ທ່ານ ລີແຈມຽງ ກ່າວໃນການຖະແຫຼງຂ່າວກັບນາຍົກລັດຖະມົນຕີຍີ່ປຸ່ນ ວ່າ: ທັງສອງຝ່າຍເຫັນດີເປັນເອກະພາບວ່າ ການຮ່ວມມືລະຫວ່າງ ສ ເກົາຫຼີ ແລະ ຍີ່ປຸ່ນ ມີຄວາມສຳຄັນຫຼາຍກວ່າທີ່ເຄີຍມີມາ ທ່າມກາງຄວາມຜັນຜວນຂອງລະບົບຕ່ອງໂສ້ການສະໜອງ ແລະ ຕະຫຼາດພະລັງງານ ທີ່ເກີດຈາກສະຖານະການໃນຕາເວັນອອກກາງ. ພ້ອມທັງເນັ້ນໜັກເຖິງຄວາມຈຳເປັນໃນການເລັ່ງຟື້ນຟູສັນຕິພາບໃນພາກພື້ນ.
ທ່ານ ລີແຈມຽງ ກ່າວວ່າ: ດ້ວຍຄວາມເຂົ້າໃຈຊຶ່ງກັນ ແລະ ກັນນີ້, ສອງປະເທດຈຶ່ງໄດ້ຕົກລົງທີ່ຈະຂະຫຍາຍການຮ່ວມມືໃນລະບົບຕ່ອງໂສ້ການສະໜອງຕື່ມອີກ.
ນອກຈາກນັ້ນ, ສ ເກົາຫຼີໃຕ້ ແລະ ຍີ່ປຸ່ນ ໄດ້ຕົກລົງທີ່ຈະຂະຫຍາຍການຮ່ວມມືດ້ານ LNG ແລະ ນ້ຳມັນດິບ ຊຶ່ງເປັນແຫຼ່ງພະລັງງານຫຼັກຂອງທັງສອງປະເທດ. ໂດຍທ່ານ ລີແຈມຽງ ເປີດເຜີຍວ່າ, ສ ເກົາຫຼີ ແລະ ຍີ່ປຸ່ນ ຈະເສີມຂະຫຍາຍຊ່ອງທາງໃນການແລກປ່ຽນຂໍ້ມູນ ແລະ ການສື່ສານກ່ຽວກັບການສະໜອງນ້ຳມັນດິບ ແລະ ນ້ຳມັນສຳຮອງ.
ຄໍາເຫັນ