ກ່າວຄຳເຫັນໃນການຖະແຫຼງຂ່າວຢູ່ ມົສກູ, ທ່ານ ຢູຣີ ອູຊາຄອບ ເນັ້ນໜັກວ່າ: ມີບັນດາຜູ້ແທນຂັ້ນສູງ, ລວມມີການນຳລັດຖະບານ, ນັກການເມືອງ ທີ່ມາຈາກປະມານ 76 ປະເທດ ໄດ້ເຂົ້າຮ່ວມກິດຈະກຳຕ່າງໆຂອງເວທີປາໄສ. ໃນຂະນະນັ້ນ, ບັນດາປະເທດທີ່ຂຶ້ນກັບປະຊາຄົມບັນດາປະເທດເອກະລາດ (SNG) ກໍຄາດວ່າຈະສືບຕໍ່ເຂົ້າຮ່ວມ. ສິ່ງທີ່ໜ້າສົນໃຈແມ່ນ, ນີ້ເປັນຄັ້ງທຳອິດພາຍຫຼັງໄລຍະເວລາ 10 ປີ ທີ່ມີຄະນະຜູ້ແທນຂອງ ອາເມຣິກາ ເຂົ້າຮ່ວມເວທີປາໄສດັ່ງກ່າວ.
ທ່ານ ຢູຣີ ອູຊາຄອບ ໃຫ້ຮູ້ວ່າ: ວັນທີ 4 ມິຖຸນາ ນີ້, ທ່ານ ວະລາດີເມຍ ປູຕິນ ປະທານາທິບໍດີ ຣັດເຊຍ ຈະເປີດເວທີປາໄສດ້ວຍການພົບປະການນຳບັນດາສຳນັກຂ່າວສານສາກົນ ແນໃສ່ປຶກສາຫາລືກ່ຽວກັບບັນຫາການເມືອງ ແລະ ເສດຖະກິດທີ່ສຳຄັນຢູ່ພາຍໃນ ແລະ ນອກປະເທດ.
ວາລະປະຊຸມຄົບຄະນະຂອງເວທີປາໄສຄາດວ່າຈະໄດ້ດຳເນີນໃນວັນທີ 5 ມິຖຸນາ ນີ້ ດ້ວຍບົດກ່າວປາໄສສຳຄັນຂອງທ່ານປະທານາທິບໍດີ ຣັດເຊຍ, ຖັດຈາກນັ້ນແມ່ນວາລະປຶກສາຫາລື ແລະ ວາລະຖາມ-ຕອບ.
ຄໍາເຫັນ