ທຳນຽບຂາວ ຂອງສະຫະລັດ ອາເມຣິກາ ໄດ້ອອກຄຳສັ່ງບໍລິຫານໃນວັນທີ 16 ມິຖຸນາ ຜ່ານມາ, ເພື່ອປະຕິບັດຕາມເງື່ອນໄຂທົ່ວໄປຂອງຂໍ້ຕົກລົງການຄ້າທີ່ໄດ້ປະກາດໃນວັນທີ 8 ພຶດສະພາ ຜ່ານມາ. ໂດຍ ສະຫະລັດ ອາເມລິກາ ຈະກຳນົດໂຄຕ້າອັດຕາພາສີຕໍ່ປີ ສຳລັບລົດຍົນ 100,000 ຄັນ ດ້ວຍອັດຕາພາສີ 10% ຕໍ່ລົດທີ່ນຳເຂົ້າພາຍໃນໂຄຕ້າ. ສ່ວນການນໍາເຂົ້າເກີນໂຄຕ້າຈະຍັງຄົງຢູ່ໃນອັດຕາພາສີ 25% ຕາມການປະກາດໃນວັນທີ 26 ມີນາ ຜ່ານມາ.
ການນຳເຂົ້າອາໄຫຼ່ລົດທີ່ຜະລິດຈາກອັງກິດໄປຍັງ ສະຫະລັດ ອາເມລິກາ ເພື່ອນຳໃຊ້ໃນລົດຍົນຂອງອັງກິດ ຈະຖືກເກັບພາສີ 10% ແທນທີ່ຈະເປັນອັດຕາ 25% ທີ່ກໍານົດໃນປະກາດເບື້ອງຕົ້ນ. ສະຫະລັດ ອາເມຣິກາ ຍັງມີມະຕິຍົກເວັ້ນເຮືອບິນພົນລະເຮືອນຂອງອັງກິດຈາກການປະກາດກ່ຽວກັບເຫຼັກກ້າ ແລະ ອາລູມິນຽມ ໃນວັນທີ 8 ມີນາ ແລະ ຄໍາສັ່ງບໍລິຫານໃນວັນທີ 2 ເດືອນເມສາ ຜ່ານມາ.
ທ່ານ ທຣໍາ ໄດ້ສັ່ງໃຫ້ລັດຖະມົນຕີກະຊວງການຄ້າ ສະຫະລັດ ອາເມຣິກາ ອອກແບບ ແລະ ກໍານົດໂຄຕ້າອັດຕາພາສີໃນອະນາຄົດ ສໍາລັບອາລູມິນຽມ ແລະ ເຫຼັກກ້າ, ລວມເຖິງຜະລິດຕະພັນອະນຸພັນ ຊຶ່ງຜະລິດຢູ່ໃນອັງກິດ.
ຄໍາເຫັນ