 |
ກອງປະຊຸມໄດ້ຜ່ານແຈ້ງການເຊີນ, ຂໍ້ຕົກລົງສະມາຄົມ, ສະຫະພັນ ຊຸດທີ 13 ແລະ ຂໍ້ຕົກລົງແບ່ງເດີ່ນໃຫ້ສະຫະພັນຄຸ້ມຄອງ, ບົດສະຫຼຸບກິລາແຫ່ງຊາດ ຄັ້ງທີ XI ທີ່ແຂວງຊຽງຊວາງ; ຜ່ານແຜນເຂົ້າຮ່ວມກິລາແຫ່ງຊາດ ຄັ້ງທີ XII ທີ່ນະຄອນຫຼວງວຽງຈັນ ແລະ ແຜນເຂົ້າຮ່ວມກິລາຄົນພິການແຫ່ງຊາດ ຄັ້ງທີ 4. ໃນນັ້ນ, ແຂວງສາລະວັນ ການກະກຽມເຂົ້າຮ່ວມງານມະຫາກຳກິລາແຫ່ງຊາດ ຄັ້ງທີ XII ມີທັງໝົດ 7 ປະເພດກິລາ, 76 ລາຍການ ເປັນຕົ້ນ: ບານເຕະ (ຊາຍ-ຍິງ) 2 ລາຍການ, ແລ່ນ-ລານ (ຊາຍ-ຍິງ) 20 ລາຍການ, ກິລາເປຕັງ (ຊາຍ-ຍິງ) 11 ລາຍການ,ມວຍລາວ (ຊາຍ-ຍິງ) 7 ລາຍການ, ມວຍສາກົນ (ຊາຍ-ຍິງ) 6 ລາຍການ, ມວຍວູຊູ (ຊາຍ-ຍິງ) 5 ລາຍການ, ມວຍ ປໍ້າ (ຊາຍ-ຍິງ) 5 ລາຍການ,ກິລາໝາກແລ້ (ຊາຍ-ຍິງ) 12 ລາຍການ,ກິລາກ໊ອຟຊາຍ 4 ລາຍການ,ກິລາຍົກນໍ້າໜັກ (ຊາຍ-ຍິງ) 4 ລາຍການ.
ຄາດໝາຍສູ້ຊົນໃຫ້ໄດ້ຫຼຽນຄໍາ 14 ຫຼຽນ, ຫຼຽນເງິນ 15 ຫຼຽນ, ຫຼຽນທອງ13 ຫຼຽນ.ຄາດຄະເນງົບປະມານໃຊ້ຈ່າຍປະມານ 2 ຕື້ກວ່າກີບ.ປັດຈຸບັນໄດ້ສໍາເລັດການກະກຽມການແຕ່ງຕັ້ງ ສະມາຄົມກິລາແຂວງ, ແຕ່ງຕັ້ງສະຫະພັນກິລາຈຳນວນ 16 ປະເພດກິລາ, ອອກຂໍ້ຕົກລົງ ວ່າດ້ວຍ ການອະນຸມັດເປີດລະດູການແຂ່ງຂັນກິລາປະຈຳປີ 2025 ສຳລັບ 16 ປະເພດກິລາ ລຸ້ນທົ່ວໄປ ເພື່ອຄັດເລືອກນັກກິລາຕົວແທນແຂວງ ເຂົ້າຮ່ວມງານມະຫາກຳກິລາແຫ່ງຊາດ ແລະ ບັນດາເອກະສານຕ່າງໆທີ່ກ່ຽວ ຂ້ອງ.ນອກນີ້, ແຜນສືບຕໍ່ແມ່ນຈະໄດ້ຄັດເລືອກເອົານັກກິລາ 7 ປະເພດກິລາ ເພື່ອຄັດເລືອກນັກກິລາທີ່ມີຄວາມສາມາດໂດດເດັ່ນເປັນຕົວແທນຂອງແຂວງ,ຝຶກຊ້ອມນອນສູນ ເພື່ອເສີມສ້າງພື້ນຖານຮ່າງກາຍ, ຄວາມອົດທົນ, ແລະ ທັກສະພື້ນຖານຂອງນັກກິລາແຕ່ລະຄົນ,ແຂ່ງຂັນທົດສອບ ພາຍຫຼັງນອນສູນເກັບຕົວ ຕ້ອງໄດ້ຝຶກຊ້ອມຮ່ວມກັບທີມຈາກແຂວງອື່ນໆ ເພື່ອປະເມີນຄວາມພ້ອມ ແລະ ປັບປຸງຈຸດອ່ອນ.
(ແຫຼ່ງຂ່າວ: ແຂວງສາລະວັນ)
ຄໍາເຫັນ