 |
ໃນພິທີ, ທ່ານ ພັອ ສີບຸນເຮືອງ ໄຊຍະເພັດ ຮອງຫົວໜ້າກົມຄຸ້ມຄອງສຳມະໂນຄົວ ແລະ ກໍ່ສ້າງຮາກຖານ ໄດ້ຜ່ານບົດລາຍງານຜົນສຳເລັດຂອງການຝຶກອົບຮົມ ຊຸດຝຶກອົບຮົມດັ່ງກ່າວໄດ້ດຳເນີນເປັນເວລາ 3 ວັນ (ເລີ່ມຕັ້ງແຕ່ວັນທີ 21 ຫາ 23 ກໍລະກົດ 2026) ໂດຍມີນັກສຳມະນາກອນເຂົ້າຮ່ວມທັງໝົດ 26 ຄົນ ຈາກບັນດາພະແນກ, ສູນ, ກອງກໍ່ສ້າງຮາກຖານ 11 ກອງ ແລະ ອົງການຈັດຕັ້ງມະຫາຊົນ; ພ້ອມທັງໄດ້ຮັບການຖ່າຍທອດຄວາມຮູ້ຈາກຄະນະວິທະຍາກອນ ກົມຕຳຫຼວດສະກັດກັ້ນ ແລະ ຕ້ານການຄ້າມະນຸດ ກົມໃຫຍ່ຕຳຫຼວດ ຈຳນວນ 8 ຄົນ.
ເນື້ອໃນທີ່ນຳມາຝຶກອົບຮົມໃນຄັ້ງນີ້ ປະກອບມີ: ການຮຽນຮູ້ສະພາບການຄ້າມະນຸດ, ສົນທິສັນຍາສາກົນ ແລະ ກົດໝາຍທີ່ກ່ຽວຂ້ອງ; ເຕັກນິກ ແລະ ວິທີການໂຄສະນາໃຫ້ແກ່ກຸ່ມສ່ຽງ, ພະນັກງານ-ລັດຖະກອນ, ພະນັກງານນຳພາ-ບັນຊາ ແລະ ການໂຄສະນາໃນໂອກາດວັນສຳຄັນຕ່າງໆ; ການຈັດຈຸຄົ້ນຄວ້າ, ສົນທະນາ ແລະ ແລກປ່ຽນກໍລະນີຕົວຢ່າງສົມມຸດ ເພື່ອສ້າງຄວາມຮັບຮູ້-ເຂົ້າໃຈໃນການໄຈ້ແຍກຄະດີຄ້າມະນຸດຢ່າງຖືກຕ້ອງ; ການ ແຈກຢາຍເອກະສານ, ຄູ່ມື, ຟາຍຄລິບວີດີໂອ, ປົດສະເຕີ້ ແລະ ແຜ່ນພັບ ເພື່ອນຳໃຊ້ເປັນຄູ່ມືໃນການຈັດຕັ້ງປະຕິບັດງານຕົວຈິງ.
ຜ່ານການຝຶກອົບຮົມ ໄດ້ຊ່ວຍໃຫ້ຍົກລະດັບຄວາມຮູ້ຄວາມສາມາດ ແລະ ທັກສະຂອງຄູຝຶກ ໃຫ້ມີຄວາມອາດສາມາດນຳເອົາບົດຮຽນ ແລະ ເອກະສານຕ່າງໆ ໄປຈັດຕັ້ງຜັນຂະຫຍາຍ, ເຄື່ອນໄຫວໂຄສະນາປູກຈິດສຳນຶກໃຫ້ແກ່ປະຊາຊົນບັນດາເຜົ່າຢູ່ຮາກຖານບ້ານ ແລະ ຈຸດຫຼໍ່ແຫຼມຕ່າງໆ ໃນຂອບເຂດ 11 ກອງກໍ່ສ້າງຮາກຖານ ໃຫ້ມີປະສິດທິຜົນສູງ.
ໃນໂອກາດນີ້, ທ່ານພົຈວ ແກ່ນຈັນ ພົມມະຈັກ ໄດ້ໃຫ້ກຽດໂອ້ລົມ ແລະ ເນັ້ນໜັກທິດທາງຊີ້ນຳຕໍ່ພິທີ ຊຶ່ງທ່ານໄດ້ສະແດງຄວາມຍ້ອງຍໍຊົມເຊີນຕໍ່ຜົນສຳເລັດຂອງຊຸດຝຶກອົບຮົມ, ພ້ອມທັງເນັ້ນໜັກໃຫ້ຄະນະຮັບຜິດຊອບ ພ້ອມດ້ວຍນັກສຳມະນາກອນ ເອົາໃຈໃສ່ 4 ວຽກງານສຳຄັນ ຄື: 1. ນຳໃຊ້ຄວາມຮູ້ເຂົ້າໃນງານຕົວຈິງ: ໃຫ້ເອົາບົດຮຽນ, ທັກສະ ແລະ ເອກະສານທີ່ໄດ້ຮຽນຮູ້ ເອົາໄປກຳນົດເປັນແຜນການ ເພື່ອຈັດຕັ້ງຜັນຂະຫຍາຍ ແລະ ເຄື່ອນໄຫວໂຄສະນາປູກຈິດສຳນຶກຢູ່ 11 ກອງກໍ່ສ້າງຮາກຖານ ໃຫ້ມີປະສິດທິຜົນສູງ, 2. ເພີ່ມທະວີການໂຄສະນາສຶກສາອົບຮົມ: ເຄື່ອນໄຫວໂຄສະນາເຕືອນສະຕິປະຊາຊົນ, ເດັກນ້ອຍ ແລະ ແມ່ຍິງ ໃຫ້ມີສະຕິລະວັງຕົວຕໍ່ກົນອຸບາຍ, ເລລ່ຽມຕົວະຍົວະຫຼອກລວງຂອງກຸ່ມຄົນບໍ່ດີ ເພື່ອສະກັດກັ້ນ ແລະ ຕ້ານການຄ້າມະນຸດ, 3. ເພີ່ມທະວີການປະສານສົມທົບ: ສືບຕໍ່ປະສານສົມທົບກັບ ກົມສະກັດກັ້ນ ແລະ ຕ້ານການຄ້າມະນຸດ (ກົມໃຫຍ່ຕຳຫຼວດ) ເພື່ອສະໜອງເນື້ອໃນ, ປຶ້ມຄູ່ມື, ອຸປະກອນສື່ໂຄສະນາ ແລະ ເງື່ອນໄຂອື່ນໆ ໃຫ້ແກ່ການເຄື່ອນໄຫວວຽກງານ, 4. ຕິດຕາມ ແລະ ສະຫຼຸບລາຍງານ: ເອົາໃຈໃສ່ຕິດຕາມ, ກວດກາ, ສັງລວມ ແລະ ສະຫຼຸບລາຍງານສະພາບການຈັດຕັ້ງປະຕິບັດວຽກງານໂຄສະ.
(ຂ່າວ: ຄວາມສະຫງົບ)
ຄໍາເຫັນ