ຜູ້ນຳຂອງ UAE ແລະ ຣັດເຊຍ ປຶກສາຫາລືສະຖານະການໃນຕາເວັນອອກກາງ

15:13 19/05/2026

ຂ່າວຕ່າງປະເທດລາຍງານ ໃນວັນທີ 17 ພຶດສະພາ ຜ່ານມາວ່າ: ທ່ານ ເຊກ ໂມຮຳເມັດ ບິນ ຊາເຢັດ ອານ ນາຢານ ປະທານາທິບໍດີ ສະຫະລັດ ອາຣັບ ເອມິເຣດ (UAE) ແລະ ທ່ານ ວະລາດີເມຍ ປູຕິນ ປະທານາທິບໍດີ ຣັດເຊຍ ໄດ້ໂທລະສັບປຶກສາຫາລືກັນກ່ຽວກັບສະຖານະການໃນຕາເວັນອອກກາງ, ລວມທັງຜົນກະທົບທີ່ມີຕໍ່ສັນຕິພາບ ແລະ ຄວາມໝັ້ນຄົງໃນພາກພື້ນ ແລະ ສາກົນ ໃນວັນທີ 16 ພຶດສະພາ ຜ່ານມາ.

ອີງຕາມອົງການຂ່າວເອມິເຣດສ (WAM) ລະບຸວ່າ: ຜູ້ນຳທັງສອງໄດ້ແລກປ່ຽນທັດສະນະກ່ຽວກັບບັນຫາພາກພື້ນ ແລະ ສາກົນທີ່ມີຄວາມສົນໃຈຮ່ວມກັນ, ໂດຍສະເພາະສະຖານະການໃນຕາເວັນອອກກາງ ແລະ ຜົນກະທົບຕໍ່ເສລີພາບໃນການເດີນເຮືອ, ຄວາມໝັ້ນຄົງດ້ານພະລັງງານ ແລະ ເສດຖະກິດໂລກ.

ນອກຈາກນັ້ນ, ທັງສອງຝ່າຍໄດ້ທົບທວນຄືນການຮ່ວມມືສອງຝ່າຍ ແລະ ຄວາມພະຍາຍາມຮ່ວມກັນເພື່ອເສີມສ້າງພັນທະມິດຍຸດທະສາດລະຫວ່າງສອງປະເທດໃຫ້ເຂັ້ມແຂງຍິ່ງຂຶ້ນ.

ໃນລະຫວ່າງການສົນທະນາ, ທ່ານ ປູຕິນ ໄດ້ສະແດງຄວາມຂອບໃຈຕໍ່ UAE ສຳລັບຄວາມພະຍາຍາມຢ່າງຕໍ່ເນື່ອງໃນການໄກ່ເກ່ຍການແລກປ່ຽນນັກໂທດລະຫວ່າງຣັດເຊຍ ແລະ ອູແກຣນ ແລະ ເນັ້ນໜັກເຖິງຄວາມສຳຄັນດ້ານມະນຸດສະທຳຂອງການຊ່ວຍເຫຼືອໃນຄັ້ງນີ້.

ຄໍາເຫັນ

ຂ່າວຕ່າງປະເທດ

4 ເດືອນຕົ້ນປີ, ເສດຖະກິດແຫ່ງຊາດຈີນຮັກສາທ່າອ່ຽງຂະຫຍາຍຕົວຢ່າງໝັ້ນທ່ຽງ

19/05/2026 15:21

ວິທະຍຸໂທລະພາບສູນກາງຈີນ (CMG) ລາຍງານວ່າ: ໃນກອງປະຊຸມຖະແຫຼງຂ່າວທີ່ຫ້ອງການຖະແຫຼງຂ່າວລັດຖະບານຈີນຈັດຂຶ້ນໃນວັນທີ 18 ພຶດສະພາ ຜ່ານມາ, ໂຄສົກຈາກອົງການສະຖິຕິແຫ່ງຊາດຈີນໃຫ້ຮູ້ວ່າ: 4 ເດືອນຕົ້ນປີ 2026, ຈີນໄດ້ດໍາເນີນນະໂຍບາຍເສດຖະກິດມະຫາພາກທີ່ຕັ້ງໜ້າກວ່າເກົ່າ ໂດຍໄດ້ສຸມໃສ່ຮັບປະກັນການສະໜອງໂອກາດສ້າງວຽກເຮັດງານທຳທີ່ໝັ້ນທ່ຽງ, ຮັບປະກັນໃຫ້ວິສາຫະກິດດໍາເດີນທຸລະກິດຢ່າງໝັ້ນທ່ຽງ, ຮັບປະກັນໃຫ້ຕະຫຼາດມີຄວາມໝັ້ນທ່ຽງ ແລະ ຮັບປະກັນການຄາດຄະເນຕໍ່ການເຕີບໂຕຂອງເສດຖະກິດທີ່ໝັ້ນທ່ຽງ, ເຮັດໃຫ້ເສດຖະກິດແຫ່ງຊາດຈີນສາມາດຮັກສາທ່າອ່ຽງຂະຫຍາຍຕົວທີ່ມີຄວາມຄືບໜ້າທ່າມກາງຄວາມໝັ້ນທ່ຽງ.

ກົງໂກ ເປີດສູນປິ່ນປົວພະຍາດອີໂບລາ ເພີ່ມອີກ 3 ແຫ່ງ

19/05/2026 15:20

ຂ່າວຕ່າງປະເທດລາຍງານ ໃນວັນທີ 19 ພຶດສະພາ ນີ້ວ່າ: ສາທາລະນະລັດ ປະຊາທິປະໄຕ ກົງໂກ ກຳລັງກະກຽມເປີດສູນປິ່ນປົວພະຍາດອີໂບລາເພີ່ມອີກ 3 ແຫ່ງໃນແຂວງອິຕູຣີ ທາງພາກຕາເວັນອອກຂອງປະເທດ, ຫຼັງຈາກການລະບາດຂອງເຊື້ອໄວຣັດອີໂບລາສາຍພັນທີ່ຫາຍາກໄດ້ເຮັດໃຫ້ມີຜູ້ເສຍຊີວິດຫຼາຍກວ່າ 110 ຄົນ. ເຈົ້າໜ້າທີ່ກົງໂກໄດ້ເປີດເຜີຍໃນວັນທີ 18 ພຶດສະພາ ຜ່ານມາວ່າ: ທ່ານໝໍຊາວອາເມລິກາທີ່ເຮັດວຽກໃນກົງໂກແມ່ນໜຶ່ງໃນກໍລະນີຜູ້ຕິດເຊື້ອໃໝ່ຂອງໄວຣັດສາຍພັນນີ້ ຊຶ່ງປັດຈຸບັນຍັງບໍ່ມີວັກຊິນ ຫຼື ຢາຮັກສາທີ່ໄດ້ຮັບການອະນຸມັດຢ່າງເປັນທາງການ.

ຍີ່ປຸ່ນ ຈະໃຊ້ສື່ສັງຄົມອອນລາຍ ແກ້ໄຂບັນຫາຄົນຕ່າງປະເທດຢູ່ເກີນວີຊາ

19/05/2026 15:14

ຂ່າວຕ່າງປະເທດລາຍງານ ໃນວັນທີ 18 ພຶດສະພາ ຜ່ານມາວ່າ: ສຳນັກງານກວດຄົນເຂົ້າເມືອງຂອງຍີ່ປຸ່ນວາງແຜນທີ່ຈະໃຊ້ສື່ສັງຄົມອອນລາຍເພື່ອເພີ່ມທະວີການປາບປາມຄົນຕ່າງປະເທດທີ່ຢູ່ເກີນວີຊາ ຫຼື ລັກລອບເຮັດວຽກຜິດກົດໝາຍ.

WHO ຖະແຫຼງ ການແຜ່ລະບາດຂອງໄວຣັດ Hanta ມີຄວາມສ່ຽງຕ່ຳ

19/05/2026 15:08

ວິທະຍຸກະຈາຍສຽງຫວຽດນາມລາຍງານວ່າ: ໃນວັນທີ 17 ພຶດສະພາ ຜ່ານມາ, ອົງການອະນາໄມໂລກ (WHO) ຖະແຫຼງວ່າ, ຍັງຮັກສາການຕີລາຄາການແຜ່ລະບາດຂອງໄວຣັດ Hanta ຢູ່ລະດັບຕ່ຳ ເມື່ອກຳປັ່ນທ່ອງທ່ຽວທີ່ເກີດພະຍາດດັ່ງກ່າວພວມເດີນທາງມາໃກ້ກັບໂຮນລັງ. ຖະແຫຼງການຂອງ WHO ລະບຸວ່າ: ຄວາມສ່ຽງຕໍ່ສຸຂະພາບຂອງປະຊາ ຊົນໄດ້ຮັບການຕີລາຄາຄືນໃໝ່ ໂດຍອີງໃສ່ຂໍ້ມູນທີ່ໄດ້ອັບເດດຫຼ້າສຸດໃນປັດຈຸບັນ ແລະ ຄວາມສ່ຽງທົ່ວໂລກຍັງຢູ່ລະດັບຕ່ຳ.

ຫວຽດນາມ ພັດທະນາວິທະຍາສາດເຕັກໂນໂລຊີ ແລະ ຫັນເປັນດີຈີຕອນ

19/05/2026 15:07

ວິທະຍຸກະຈາຍສຽງຫວຽດນາມລາຍງານວ່າ: ໃນວັນທີ 18 ພຶດສະພາ ຜ່ານມາ ຢູ່ນະຄອນຫຼວງຮ່າໂນ້ຍ, ກະຊວງວິທະຍາສາດ ແລະ ເຕັກໂນໂລຊີ ໄດ້ຈັດພິທີລະນຶກວັນວິທະຍາສາດ, ເຕັກໂນໂລຊີ ແລະ ນະວັດຕະກຳ ຫວຽດນາມ ແລະ ຈັດກອງປະຊຸມຜັນຂະຫຍາຍເຕັກໂນໂລຊີຍຸດທະສາດຫົວຂໍ້ “ວິທະຍາສາດ, ເຕັກໂນໂລຊີ, ນະວັດຕະກຳ ແລະ ຫັນເປັນດີຈີຕອນ - ກໍາລັງໜູນຫຼັກຂອງຮູບແບບການເຕີບໂຕໃໝ່”.

ຄັງສຳຮອງນ້ຳມັນເຊື້ອໄຟທົ່ວໂລກກຳລັງຫຼຸດລົງດ້ວຍຈັງຫວະໄວແບບບໍ່ເຄີຍມີມາກ່ອນ

18/05/2026 13:57

ວິທະຍຸໂທລະພາບສູນກາງຈີນ (CMG) ລາຍງານວ່າ: ຫວ່າງມໍ່ໆມານີ້, ອົງການພະລັງງານສາກົນ ຫຼື IEA ປະກາດບົດລາຍງານກ່ຽວກັບນ້ຳມັນເຊື້ອໄຟປະຈຳເດືອນສະບັບຫຼ້າສຸດ ໂດຍລະບຸວ່າ: ການປິດກັ້ນຊ່ອງແຄບຮໍມຸສເຮັດໃຫ້ສົ່ງຜົນກະທົບຕໍ່ການສະໜອງນ້ຳມັນເຊື້ອໄຟນັບມື້ນັບໃຫຍ່ຫຼວງກວ່າເກົ່າ, ຄັງສຳຮອງນ້ຳມັນເຊື້ອໄຟທົ່ວໂລກກຳລັງຫຼຸດລົງດ້ວຍຈັງຫວະໄວແບບບໍ່ເຄີຍມີມາກ່ອນ. ເມື່ອລະດູຮ້ອນທີ່ມີຄວາມຕ້ອງການນ້ຳມັນເຊື້ອໄຟເພີ່ມຂຶ້ນ ໃກ້ຈະມາເຖິງ, ລາຄານ້ຳມັນເຊື້ອໄຟໃນຕະຫຼາດໂລກອາດຈະມີການປ່ຽນແປງຕື່ມອີກ.

ສາຍການບິນແອອິນເດຍ ຢຸດເສັ້ນທາງບິນສາກົນ 6 ເສັ້ນທາງ

18/05/2026 12:06

ຂ່າວຕ່າງປະເທດລາຍງານ ໃນວັນທີ 13 ພຶດສະພາ ຜ່ານມາວ່າ: ສາຍການບິນແອອິນເດຍ (Air India)ໄດ້ປະກາດຢຸດຖ້ຽວບິນສາກົນ 6 ເສັ້ນທາງຊົ່ວຄາວ ແລະ ຫຼຸດຄວາມຖີ່ຂອງຖ້ຽວບິນອີກ 22 ເສັ້ນທາງ ໃນລະຫວ່າງເດືອນມິຖຸນາ ຫາ ສິງຫາ 2026.

OPEC ຫຼຸດການຄາດຄະເນການເຕີບໂຕຂອງຄວາມຕ້ອງການນ້ຳມັນເຊື້ອໄຟທົ່ວໂລກ

18/05/2026 12:03

ວິທະຍຸໂທລະພາບສູນກາງຈີນ (CMG) ລາຍງານວ່າ: ໃນວັນທີ 13 ພຶດສະພານີ້, ອົງການປະເທດຜູ້ສົ່ງນ້ຳມັນເຊື້ອໄຟ ຫຼື OPEC ໄດ້ເປີດເຜີຍບົດລາຍງານກ່ຽວກັບຕະຫຼາດນ້ຳມັນເຊື້ອໄຟປະຈຳເດືອນ, ໂດຍໄດ້ປັບຫຼຸດການຄາດຄະເນການເຕີບໂຕຂອງຄວາມຕ້ອງການນ້ຳມັນເຊື້ອໄຟທົ່ວໂລກໃນປີ 2026 ທີ່ເຄີຍຄາດຄະເນໄວ້ໂດຍໄດ້ປັບເພີ່ມການຄາດຄະເນການເຕີບໂຕຂອງຄວາມຕ້ອງການນ້ຳມັນເຊື້ອໄຟທົ່ວໂລກໃນປີ 2027.

ກອງປະຊຸມຄັ້ງທີ 1 ຄະນະຊີ້ນຳການສະຫຼຸບ 100 ປີ ພັກກອມມູນິດນຳພາການປະຕິວັດຫວຽດນາມ

18/05/2026 12:00

ວິທະຍຸກະຈາຍສຽງຫວຽດນາມລາຍງານວ່າ: ໃນວັນທີ 14 ພຶດສະພາ ນີ້ ຢູ່ນະຄອນຫຼວງຮ່າໂນ້ຍ, ຄະນະຊີ້ນຳການສະຫຼຸບ 100 ປີພັກກອມມູນິດນຳພາການປະຕິວັດ ຫວຽດນາມ ແລະ 40 ປີແຫ່ງການປະຕິບັດໂຄງການການເມືອງສ້າງສາປະເທດຊາດໃນໄລຍະກ້າວຂຶ້ນສັງຄົມນິຍົມ ໄດ້ຈັດກອງປະຊຸມຄັ້ງທີ 1, ພາຍໃຕ້ການເປັນປະທານຂອງທ່ານ ໂຕເລິມ ເລຂາທິການໃຫຍ່ຄະນະບໍລິຫານງານສູນກາງພັກກອມມູນິດ ຫວຽດນາມ ປະທານປະເທດ ຫວຽດນາມ.

ອິນເດຍ ພິຈາລະນາຫຼຸດພາສີສຳລັບນັກລົງທຶນຕ່າງປະເທດທີ່ລົງທຶນໃນພັນທະບັດ

18/05/2026 11:42

ຂ່າວຕ່າງປະເທດລາຍງານ ຫວ່າງມໍ່ໆມານີ້ວ່າ: ລັດຖະບານອິນເດຍກຳລັງພິຈາລະນາການຫຼຸດພາສີຄັ້ງໃຫຍ່ສຳລັບນັກລົງທຶນຕ່າງປະເທດທີ່ລົງທຶນໃນພັນທະບັດອິນເດຍ ເພື່ອໃຫ້ສອດຄ່ອງກັບມາດຕະຖານສາກົນ ແລະ ດຶງດູດການລົງທຶນເຂົ້າມາປະເທດຫຼາຍຂຶ້ນ.

ເພີ່ມເຕີມ