 |
ການສອບເສັງຊັ້ນ ມ4 ຈະຈັດຂຶ້ນໃນລະຫວ່າງວັນທີ 10-12 ມິຖຸນາ 2026 ແລະ ມ7 ໃນວັນທີ 17-19 ມິຖຸນາ 2026 ໂດຍສອບເສັງ 5 ວິຊາຫຼັກ. ໂດຍມີນັກສອບເສັງ ມ4 ຈຳນວນ 71,427 ຄົນ ແລະ ມ7 ຈຳນວນ 40,722 ຄົນ ລວມຫຼາຍກວ່າ 112,000 ຄົນ, 866 ສູນສອບເສັງທົ່ວປະເທດ. ພ້ອມກັນນີ້, ຍັງມີນະໂຍບາຍຈັດສອບເສັງຄືນໃຫ້ນັກຮຽນທີ່ມີເຫດຈຳເປັນ ເຊັ່ນ: ເຈັບເປັນ ຫຼື ຕິດພາລະກິດໃນນາມຕົວແທນປະເທດ.
ກະຊວງ ສສກ ໄດ້ວາງມາດຕະການຮັດກຸມ ເພື່ອປ້ອງກັນການຮົ່ວໄຫຼ ໂດຍໃຊ້ຫົວບົດສອບເສັງ 2 ຊຸດ (A ແລະ B) ພ້ອມລະບົບກວດຂໍ້ສອບອັດຕະໂນມັດ ແລະ ປະສານງານກັບຫຼາຍພາກສ່ວນເພື່ອຮັບປະກັນຄວາມໂປ່ງໃສ ແລະ ຍຸຕິທຳ. ພ້ອມທັງເນັ້ນໜັກໃຫ້ນັກຮຽນສອບເສັງດ້ວຍຄວາມຊື່ສັດ ບໍ່ນຳໂທລະສັບ ຫຼື ອຸປະກອນສື່ສານເຂົ້າຫ້ອງສອບ ແລະ ບໍ່ຫຼົງເຊື່ອຂ່າວປອມກ່ຽວກັບການຊື້-ຂາຍຂໍ້ສອບໃນສື່ອອນລາຍ.
ຂ່າວ-ພາບ: ສສກ
ຄໍາເຫັນ