ພາກບ່າຍ ການນໍາພັກ-ລັດ ສືບຕໍ່ວາງພວງມາລາໄວ້ອາໄລ ສະຫາຍ ໄຊສົມພອນ ພົມວິຫານ

ສໍາລັບພາກບ່າຍ ກໍຍັງມີບັນດາກະຊວງ-ອົງການ, ຫົວໜ່ວຍທຸລະກິດ, ບໍລິສັດຫ້າງຮ້ານ ແລະ ພາກສ່ວນຕ່າງໆ ສືບຕໍ່ວາງພວງມາລາ ຊຶ່ງປະກອບມີ: ກະຊວງອຸດສາຫະກໍາ ແລະ ການຄ້າ ນໍາໂດຍ ທ່ານ ມະໄລທອງ ກົມມະສິດ ລັດຖະມົນຕີກະຊວງອຸດສາຫະກໍາ ແລະ ການຄ້າ, ໄອຍະການປະຊາຊົນສູງສຸດ ນໍາພາໂດຍ ທ່ານນາງ ລີວົງ ລາວລີ ປະທານອົງການໄອຍະການປະຊາຊົນສູງສຸດ, ກະຊວງກະສິກໍາ ແລະ ສິ່ງແວດລ້ອມ ນໍາພາໂດຍ ທ່ານ ລິນຄໍາ ດວງສະຫວັນ ລັດຖະມົນຕີ ກະຊວງກະສິກໍາ ແລະ ສິ່ງແວດລ້ອມ, ກະຊວງແຮງງານ ແລະ ສະຫວັດດີການສັງຄົມ ນໍາໂດຍ ທ່ານ ໂພໄຊ ໄຊຍະສອນ ລັດຖະມົນຕີກະຊວງແຮງງານ ແລະ ສະຫວັດດີການສັງຄົມ, ຄະນະພົວພັນຕ່າງປະເທດສູນກາງພັກ ນໍາພາໂດຍ ທ່ານ ວາລະໄຊ ເລັ່ງສະຫວັດ ຮອງຫົວໜ້າຄະນະພົວພັນຕ່າງປະເທດສູນກາງພັກ, ກະຊວງໂຍທາທິການ ແລະ ຂົນສົ່ງ ນໍາພາໂດຍ ທ່ານ ເຫຼັກໄຫຼ ສີວິໄລ ລັດຖະມົນຕີກະຊວງໂຍທາທິການ ແລະ ຂົນສົ່ງ, ສະຖາບັນວິທະຍາສາດເສດຖະກິດ ແລະ ສັງຄົມແຫ່ງຊາດ ນໍາພາໂດຍ ທ່ານ ລີເບີ ລີບົວປາວ ປະທານສະຖາບັນວິທະຍາສາດເສດຖະກິດ ແລະ ສັງຄົມແຫ່ງຊາດ, ສະມາຄົມມິດຕະພາບລາວ-ຫວຽດນາມ ນໍາພາໂດຍ ທ່ານ ບໍ່ແສງຄໍາ ວົງດາລາ ປະທານສະມາຄົມມິດຕະພາບ ລາວ-ຫວຽດນາມ, ສານປະຊາຊົນສູງສຸດ ນໍາໂດຍ ທ່ານ ໄພວີ ສີບົວລີພາ ປະທານສານປະຊາຊົນສູງສຸດ, ກະຊວງຍຸຕິທໍາທ່ານ ຄໍາພັນ ພົມມະທັດ ລັດຖະມົນຕີກະຊວງຍຸຕິທໍາ, ບໍລິສັດລືໄຊກໍ່ສ້າງ, ບໍລິສັດດວງຜາສຸກກໍ່ສ້າງເຄຫາສະຖານ ແລະ ຊົນລະປະທານ, ສະມາຄົມຄໍາ ເຄື່ອງປະດັບ ແລະ ອັນຍະມະນີລາວ, ຄອບຄົວ ທ່ານນາງ ຍອດແກ້ວມະນີ ສຸພານຸວົງ, ຄອບຄົວທ່ານອາຊາງ ລາວລີ, ຄອບຄົວ ປະທານຈ້າວເຫວີຍ, ທະນາຄານການຄ້າຕ່າງປະເທດລາວ, ຄະນະຜູ້ແທນ ຄະນະພັກ ຄະນະບັນຊາການ ກົມ 2, ຄະນະກໍາມະການສົ່ງເສີມ ແລະ ຄຸ້ມຄອງການລົງທຶນ, ບໍລິສັດ ກວາງເຊີງຊິງ, ສະພາຄຸ້ມຄອງວິຊາຊີບສາທາລະນະສຸກ, ຄອບຄົວ ພົມພິພັກ, ທະນາຄານພັດທະນາລາວຈໍາກັດ ແລະ ບໍລິສັດ ຈະເລີນເຊກອງ, ຄອບຄົວທໍາມະສິດ, ບໍລິສັດລາວໂທລະຄົມ, ຄອບຄົວທ່ານ ສົມສະຫວາດ ເລັ່ງສະຫວັດ, ຄອບຄົວເຄນນາວົງ, ຄອບຄົວພູມມະສັກ, ກຸ່ມບໍລິສັດມາຍນິງກຣຸບຈໍາກັດ, ກຸ່ມບໍລິສັດ AIF, ບໍລິສັດເບສເທເລຄອມຈໍາກັດ, ທະນາ ຄານ ບີໄອຊີ ແລະ ບໍລິສັດໄປສະນີລາວ ຈໍາກັດ. ນອກນັ້ນ ຍັງມີພາກສ່ວນອື່ນໆ ຍັງສືບຕໍ່ເຂົ້າວາງພວງ ມາລາ ອາໄລຮັກຢ່າງສຸດຊຶ້ງ ສະຫາຍ ໄຊສົມພອນ ພົມວິຫານຕື່ມອີກ.
(ຂ່າວ-ພາບ: ແສງຈັນ, ສໍານານ)