ທ່ານ ພົມມາ ສົງວິໄລ ຮອງເລຂາພັກເມືອງ ໄຊພູທອງ ໄດ້ລາຍງານສະພາບການພັດທະນາເສດຖະກິດ-ສັງຄົມຂອງເມືອງໂດຍສັງເຂບ. ຈາກນັ້ນ, ແຕ່ລະພາກສ່ວນພະແນກການຂອງແຂວງ ກໍໄດ້ຜັດປ່ຽນກັນຂຶ້ນເຜີຍແຜ່ກົດໝາຍ ພ້ອມທັງສົນທະນາແລກປ່ຽນບົດຮຽນຢ່າງກົງໄປກົງມາ. ກົດໝາຍທີ່ນໍາມາເຜີຍແຜ່ປະກອບມີ: ກົດໝາຍ ວ່າດ້ວຍທີ່ດິນ, ກົດໝາຍວ່າດ້ວຍປ່າໄມ້, ກົດໝາຍວ່າດ້ວຍກະສິກໍາ, ກົດໝາຍວ່າດ້ວຍທາງຫຼວງ, ກົດໝາຍວ່າດ້ວຍຂໍຜູກພັນສັນຍາ ແລະ ເຜີຍແຜ່ຂໍ້ຕົກລົງຂອງທ່ານເຈົ້າແຂວງ ສະຫວັນນະເຂດວ່າດ້ວຍການຄຸ້ມຄອງເຂດສະຫງວນທາງຫຼວງ.
ທ່ານ ນາງ ອໍລະວັນ ສາມາດມະນວົງ ຮອງຫົວໜ້າພະແນກ ກະສິກໍາ-ປ່າໄມ້ແຂວງ ໄດ້ເຜີຍແຜ່ ບັນດາລະບຽບການ, ນິຕິກໍາ, ບັນດາຂໍ້ຕົກລົງວ່າດ້ວຍການຄຸ້ມຄອງກົດໝາຍວ່າດ້ວຍທີ່ດິນ (ສະບັບປັບປຸງ), ກົດໝາຍວ່າດ້ວຍປ່າໄມ້, ກົດໝາຍວ່າດ້ວຍທາງຫຼວງ, ກົດໝາຍ ວ່າດ້ວຍຂໍ້ຜູກພັນສັນຍາ ແລະ ຂໍ້ຕົກລົງຂອງທ່ານເຈົ້າແຂວງ ວ່າດ້ວຍການຄຸ້ມຄອງເຂດສະຫງວນທາງຫຼວງຕື່ມອີກ ເພື່ອເຮັດໃຫ້ຄະນະພັກ-ຄະນະນໍາເມືອງໄຊພູທອງ ໄດ້ຮັບຮູ້ ແລະ ເຂົ້າໃຈ ປະຕິບັດໄປໃນລວງດຽວກັນ.
(ແຫຼ່ງຂ່າວ: ແຂວງສະຫວັນນະເຂດ)
ຄໍາເຫັນ