 |
ທ່ານຄຳຜ່ອນ ລາດຊະວົງສາ ຜູ້ອຳນວຍການ ວິທະຍາໄລເຕັກນິກ-ວິຊາຊີບ ແຂວງຈຳປາສັກ ໄດ້ຜ່ານບົດລາຍງານໂດຍຫຍໍ້ກ່ຽວກັບສະພາບລວມຂອງວິທະຍາໄລເຕັກນິກ-ວິຊາຊີບແຂວງຈຳປາສັກ.ຈາກນັ້ນ, ຄະນະ ສສຊ ແລະ ສສຂ ໄດ້ຜັດປ່ຽນກັນນຳສະເໜີເຜີຍແຜ່ຜົນສຳເລັດຂອງກອງປະຊຸມປະຖົມມະລືກ ຂອງສະພາແຫ່ງຊາດ ຊຸດທີ X ແລະ ສະພາປະຊາຊົນແຂວງ ຊຸດທີ V ໂດຍໄດ້ນຳສະເໜີເນື້ອໃນສຳຄັນຂອງບັນດາມະຕິ, ກົດໝາຍ, ມາດຕະການ ແລະ ແນວທາງພັດທະນາທີ່ສຳຄັນ ຊຶ່ງເປັນພື້ນຖານໃນການພັດທະນາປະເທດ ແລະ ທ້ອງຖິ່ນໃນໄລຍະໃໝ່. ພ້ອມນັ້ນ ບັນດາທ່ານຜູ້ເຂົ້າຮັບຟັງ ໂດຍສະເພາະປະທານບ້ານ ແລະ ປະຊາຊົນຈາກບັນດາບ້ານ ໄດ້ສະເໜີຄຳຄິດເຫັນ, ຂໍ້ສະເໜີ ແລະ ບັນຫາຕ່າງໆ ທີ່ກ່ຽວພັນກັບຊີວິດການເປັນຢູ່ ແລະ ການພັດທະນາທ້ອງຖິ່ນ ເພື່ອໃຫ້ພາກສ່ວນກ່ຽວຂ້ອງ ນຳໄປພິຈາລະນາ ແລະ ແກ້ໄຂຕາມຄວາມເໝາະສົມ.
ໃນໂອກາດດຽວກັນນີ້ ອຳນາດການປົກຄອງເມືອງຮ່ວມກັບຄະນະສະມາຊິກສະພາແຫ່ງຊາດ,ສະມາຊິກສະພາປະຊາຊົນແຂວງໄດ້ຮ່ວມກັນມອບອຸປະກອນກິລາ ປະເພດບານເຕະ ຈຳນວນ 5 ໜ່ວຍ ໃຫ້ແກ່ວິທະຍາໄລເຕັກນິກ-ວິຊາຊີບ ຈຳປາສັກ ເພື່ອນຳໃຊ້ໃນການສົ່ງເສີມກິດຈະກຳກິລາ ແລະ ພັດທະນາສຸຂະພາບຂອງນັກສຶກສາ.
ພາບ-ຂ່າວ:ນາງວຽງອຳໄພ
ຄໍາເຫັນ