ຄວາມທ້າທາຍ ແລະ ອື່ນໆ. ປັດຈຸບັນກາຍເປັນຈຸດທ່ອງທ່ຽວສໍາຄັນອີກແຫ່ງໜຶ່ງທີ່ສາມາດດຶງດູດນັກທ່ອງທ່ຽວທັງພາຍໃນ ແລະ ຕ່າງປະເທດເຂົ້າມາທ່ຽວຊົມເປັນຈໍານວນຫຼາຍໃນແຕ່ລະວັນ ພ້ອມມີຫຼາຍກິດຈະກໍາທີ່ໜ້າສົນໃຈ.
ທ່ານ ໂອລາໄຊ ໃສສຸພັນຫົວໜ້າພະແນກກິດຈະກຳບໍລິການທ່ອງທ່ຽວຄົບວົງຈອນຈຸດຊົມວິວພູຜາມ່ານ ເມືອງຄູນຄໍາ ແຂວງຄໍາມ່ວນໄດ້ໃຫ້ສໍາພາດຕໍ່ສື່ມວນຊົນລາວ-ໄທໃນວັນທີ 26 ມັງກອນຜ່ານມາວ່າ: ພູຜາມ່ານ ເປັນແຫຼ່ງທ່ອງທ່ຽວທໍາມະຊາດທີ່ມີຄວາມສວຍສົດງົດງາມທີ່ສຸດ, ມີວິວພູຜາເປັນຫີນປູນແຫຼມທີ່ຕັ້ງລຽງຊ້າຍລ້າຍສະຫຼັບສັບຊ້ອນກັນຢ່າງສວຍສົດງົດງາມ ແລະ ມີປ່າໄມ້ທີ່ອຸດົມສົມບູນ ຊຶ່ງມີເນື້ອທີ່ທັງໝົດ 7,500 ກວ່າເຮັກຕາ. ໃນນັ້ນ, ເນື້ອທີ່ເຮັດກິດຈະກໍາຫຼັກໆມີ 23 ເຮັກຕາໂດຍໄດ້ຮັບການພັດທະນາຈາກບໍລິສັດທ່ອງທ່ຽວກຣີນດິສໂຄເວີຣີ ແລະ ເປີດໃຫ້ບໍລິການມາແຕ່ທ້າຍປີ 2019 ຊຶ່ງມີຫຼາຍກິດຈະກຳຫຼັກຮອດ 10 ລາຍການ.ໃນນັ້ນ, ມີ 3 ລາຍການ (ກິດຈະກໍາ) ທ່ອງທ່ຽວທີ່ທ້າທາຍຄື:ລາຍການທ່ອງທ່ຽວ 2 ຊົ່ວໂມງມີ: ຂີ່ສະລິງ 5 ເສັ້ນ, ໄຕ່ຂົວ, ຍ່າງປ່າ, ຊົມວິວ, ປີນໜ້າຜາ, ໃນນັ້ນ, ມີຈຸດຊົມວິວຖ່າຍພາບງາມໆ 360 ອົງສາ;ລາຍການທ່ອງທ່ຽວທີ 2 ເຄິ່ງວັນມີ:ຂີ່ສະລິງ 12 ເສັ້ນ, ການລອຍໂຕລົງຖໍ້າປ່ອງຄວາມເລິກ 70 ແມັດ; ລາຍການທ່ອງທ່ຽວທີ 3ໜຶ່ງວັນມີ: ສະລິງ 15 ເສັ້ນ, ລອຍໂຕລົງໜ້າຜາ,ການລອຍໂຕລົງຖໍ້າປ່ອງຄວາມເລິກ90 ແມັດ, 170 ແມັດ, ທ່ຽວຊົມຖໍ້າ. ນອກຈາກຂີ່ສະລິງແລ້ວ ຍັງມີກິດຈະກໍາພາຍເຮືອກາຍະ, ທາຢາກິງຖໍ້າກອງລໍ, ທາຢາກິງສາຍນໍ້າຫີນບູນທີ່ໄຫຼອອກມາຈາກຖໍ້າກອງລໍ ແລະ ກິດຈະກໍາອື່ນໆ ນັກທ່ອງທ່ຽວສາມາດເລືອກລາຍການທ່ອງທ່ຽວຕາມຄວາມຕ້ອງການໄດ້. ສໍາລັບກິດຈະກໍາປີນໜ້າຜາສູງຈະເລີ່ມບໍລິການໃຫ້ນັກທ່ອງທ່ຽວໃນໄວໆນີ້ຕື່ມອີກຊຶ່ງກິດຈະກໍາທີ່ນັກທ່ອງທ່ຽວນິຍົມຫຼາຍທີ່ສຸດ ແມ່ນກິດຈະກໍາຂີ່ສະລິງ 2 ຊົ່ວໂມງ, ຕໍ່ມາເຄິ່ງວັນ. ໃນນັ້ນ, ສະຖານທີ່ທ່ອງທ່ຽວພູຜາມ່ານຍັງໄດ້ສຸມໃສ່ອະນຸລັກສັດປ່າຊີວະນາໆພັນເຊັ່ນ: ສັດຄາງລາວ ສາມາດເຫັນໄດ້ໃນໄລຍະຕອນເຊົ້າ 6:00 ໂມງເຊົ້າ ຫາ 9:00 ໂມງເຊົ້າ ແລະ ຕອນບ່າຍ 15:00 ໂມງ ຫາ 17:30 ໂມງ ຫຼືກ່ອນຕາເວັນຕົກດິນ. ໃນນັ້ນ, ຍັງມີນົກ, ກະຮອກ ແລະ ອື່ນໆຫຼາຍຊະນິດໃຫ້ໄດ້ເຫັນຕື່ມອີກ. ປັດຈຸບັນມີນັກທ່ອງທ່ຽວທັງພາຍໃນ ແລະ ຕ່າງປະເທດເຂົ້າມາທ່ຽວເປັນຈໍານວນຫຼາຍ ແລະ ເຂົ້າມາທ່ຽວຫຼາຍທີ່ສຸດແມ່ນໄລຍະເດືອນກັນຍາ ຫາເດືອນມີນາ. ສ່ວນຫຼາຍເປັນນັກທ່ອງເອເຊຍ, ເອີຣົບ, ສິງກະໂປ, ຫວຽດນາມ, ມາເລເຊຍ, ຟີລິບປິນ...ໃຫ້ຄວາມສົນໃຈເດີນທາງໄປສໍາຜັດເປັນຈໍານວນຫຼາຍໃນແຕ່ລະວັນ.
ທ່ານ ໂອລາໄຊ ໃສສຸພັນ ກ່າວຕື່ມວ່າ: ຜູ້ມາທ່ຽວບໍ່ຕ້ອງຢ້ານກິດຈະກໍາຕ່າງໆ ທີ່ໃຫ້ບໍລິການແມ່ນມີຄວາມປອດໄພ 100% ເນື່ອງຈາກມີພະນັກງານຮັກສາຄວາມປອດໄພ ໄດ້ຮັບການຝຶກອົບມາເປັນຢ່າງດີ, ພວກເຮົາຍັງມີການກະກຽມຄວາມພ້ອມດ້ານອຸປະກອນ, ກວດສອບອຸປະກອນ, ສາຍສະລິງ,ຕ້ອງມີການຊ້ອມ, ສາທິດກ່ອນການລົງຫຼິ້ນກິດຈະກຳເປັນຕົ້ນສາທິດການນໍາໃຊ້ອຸປະກອນອື່ນໆ ເພື່ອຄວາມປອດໄພທຸກຢ່າງ,ເວລາຫຼິ້ນກິດຈະກໍາພະນັກງານຮັກສາຄວາມປອດໄພຈະຕິດຕາມໄປໃກ້ຊິດຕະຫຼອດໄລຍະລົງຫຼິ້ນຈົນສິ້ນສຸດກິດຈະກໍາ.
ພູຜາມ່ານຕັ້ງຢູ່ເມືອງຄູນຄໍາ ແຂວງຄໍາມ່ວນອອກໄປຕາມເສັ້ນທາງເລກ 8 ເປັນເສັ້ນທາງໄປຫາເມືອງຄໍາເກີດ ອອກສູ່ດ່ານສານກົນນໍ້າພາວ ແຂວງບໍລິຄໍາໄຊ, ພູຜາມ່ານຫ່າງຈາກເສັ້ນທາງເລກທີ 13 ໃຕ້ປະມານ 33 ກິໂລແມັດ.
ຄໍາເຫັນ