ຜູ້ອໍານວຍການໂຮງຮຽນມີບົດບາດສໍາຄັນ ໃນການປັບປຸງຜົນການຮຽນຂອງນັກຮຽນ ເນື່ອງຈາກສາມາດສ້າງສະພາບແວດລ້ອມຂອງການຮຽນຮູ້ທີ່ປອດໄພ ແລະ ເໝາະສົມສຳລັບການມີສ່ວນຮ່ວມຂອງນັກຮຽນ ແລະ ຄູໃນໂຮງ ຮຽນ ພ້ອມທັງມີຄວາມມຸ່ງໝັ້ນ, ຊຸກຍູ້ການປະກອບສ່ວນຂອງຄູ ເພື່ອສາມາດສ້າງໝາກຜົນອັນໃຫຍ່ຫຼວງຕໍ່ຄຸນນະພາບຂອງການສຶກສາ ແລະ ອະນາຄົດຂອງຄົນຮຸ່ນໃໝ່ໃຫ້ໄດ້ດີກວ່າເກົ່າ.
ເມື່ອບໍ່ດົນມານີ້, ທີມງານໂທລະພາບ, ວິທະຍຸ ແລະ ໜັງສືພິມຈາກສູນໂຄສະນາຂ່າວສານການສຶກສາ ແລະ ກິລາ ກະຊວງສຶກສາທິການ ແລະ ກິລາ ສປປ ລາວ ໄດ້ສ້າງສາລະຄະດີຄູຕົວແບບຕອນໃໝ່ ຊຶ່ງໄດ້ເລົ່າເລື່ອງຂອງຄູໃນໂຮງຮຽນຂອງລັດແຫ່ງໜຶ່ງທີ່ເມືອງຄຳ ແຂວງຊຽງຂວາງ ທີ່ໄດ້ສ້າງແຮງບັນດານໃຈໃຫ້ຄູ ແລະ ຜູ້ອໍານວຍການໂຮງຮຽນຄົນອື່ນໆຢູ່ໂຮງຮຽນຫຼາຍໆແຫ່ງ. ສາລະຄະດີດັ່ງກ່າວ, ໄດ້ຮັບການສະໜັບສະໜູນຈາກລັດຖະບານອົສຕຣາລີ ແລະ ອົງການພັດທະນາສາກົນຂອງສະຫະລັດອາເມລິກາ ຜ່ານແຜນງານການປັບປຸງຄຸນນະພາບ ແລະ ຂະຫຍາຍໂອກາດເຂົ້າເຖິງການສຶກສາຂັ້ນພື້ນຖານໃນ ສປປ ລາວ (ແຜນງານບີຄວາ) ໂດຍເນັ້ນເຖິງບົດບາດສຳຄັນຂອງຜູ້ອຳນວຍການທີ່ຈະໃຫ້ການຊ່ວຍເຫຼືອຄູໃນໂຮງຮຽນ ໂດຍສະເພາະການສອນຫຼັກສູດຊັ້ນປະຖົມສຶກສາສະບັບປັບປຸງໃໝ່ທີ່ໄດ້ຖືກສອນຢູ່ໃນທຸກຊັ້ນຮຽນ ຊຶ່ງຄູທຸກຊັ້ນຮຽນກໍຕ້ອງການເວລາ ແລະ ການສະໜັບສະໜູນຢ່າງຕໍ່ເນື່ອງ ເພື່ອນຳເອົາວິທີການສອນແບບໃໝ່ໄປຈັດຕັ້ງປະຕິບັດໄດ້ຢ່າງຄົບຖ້ວນ.
ທ່ານ ບຸນທ່ຽງ ທຳມະວົງແສງ ເປັນຄູສອນນັບແຕ່ປີ 1999 ຢູ່ເຂດຫ່າງໄກສອກຫຼີກ ເປັນເວລາຫຼາຍປີກ່ອນທີ່ຈະມາເປັນຜູ້ອໍານວຍການໂຮງຮຽນເມືອງຄໍາ ແຂວງຊຽງຂວາງ ຊຶ່ງມີຄວາມກະຕືລືລົ້ນ ແລະ ອຸທິດຕົນເພື່ອໜ້າທີ່ວຽກງານ ແລະ ໄດ້ຮັບການຍ້ອງຍໍຈາກກະຊວງສຶກສາທິການ ແລະ ກິລາຫຼາຍຄັ້ງ. ການເຮັດວຽກຂອງຄູບຸນທ່ຽງ ທຳມະວົງແສງ ໄດ້ມີການວາງແຜນໂດຍສະເພາະໄດ້ຈັດກອງປະຊຸມແລກປ່ຽນບົດຮຽນເປັນປົກກະຕິ ເພື່ອຮັບປະກັນວ່າຄູສອນໃນໂຮງຮຽນໄດ້ຮ່ວມກັນສ້າງສື່ການຮຽນ-ການສອນ, ແກ້ໄຂສິ່ງທ້າທາຍ ແລະ ວາງແຜນຕ່າງໆ ເພື່ອໃຫ້ມີສ່ວນຮ່ວມກັບຄູ ແລະ ຊຸກຍູ້ໃຫ້ເຂົາເຈົ້າສືບຕໍ່ພັດທະນາຄວາມຮູ້, ທັກສະ ແລະ ປະສົບການຂອງຕົນຢ່າງສະໝໍ່າສະເໝີ ພ້ອມທັງນຳໃຊ້ຫຼາຍເຕັກນິກເພື່ອຊ່ວຍເຫຼືອຄູໃນໂຮງຮຽນ ເປັນຕົ້ນຈັດການສອນເປັນຄູ່ລະຫວ່າງຄູສອງຊັ້ນຮຽນທີ່ຕ່າງກັນ ເນື່ອງຈາກວ່າວິທີການນີ້ຈະເຮັດໃຫ້ຄູເຫັນວິທີການສອນໃນຫ້ອງຮຽນທີ່ຕ່າງກັນ ແລະ ຊ່ວຍໃຫ້ເຂົາເຈົ້າສະທ້ອນຄືນເຖິງວິທີການສອນເຊິ່ງກັນ ແລະ ກັນ. ນອກຈາກນີ້, ຍັງໃຊ້ການສັງເກດການສອນໃນຫ້ອງຮຽນ ເພື່ອຊ່ວຍຄູແກ້ໄຂສິ່ງທ້າທາຍ ແລະ ປັບປຸງຄຸນນະພາບການສອນຂອງພວກເຂົາ. ເລື່ອງລາວຂອງຄູບຸນທ່ຽງ ທຳມະວົງແສງ ສາມາດຮັບຊົມໄດ້ທາງຊ່ອງຢູທູບ ວິດີໂອສໍາລັບການພັດທະນາຄູ (Teacher Development Videos) ແລະ ທາງຊ່ອງໂທລະພາບສຶກສາ ແລະ ກິລາທາງຈານດາວທຽມລາວແຊັດຊ່ອງ 8 ຫຼື https://www.youtube.com/watch?v=21E4X1s4o0A.
ແຫຼ່ງຂ່າວ: ຂປລ
ເມື່ອບໍ່ດົນມານີ້, ທີມງານໂທລະພາບ, ວິທະຍຸ ແລະ ໜັງສືພິມຈາກສູນໂຄສະນາຂ່າວສານການສຶກສາ ແລະ ກິລາ ກະຊວງສຶກສາທິການ ແລະ ກິລາ ສປປ ລາວ ໄດ້ສ້າງສາລະຄະດີຄູຕົວແບບຕອນໃໝ່ ຊຶ່ງໄດ້ເລົ່າເລື່ອງຂອງຄູໃນໂຮງຮຽນຂອງລັດແຫ່ງໜຶ່ງທີ່ເມືອງຄຳ ແຂວງຊຽງຂວາງ ທີ່ໄດ້ສ້າງແຮງບັນດານໃຈໃຫ້ຄູ ແລະ ຜູ້ອໍານວຍການໂຮງຮຽນຄົນອື່ນໆຢູ່ໂຮງຮຽນຫຼາຍໆແຫ່ງ. ສາລະຄະດີດັ່ງກ່າວ, ໄດ້ຮັບການສະໜັບສະໜູນຈາກລັດຖະບານອົສຕຣາລີ ແລະ ອົງການພັດທະນາສາກົນຂອງສະຫະລັດອາເມລິກາ ຜ່ານແຜນງານການປັບປຸງຄຸນນະພາບ ແລະ ຂະຫຍາຍໂອກາດເຂົ້າເຖິງການສຶກສາຂັ້ນພື້ນຖານໃນ ສປປ ລາວ (ແຜນງານບີຄວາ) ໂດຍເນັ້ນເຖິງບົດບາດສຳຄັນຂອງຜູ້ອຳນວຍການທີ່ຈະໃຫ້ການຊ່ວຍເຫຼືອຄູໃນໂຮງຮຽນ ໂດຍສະເພາະການສອນຫຼັກສູດຊັ້ນປະຖົມສຶກສາສະບັບປັບປຸງໃໝ່ທີ່ໄດ້ຖືກສອນຢູ່ໃນທຸກຊັ້ນຮຽນ ຊຶ່ງຄູທຸກຊັ້ນຮຽນກໍຕ້ອງການເວລາ ແລະ ການສະໜັບສະໜູນຢ່າງຕໍ່ເນື່ອງ ເພື່ອນຳເອົາວິທີການສອນແບບໃໝ່ໄປຈັດຕັ້ງປະຕິບັດໄດ້ຢ່າງຄົບຖ້ວນ.
ທ່ານ ບຸນທ່ຽງ ທຳມະວົງແສງ ເປັນຄູສອນນັບແຕ່ປີ 1999 ຢູ່ເຂດຫ່າງໄກສອກຫຼີກ ເປັນເວລາຫຼາຍປີກ່ອນທີ່ຈະມາເປັນຜູ້ອໍານວຍການໂຮງຮຽນເມືອງຄໍາ ແຂວງຊຽງຂວາງ ຊຶ່ງມີຄວາມກະຕືລືລົ້ນ ແລະ ອຸທິດຕົນເພື່ອໜ້າທີ່ວຽກງານ ແລະ ໄດ້ຮັບການຍ້ອງຍໍຈາກກະຊວງສຶກສາທິການ ແລະ ກິລາຫຼາຍຄັ້ງ. ການເຮັດວຽກຂອງຄູບຸນທ່ຽງ ທຳມະວົງແສງ ໄດ້ມີການວາງແຜນໂດຍສະເພາະໄດ້ຈັດກອງປະຊຸມແລກປ່ຽນບົດຮຽນເປັນປົກກະຕິ ເພື່ອຮັບປະກັນວ່າຄູສອນໃນໂຮງຮຽນໄດ້ຮ່ວມກັນສ້າງສື່ການຮຽນ-ການສອນ, ແກ້ໄຂສິ່ງທ້າທາຍ ແລະ ວາງແຜນຕ່າງໆ ເພື່ອໃຫ້ມີສ່ວນຮ່ວມກັບຄູ ແລະ ຊຸກຍູ້ໃຫ້ເຂົາເຈົ້າສືບຕໍ່ພັດທະນາຄວາມຮູ້, ທັກສະ ແລະ ປະສົບການຂອງຕົນຢ່າງສະໝໍ່າສະເໝີ ພ້ອມທັງນຳໃຊ້ຫຼາຍເຕັກນິກເພື່ອຊ່ວຍເຫຼືອຄູໃນໂຮງຮຽນ ເປັນຕົ້ນຈັດການສອນເປັນຄູ່ລະຫວ່າງຄູສອງຊັ້ນຮຽນທີ່ຕ່າງກັນ ເນື່ອງຈາກວ່າວິທີການນີ້ຈະເຮັດໃຫ້ຄູເຫັນວິທີການສອນໃນຫ້ອງຮຽນທີ່ຕ່າງກັນ ແລະ ຊ່ວຍໃຫ້ເຂົາເຈົ້າສະທ້ອນຄືນເຖິງວິທີການສອນເຊິ່ງກັນ ແລະ ກັນ. ນອກຈາກນີ້, ຍັງໃຊ້ການສັງເກດການສອນໃນຫ້ອງຮຽນ ເພື່ອຊ່ວຍຄູແກ້ໄຂສິ່ງທ້າທາຍ ແລະ ປັບປຸງຄຸນນະພາບການສອນຂອງພວກເຂົາ. ເລື່ອງລາວຂອງຄູບຸນທ່ຽງ ທຳມະວົງແສງ ສາມາດຮັບຊົມໄດ້ທາງຊ່ອງຢູທູບ ວິດີໂອສໍາລັບການພັດທະນາຄູ (Teacher Development Videos) ແລະ ທາງຊ່ອງໂທລະພາບສຶກສາ ແລະ ກິລາທາງຈານດາວທຽມລາວແຊັດຊ່ອງ 8 ຫຼື https://www.youtube.com/watch?v=21E4X1s4o0A.
ແຫຼ່ງຂ່າວ: ຂປລ
ຄໍາເຫັນ