ໃຫ້ກຽດເຂົ້າຮ່ວມຊົມໂດຍທ່ານນາງ ສວນສະຫວັນ ວິຍະເກດ ລັດຖະມົນຕີກະຊວງຖະແຫຼງຂ່າວ, ວັດທະນະທຳ ແລະ ທ່ອງທ່ຽວ (ຖວທ), ທ່ານ ສິນລະວົງ ຄຸດໄພທູນ ກຳມະການກົມການເມືອງສູນກາງພັກ ປະທານແນວລາວສ້າງຊາດ, ທ່ານ ວະລາດີເມຍ ກະລິນິນ ເອກອັກຄະລັດຖະທູດແຫ່ງສະຫະພັນຣັດເຊຍປະຈຳລາວ ພ້ອມດ້ວຍພາກສ່ວນກ່ຽວຂ້ອງເຂົ້າຮ່ວມ.
ທ່ານນາງ ສວນສະຫວັນ ວິຍະເກດ ກ່າວວ່າ: ສປປ ລາວ ແລະ ສະຫະພັນຣັດເຊຍ ເປັນປະເທດທີ່ມີສາຍພົວພັນມິດຕະພາບ ແລະ ການຮ່ວມມືກັນມາແຕ່ດົນນານ ແລະ ເປັນຄູ່ຮ່ວມມືຍຸດທະສາດ. ພ້ອມນີ້, ທ່ານຍັງໄດ້ຕີລາຄາສູງ ແລະ ສະແດງຄວາມຍ້ອງຍໍຊົມເຊີຍຢ່າງຈິງໃຈມາຍັງລັດຖະບານສະຫະພັນຣັດເຊຍໃນການຈັດພິທີເດີນສວນສະໜາມເພື່ອສະເຫຼີມສະຫຼອງວັນໄຊຊະນະສົງຄາມປ້ອງກັນປິຕຸພູມ ຄົບຮອບ 80 ປີຢ່າງຍິ່ງໃຫຍ່ ແລະ ສົມກຽດໃນຄັ້ງນີ້ ຊຶ່ງເປັນມະຫາສົງຄາມປ້ອງກັນປິຕຸພູມຂອງກອງທັບ, ກຳມະກອນຢູ່ຕາມໂຮງຈັກ, ໂຮງງານ, ຊາວກະສິກອນ, ຊາວນາ ກໍຄືປະຊາຊົນໂຊວຽດ (ໃນສະໄໝນັ້ນ) ທຸກຊົນຊັ້ນທີ່ໄດ້ຮ່ວມແຮງຮ່ວມໃຈກັນຕໍ່ສູ້ຢ່າງອົງອາດກ້າຫານຈົນສາມາດຍາດເອົາໄຊຊະນະຈາກສັດຕູມາໄດ້, ໄຊຊະນະຂອງສະຫະພາບໂຊວຽດເໜືອຟາດຊິດເຢຍລະມັນໃນສົງຄາມໂລກຄັ້ງທີ II ຖືເປັນວັນທີ່ມີຄວາມໝາຍ ຄວາມສໍາຄັນທາງດ້ານປະຫວັດສາດຂອງປະເທດ ແລະ ປະຊາຊົນຣັດເຊຍ. ເພື່ອເປັນການປະກອບສ່ວນຮ່ວມສະເຫຼີມສະຫຼອງຕໍ່ເຫດການປະຫວັດສາດທີ່ສໍາຄັນດັ່ງກ່າວນີ້, ສປປ ລາວໄດ້ສົ່ງກ້ອນກໍາລັງສວນສະໜາມຂອງກອງທັບປະຊາຊົນລາວ ຈໍານວນ 80 ທ່ານເຂົ້າຮ່ວມເດີນສວນສະໜາມເພື່ອສະເຫຼີມສະຫຼອງວັນໄຊຊະນະດັ່ງກ່າວ.
ໂອກາດນີ້, ທ່ານນາງ ສວນສະຫວັນ ວິຍະເກດ ໄດ້ອວຍພອນໃຫ້ສາຍພົວພັນມິດຕະພາບ ແລະ ການຮ່ວມມືທີ່ມີມາແຕ່ດົນນານ ແລະ ຄູ່ຮ່ວມມືຍຸດທະສາດຂອງສອງປະເທດລາວ-ຣັດເຊຍ ຈົ່ງໝັ້ນຄົງຂະໜົງແກ່ນ ແລະ ສືບຕໍ່ໄດ້ຮັບການເສີມສະຫຍາຍແຕກດອກອອກຜົນຢ່າງບໍ່ຢຸດຢັ້ງ.
ຂ່າວ: ກິດຕາ, ພາບ: ຂັນໄຊ
ຄໍາເຫັນ