 |
ທ່ານ ວິແຊນ ແກ້ວມະນີ ຮອງຫົວໜ້າຫ້ອງການສຶກສາ ແລະ ກິລາເມືອງ ໄດ້ລາຍງານໃຫ້ຮູ້ວ່າ: ໄລຍະຜ່ານມາ ອາຄານຮຽນປະຖົມສົມບຸນຫຼັກສອງ ມີຈຳນວນ 3 ຫຼັງ. ໃນນັ້ນ, 1 ຫຼັງ ເປັນອາຄານທີ່ຊູດໂຊມ ຫຼັງຄາຮົ່ວ ແລະ 1 ຫຼັງ ແມ່ນກໍ່ສ້າງບໍ່ສຳເລັດ (ເນື່ອງຈາກງົບປະມານແມ່ນລະດົມພາຍໃນບ້ານ). ສະນັ້ນ, ຈິ່ງໄດ້ສະເໜີ ຄົ້ນຄ້ວາງົບປະມານ ເພື່ອສືບຕໍ່ກໍ່ສ້າງໃຫ້ສຳເລັດ ແລະ ຮອງຮັບກັບຈຳນວນນັກຮຽນ ທີ່ເພີ່ມຂຶ້ນ. ດັ່ງນັ້ນ, ພັກ-ລັດ ຈິ່ງໄດ້ເຫັນຄວາມສຳຄັນ ແລະ ໄດ້ສະເໜີມາຍັງ ສະມາຄົມ ການສຶກສາ ແລະ ກິລາ ເພື່ອສຸຂະພາບ ລາວ-ສະວິດເຊີແລນ ເພື່ອຂໍທືນການກໍ່ສ້າງອາຄານຮຽນດັ່ງກ່າວ.
ການກໍ່ສ້າງ ສ້ອມແປງ ອາຄານຮຽນປະຖົມບ້ານຫຼັກສອງ ຈຳນວນ 2 ຫຼັງຄື: ຫຼັງທີ 1 ມີຂະໜາດ 8 x 32 ແມັດ ວຽກທີ່ຈັດຕັ້ງປະຕິບັດສ້ອມແປງມີ: ວຽກແພດານ, ວຽກຫຼັງຄາ ແລະ ວຽກສີ, ຫຼັງທີ 2 ແມ່ນຕໍ່ເຕີມເພີ່ມ 1 ຫ້ອງຂະໜາດອາຄານ 9 x 24 ແມັດ ເປັນອາຄານແບບຖາວອນ ແລະ ຕິດຕັ້ງລະບົບໄຟຟ້າ, ລວມມູນຄ່າການກໍ່ສ້າງສ້ອມແປງທັງໝົດ 282,700,000 ກີບ, ການກໍ່ສ້າງສ້ອມແປງໄດ້ເລີ່ມ ຈັດຕັ້ງປະຕິບັດແຕ່ວັນທີ 2 ກໍລະກົດ 2025 ເປັນຕົ້ນມາ ແລະ ໄດ້ສຳເລັດໃນຄັ້ງວັນທີ 5 ສິງຫາ 2025. ໂຮງຮຽນແຫ່ງນີ້, ມີຄູສອນທັງໝົດ 6 ຄົນ ຍິງ 5 ຄົນ, ມີນັກຮຽນ ແຕ່ ປ1- ປ5 ມີ 142 ຄົນ ຍິງ 71 ຄົນ, ມີອາຄານຮຽນ 3 ຫຼັງ, ຫ້ອງຮຽນ 13 ຫ້ອງ.
 |
ຈາກນັ້ນ, ໃນພິທີມີການມອບໃບຍ້ອງຍໍ ແລະ ຕັດແຖບຜ້າ ເພື່ອມອບ-ຮັບໂຮງຮຽນຢ່າງເປັນທາງການ ໂດຍເປັນກຽດເຂົ້າຮ່ວມຕັດແຖບຜ້າຂອງ ທ່ານ ສົມໃຈ ອຸ່ນຈິດ ແລະ ທ່ານ ອາໂອອິສ ແຄສະເລີ ພ້ອມດ້ວຍ ແຂກທີ່ຖືກເຊີນເຂົ້າຮ່ວມເປັນສັກຂີພິຍານ.
(ພາບ-ຂ່າວ: ທິດລານີ ໂຄດໂຍທາ)
ຄໍາເຫັນ