ສາລະວັນ ແຂ່ງຂັນກິລາກ໊ອບ ຊິງຂັນທ່ານເຈົ້າແຂວງ ສະຫຼອງວັນກໍາມະກອນສາກົນ

14:15 06/05/2025

ສະຫະພັນກິລາກ໊ອບແຂວງ ຮ່ວມກັບ ອົງການປົກຄອງແຂວງສາລະວັນ ຈັດງານແຂ່ງຂັນກິລາກ໊ອບ ຊິງຂັນທ່ານເຈົ້າແຂວງ ເນື່ອງໃນໂອກາດສະເຫຼີມສະຫຼອງວັນກໍາມະກອນສາກົນ ຄົບຮອບ 139 ປີ ຈັດຂຶ້ນໃນວັນທີ 3 ພຶດສະພາຜ່ານມາ ທີ່ສະໜາມກິລາກ໊ອບ ເຂື່ອນໄຟຟ້າເຊເສັດ 1 - 2, ໂດຍການເຂົ້າຮ່ວມແຂ່ງຂັນຂອງທ່ານ ດາວວົງ ພອນແກ້ວ ເຈົ້າແຂວງສາລະວັນ ປະທານຈັດງານແຂ່ງຂັນ,

ມີການນໍາຂັ້ນສູງຂອງແຂວງຈໍາປາສັກ, ເຊກອງ, ອັດຕະປື, ພ້ອມອາດີດການນໍາ ແລະ ພາກສ່ວນທຸລະກິດເຂົ້າຮ່ວມ.

ທ່ານ ຄໍາຜ່ານ ສີລາວີ ຫົວໜ້າພະແນກອຸດສາຫະກໍາ ແລະ ການຄ້າ ປະທານສະຫະພັນກິລາກ໊ອບ ແຂວງສາລະວັນ ໄດ້ກ່າວຈຸດປະສົງຂອງການຈັດງານແຂ່ງຂັນຄັ້ງນີ້ວ່າ: ເພື່ອສະເຫຼີມສະຫຼອງວັນກໍາມະກອນສາກົນ ຄົບຮອບ 139 ປີ ແລະ ເປັນການກຸສົນເພື່ອລະດົມທຶນຈາກທຸກພາກສ່ວນ ເພື່ອຊ່ວຍເຫຼືອປະຊາຊົນທີ່ຖືກຜົນກະທົບຈາກລົມພະຍຸລະດູຮ້ອນທີ່ເກີດຂຶ້ນຢູ່ແຂວງສາລະວັນ ໃນໄລຍະຜ່ານມາ. ໃນນີ້. ສາມາດລະດົມທຶນຈາກທຸກພາກສ່ວນທີ່ເຂົ້າຮ່ວມ, ເປັນຕົ້ນບໍລິສັດຈຸງຢາອີຊີ ຊີມັງລາວຈຳກັດຜູ້ດຽວໂຮງງານຜະລິດຊີມັງລາວແຂວງສາລະວັນມອບເງິນສົດ 100 ລ້າກີບ, ບໍລິສັດສ່ວນບຸກຄົນ, ບັນນັກທຸລະກິດສ່ວນບຸກຄົນ, ຜູ້ປະກອບການດ້ານທຸລະກິດພາຍໃນແຂວງ ແລະ ຕ່າງແຂວງ, ບັນດາພະແນກການອ້ອມຂ້າງແຂວງກໍໄດ້ປະກອບສ່ວນ ຊຶ່ງລວມເປັນເງີນທັງໝົດ 400 ລ້ານກວ່າກີບ. ຕໍ່ກັບທຶນດັ່ງກ່າວ, ແມ່ນຈະໄດ້ບິແບ່ງນໍາໄປຊ່ວຍເຫຼືອປະຊາຊົນທີ່ຖືກຜົນກະທົບຈາກລົມພະຍຸລະດູຮ້ອນ, ອີກສ່ວນໜຶ່ງແມ່ນນໍາໃຊ້ເຂົ້າໃນພິທີຈັດງານ ແລະ ເກັບໄວ້ເປັນກອງທຶນ ຂອງສະຫະພັນກິລາກ໊ອບແຂວງ ທີ່ຈະໄດ້ເຂົ້າຮ່ວມແຂ່ງຂັນຢູ່ບັນດາແຂວງໃກ້ຄຽງ ແລະ ລະດັບຊາດທີ່ຈະຈັດຂຶ້ນໃນຕໍ່ໜ້ານີ໊.

ສໍາລັບການແຂ່ງຂັນຄັ້ງນີ້, ໄດ້ແບ່ງອອກເປັນ 4 ສາຍຄື: ສາຍວີໄອພີ (VIP) ມີການນໍາຂັ້ນສູງ 4 ແຂວງ, ສາຍອາດີດການນໍາ, ສາຍເອ, ສາຍບີ ແລະ ສາຍຊີ, ມີຜູ້ເຂົ້າຮ່ວມແຂ່ງຂັນທັງໝົດ 60 ກວ່າທ່ານ.

(ພາບ-ຂ່າວ: ຄຳສອນ)

ຄໍາເຫັນ

ຂ່າວສືກສາ-ກິລາ

ທ່ານນາງ ສີປະໄພ ເຮືອງສີ ມີຄວາມພາກພູມໃຈຫຼາຍໃນອາຊີບຄູ

03/10/2025 13:32

ເນື່ອງໃນໂອກາດວັນຄູແຫ່ງຊາດ (7 ຕຸລາ 1994 ຫາ 7 ຕຸລາ 2025) ຄົບຮອບ 31 ປີໃກ້ຈະມາເຖິງນີ້ ທ່ານນາງ ສີປະໄພ ເຮືອງສີ ຮອງຜູ້ອໍານວຍການໂຮງຮຽນມັດທະຍົມສຶກສາມິດຕະພາບລາວ-ຫວຽດນາມ ຫຼື ມສ ລາວ-ຫວຽດນາມ ໄດ້ສະແດງຄວາມຮູ້ສຶກຕໍ່ວັນດັ່ງກ່າວຜ່ານນັກຂ່າວໜັງສືພິມປະຊາຊົນໃນວັນທີ 30 ກັນຍາ ຜ່ານມາທີ່ໂຮງຮຽນດັ່ງກ່າວວ່າ: ຕົນເອງກໍເປັນຄູຜູ້ໜຶ່ງທີ່ໄດ້ຢຶດຖືອາຊີບຄູສອນມາຫຼາຍປີຢູ່ໂຮງຮຽນແຫ່ງນີ້, ມີຄວາມຮູ້ສຶກພາກພູມໃຈຫຼາຍ ແລະ ປິຕິຊົມຊື່ນໃນອາຊີບຄູ ກໍຄືຕໍ່ວັນຄູແຫ່ງຊາດ ຄົບຮອບ 31 ປີ. ທ່ານຍັງໄດ້ຍົກໃຫ້ເຫັນຄວາມໝາຍ-ຄວາມສໍາຄັນຂອງວັນຄູແຫ່ງຊາດ ວັນທີ 7 ຕຸລາ ເປັນວັນຄູແຫ່ງຊາດ ໃນທຸກໆປີຈະມີການລະນຶກເຖິງຄຸນງາມຄວາມດີຂອງຄູ-ອາຈານທີ່ໄດ້ອຸທິດເຫື່ອແຮງໃນການສິດສອນ ເພື່ອພັດທະນາລູກ-ຫຼານໃຫ້ກາຍເປັນຄົນທີ່ມີຄວາມຮູ້-ຄວາມສາມາດ, ມີວຸດທິການສຶກສາທີ່ດີ, ເປັນພົນລະເມືອງດີຂອງຊາດປະກອບ ສ່ວນໃນການພັດທະນາປະເທດຊາດ. ການທີ່ສົ່ງຄວາມຮູ້ໃຫ້ແກ່ລູກ-ຫຼານເປັນອັນໜຶ່ງທີ່ຄູ-ອາຈານຕ້ອງໄດ້ທຸ່ມເທແນວຄວາມຄິດເພື່ອພັດທະນາການຮຽນ-ການສອນຂອງຕົນເອງໃນຕະຫຼອດເວລາ ເພື່ອເຮັດແນວໃດລູກ-ຫຼານ ໄດ້ຮັບເອົາຄວາມຮູ້ທີ່ເຮົາສົ່ງໃຫ້ນັ້ນເຂົ້າໃຈໄດ້ເປັນຢ່າງດີ.

ຄູ-ອາຈານ ສຂຈ ໄດ້ຮັບລາງວັນຊະນະເລີດການແຂ່ງຂັນຄູຕົວແບບສອນດີສອນເດັ່ນພາສາຈີນ

02/10/2025 15:57

ໂດຍອີງຕາມການເຊື້ອເຊີນຂອງສູນຮ່ວມມືແລກປ່ຽນພາສາຈີນ-ພາສາຕ່າງປະເທດແຫ່ງຊາດຈີນທ່ານເຝິງກວາງຮົວ(Feng Guanghuo)ຜູ້ອໍານວຍການສະຖາບັນຂົງຈື (ສຂຈ) ຝ່າຍຈີນພ້ອມດ້ວຍທ່ານສີສະຫວາດພອນນະໄຊ, ທ່ານນາງມະນີສາຄອນທິບທິລາດຈາກ ສຂຈ ມະຫາວິທະຍາໄລແຫ່ງຊາດ(ມຊ), ທ່ານນາງວັນພອນພັນວົງສາຈາກຫ້ອງຮຽນຂົງຈືທີ່ໂຮງຮຽນມັດທະຍົມສົມບູນວຽງຈັນແລະທ່ານນາງທອງຈັນມະນີພອນຈາກຈຸດສອນພາສາຈີນມັດທະຍົມສົມບູນຈັນສະຫວ່າງລວມທັງໝົດ5ທ່ານໄດ້ເຂົ້າຮ່ວມການແຂ່ງຂັນພາສາຈີນພາຍໃຕ້ຫົວຂໍ້“ການແຂ່ງຂັນຄູຕົວແບບສອນດີສອນເດັ່ນພາສາຈີນ”ແຫ່ງປະເທດອາຊີຕາເວັນອອກສຽງໃຕ້ປະຈໍາປີ2025ທີ່ນະຄອນຫຼວງກົວລາລໍາເປີປະເທດມາເລເຊຍໃນລະຫວ່າງວັນທີ26-29ກັນຍາ2025, ຊຶ່ງມີສະຖາບັນຂົງຈື, ອົງກອນການສຶກສາພາສາຈີນ, ຊ່ຽວຊານ-ຜູ້ຕາງໜ້າການສຶກສາພາສາຈີນແລະຜູ້ຮ່ວມແຂ່ງຂັນລວມ32ຄົນທີ່ມາຈາກປະເທດລາວ,ໄທ, ກໍາປູເຈຍ, ມາເລເຊຍ,ຫວຽດນາມ,ອິນໂດເນເຊຍແລະຟີລິບປິນ7ປະເທດ, ງານດັ່ງກ່າວຈັດໂດຍສະຖາບັນຂົງຈືມະຫາວິທະຍາໄລມາເລເຊຍ.

ໄຟຟ້າຫົງສາ ມອບທຶນການສຶກສາໃຫ້ນັກຮຽນມັດທະຍົມເມືອງຫົງສາ 30 ທຶນ

02/10/2025 14:52

ວັນທີ 29 ກັນຍານີ້, ພະແນກຊຸມຊົນສໍາພັນ ຝ່າຍພັດທະນາສັງຄົມ ສາຍງານກິດຈະການອົງກອນ ບໍລິສັດ ໄຟຟ້າ ຫົງສາ ຈໍາກັດ ໄດ້ຈັດພິທີມອບ-ຮັບທຶນການສຶກສາ ປະຈໍາສົກສຶກສາ 2025-2026 ໃຫ້ນັກຮຽນລະດັບຊັ້ນມັດທະຍົມສຶກສາໃນເຂດເມືອງຫົງສາ ທີ່ຫ້ອງວ່າການເມືອງ ໂດຍໄດ້ຮັບກຽດຈາກ ທ່ານ ພອນສະຫວັນ ໄຊສົມພັນ ເລຂາພັກເມືອງຫົງສາ ແລະ ທ່ານ ຄະທາຍຸດ ຊູພູນ ຜູ້ອໍານວຍການໃຫຍ່ ບໍລິສັດໄຟຟ້າຫົງສາ ຈໍາກັດ ຮ່ວມເປັນປະທານໃນພິທີ.

ຍ້ອນມີຄູໃຫ້ຄວາມຮູ້ ປະເທດຊາດຈຶ່ງໄດ້ຮັບການພັດທະນາ

02/10/2025 14:35

ເນື່ອງໃນໂອກາດວັນຄູແຫ່ງຊາດ (7 ຕຸລາ 1994 - 7 ຕຸລາ 2025) ຄົບຮອບ 31 ປີ, ວັນຄູແຫ່ງຊາດວັນທີ 7 ຕຸລາ ຖືເປັນວັນປະຫວັດສາດຂອງຊາດລາວເຮົາ ຊຶ່ງຍາມໃດພັກ-ລັດຖະບານກໍຖືເອົາວຽກງານການສຶກສາໄປກ່ອນກ້າວໜຶ່ງ ຊຶ່ງປະຫວັດສາດຂະບວນການຕໍ່ສູ້ຂອງປະຊາຊົນລາວບັນດາເຜົ່າ ຕ້ານການຮຸກຮານຂອງພວກຈັກກະພັດລ່າເມືອງແບບເກົ່າ ແລະ ແບບໃໝ່ໄດ້ຜ່ານໄລຍະເວລາອັນຍືດເຍື້ອຍາວນານ, ລະອິດລະອ້ຽວ ແລະ ໄດ້ຮັບໄຊຊະນະເປັນແຕ່ລະໄລຍະ ແລະ ໄດ້ສະຖາປະນາ ສາທາລະນະລັດ ປະຊາທິປະໄຕ ປະຊາຊົນລາວຂຶ້ນໃນວັນທີ 2 ທັນວາ 1975 ຊຶ່ງເປັນເງື່ອນໄຂເອື້ອອຳນວຍໃນການພັດທະນາການສຶກສາຂອງລາວ ເວົ້າລວມ, ເວົ້າສະເພາະແມ່ນການພັດທະນາຖັນແຖວຄູ-ອາຈານສອນ, ຈຳນວນຄູ-ອາຈານໄດ້ເພີ່ມຂຶ້ນ ແລະ ຄູ-ອາຈານຈຳນວນເຫຼົ່ານັ້ນ ລ້ວນແຕ່ມີນ້ຳໃຈຮັກຫອມປະເທດຊາດ ມີຄວາມຮູ້ຄວາມສາມາດປະກອບສ່ວນເຂົ້າໃນການສ້າງສາ ແລະ ພັດທະນາປະເທດຊາດ ເພື່ອນຳເອົາຄວາມສົມບູນພູນສຸກມາສູ່ປະຊາຊົນບັນດາເຜົ່າ, ຊື່ສຽງຂອງຄູໄດ້ຕິດພັນກັບຂະບວນວິວັດແຫ່ງການພັດທະນາປະເທດຊາດແຕ່ລະສະໄໝ. ປັດຈຸບັນນີ້, ປະເທດຊາດຂອງພວກເຮົາໄດ້ມີນັກວິຊາການ, ມີນາຍທະຫານ, ນາຍຕຳຫຼວດ, ນັກການເມືອງ, ນັກປະດິດຄິດແຕ່ງ ແລະ ນັກທຸລະກິດທີ່ດີເດັ່ນຈຳນວນບໍ່ໜ້ອຍ, ພວກເພິ່ນເຫຼົ່ານັ້ນລ້ວນແຕ່ໄດ້ມີຄວາມຮູ້ຈາກຄູສອນ. ປະເທດຊາດໄດ້ມີການພັດທະນາເທົ່າໃດ ກໍຍິ່ງເຮັດໃຫ້ສັງຄົມມີຄວາມສຳນຶກເຖິງບຸນຄຸນອັນລ້ຳເລີດຂອງຄູ-ອາຈານຫຼາຍຂຶ້ນເທົ່ານັ້ນ.

ສໍາເລັດການແຂ່ງຂັນກິລາເປຕັ່ງທົ່ວປະເທດ ຊີງຂັນລະດັບຊາດ ຄັ້ງທີ 2

30/09/2025 09:32

ການແຂ່ງຂັນກິລາເປຕັ່ງທົ່ວປະເທດ ຊີງຂັນລະດັບຊາດ ຄັ້ງທີ 2 ທີ່ແຂວງບໍລິຄໍາໄຊ ເປັນເຈົ້າພາບ ໄດ້ເລີ່ມມາແຕ່ວັນທີ 25 ກັນຍາ ແລະ ໄດ້ປິດລົງໃນຕອນແລງວັນທີ 28 ກັນຍາ 2025 ທີ່ສະໜາມກິລາໃນຮົ່ມແຂວງບໍລິຄຳໄຊ ໂດຍເປັນກຽດເຂົ້າຮ່ວມຂອງທ່ານ ຄໍາແຫວນ ປັນຍານຸວົງ ຮອງເຈົ້າແຂວງບໍລິຄໍາໄຊ, ທ່ານ ຄ້າຫຼ້າ ວິນໄລທອງ ປະທານສະຫະພັນເປຕັ່ງແຫ່ງຊາດ, ມີບັນດາການນຳຈາກສູນກາງ ແລະ ທ້ອງຖິ່ນ ພ້ອມດ້ວຍນັກກິລາເຂົ້າຮ່ວມ.

ນັກຮຽນ ມສ ຜາເກັ່ງນ້ອຍ ໄດ້ຊົມໃຊ້ຫໍພັກ ຫຼັງໃໝ່

25/09/2025 15:09

ວັນທີ 23 ກັນຍາຜ່ານມານີ້ ທີ່ບ້ານຜາເກັ່ງນ້ອຍ ເມືອງພູຄູນ ແຂວງຫຼວງພະບາງ ໄດ້ມີພິທີມອບ-ຮັບໂຄງການກໍ່ສ້າງ ຫໍພັກນັກຮຽນ ຍິງ-ຊາຍ ຂອງໂຮງຮຽນມັດທະຍົມສົມບູນຜາເກັ່ງນ້ອຍ ຢ່າງເປັນທາງການ, ມີທ່ານ ທອງເຊື່ອນ ອ້ວນທະວິນສັກ ຮັກສາການປະທານຄະນະກຳມະການປົກຄອງ ເມືອງພູຄູນ, ທ່ານ ສຸລິເດດ ແກ້ວບົວລະເພັດ ຫົວໜ້າພະແນກສຶກສາທິການ ແລະ ກິລາແຂວງ ແລະ ພາກສ່ວນກ່ຽວຂ້ອງ ເຂົ້າຮ່ວມ.

ສະຖາບັນຂົງຈື ມອບໃບປະກາສະນີຍະບັດ ໃຫ້ນັກສຶກສາຮຸ່ນທໍາອິດ ຄູພາສາຈີນ 74 ຄົນ

22/09/2025 14:55

ສະຖາບັນຂົງຈື ມະຫາວິທະຍາໄລແຫ່ງຊາດ (ມຊ) ໄດ້ຈັດພິທີຊົມເຊີຍນັກສຶກສາ ສາຂາຄູພາສາຈີນຮຸ່ນທໍາອິດຂຶ້ນ ໃນວັນທີ 20 ກັນຍາຜ່ານມາ ທີ່ສະຖາບັນຂົງຈື. ເປັນກຽດເຂົ້າຮ່ວມ ຂອງ ທ່ານ ເດຊານຸລາດ ແສນດວງເດດ ອະທິການບໍດີມະຫາວິທະຍາໄລແຫ່ງຊາດ ແລະ ໃຫ້ກຽດເຂົ້າຮ່ວມ ມອບ-ຮັບໃບປະກາສະນີຍະບັດ ຂອງ ທ່ານ ຄໍາຮຸ່ງ ຈັນທະວົງ ຜູ້ອໍານວຍການສະຖາບັນຂົງຈື, ທ່ານ ເຟີງກວາງຫົວ ຜູ້ອໍານວຍການສະຖາບັນຂົງຈືຝ່າຍຈີນ, ມີບັນດາພະນັກງານ ຄູ-ອາຈານ, ແຂກຖືກເຊີນ ພ້ອມດ້ວຍຜູ້ປົກຄອງ ແລະ ນັກສຶກສາເຂົ້າຮ່ວມ.

ນວ - ສສກ ສ້າງຂະບວນການແຂ່ງຂັນກິລາ ຮັບຕ້ອນ ກອງປະຊຸມໃຫຍ່ອົງຄະນະພັກຂອງຕົນ

22/09/2025 11:15

ຂປລ. ນະຄອນຫຼວງວຽງຈັນ (ນວ) ຮ່ວມກັບ ກະຊວງສຶກສາທິການ ແລະ ກິລາ (ສສກ) ຈັດກິດຈະກໍາແຂ່ງຂັນກິລາ, ສິລະປະ ແລະ ຖາມ-ຕອບ ກ່ຽວກັບ 3 ວັນປະຫວັດຊາດຂອງພັກ ໃນວັນທີ 19 ກັນຍາ ຜ່ານມາ ຢູ່ ສະໜາມກິລາລ້ານຊ້າງ ນະຄອນຫຼວງວຽງຈັນ.

ວປກ ເປີດສົກຮຽນໃໝ່ 2025-2026

22/09/2025 10:31

ວິທະຍາຄານປ້ອງກັນຊາດໄກສອນ ພົມວິຫານ ຈັດພິທີເປີດສົກຮຽນໃໝ່ 2025-2026 ຂຶ້ນໃນວັນທີ 15 ກັນ ຍາຜ່ານມາ ໂດຍການເປັນປະທານຂອງສະຫາຍ ພົນຕີ ສາຍໃຈ ກົມມະສິດ ຮອງລັດຖະມົນຕີກະຊວງປ້ອງກັນປະເທດ ຫົວໜ້າກົມໃຫຍ່ເສນາທິການກອງທັບ, ມີສະຫາຍ ພົນຕີ ພັນແສງ ບຸນພັນ ຄະນະປະຈຳພັກກະຊວງປ້ອງກັນປະເທດ ຫົວໜ້າການເມືອງວິທະຍາຄານປ້ອງກັນຊາດໄກສອນ ພົມວິຫານ ພ້ອມດ້ວຍຄະນະພັກ-ຄະນະອຳນວຍການວິທະຍາ ຄານ, ພະນັກງານ, ຄູ-ອາຈານ, ນັກສຶກສາທຸກລະບົບເຂົ້າຮ່ວມ.

ວິດີໂອຄຸນຄ່າຂອງຄູ ສ້າງແຮງບັນດານໃຈໃຫ້ນັກຮຽນໃນອະນາຄົດ

16/09/2025 13:07

ອາທິດຜ່ານມາ, ກະຊວງສຶກສາທິການ ແລະ ກິລາ (ສສກ) ແຫ່ງ ສປປ ລາວ ໄດ້ຮັບການສະໜັບສະໜູນຈາກ ລັດຖະບານອົສຕຣາລີ ໂດຍຜ່ານໂຄງການແຜນງານບີຄວາໄດ້ຖ່າຍວິດີໂອທີ 2 ຂອງແຜນໂຄສະນາແຫ່ງຊາດເພື່ອ ສົ່ງເສີມການສຶກສາໃນທົ່ວປະເທດລາວທີ່ມີຊື່ວ່າ: “ຄຸນຄ່າຂອງຄູ” ນຳພາໂດຍສະຖາບັນຄົ້ນຄວ້າວິທະຍາສາດການ ສຶກສາ (ສວສ) ພາຍໃຕ້ກະຊວງ ສສກ ເພື່ອປຸກລະດົມຜູ້ຊົມ ແລະ ຫັນປ່ຽນທັດສະນະຄະຕິຕໍ່ການສຶກສາໃນທົ່ວປະເທດລາວ.

ເພີ່ມເຕີມ