ເປັນເຈົ້າພາບ ໃຫ້ໄດ້ດໍາເນີນໄປຕາມແຜນການທີ່ວາງໄວ້, ຊຶ່ງໄດ້ມີການກຽມຄວາມພ້ອມຫຼາຍດ້ານ ເພື່ອຮອງຮັບໃຫ້ແກ່ການຈັດພິທີເປີດຢ່າງເປັນທາງການ ໃນວັນທີ 13 ທັນວາ 2024 ນີ້ ເປັນຕົ້ນ: ດ້ານວາລະພິທີການ, ກ້ອນກໍາລັງສວນສະໜາມ, ພິທີເຊີນທຸງຊາດ ແລະ ທຸງກິລານັກຮຽນ ຂຶ້ນສູ່ຍອດເສົາ, ຂະບວນນັກກິລາແລ່ນທວນໄຟເຂົ້າສູ່ສະໜາມ ແລະ ການສະແດງສິລະປະ-ວັນນະຄະດີ ປະເພດບົດລຳ, ບົດເພງ ຄື: ລຳສາລະວັນ, ລຳດ່ຽວສາລະວັນ, ສະແດງບົດຟ້ອນວິຖີຖິ່ນແດນດິນສາລະວັນ, ສາລະວັນ ຍິນດີຕ້ອນຮັບ, ສຳລັບພິທີປິດ ໃນວັນທີ 22 ທັນວາ 2024, ຊຶ່ງຈະມີການເຊີນທຸງຊາດ ແລະ ທຸງກິລານັກຮຽນ ລົງຈາກຍອດເສົາ ພ້ອມດຽວກັບໄຟ ໃນອ່າງທວນໄຟກໍຄ່ອຍໆມອດລົງ ພ້ອມທັງມອບ-ຮັບ ທຸງກິລານັກຮຽນໃຫ້ແກ່ເຈົ້າພາບ ຄັ້ງຕໍ່ໄປ.
ຄະນະກໍາມະການພິທີເປີດ-ປິດ ໄດ້ມີການເຄື່ອນໄຫວວຽກປຶກສາຫາລື, ຄົ້ນຄວ້າ ກ່ຽວກັບແຜນງານ, ບຸກຄະລາກອນ ແລະ ແຜນງົບປະມານ ນັບແຕ່ຕົ້ນເດືອນກໍລະກົດ 2024, ໄດ້ກໍານົດວາລະພິທີການ, ວາລະການສະແດງ, ກຳນົດຮູບແບບສວນສະໜາມກ້ອນກຳລັງໃນພິທີເປີດ, ຮູບແບບການແຫ່-ແລ່ນທວນໄຟ ແລະ ສຳເລັດໃນການກໍານົດເນື້ອໃນດ້ານຕ່າງໆ. ນອກຈາກນັ້ນ ກໍໄດ້ເຫັນດີເປັນເອກະພາບເລືອກເອົາບົດເພງ ແລະ ບົດລຳໃນການສະແດງຄອນເສີດ, ກໍານົດຈຸດມອບ-ຮັບ ທວນໄຟ 7 ຈຸດ ແລະ ໄດ້ສຳເລັດການຄັດເລືອກນາງສາວຖືປ້າຍ ຈຳນວນ 30 ນ້ອງ ຈາກໂຮງຮຽນ ມສ ສາລະວັນ ແລະ ມສ ອົງແກ້ວ. ຈາກນັ້ນ, ກໍໄດ້ວາງແຜນການເຄື່ອນໄຫວນັບແຕ່ນີ້ ຈົນເຖີງພິທີຈັດງານຢ່າງເປັນທາງການ ເຊັ່ນ: ວາງແຜນດຳເນີນການຝຶກແອບແຕ່ລະກ້ອນກໍາລັງ, ທົດລອງ ພ້ອມທັງຕິດຕາມ, ກວດກາຄືນບັນດາໜ້າວຽກໃນແຕ່ລະດ້ານ. ກອງປະຊຸມຄັ້ງນີ້, ຜູ້ເຂົ້າຮ່ວມກໍໄດ້ປະກອບຄໍາຄິດເຫັນ, ສະເໜີການປັບປຸງບາງຈຸດ, ບາງດ້ານ ເພື່ອໃຫ້ມີເນື້ອໃນທີ່ດີຂຶ້ນ ແລະ ແນໃສ່ເຮັດໃຫ້ການດຳເນີນງານ ໄປຕາມແຜນການທີ່ໄດ້ກໍານົດໄວ້ ຢ່າງມີປະສິດທິຜົນ.
ກອງປະຊຸມລາຍງານການກຽມຄວາມພ້ອມ ແລະ ຄວາມຄືບໜ້າໃນການປະຕິບັດວຽກຂອງ ກຳມະການພິທີເປີດ-ປິດ ງານມະຫາກໍາກິລານັກຮຽນມັດທະຍົມທົ່ວປະເທດ ຄັ້ງທີ VII ໄດ້ຈັດຂຶ້ນໃນອາທິດຜ່ານມາ, ທີ່ຫ້ອງປະຊຸມພະແນກສຶກສາທິການ ແລະ ກິລາແຂວງ, ໂດຍພາຍໃຕ້ການເປັນປະທານຂອງ ທ່ານ ດາວວົງ ພອນແກ້ວ ເຈົ້າແຂວງສາລະວັນ, ມີບັນດາຄະນະກໍາມະການ ແລະ 3 ອະນຸກໍາມະການ ເຂົ້າຮ່ວມ.
(ຂ່າວ-ພາບ: ວິໄລວອນ ສິດທິໄຊ)
ຄໍາເຫັນ