ໂອກາດນີ້, ທ່ານປະທານສນຊ ໄດ້ສະແດງຄວາມຍິນດີຕ້ອນຮັບຢ່າງອົບອຸ່ນ ແລະ ຕີລາຄາສູງຕໍ່ການເດີນທາງມາເຂົ້າຮ່ວມກອງປະຊຸມຂອງພະອາຈານໃຫຍ່ ອິນຊູນ ພ້ອມດ້ວຍຄະນະ ໂດຍໄດ້ເນັ້ນເຖິງຄວາມສໍາຄັນຂອງກອງປະຊຸມໂຕະມົນພຸດທະສາສະໜາໜານໄຫຄັ້ງທີ XI ຊຶ່ງເປັນເວທີຄວາມເຂົ້າອົກເຂົ້າໃຈ ແລະ ຄວາມສາມັກຄີອັນດີງາມລະຫວ່າງ ລາວ-ຈີນ ກໍຄືບັນດາປະເທດໃນພູມີພາກ. ພ້ອມນີ້, ທັງສອງຝ່າຍໄດ້ທົບທວນຄືນການຮ່ວມມືທີ່ຜ່ານມາໃນດ້ານການສົ່ງເສີມພຸດທະສາສະໜາ, ງານບຸນປະເພນີ, ການແລກປ່ຽນວັດທະນະທໍາ ແລະ ການຊ່ວຍເຫຼືອດ້ານມະນຸດສະທໍາ.
ພະອາຈານໃຫຍ່ ອິນຊູນ ໄດ້ສະແດງຄວາມຂອບໃຈຢ່າງຈິງໃຈຕໍ່ການຕ້ອນຮັບຢ່າງອົບອຸ່ນ ແລະ ເປັນກັນເອງຂອງປະທານ ສນຊ ພ້ອມທັງອວຍພອນສາຍພົວພັນມິດຕະພາບ, ການຮ່ວມມືແບບຄູ່ຮ່ວມຍຸດທະສາດຮອບດ້ານ ແລະ ການເປັນຄູ່ຮ່ວມຊາຕາກໍາລາວ-ຈີນ, ຈີນ-ລາວ ເວົ້າລວມ, ເວົ້າສະເພາະ ແມ່ນການຮ່ວມມືດ້ານສາສະໜາ ແລະ ວັດທະນະທໍາຈົ່ງນັບມື້ໄດ້ຮັບການເພີ່ມພູນຄູນສ້າງ ແລະ ເຕີບໃຫຍ່ຂະຫຍາຍຕົວຢ່າງບໍ່ຢຸດຢັ້ງ.
ຂ່າວ: ກົມໂຄສະນາສນຊ
ຄໍາເຫັນ