 |
ສະຫາຍ ນາງ ຄຳມະລາ ສຸວົງ ໄດ້ກ່າວເປີດກອງປະຊຸມ ແລະ ເຊື່ອມຊຶມມະຕິກອງປະຊຸມຄົບຄະນະບໍລິຫານງານສູນກາງສະຫະພັນແມ່ຍິງລາວຄັ້ງທີ 4 ສະໄໝທີ Vlll, ຜ່ານບົດສະຫຼຸບຕີລາຄາການຈັດຕັ້ງປະຕິບັດມະຕິກອງປະຊຸມຄົບຄະນະຄັ້ງທີ 5 ສະໄໝທີ X, ຮັບຟັງຜ່ານຮ່າງບົດລາຍງານການເມືອງທັງສອງພາກ, ກອງປະຊຸມໃຫ່ຍຜູ້ແທນແມ່ຍິງແຂວງຄັ້ງທີ Xl, ຜ່ານຮ່າງບົດສະຫຼູບຕີລາຄາການຈັດຕັັ້ງປະຕິບັດແຜນພັດທະນາແມ່ຍິງ 5 ປີ (2021-2025) ແລະ ກໍານົດເປົ້າໝາຍ, ແຜນວຽກຈຸດສຸມ, ວຽກງານຈຸດສຸມ 5 ປີ ຕໍ່ໜ້າ (2026-2030), ຜ່ານຮ່າງບົດສະຫຼູບສະພາບການຈັດຕັັ້ງປະຕິບັດຂໍ້ແຂ່ງຂັນ 3 ດີໃນໄລຍະທີ 1 ແລະ ໄລຍະທີ 2 (2021-2025), ຊຶ່ງໄດ້ຍົກໃຫ້ເຫັນຜົນງານດ້ານດີ, ດ້ານອ່ອນ, ບາງບົດຮຽນທີ່ຖອດຖອນໄດ້. ຊຶ່ງບາງຕອນສະຫາຍໄດ້ຍົກໃຫ້ເຫັນວ່າ: ຄະນະບໍລີຫານງານສະຫະພັນແມ່ຍິງແຂວງ ໄດ້ຖືສຳຄັນ ແລະ ເອົາໃຈໃສ່ວຽກງານສຶກສາອົບຮົມການເມືອງແນວຄິດດ້ວຍຫຼາຍຮູບການ, ຫຼາຍເນື້ອໃນໂດຍການຈັດຕັ້ງເຊື່ອມຊຶມ, ເຜີຍແຜ່ແນວທາງນະໂຍບາຍຂອງພັກ, ມະຕິຄຳສັງ ແລະ ລະບຽບການຂອງລັດ ເວົ້າລວມ, ເວົ້າສະເພາະແມ່ນນຳພາຜັນຂະຫຍາຍ ມະຕິກອງປະຊຸມໃຫຍ່ຄັ້ງທີ Xl ຂອງອົງຄະນະພັກແຂວງ, ມະຕິກອງປະຊຸມໃຫຍ່ຂອງຜູ້ແທນແມ່ຍິງແຂວງຜົ້ງສາລີ ແລະ ການຈັດຕັ້ງເລົ່າມູນເຊື້ອວັນສຳຄັນຂອງພັກ, ຂອງຊາດ, ເຮັດໃຫ້ແມ່ຍິງບັນດາເຜົ່າທຸກສະຫາຍໄດ້ຮັບຮູ້ ແລະ ເຂົ້າໃຈ ພ້ອມທັງກຳແໜ້ນຕໍ່ແນວທາງ, ບັນດາມະຕິຂອງພັກ, ລະບຽບກົດໝາຍ, ມະຕິຄຳສັ່ງຕ່າງຂອງລັດ, ຄວາມເຊື່ອໝັ້ນຕໍ່ການນຳພາຂອງພັກ, ມີສະຕິໃນການເຄົາລົບກົດໝາຍ, ຍຶດໝັ້ນຕໍ່ອຸດົມການຂອງພັກ, ເຕົ້າໂຮມຄວາມສະມັກຄີແມ່ຍິງບັນດາເຜົ່າເປັນກຳລັງແຮງສັງລວມຕໍ່ການຈັດຕັ້ງປະຕິບັດໜ້າທີການເມືອງ ຕາມພາລະບົດບາດ.
ໂອກາດນີ້, ສະຫາຍ ພອນໄຊ ແກ້ວສົມພັນ ກໍາມະການປະຈໍາພັກແຂວງ ປະທານແນວລາວສ້າງຊາດຂອງແຂວງ ຜູ້ຊີ້ນຳອົງການຈັດຕັ້ງມະຫາຊົນຂັ້ນແຂວງ ໄດ້ມີຄຳເຫັນ ແລະ ມີຄຳຖາມເຈາະຈີ້ມ ເພືອເປັນທິດທາງໃນການປະກອບຄຳຄິດຄຳເຫັນ. ຈາກນັ້ນ, ຜູ້ເຂົ້າກອງປະຊຸມກໍ່ໄດ້ປະກອບຄຳຄິດເຫັນຢ່າງກົງໄກກົງມາ ຕໍ່ບັນດາຮ່າງບົດສະຫຼຸບການຈັດຕັ້ງປະຕິບັດ, ຮ່າງບົດລາຍງານການເມືອງທັງສອງພາກ ຂອງຄະນະບໍລິຫານງານສະຫະພັນແມ່ຍິງແຂວງ ໃນໄລຍະ 5 ປີ ຜ່ານມາ ເພືອເຮັດໃຫ້ຮ່າງບົດສະຫຼູບດັ່ງກ່າວມີເນື້ອໃນຄົບຖ້ວນ.
(ຂ່າວ: ຍີນໄຊ)
ຄໍາເຫັນ