 |
ຂະນະທີ່ຖືທຸງຊາດລາວ ນຳຂະບວນເດີນສວນສະໜາມຂອງທ້າວ ບຸນເພັດ ເທບທິດາ ນັກກິລາແລ່ນ-ລານຄົນພິການທີມຊາດລາວ ໂດຍມີທ່ານ ລັດທະໄຊ ອິນທະວົງ ຮອງຫົວໜ້າກົມກິລາມວນຊົນ, ພະລະ ແລະ ສິລະປະສຶກສາ ທັງເປັນຮອງຫົວໜ້າຄະນະນຳພາທັບນັກກິລາຄົນພິການລາວ ພ້ອມດ້ວຍຄະນະນັກກິລາລາວກ້າວເຂົ້າສູ່ສະໜາມ.
 |
ພິທີເປີດງານໄດ້ຈັດຂຶ້ນຢ່າງຍິ່ງໃຫຍ່ ແລະ ໜ້າຕື່ນຕາຕື່ນໃຈ ຊຶ່ງມີການສະແດງທັງແສງ ສີສຽງຢ່າງອະລັງການ ສະແດງໃຫ້ເຫັນເຖິງສິລະປະ, ວັດທະນະທຳ ແລະ ເອກະລັກຂອງໄທ ຊຶ່ງນຳສະເໜີຕໍ່ປະຊາຄົມອາຊຽນ ແລະ ທົ່ວໂລກ ໄດ້ມີການສະແດງຄອນເສີດ 3 ລາຍການ ຄື: “ຄວາມກົມກຽວຂອງຫົວໃຈ”, ເພງປັອບອີສານ ແລະ ຈັງຫວະແຫ່ງຄວາມຝັນຈາກສິລະປິນແຫ່ງຊາດທີ່ມີຊື່ສຽງຂອງໄທ.
 |
ສຳລັບງານແຂ່ງຂັນກິລາຄົນພິການອາຊຽນ ຄັ້ງທີ 13 ປີນີ້ ມີນັກກິລາຈາກ 10 ປະເທດອາຊຽນເຂົ້າຮ່ວມ 1,166 ຄົນ. ໃນນັ້ນບໍ່ມີພຽງແຕ່ຣາຊະອານາຈັກກຳປູເຈຍທີ່ຂໍຖອນຕົວ ແລະ ມີການຊີງໄຊຫຼຽນຄຳທັງໝົດ 493 ຫຼຽນຈາກ 19 ປະເພດກິລາ ແລະ ມີການສາທິດກິລາ 2 ປະເພດຄື: ກິລາອີສະປັອດ ແລະ ໂລນບານ. ສະເພາະ ສປປ ລາວ ສົ່ງຄະນະນັກກິລາເຂົ້າຮ່ວມທັງໝົດ 160 ກວ່າຄົນ ຈາກ 12 ປະເພດກິລາ ພ້ອມຕັ້ງເປົ້າຈະພະຍາຍາມສູ້ຊົນຍາດໃຫ້ໄດ້ຢ່າງໜ້ອຍ 1 ຫຼຽນຄຳ, 3 ຫຼຽນເງິນ ແລະ 5 ຫຼຽນທອງ ຊຶ່ງຈະເລີ່ມແຂ່ງ ຂັນຢ່າງເປັນທາງການລະຫວ່າງວັນທີ 20-26 ມັງກອນ 2026.
 |
ຂ່າວ-ພາບ: ສົງການ ພັນແພງດີ
ຄໍາເຫັນ