 |
ໃນສົກຮຽນ 2024-2025 ການຈັດຕັ້ງປະຕິບັດແຜນພັດທະນາການສຶກສາ ແລະ ກິລາ ທົ່ວແຂວງຫຼວງພະບາງ ຢູ່ໃນຊ່ວງໄລຍະທ້າຍສະໄໝ ທັງໄດ້ປະເຊີນກັບຄວາມຫຍຸ້ງຍາກຫຼາຍດ້ານ, ແຕ່ຍ້ອນຄວາມເອົາໃຈໃສ່ບຸກບືນພະຍາຍາມຂອງຄະນະພັກ, ຄະນະພະແນກ, ຜູ້ບໍລິຫານການສຶກສາ ແລະ ກິລາທຸກຂັ້ນ, ພະນັກງານ, ຄູ-ອາຈານ ສົມທົບກັບຄະນະພັດທະນາການສຶກສາຂັ້ນບ້ານ, ອົງການປົກຄອງທ້ອງຖິ່ນ ແລະ ຂະແໜງການທີ່ກ່ຽວຂ້ອງ ໄດ້ເຮັດໃຫ້ການປັບປຸງຄຸນນະພາບການສຶກສາມີຜົນສໍາເລັດ ພົ້ນເດັ່ນຫຼາຍດ້ານ, ສະແດງອອກຜົນການຈັດຕັ້ງປະຕິບັດການສຶກສາກ່ອນໄວຮຽນ ໃນສົກຮຽນ 2024-2025 ແຂວງຫຼວງພະບາງ ມີໂຮງຮຽນ 1,034 ແຫ່ງ. ໃນນັ້ນ, ອະນຸບານ 199 ແຫ່ງ, ປະຖົມສຶກສາ 718 ແຫ່ງ, ມີປະຖົມສົມບູນ 637 ແຫ່ງ, ໂຮງຮຽນພາກເອກະຊົນ 79 ແຫ່ງ. ຜ່ານການຈັດຕັ້ງປະຕິບັດບັນດາ 15 ຄາດໝາຍ ທີ່ສະພາປະຊາຊົນຂັ້ນແຂວງຮັບຮອງ ສາມາດບັນລຸໄດ້ 11 ຄາດໝາຍຄື: ອັດຕາເຂົ້າຮຽນຂອງເດັກອາຍຸ 5 ປີ ເພີ່ມຈາກ 84.24% ມາເປັນ 85.21%, ອັດຕານັກຮຽນເຂົ້າຮຽນໃໝ່ ສຸດທິ ປ1 ເພີ່ມຈາກ 99.75% ມາເປັນ 99.85%, ອັດຕາເຂົ້າຮຽນໃໝ່ລວມ ປ5 ຈາກ 99.21% ມາເປັນ 97.59%, ອັດຕາເລື່ອນຂັ້ນ-ຈົບຊັ້ນປະຖົມ ຈາກ 95.66% ມາເປັນ 95.49%, ອັດຕາເລື່ອນຊັ້ນ ປ5 ຂື້ນ ມ1 (ທຽບໃສ່ນັກຮຽນຕົ້ນປີ ປ5) ເພີ່ມຈາກ 92.08% ມາເປັນ 92.43%, ໃນວາລະດໍາເນີນກອງປະຊຸມ ບັນດາຫົວໜ້າຫ້ອງການສຶກສາທິການ ແລະ ກິລາເມືອງ-ນະຄອນ ຫຼວງພະບາງ, ຕະຫຼອດຮອດຄະນະຊີ້ນໍາວຽກງານການສຶກສາ-ກິລາ ໃນແຕ່ລະຂັ້ນ ໄດ້ຜັດປ່ຽນກັນປະກອບຄໍາເຫັນ ຕີລາຄາຄືນ ຕໍ່ກັບການຈັດຕັ້ງປະຕິບັດວຽກງານໃນແຕ່ລະດ້ານຮ່ວມກັນ ຕາມຄວາມຮັບຜິດຊອບຂອງຕົນ ເພຶ່ອແນໃສ່ເຮັດໃຫ້ ການຈັດຕັ້ງປະຕິບັດວຽກງານໃນຕໍ່ໜ້າມີຄວາມຖືກຕ້ອງສອດຄ່ອງ ສາມາດບັນລຸຕາມທິດທາງແຜນການທີ່ວາງໄວ້.
(ແຫຼ່ງຂ່າວ: ແຂວງຫຼວງພະບາງ)
ຄໍາເຫັນ