ທີ່ສະໂມສອນໃຫຍ່ຂອງແຂວງ, ໂດຍການເປັນປະທານຂອງສະຫາຍ ພັດທະຈອນ ແກ້ວພຸດທະວົງ ກຳມະການພັກແຂວງ ເລຂາຄະນະພັກຮາກຖານພະແນກກະສິກຳ ແລະ ປ່າໄມ້ແຂວງ ແລະ ໃຫ້ກຽດເຂົ້າຮ່ວມໂດຍສະຫາຍ ສອນທະນູ ທຳມະວົງ ກຳມະການສູນກາງພັກ ເລຂາພັກແຂວງ ເຈົ້າແຂວງບໍລິຄຳໄຊ, ສະຫາຍ ບຸນສົງ ເພັດຈະເລີນ ຄະນະປະຈຳພັກແຂວງຫົວໜ້າຄະນະຈັດຄັ້ງແຂວງ, ສະຫາຍ ດວງຕາ ມໍລະຄາສຸກ ຄະນະປະຈຳພັກແຂວງ ປະທານກວດກາພັກ-ລັດແຂວງ ພ້ອມດ້ວຍຜູ້ແທນສົມບູນ ແລະ ແຂກຖືກເຊີນເຂົ້າຮ່ວມ.
ສະຫາຍ ພັດທະຈອນ ແກ້ວພຸດທະວົງ ເລຂາຄະນະພັກຮາກຖານ ໄດ້ກ່າວໄຂກອງຢ່າງເປັນທາງການ ພ້ອມທັງຜ່ານບົດລາຍງານການເມືອງທັງສອງພາກ ແລະ ຕີລາຄາຄືນຜົນການຈັດຕັ້ງປະຕິບັດມະຕິກອງປະຊຸມໃຫຍ່ ຄັ້ງທີ V ໃນໄລຍະຜ່ານມາ. ຈາກນັ້ນ, ກອງປະຊຸມກໍໄດ້ມີການປ່ອນບັດຄັດເລືອກເອົາຄະນະພັກຊຸດໃໝ່ ແລະ ໄດ້ເຫັນດີເປັນເອກະພາບເລືອກເອົາສະຫາຍ ໂພຄຳ ຈັນທະສຸກ ເປັນເລຂາຄະນະພັກຮາກຖານ, ສະຫາຍ ດາລາພອນ ພົນສະຫວັດດີ ເປັນຮອງເລຂາ, ສະຫາຍ ບຸນເພັງ ຈັນທະວົງສຸກ ເປັນປະທານກວດກາພັກ, ສະຫາຍ ສອນໄຊ ພົມມະວົງ, ສະຫາຍ ພັນລອນ ແກ້ວວິເສດ, ສະຫາຍ ວິລະພົນ ສຸລີນພຸມີ ແລະ ສະຫາຍ ໃຈນຶກ ພະຄຸນມອງ ເປັນຄະນະພັກຮາກຖານ.
(ຂ່າວ-ພາບ: ຄຳຟອງ)
ຄໍາເຫັນ