 |
ໃນການຈັດພິທີຂໍໄຟສັກສິດ ແລະ ທວນໄຟສັກສິດ ຈາກພະທາດຫຼວງທີ່ສັກສິດແຫ່ງນີ້ ຈະກາຍເປັນສັນຍາລັກແຫ່ງຄວາມສາມັກຄີ, ມິດຕະພາບອັນເປັນປຶກແຜ່ນ, ເປັນຈິດໜຶ່ງໃຈດຽວຂອງຄະນະນໍາກິລາຄະນະນັກກິລາ ຈາກບັນດາກະຊວງບັນດາແຂວງ ແລະ ນະຄອນຫຼວງວຽງຈັນ ໃນຂອບເຂດທົ່ວປະເທດ, ພ້ອມນັ້ນ ກໍເພື່ອພັດທະນາວຽກງານກິລາ-ກາຍຍະກຳ ຊຶ່ງເປັນໜຶ່ງໃນ 5 ຫຼັກມູນຂອງການສຶກສາແຫ່ງຊາດ ແລະ ສ້າງໃຫ້ໄດ້ນັກກິລາທີ່ດີເດັ່ນໃນວົງການກິລາກໍຄືການສ້າງປະສົບການ ແລະ ຄວາມເຂັ້ມແຂງໃຫ້ນັກກິລາດ້ວຍຫຼາຍສີສັນໃຫ້ມີຄວາມອຸດົມສົມບູນ ເພື່ອສ້າງເງື່ອນໄຂຍົກລະດັບ ຄວາມສາມາດຂອງນັກກິລາໃຫ້ກາຍເປັນນັກກິລາລະດັບຊາດ ເພື່ອເຂົ້າຮ່ວມການແຂ່ງຂັນໃນລະດັບອະນຸພາກພື້ນ ແລະ ສາກົນ, ພ້ອມກັນນັ້ນ ກໍເພື່ອສືບຕໍ່ຊຸກຍູ້ ແລະ ພັດທະນາຂະບວນການກິລາລາວ ຢູ່ພາຍໃນປະເທດ ໃຫ້ມີຄວາມເຂັ້ມແຂງ ເປັນການສ້າງຂະບວນການຟົດຟື້ນ ແລະ ຕໍ່ເນື່ອງ, ສະນັ້ນການຈັດງານມະຫາກຳກິລາແຫ່ງຊາດ ຄັ້ງທີ XII ທີ່ນະຄອນຫຼວງວຽງຈັນເປັນເຈົ້າພາບ ໃນຄັ້ງນີ້ ໃຫ້ປະສົບຜົນສໍາເລັດຢ່າງມີໝາກຜົນ ແລະ ຈົບງາມ.
 |
ການແລ່ນທວນໄຟສັກສິດແມ່ນຈະເລີ່ມຈາກທ່ານ ທອງສະລິດ ມັງໜໍ່ເມກ ນໍາພາຂະບວນແຫ່-ແລ່ນທວນໄຟ ເລີ່ມຈາກຈຸດທີ 1 ແລ້ວມອບທວນໄຟໃຫ້ ທ່ານ ອານຸພາບ ຕຸນາລົມ ນໍາພາຂະບວນສືບຕໍ່ ຈາກຈຸດທີ 2 ນໍາພາຂະບວນສືບຕໍ່ ຈາກຈຸດທີ 2 ແລະ ມອບຕໍ່ໃຫ້ ທ່ານ ອາລຸນໄຊ ສູນນະລາດເລຂາຄະນະບໍລິຫານງານພັກແຂວງຈໍາປາສັກ ນໍາພາຂະບວນສືບຕໍ່ ຈາກຈຸດທີ 3 ແລະ ມອບທວນໄຟໃຫ້ຂະບວນນັກກິລາ ສືບຕໍ່ແລ່ນຕາມເສັ້ນທາງທີ່ໄດ້ກຳນົດໄວ້ຕາມເສັ້ນທາງຖະໜົນກຳແພງເມືອງ-ຖະໜົນ 13 ໃຕ້ ເຂົ້າສູ່ສະໜາມກິລາແຫ່ງຊາດ ຫລັກ 16 ແລ້ວສົ່ງມອບທວນໄຟໃຫ້ທ່ານຮອງເຈົ້າຄອງນະຄອນຫຼວງວຽງຈັນ ເພື່ອນໍາທວນໄຟໄປໄວ້ຫ້ອງເກັບຮັກສາ (ສະໜາມກິລາແຫ່ງຊາດ ຫລັກ 16).
 |
(ຂ່າວ:ບູນອູ້ມ)
ຄໍາເຫັນ