ຜູ້ອົບພະຍົບທົ່ວໂລກ ສູງເຖິງ 83.4 ລ້ານຄົນ ໃນປີ 2024

09:15 16/05/2025

ຂ່າວຕ່າງປະເທດລາຍ ໃນວັນທີ 14 ພຶດສະພາ ຜ່ານມາ; ອົງການຈັດຕັ້ງສາກົນ ເພື່ອການເຄື່ອນຍ້າຍຖິ່ນຖານ (IOM) ເປີດເຜີຍວ່າ: ຈໍານວນຜູ້ອົບພະຍົບພາຍໃນປະເທດທົ່ວໂລກບັນລຸລະດັບສູງແບບບໍ່ເຄີຍມີມາກ່ອນ 83.4 ລ້ານຄົນ ເມື່ອນັບຮອດທ້າຍປີ 2024.

ບົດລາຍງານສະຖານະການຜູ້ອົບພະຍົບພາຍໃນປະເທດ (Global Report on Internal Displacement) ປີ 2025 ທີ່ເຜີຍແຜ່ໂດຍສູນເຝົ້າຕິດຕາມການອົບພະຍົບພາຍໃນປະເທດ (IDMC) ເມື່ອບໍ່ດົນມານີ້ ລະບຸວ່າ: ຄວາມຂັດແຍ່ງ ແລະ ຄວາມຮຸ່ນແຮງທີ່ເກີດຂຶ້ນຍັງເປັນຕົວຂັບເຄື່ອນຕົ້ນຕໍຂອງການອົບພະຍົບ, ໂດຍມີຜູ້ອົບພະຍົບຈາກຄວາມຂັດແຍ່ງ ແລະ ຄວາມຮຸ່ນແຮງ ຈຳນວນ 73.5 ລ້ານຄົນ ເມື່ອນັບຮອດທ້າຍປີ 2024 ເພີ່ມຂຶ້ນ 80% ໃນໄລຍະ 6 ປີທີ່ຜ່ານມາ.

ຄວາມຂັດແຍ່ງໃນຊູດານ ສົ່ງຜົນໃຫ້ມີຜູ້ອົບພະຍົບ ຈຳນວນ 11.6 ລ້ານຄົນ ເຮັດໃຫ້ຊູດານມີຈໍານວນຜູ້ອົບພະຍົບພາຍໃນປະເທດສູງທີ່ສຸດໃນໂລກ. ໃນຂະນະທີ່ສະນວນກາຊາ ປະຊາກອນເກືອບທັງໝົດຕ້ອງກາຍເປັນຜູ້ອົບພະຍົບເມື່ອນັບເຖິງທ້າຍປີ 2024

ລາຍງານລະບຸຕື່ມວ່າ: ໄພພິບັດຕ່າງໆ ສົ່ງຜົນເຮັດໃຫ້ມີຜູ້ອົບພະຍົບ ຈໍານວນ 45.8 ລ້ານຄົນ ໃນປີ 2024 ຊຶ່ງເພີ່ມຂຶ້ນເກືອບສອງເທົ່າຂອງມູນຄ່າສະເລ່ຍຕໍ່ປີໃນໄລຍະທົດສະວັດທີ່ຜ່ານມາ, ເຖິງວ່າປະຊາຊົນສ່ວນຫຼາຍຈະສາມາດເດີນທາງກັບຄືນບ້ານເກີດຂອງຕົນໄດ້ໃນໄລຍະເວລາດັ່ງກ່າວ, ແຕ່ຍັງມີຜູ້ອົບພະຍົບປະມານ 9.8 ລ້ານຄົນ ເມື່ອນັບຮອດທ້າຍປີ 2024

ທ່ານ ເອມີ ໂປບ ຜູ້ອຳນວຍການ IOM ກ່າວວ່າ: ໂຕເລກເຫຼົ່ານີ້ຖືເປັນສັນຍານເຕືອນທີ່ຊັດເຈນວ່າ ຖ້າບໍ່ມີການດຳເນີນງານທີ່ກ້າຫານ ແລະ ປະສານງານກັນ ຈໍານວນຜູ້ອົບພະຍົບພາຍໃນປະເທດຕົນເອງຈະສືບຕໍ່ເພີ່ມຂຶ້ນຢ່າງວ່ອງໄວ.

ຄໍາເຫັນ

ຂ່າວຕ່າງປະເທດ

ສະໜາມບິນສາກົນພະນົມເປັນ ຈະປິດບໍລິການໃນວັນທີ 9 ກໍລະກົດປີນີ້

16/05/2025 14:19

ຂ່າວສານຊີອາໄອລາຍງານວ່າ: ຫວ່າງມໍ່ໆມານີ້, ເຈົ້າໜ້າທີ່ກະຊວງທີ່ປຶກສາແຫ່ງລັດດ້ານການບິນພົນລະເຮືອນກຳປູເຈຍເປີດເຜີຍໃຫ້ຮູ້ວ່າ, ສະໜາມບິນສາກົນ Techo ຂອງກຳປູເຈຍຄາດວ່າຈະເປີດບໍລິການຢ່າງເປັນທາງການໃນວັນທີ 10 ກໍລະກົດ ຈະມາເຖິງນີ້, ຮອດເວລານັ້ນສະໜາມບິນສາກົນພະນົມເປັນຈະປິດບໍລິການຢ່າງຮອບດ້ານ ແລະວຽກງານທັງໝົດຈະຍ້າຍໄປສະໜາມບິນສາກົນ Techo ທີ່ສ້າງສຳເລັດໃໝ່.

ອາເມຣິກາ ແລະ ຊາອຸດິດ ອາຣັບບີ ລົງນາມໃນຂໍ້ຕົກລົງ ມູນຄ່າ 142 ຕື້ກວ່າໂດລາ

16/05/2025 14:19

ວິທະຍຸກະຈາຍສຽງຫວຽດນາມລາຍງານວ່າ: ເມື່ອບໍ່ດົນມານີ້, ທ່ານ ໂດໂນ ທຣຳ ປະທານາທິບໍດີ ສະຫະລັດ ອາເມຣິກາ ໄດ້ເດີນທາງຮອດ ນະຄອນຫຼວງຣີຢາດ ປະເທດຊາອຸດິດ ອາຣັບບີ ຊຶ່ງເປັນປະເທດທຳອິດໃນການຢ້ຽມຢາມ 3 ປະເທດເຂດອ່າວ ເປີເຊີຍ ລວມມີ: ຊາອຸດິດ ອາຣັບບີ, ກາຕາ ແລະ ສະຫະລັດ ອາຣັບ ເອມີເລດ (UAE). ຕິດຕາມທ່ານປະທານາທິບໍດີ ອາເມຣິກາ ໃນການຢ້ຽມຢາມຄັ້ງນີ້ ມີການນຳວິສາຫະກິດແຖວໜ້າຂອງ ສະຫະລັດ ອາເມຣິກາ, ໃນນັ້ນມີ ທ່ານ ອີລອນ ມາກ.

ທ່ານ ສີຈິ້ນຜິງ ພົບປະກັບປະທານາທິບໍດີຊີເລ

16/05/2025 14:17

ຂ່າວສານຊີອາໄອລາຍງານວ່າ: ໃນຕອນເຊົ້າວັນທີ 14 ພຶດສະພາ ຜ່ານມານີ້, ທ່ານ ສີຈິ້ນຜິງ ປະທານປະເທດຈີນໄດ້ພົບປະກັບທ່ານ ກາເບຣລ ໂບຣິກ ປະທານາທິບໍດີຊີເລ ທີ່ຫໍສະພາປະຊາຊົນແຫ່ງຊາດ ທີ່ນະຄອນຫຼວງປັກກິ່ງ ຂອງຈີນ.

ນາຍົກຫວຽດນາມ ສະເຫນີ World Bank ໜູນຊ່ວຍໂຄງການພື້ນຖານໂຄງລ່າງທີ່ມີຂອບຂະໜາດໃຫຍ່

16/05/2025 14:15

ວິທະຍຸກະຈາຍສຽງຫວຽດນາມລາຍງານວ່າ: ໃນວັນທີ 15 ພຶດສະພາ ຜ່ານມາ ຢູ່ນະຄອນຫຼວງຮ່າໂນ້ຍ, ໃນການຕ້ອນຮັບທ່ານນາງ ມາຮຽມ ເຊີແມນ (Mariam J. Sherman) ຜູ້ອຳນວຍການແຫ່ງຊາດ ຂອງຫ້ອງການ World Bank ຢູ່ ພາກພື້ນ ຫວຽດນາມ, ລາວ ແລະ ກຳປູເຈຍ, ທ່ານ ຟ້າມມິງຈິງ ນາຍົກລັດຖະມົນຕີຫວຽດນາມ ສະເໜີ World Bank ປະຕິຮູບບັນດາລະບຽບການ, ເງື່ອນໄຂກູ້ຢຶມທຶນ, ໃຫ້ຄຳປຶກສານະໂຍບາຍ ແລະ ຫນູນຊ່ວຍ ຫວຽດນາມ ປະຕິບັດບັນດາເປົ້າໝາຍຍຸດທະສາດ ເປັນຕົ້ນແມ່ນການພັດທະນາພື້ນຖານໂຄງລ່າງທີ່ມີຂອບຂະໜາດໃຫຍ່.

KDI ຫຼຸດການຄາດຄະເນການເຕີບໂຕເສດຖະກິດ ສ ເກົາຫຼີ ລົງເປັນ 0.8% ໃນປີນີ້

16/05/2025 09:18

ຂ່າວຕ່າງປະເທດລາຍງານ ໃນວັນທີ 14 ພຶດສະພານີ້ ວ່າ: ສະຖາບັນການພັດທະນາເກົາຫຼີ (KDI) ຊຶ່ງເປັນອົງການຂອງລັດຖະບານ ສ ເກົາຫຼີ ໄດ້ຫຼຸດການຄາດຄະເນການເຕີບໂຕຂອງເສດຖະກິດ ສ ເກົາຫຼີ ໃນປີ 2025 ລົງເຖິງ 50% ເຫຼືອພຽງ 0.8% ຈາກໂຕເລກການຄາດຄະເນທີ່ຜ່ານມາ 1.6%, ໂດຍລະບຸວ່າການຄ້າໃນທົ່ວໂລກມີຄວາມບໍ່ແນ່ນອນຫຼາຍຂຶ້ນ ແລະ ການສົ່ງອອກຊ້າລົງ.

ຜົນການນັບຄະແນນສຽງເບື້ອງຕົ້ນການເລືອກຕັ້ງລັດຖະສະພາກາງສະໄໝຂອງຟີລິບປິນ

16/05/2025 09:11

ຂ່າວສານຊີອາໄອ ລາຍງານ ໃນວັນທີ 15 ພຶດສະພານີ້ວ່າ: ອີງຕາມໂຕເລກຂໍ້ມູນທີ່ຄະນະກໍາມະການເລືອກຕັ້ງຟີລິບປິນ ເປີດເຜີຍໃຫ້ຮູ້ວ່າ: ນັບມາຮອດປັດຈຸບັນ, ການເລືອກຕັ້ງລັດຖະສະພາກາງສະໄໝຂອງຟີລິບປິນໄດ້ນັບຄະແນນສຽງຫຼາຍກວ່າ 97% ຊຶ່ງຜົນການນັບຄະແນນສຽງສະແດງໃຫ້ເຫັນວ່າ: ພັກທີ່ທ່ານ ເຟີດີນານ ມາຄົສ ປະທານາທິບໍດີຟີລິບປິນສັງກັດ ຊະນະ 6 ໃນ 12 ບ່ອນນັ່ງໃນສະພາສູງທີ່ເລືອກຕັ້ງໃໝ່ໃນການເລືອກຕັ້ງຄັ້ງນີ້ ຊຶ່ງບໍ່ບັນລຸຕາມຄາດໝາຍ. ຂະນະທີ່ຝ່າຍຄ້ານທີ່ ທ່ານ ໂຣດຣີໂກ ດູເຕີເຕ ອະດີດປະທານາທິບໍດີຟີລິປິນສັງກັດໄດ້ 5 ບ່ອນນັ່ງ, ສໍາລັບບ່ອນນັ່ງທີ່ເຫຼືອເປັນຂອງພັກຝ່າຍອື່ນໆ.

ສະຫະລັດ ອາເມຣິກາ ພັດທະນາ app ໃຊ້ AI ເພື່ອກວດຫາພະຍາດເລືອດຈາງຈາກຮູບຖ່າຍເລັບມື

16/05/2025 09:07

ຂ່າວຕ່າງປະເທດລາຍງານ ໃນວັນທີ 14 ພຶດສະພາ ຜ່ານມາ; ຜົນການສຶກສາໃໝ່ທີ່ພິມເຜີຍແຜ່ໃນວາລະສານວິທະຍາສາດ PNAS ເປີດເຜີຍວ່າ: ນັກຄົ້ນຄວ້າໃນສະຫະລັດ ອາເມຣິກາ ໄດ້ພັດທະນາແອັບພລິເຄຊັນໃນໂທລະສັບມືຖືທີ່ຂັບເຄື່ອນດ້ວຍປັນຍາປະດິດ (AI) ຊຶ່ງສາມາດປະເມີນລະດັບ hemoglobin ໃນເລືອດ ຫຼື ທາດໂປຣຕີນທີ່ພົບເຫັນຢູ່ໃນເມັດເລືອດແດງ ແລະ ກວດຫາພະຍາດເລືອດຈາງຈາກຮູບຖ່າຍເລັບມືຂອງຜູ້ໃຊ້ໂດຍບໍ່ມີການເຈາະເລືອດ.

ທ່ານ ຮຸນມາເນັດ ຫ້າມການລົງທຶນຜະລິດຢາສູບໄຟຟ້າໃນກຳປູເຈຍ

15/05/2025 11:41

ຂ່າວຕ່າງປະເທດລາຍງານ ໃນວັນທີ 14 ພຶດສະພາ ຜ່ານມາວ່າ: ທ່ານ ຮຸນມາເນັດ ນາຍົກລັດຖະມົນຕີ ກຳປູເຈຍ ກ່າວຄຳເຫັນໃນລະຫວ່າງການພົບປະກັບ ທ່ານ ບາຣອສ ຟິເກຣາ ມິເກລ ປະທານສະມາຄົມອຸດສາຫະກຳຢາສູບກຳປູເຈຍ ທີ່ທຳນຽບສັນຕິພາບ ນະຄອນຫຼວງພະນົມເປັນ ວ່າ: ຈະບໍ່ອະນຸຍາດໃຫ້ມີການລົງທຶນໃນການຜະລິດຢາສູບໄຟຟ້າໃນປະເທດ.

ຈີນ ແລະ ໂກລົມບີ ລົງນາມໃນເອກະສານກ່ຽວກັບການຮ່ວມກັນສ້າງ “ໜຶ່ງແລວໜຶ່ງເສັ້ນທາງ”

15/05/2025 11:40

ຂ່າວສານຊີິອາໄອລາຍງານວ່າ: ໃນວັນທີ 14 ພຶດສະພາ ຜ່ານມານີ້, ຈີນ ແລະ ໂກລົມບີ ໄດ້ລົງນາມໃນແຜນການຮ່ວມມືກ່ຽວກັບການຮ່ວມກັນສ້າງ “ໜຶ່ງແລວໜຶ່ງເສັ້ນທາງ” ພ້ອມທັງປະກາດລົງນາມເອກະສານການແລກປ່ຽນ ແລະ ການຮ່ວມມືໃນຂົງເຂດການພັດທະນາເສດຖະກິດ ຄື:

ຫວຽດນາມ ສືບຕໍ່ຮັບເລືອກເປັນປະທານຄະນະກຳມະການເຕັກນິກປະຈຳອົງການພາສີໂລກ

15/05/2025 11:37

ວິທະຍຸກະຈາຍສຽງຫວຽດນາມລາຍງານ ໃນວັນທີ 14 ພຶດສະພາ ຜ່ານມາວ່າ: ຫວຽດນາມ ໄດ້ຮັບຄວາມໄວ້ເນື້ອເຊື່ອໃຈຈາກບັນດາສະມາຊິກຂອງອົງການພາສີໂລກ (WCO) ສືບຕໍ່ດຳລົງຕຳແໜ່ງປະທານຄະນະກຳມະການເຕັກນິກ (PTC) ອາຍຸການ 2025 – 2026.

ເພີ່ມເຕີມ