ເຈົ້າແຂວງສາລະວັນ ປະທານຄະນະກຳມະການຈັດງານ, ທ່ານ ພຸດ ສິມມາລາວົງ ລັດຖະມົນຕີກະຊວງສຶກສາທິການ ແລະ ກິລາ, ພ້ອມດ້ວຍຄະນະກຳມະການຈັດງານ, ຄະນະນັກກິລາຈາກທຸກແຂວງ, ອົງການປົກຄອງທຸກຂັ້ນ ຕະຫຼອດຮອດນັກຮຽນ, ນັກກິລາ ແລະ ປະຊາຊົນບັນດາເຜົ່າໃນແຂວງສາລະວັນເຂົ້າຮ່ວມ.
ພິທີຂໍໄຟສັກສິດ ໄດ້ຈັດຂຶ້ນຢູ່ວັດສີມຸງຄຸນ ຫຼື ວັດກາງ (ຫໍໄຕປຣີດົກ) ມໍລະດົກແຫ່ງຊາດ ລະດັບທ້ອງຖິ່ນ ຊຶ່ງຕັ້ງຢູ່ເມືອງ ແລະ ແຂວງສາລະວັນ ສ້າງຂຶ້ນໃນປີ ຄສ 1784 (ກ່ອນໜ້ານີ້ 236 ປີ) ເປັນສະຖານທີ່ສັກສິດ, ປູສະນີຍະສະຖານມໍລະດົກວັດທະນະທຳອັນລ້ຳຄ່າ, ເປັນສູນລວມຈິດໃຈຂອງ ຊາວແຂວງສາລະວັນມາແຕ່ບູຮານນະການ.
ທວນໄຟສັກສິດນີ້ ຈະກາຍເປັນສັນຍສລັກແຫ່ງຄວາມສາມັກຄີ-ມິດຕະພາບ ແລະ ຄວາມເປັນຈິດໜຶ່ງໃຈດຽວຂອງຄະນະນຳນັກກິລາ ຈາກບັນດາແຂວງໃນທົ່ວປະເທດ ພ້ອມກັນສ້າງໃຫ້ໄດ້ນັກກິລາທີ່ດີເດັ່ນໃນວົງການກິລາລາວ ແລະ ເຮັດໃຫ້ການແຂ່ງຂັນຄັ້ງນີ້ ບັນລຸຜົນສຳເລັດ ຕາມລະດັບຄາດໝາຍທີ່ວາງໄວ້.
ເສັ້ນທາງການແຫ່ທວນໄຟສັກສິດເລີ່ມຈາກວັດກາງ ໄປສີ່ແຍກຂົວເຊໂດນ ຜ່ານພະແນກໂຍທາທິການ ແລະ ຂົນສົ່ງແຂວງ, ອົງການປົກຄອງເມືອງ, ສາມແຍກສະໜາມບິນ, ກອງບັນຊາການ ປກສ ເມືອງ ແລະ ສິ້ນສຸດທີ່ສະໜາມກິລາແຫ່ງໃໝ່ຂອງແຂວງລວມໄລຍະທາງ 5 ກວ່າກິໂລແມັດ ໂດຍຈະຖືກເກັບໄວ້ ແລະ ນຳມາສູ່ພິທີເປີດງານທາງການວັນທີ 13 ທັນວາ 2024 ນີ້.
ຂ່າວ: ບຸນອູ້ມ: ພາບ: ສົງການ
ຄໍາເຫັນ