ເປີດງານວາງສະແດງ ຜົນງານແຫ່ງຊາດ ຫວຽດນາມ

14:26 28/08/2025

ພິທີເປີດງານວາງສະແດງຜົນງານແຫ່ງຊາດ "80 ປີແຫ່ງເອກະລາດ - ເສລີພາບ-ຄວາມສຸກ" ເນື່ອງໃນໂອກາດສະເຫຼີມສະຫຼອງ 80 ປີແຫ່ງວັນການປະຕິວັດເດືອນສິງຫາ ແລະ ວັນຊາດ ຫວຽດນາມ ວັນທີ 2 ກັນຍາ (1945-2025) ໄດ້ຈັດຂຶ້ນຢ່າງສົມກຽດ ໃນວັນທີ 28 ສິງຫານີ້ ທີ່ສູນວາງສະແດງແຫ່ງຊາດ ນະຄອນຫຼວງຮ່າໂນ້ຍ; ມີ ສະຫາຍ ໂຕເລິມ ເລຂາທິການໃຫຍ່ ຄະນະບໍລິຫານງານສູນກາງພັກກອມມູນິດຫວຽດນາມ ພ້ອມດ້ວຍບັນດາສະຫາຍການນໍາຂັ້ນສູງ ອະດີດການນໍາຂັ້ນສູງຂອງພັກ-ລັດ ຫວຽດນາມ, ບັນດາແຂກພາຍໃນ ແລະ ຕ່າງປະເທດເຂົ້າຮ່ວມປະມານ 6,000 ຄົນ.

ເປດງານວາງສະແດງ ຜນງານແຫງຊາດ ຫວຽດນາມ - image 1

ໃນພິທີ, ໄດ້ມີການສະແດງສິລະປະ ເພື່ອເຊີດຊູຜົນງານແຫ່ງຊາດຫວຽດນາມ. ຈາກນັ້ນ, ສະຫາຍ ຫງວຽນວັນຮຸ່ງ ລັດຖະມົນຕີກະຊວງວັດທະນະທໍາ, ກິລາ ແລະ ທ່ອງທ່ຽວ ໄດ້ຂຶ້ນລາຍງານການກະກຽມງານວາງສະແດງດັ່ງກ່າວ; ສະຫາຍ ຟ້າມມິງຈິງ ກຳມະການກົມການເມືອງສູນກາງພັກ ນາຍົກລັດຖະມົນຕີ ແຫ່ງ ສສ ຫວຽດນາມ ໄດ້ຂຶ້ນກ່າວເປີດງານວ່າ: ໃນບັນຍາກາດທີ່ຄຶກຄື້ນ, ຄວາມສະຫງ່າອົງອາດຂອງບັນດາວັນສຳຄັນ ໃນລະດູໃບໄມ້ຫຼົ່ນ ແຫ່ງປະຫວັດສາດ, ທົ່ວປະເທດໄດ້ຄຶກຄື້ນທີ່ຈະສະເຫຼີມສະຫຼອງ ຄົບຮອບ 80 ປີ ວັນມູນເຊື້ອຕໍາຫຼວດປະຊາຊົນຫວຽດນາມ ວິລະຊົນ, ວັນແຫ່ງການປະຕິວັດເດືອນສິງຫາ ທີ່ໄດ້ປະສົບຜົນສຳເລັດ ແລະ ວັນຊາດ 2 ກັນຍາ ທີ່ນະຄອນຫຼວງຮ່າໂນ້ຍວິລະຊົນ, ວັດທະນະທໍາພັນປີ, ໝາກຫົວໃຈຂອງທັງຊາດ-ນະຄອນ ເພື່ອສັນຕິພາບ-ນະຄອນຫຼວງຂອງມະໂນທໍາ ແລະ ກຽດສັກສີຂອງມະນຸດ, ພວກເຮົາໄດ້ຈັດພິທີເປີດງານວາງສະແດງຜົນງານແຫ່ງຊາດ ພາຍໃຕ້ຫົວຂໍ້ "80 ປີແຫ່ງເອກະລາດ-ເສລີພາບ-ຄວາມສຸກ" ຢ່າງສະຫງ່າຜ່າເຜີຍ ຢູ່ສູນວາງສະແດງແຫ່ງຊາດ-ໜຶ່ງສະຖາປັດຕະຍະກຳທີ່ເປັນເອກະລັກສະເພາະ, ເປັນພື້ນທີ່ເປີດກວ້າງ, ມີພື້ນຖານໂຄງລ່າງຄົບຊຸດ ແລະ ເຕັກໂນໂລຊີທີ່ກ້າວໜ້າ.

ເປດງານວາງສະແດງ ຜນງານແຫງຊາດ ຫວຽດນາມ - image 2

ງານວາງສະແດງດັ່ງກ່າວ, ແມ່ນຈັດໃນລະຫວ່າງວັນທີ 28 ສິງຫາ ຫາ 5 ກັນຍາ 2025 ຊຶ່ງເນື້ອໃນຂອງການວາງສະແດງໃນງານແມ່ນສຸມໃສ່ນໍາສະເໜີບັນດາຜົນງານທີ່ພົ້ນເດັ່ນຂອງປະເທດຊາດໃນ 80 ປີແຫ່ງການກໍ່ສ້າງ ແລະ ພັດທະນາໃນຂົງເຂດຕ່າງໆ ເປັນຕົ້ນແມ່ນຂົງເຂດທີ່ເປັນຈຸດສຳຄັນຄື: ອຸດສາຫະກຳ-ເຕັກໂນໂລຊີ, ການຄ້າ-ການລົງທຶນ, ກະສິກຳ ແລະ ພັດທະນາຊົນນະບົດ, ປ້ອງກັນຊາດ-ປ້ອງກັນຄວາມສະຫງົບ, ການຕ່າງປະເທດ, ສາທາລະນະສຸກ, ການສຶກສາ, ວັດທະນະທໍາ, ກິລາ ແລະ ທ່ອງທ່ຽວ.

ວັດທະນະທໍາຫວຽດນາມ-ປະເທດຊາດ-ຜູ້ຄົນກັບມູນເຊື້ອວັດທະນະທໍາ 4,000 ປີ ແຫ່ງປະຫວັດສາດ; ຄວາມຫຼາກຫຼາຍທາງດ້ານວັດທະນະທໍາຂອງ 54 ຊົນເຜົ່າ, ຄວາມອຸດົມສົມບູນຂອງຊັບພະຍາກອນ, ວັດຖຸພັນຂອງສາມພາກ (ພາກເໜືອ, ພາກກາງ, ພາກໃຕ້), ບັນດາສະຖາປັດຕະຍະກໍາທີ່ພົ້ນເດັ່ນໃນເມື່ອກ່ອນ ແລະ ປັດຈຸບັນໃນທົ່ວປະເທດ.

ເປດງານວາງສະແດງ ຜນງານແຫງຊາດ ຫວຽດນາມ - image 3

ບັນດາອຸດສາຫະກຳສີຂຽວ ແລະ ການເດີນທາງແຫ່ງການຫັນປ່ຽນສີຂຽວ, ຫັນເປັນດີຈີຕອນຂອງຫວຽດນາມ, ອຸດສາຫະກຳການບິນ ແລະ ອາວະກາດຂອງຫວຽດນາມ; ອຸດສາຫະກຳປ້ອງກັນຊາດ-ປ້ອງກັນຄວາມສະຫງົບຂອງຫວຽດນາມ; ພື້ນທີ່ 12 ຂະແໜງອຸດສາຫະກໍາວັດທະນະທໍາຂອງຫວຽດນາມ.

ລວມພື້ນທີ່ທີ່ໃຊ້ໃນການວາງສະແດງ ທັງຢູ່ໃນອາຄານ ແລະ ເດີນກາງແຈ້ງ ທີ່ສູນວາງສະແດງແຫ່ງຊາດ ໃນເນື້ອທີ່ 250,900.6 ຕາແມັດ; ມີການເຂົ້າຮ່ວມຂອງ 34 ແຂວງ/ນະຄອນ, 28 ກະຊວງ/ອົງການ, ມີຫຼາຍກວ່າ 230 ຫ້າງຮ້ານ ແລະ ມີ 106 ວິສາຫະກິດຂອງລັດ ແລະ ເອກະຊົນ ເຂົ້າຮ່ວມວາງສະແດງ.

(ຂ່າວ: ສຸກສະຫວັນ)

ຄໍາເຫັນ

ຂ່າວຕ່າງປະເທດ

ທ່ານເລຂາທິການໃຫຍ່ຫວຽດນາມ ພົບປະບັນດາຜູ້ແທນສະພາແຫ່ງຊາດ

28/08/2025 15:33

ວິທະຍຸກະຈາຍສຽງຫວຽດນາມລາຍງານວ່າ: ໃນວັນທີ 27 ສິງຫາ ຜ່ານມາ ຢູ່ນະຄອນຫຼວງຮ່າໂນ້ຍ, ທ່ານ ໂຕເລິມ ເລຂາທິການໃຫຍ່ ເຂົ້າຮ່ວມ ແລະ ເປັນປະທານການພົບປະບັນດາຜູ້ແທນສະພາແຫ່ງຊາດ ເນື່ອງໃນໂອກາດສະເຫຼີມສະຫຼອງ 80 ປີແຫ່ງວັນການປະຕິວັດເດືອນສິງຫາ ແລະ ວັນຊາດ ຫວຽດນາມ ວັນທີ 2 ກັນຍາ (1945-2025) ແລະ ກ້າວໄປເຖິງພິທີສະເຫຼີມສະຫຼອງ 80 ປີແຫ່ງວັນເລືອກຕັ້ງສະມາຊິກສະພາແຫ່ງຊາດທົ່ວປະເທດ ຄັ້ງທຳອິດ (1945 - 2026).

ຂະໜາດຕະຫຼາດການຈໍລະຈອນສິນຄ້າຂອງຈີນ ເປັນອັນດັບໜຶ່ງຂອງໂລກຫຼາຍປີຕິດຕໍ່ກັນ

28/08/2025 15:31

ຂ່າວສານຊີອາໄອລາຍງານ ໃນວັນທີ 26 ສິງຫາ ຜ່ານມາວ່າ: ແຫຼ່ງຂ່າວຈາກສະມາຄົມການຈໍລະຈອນ ແລະ ຈັດຊື້ສິນຄ້າຈີນໃຫ້ຮູ້ວ່າ, ໃນໄລຍະແຜນພັດທະນາເສດຖະກິດ-ສັງຄົມແຫ່ງຊາດ 5 ປີຄັ້ງທີ 14 ຂອງຈີນ, ຍອດມູນຄ່າການຈໍລະຈອນສິນຄ້າໃນສັງຄົມຈີນໄດ້ຮັກສາການພັດທະນາຢ່າງໝັ້ນທ່ຽງ. ປີ 2025, ຍອດມູນຄ່າການຈໍລະຈອນສິນຄ້າໃນທົ່ວສັງຄົມຈີນຈະບັນລຸເຖິງ 380,000 ຕື້ຢວນ, ໄດ້ເພີ່ມຂຶ້ນປະມານ 80,000 ຕື້ຢວນໃນຮອບ 5 ປີ. ຂະໜາດລາຍຮັບລວມຈາກອຸດສາຫະກຳຈໍລະຈອນສິນຄ້າຂອງຈີນໄດ້ຂະຫຍາຍກວ້າງອອກຢ່າງຕໍ່ເນື່ອງ, ໄດ້ເພີ່ມຂຶ້ນປະມານ 4,000 ຕື້ຢວນໃນຮອບ 5 ປີ ແລະ ຄາດວ່າຈະມີຫຼາຍກວ່າ 14,000 ຕື້ຢວນໃນປີ 2025, ຂະໜາດຕະຫຼາດອາດຈະສາມາດຄອງອັນດັບໜຶ່ງຂອງໂລກເປັນປີທີ 10 ຕິດຕໍ່ກັນ.

ສ ເກົາຫຼີ ຫ້າມໃຊ້ໂທລະສັບມືຖືໃນຫ້ອງຮຽນທົ່ວປະເທດ

28/08/2025 15:28

ຂ່າວຕ່າງປະເທດລາຍງານ ໃນວັນທີ 27 ສິງຫາ ຜ່ານມາວ່າ: ສ ເກົາຫຼີ ໄດ້ຜ່ານຮ່າງກົດໝາຍໃໝ່ ຫ້າມໃຊ້ໂທລະສັບມືຖື ແລະ ອຸປະກອນອັດສະລິຍະ ໃນເວລາຮຽນໃນໂຮງຮຽນທົ່ວປະເທດ. ໂດຍຈະມີຜົນບັງຄັບໃຊ້ນັບແຕ່ສົກຮຽນໃໝ່ ເດືອນມີນາ 2026 ເປັນຕົ້ນໄປ, ຖືເປັນຄວາມພະຍາຍາມຂອງທັງຝ່າຍລັດຖະບານ ແລະ ຝ່າຍຄ້ານ ເພື່ອແກ້ໄຂບັນຫາການຕິດໂທລະສັບມືຖື ຊຶ່ງຜົນການສຶກສາຫຼາຍຄັ້ງໄດ້ລະບຸວ່າ: ມີຜົນກະທົບທາງລົບຕໍ່ການພັດທະນາ ແລະ ການຮຽນຮູ້ຂອງເດັກນ້ອຍ ແລະ ໄວໜຸ່ມ.

ສະມັດຊາໃຫຍ່ ສປຊ ຮັບຮອງເອົາມະຕິສ້າງຕັ້ງອົງການທີ່ປຶກສາກ່ຽວກັບ AI ລະດັບໂລກ

28/08/2025 15:26

ຂ່າວຕ່າງປະເທດລາຍງານ ໃນວັນທີ 26 ສິງຫາ ຜ່ານມາວ່າ: ກອງປະຊຸມສະມັດຊາໃຫຍ່ອົງການສະຫະປະຊາຊາດ (ສປຊ)ໄດ້ສ້າງຕັ້ງອົງການທີ່ປຶກສາກ່ຽວກັບປັນຍາປະດິດ (AI) ເພື່ອໃຫ້ປະເທດຕ່າງໆສາມາດຕັດສິນໃຈ ແລະ ເຈລະຈາກ່ຽວກັບເຕັກໂນໂລຊີດັ່ງກ່າວ.

ອິນເດຍ ຜ່ານຮ່າງກົດໝາຍຫ້າມການບໍລິການເກມອອນລາຍກ່ຽວກັບເງິນ

26/08/2025 11:14

ຂ່າວຕ່າງປະເທດລາຍງານ ໃນທ້າຍອາທິດຜ່ານມາວ່າ: ສະພາສູງຂອງລັດຖະສະພາອິນເດຍ ໄດ້ຜ່ານຮ່າງກົດໝາຍສົ່ງເສີມ ແລະ ຄວບຄຸມເກມອອນລາຍ ປີ 2025 ຊຶ່ງຫ້າມການບໍລິການເກມອອນລາຍທີ່ກ່ຽວຂ້ອງກັບເງິນ, ລວມທັງການໂຄສະນາ ແລະ ທຸລະກໍາທາງດ້ານການເງິນທີ່ກ່ຽວຂ້ອງ. ຫຼັງຈາກສະພາຕໍ່າຂອງລັດຖະສະພາອິນເດຍຜ່ານຮ່າງກົດ ໝາຍດັ່ງກ່າວ ໃນວັນທີ 20 ສິງຫາ ຜ່ານມາ.

WHO-WMO ຮຽກຮ້ອງໃຫ້ທົ່ວໂລກພະຍາຍາມປົກປ້ອງຄົນງານຈາກຄື້ນຄວາມຮ້ອນ

26/08/2025 11:13

ຂ່າວຕ່າງປະເທດລາຍງານ ໃນວັນທີ 23 ສິງຫາ ຜ່ານມາວ່າ: ບົດລາຍງານສະບັບສົມບູນ ແລະ ຄຳແນະນຳທາງດ້ານເຕັກນິກ ຊຶ່ງອົງການອະນາໄມໂລກ (WHO) ແລະ ອົງການອຸຕຸນິຍົມວິທະຍາໂລກ (WMO) ໄດ້ປະກາດຫວ່າງມໍ່ໆມານີ້, ໄດ້ຮຽກຮ້ອງໃຫ້ມີການເຄື່ອນໄຫວທົ່ວໂລກເພື່ອແກ້ໄຂໄພຂົ່ມຂູ່ຂອງຄື້ນຄວາມຮ້ອນທີ່ທະວີຄວາມຮຸ່ນແຮງຍິ່ງຂຶ້ນຕໍ່ແຮງງານໃນທົ່ວໂລກ. ພາຍຫຼັງ ປີ 2024, ເປັນປີທີ່ຮ້ອນທີ່ສຸດໃນສະຖິຕິ, ດ້ວຍອຸນຫະພູມໃນຕອນກາງເວັນສູງເຖິງ 40 ອົງສາ ແລະ ບາງພາກພື້ນສູງເຖິງ 50 ອົງສາ ຊຶ່ງກໍາລັງກາຍເປັນປະກົດການທີ່ນັບມື້ນັບເພີ່ມຂຶ້ນ.

ມຽນມາ ຫັນກະໂປະໝາກພ້າວ ເປັນສິນຄ້າຫັດຖະກຳ ເພື່ອສ້າງລາຍຮັບ

26/08/2025 11:12

ຂ່າວຕ່າງປະເທດລາຍງານ ຫວ່າງມໍ່ໆມານີ້ວ່າ: ໂຮງງານຫັດຖະກຳ Gwat Gwat ຢູ່ນະຄອນຢາງກຸ້ງ ປະເທດມຽນມາ, ວາງສະແດງຜະລິດຕະພັນຈາກຄວາມຄິດສ້າງສັນຫຼາກຫຼາຍຊະນິດທີ່ເຮັດຈາກກະໂປະໝາກພ້າວທີ່ເຫຼືອຖິ້ມ ຊຶ່ງສະແດງໃຫ້ເຫັນວ່າຂີ້ເຫຍື້ອສາມາດປ່ຽນມາເປັນທັງສິລະປະ ແລະ ວັດຖຸທີ່ເປັນປະໂຫຍດໃຊ້ສອຍ.

ສາລະຄະດີ “ສາຍໃຍວັດທະນະທຳ ຂອງ ທ່ານ ສີ ຈິ້ນຜິງ” ຈະອອກອາກາດໃນສື່ຫຼັກປະເທດສະມາຊິກ SCO

26/08/2025 11:11

ເນື່ອງໃນໂອກາດຈະມີກອງປະຊຸມສຸດຍອດອົງການຮ່ວມມືຊາງໄຮ້ (shanghai cooperation organization; SCO) ໃນປີ 2025 ນີ້. ໃນວັນທີ 25 ສິງຫາ ຜ່ານມາ, ສະຖານີໂທລະພາບສາກົນແຫ່ງປະເທດຈີນ (CGTN) ທີ່ນະຄອນຫຼວງປັກກິ່ງ ໄດ້ຈັດງານແນະນຳລາຍການ ສາລະຄະດີ “ສາຍໃຍວັດທະນະທຳ ຂອງ ທ່ານ ສີ ຈິ້ນຜິງ” ຜ່ານທາງໂທລະພາບ ຊຶ່ງຈະອອກອາກາດໃນສື່ຫຼັກຂອງບັນດາປະເທດສະມາຊິກ SCO, ໂດຍການເຂົ້າຮ່ວມ ຂອງທ່ານ ເສິ່ນໃຫ່ສົງ ຮອງຫົວໜ້າຄະນະໂຄສະນາອົບຮົມສູນກາງ ຜູ້ອຳນວຍການໃຫຍ່ສະຖານີວິທະຍຸ-ໂທລະພາບສູນກາງ ແຫ່ງ ສປ ຈີນ, ທ່ານ ເຢີເມັກບາເຢຟ ເລຂາທິການໃຫຍ່ SCO ແລະ ທ່ານ ຈີເລບາເຢຟ ຜູ້ອຳນວຍການໃຫຍ່ ສະຖານີໂທລະພາບແຫ່ງຊາດກຽກກິດສະຖານ ພ້ອມດ້ວຍບັນດາສື່ຈາກສູນການສື່ສານຂ່າວສານສາກົນແຫ່ງ ສປ ຈີນ (CIPCC) ເຂົ້າຮ່ວມ.

ຫວຽດນາມ ຝຶກຊ້ອມໃຫຍ່ A80 ເທື່ອທີ 2 ຢູ່ສະໜາມຫຼວງບາດິ່ງ

26/08/2025 11:09

ວິທະຍຸກະຈາຍສຽງຫວຽດນາມລາຍງານວ່າ: ໃນຕອນຄ່ຳວັນທີ 24 ສິງຫາ ຜ່ານມາ, ຢູ່ສະໜາມຫຼວງບາດິ່ງ ທີ່ນະຄອນຫຼວງຮ່າໂນ້ຍ, ອານຸກຳມະການເດີນຂະບວນສວນສະໜາມສະແດງກ້ອນກຳລັງ ໄດ້ຈັດການຝຶກຊ້ອມກຳລັງປະກອບອາວຸດເຂົ້າຮ່ວມການເດີນຂະບວນສວນສະໜາມສະແດງກ້ອນກຳລັງໃນພິທີສະເຫຼີມສະຫຼອງ 80 ປີແຫ່ງວັນການປະຕິວັດເດືອນສິງຫາ (19 ສິງຫາ 1945 – 19 ສິງຫາ 2025) ແລະ 80 ປີແຫ່ງວັນຊາດຫວຽດນາມ (2 ກັນຍາ 1945 – 2 ກັນຍາ 2025) ໂດຍເອີ້ນຫຍໍ້ວ່າ: A80.

ຫວຽດນາມຍູ້ແຮງການປະຕິຮູບຮອບດ້ານ ໃນພາລະກິດການປ່ຽນແປງໃໝ່ ໝັ້ນຄົງ ເຂັ້ມແຂງ ສີວິໄລ ແລະ ຈະເລີນຮຸ່ງເຮືອງ

26/08/2025 09:45

ທົ່ວພັກ, ທົ່ວປວງຊົນ ແລະ ທົ່ວກອງທັບຫວຽດນາມ ພວມຈັດຕັ້ງປະຕິບັດຕາມແນວທາງການເມືອງ (ປັບປຸງ ແລະ ພັດທະນາປີ 2011), ລັດຖະທຳມະນູນປີ 2013, ມະຕິກອງປະຊຸມໃຫຍ່ຂອງພັກ ຄັ້ງທີ XIII ແລະ ບັນດາມະຕິຂອງສູນກາງພັກ ໂດຍສຸມໃສ່ "ສາມຍຸດທະສາດການປະຕິຮູບຫຼັກ, 6ພາລະກິດສຳຄັນ ແລະ 12 ກຸ່ມມາດຕະການໃຫຍ່" ເພື່ອຊຸກຍູ້ການປະຕິຮູບຢ່າງຮອບດ້ານ ເຂົ້າກັບພາລະກິດການປ່ຽນແປງໃໝ່, ຮັກສາໄວ້ຢ່າງເດັດຂາດເອກະລາດ, ອະທິປະໄຕ, ຄວາມເປັນເອກະພາບ ແລະ ຜືນແຜ່ນດິນອັນຄົບຖ້ວນ. ເດັດດ່ຽວຮັກສາຄວາມເປັນເອກະລາດ, ອະທິປະໄຕ, ເອກະພາບ ແລະ ຜືນແຜ່ນດິນອັນຄົບຖ້ວນຂອງຊາດ, ປົກປ້ອງພັກ, ລັດ, ປະຊາຊົນ ແລະ ລະບອບສັງຄົມນິຍົມ. ຮັກສາສະພາບແວດລ້ອມທີ່ສັນຕິ ແລະ ໝັ້ນຄົງ, ນໍາໃຊ້ຊັບພະຍາກອນ ແລະ ກໍາລັງຂັບເຄື່ອນທຸກດ້ານ ໂດຍສະເພາະ ວິທະຍາສາດ-ເຕັກໂນໂລຊີ, ນະວັດຕະກໍາ ແລະ ການຫັນປ່ຽນສູ່ດີຈີຕອນ ເພື່ອການພັດທະນາທີ່ວ່ອງໄວ ແລະ ຍືນຍົງ. ຍົກສູງລະດັບຄຸນນະພາບຊີວິດການເປັນຢູ່ປະຊາຊົນ, ຫຼຸດຜ່ອນຄວາມແຕກໂຕນກັບປະເທດທີ່ກ້າວໜ້າໃນພາກພື້ນ. ຍົກສູງຖານະບົດບາດຂອງປະເທດ ໃນເວທີສາກົນ ແລະ ມຸ່ງໝັ້ນໃຫ້ຫວຽດນາມ ກາຍເປັນປະເທດອຸດສາຫະກໍາທັນສະໄໝ ໃນກາງສະຕະວັດທີ XXI.

ເພີ່ມເຕີມ