 |
ໃນພິທີໄດ້ຮັບຊົມວີດີໂອການຈັດຕັ້ງວຽກງານການສຶກສາໄລຍະ 1 ປີຜ່ານມາຂອງພະແນກສຶກສາທິການ ແລະ ກິລາແຂວງ .ຈາກນັ້ນ, ທ່ານ ສີສົມພອນ ສິງຫາລາດ ຮອງຫົວໜ້າພະແນກສຶກສາທິການ ແລະ ກິລາແຂວງໄດ້ຜ່ານປະຫວັດຄວາມເປັນມາຂອງວັນຄູແຫ່ງຊາດ. ເຊິ່ງຄໍາວ່າ “ ຄູ ” ແມ່ນຄໍາເວົ້າທີ່ສືບທອດກັນຫຼາຍເຊັ່ນຄົນມາແລ້ວ. “ ຄູ ” ໝາຍເຖິງ ຜູ້ຖ່າຍທອດຄວາມຮູ້, ທັກສະ ແລະ ຄຸນສົມບັດທີ່ດີໃຫ້ແກ່ນັກຮຽນ, ນອກເໜືອຈາກການສອນແລ້ວຄູຍັງເປັນຜູ້ຊີ້ນໍາ, ສົ່ງເສີມ ແລະ ທພັດທະນານັກຮຽນໃຫ້ເຕີບໃຫຍ່ຢ່າງມີຄຸນນະພາບ, ຄູຖືກຍອມຮັບວ່າເປັນ “ ຊ່າງຊ້ອມຊີວິດ ” , ເພາະມີບົດບາດສໍາຄັນໃນການກໍ່ສ້າງຄົນຮຸ່ນໃໝ່ຂອງຊາດ, ຜູ້ມີສ່ວນຮ່ວມໃນການອົບຮົມສືບທອດຄຸນຄ່າ, ປະເພນີ ແລະ ວັດທະນະທໍາອັນດີງາມຂອງຊາດ . ໃນວັນສໍາຄັນດັ່ງກ່າວຍັງໄດ້ຍົກໃຫ້ເຫັນເຖິງວິວັດທະນາການຂອງການສຶກສາໃນອະດີດຈົນເຖິງປັດຈຸບັນໂດຍສະເພາະນາຍຄູ ຄໍາ ທີ່ເປັນຜູ້ປູພື້ນຖານໃຫ້ແກ່ການສຶກສາລາວ .
 |
ພ້ອມທັງມອບຂອງຂວັນໃຫ້ຄະນະພະແນກ ແລະ ພະນັກງານບໍານານໃຫ້ກຽດມອບໂດຍທ່ານ ອຸດຕະມະ ຈັນນີຍະວົງ ຮອງຫົວໜ້າພະແນກສຶກສາທິການ ແລະ ກິລາແຂວງ .
ໃນພິທີອັນມີຄວາມໝາຍສໍາຄັນທ່ານ ອຸດຕະມະ ຈັນນີຍະໄດ້ມີຄໍາເຫັນໂອ້ລົມຍົກໃຫ້ເຫັນເຖິງບົດບາດ,ຄວາມໝາຍ,ຄວາມສໍາຄັນຂອງການສຶກສາ ໂດຍສະເພາະຄູ-ອາຈານແມ່ນເປັນບຸກຄົນທີ່ສໍາຄັນໃນການຖ່າຍທອດບົດຮຽນ,ຄວາມຮູ້ , ຄວາມສາມາດ ແລະ ປະສົບການໃຫ້ແກ່ນັກຮຽນ ຫຼື ເອີ້ນອີກຢ່າງໜຶ່ງວ່າ : ການຮຽນ - ການສອນ ກໍ່ຄືການສົ່ງຄວາມຮູ້ຈາກຄູ-ອາຈານ ໄປສູ່ຜູ້ຮັບເອົາຄວາມຮູ້ກໍ່ຄືນັກຮຽນ ໂດຍຕິດພັນກັບ 5 ຄຸນລັກສະນະຂອງການສຶກສາ ແລະ ການຈັດຕັ້ງປະຕິບັດ 10 ຕົວຊີ້ບອກ , ປັດຈຸບັນທົ່ວແຂວງປະຕິບັດບັນລຸແລ້ວ 8 ຕົວຊີ້ບອກ , ຍັງບໍ່ບັນລຸ 2 ຕົວຊີ້ບອກ . ນອກຈາກນັ້ນຍັງໄດ້ຍົກໃຫ້ເຖິງຜົນສໍາເລັດໃນຂະບວນການແຂ່ງຂັນກິລາ ແລະ ການແຂ່ງຂັນນັກຮຽນເກັ່ງໃນທົ່ວປະເທດໃນໄລຍະຜ່ານມາ .ຂ່າວ:ແດງສະຫວັນ
ຄໍາເຫັນ