຍາວ່າດ້ວຍໂຄງການກໍ່ສ້າງ ສະໜາມກິລາ ຍິງປືນໃນຮົ່ມຂອງບໍລິສັດ ສະໜາມກິລາຍິງປືນລາວ ເລກ 9 ຈໍາກັດ ຜູ້ດຽວ ລະຫວ່າງ ອົງການປົກຄອງແຂວງ ຫຼວງນໍ້າທາ ຕາງໜ້າໂດຍ ພະແນກແຜນການ ແລະ ການລົງທຶນແຂວງ ຫຼວງນ້ຳທາ ກັບ ບໍລິສັດ ສະໜາມ ກິລາຍິງປືນລາວ ເລກ 9 ຈໍາກັດ ຜູ້ດຽວ, ສະບັບເລກທີ 13/ຜທ.ນທ, ລົງວັນທີ 14 ກຸມພາ 2023.
ໂຄງການກໍ່ສ້າງສະໜາມກິລາ ຍິງປືນດັ່ງກ່າວ ສ້າງຂຶ້ນເພື່ອອຳນວຍຄວາມສະດວກໃຫ້ແກ່ ວົງການກິລາຍິງປືນ ຂອງແຂວງ ແລະ ເປັນການດຶງດູດນັກທ່ອງທ່ຽວ ທັງພາຍໃນ ແລະ ຕ່າງປະເທດ ຜູ້ທີ່ມີພອນສະຫວັນໃນດ້ານ ວົງການກິລາຍິງປືນ ເຂົ້າມາບໍລິການ ຢູ່ສະຖານທີ່ດັ່ງກ່າວ, ຊຶ່ງເປັນການສ້າງເງື່ອນໄຂອຳນວຍຄວາມສະດວກ ໃນການອົບຮົມ, ຫັດແອບ ວຽກງານປ້ອງກັນຊາດ - ປ້ອງກັນຄວາມສະຫງົບ ໃນການຍິງລູກປືນແທ້ ແລະ ຈັດງານແຂ່ງຂັນກິລາຍິງປືນ, ເພື່ອຫຼີກເວັ້ນ ບັນຫາປະກົດການ ຫຍໍ້ທໍ້ໃນສັງຄົມ, ຊຶ່ງໂຄງການດັ່ງກ່າວເລີ້ມລົງມືກໍ່ສ້າງມາແຕ່ ເດືອນມີນາ 2023 ປະກອບມີ 9 ຫ້ອງຍິງໂດຍນຳໃຊ້ທຶນເອກະຊົນ 100%. ໂດຍນໍາໃຊ້ປືນສັ້ນ K-59, ປືນແວ່ງຍາວ - ສັ້ນ, ປືນເຫຼັກຍາວ AK ແລະ ປືນລົມ. ການຍິງມີ 2 ໄລຍະຄື: 25 ແມັດ ແລະ 100ແມັດ ໂດຍນຳໃຊ້ທຶນເອກະຊົນ 100%
ໂອກາດນີ້, ບັນດາການນໍາທີ່ເຂົ້າຮ່ວມໄດ້ຮ່ວມກັນຕັດແຖບຜ້າ ເພື່ອເປີດນໍາໃຊ້ສະໜາມກິລາ ຍິງປືນລາວ ເລກ 9 ຢ່າງເປັນທາງການ.
(ຂ່າວ: ແກ້ວ ກ໋ວາງ)
ຄໍາເຫັນ