 |
ໃນກອງປະຊຸມ, ໄດ້ຮັບຟັງການສະຫຼຸບຕີລາຄາການນໍາພາ-ຊີ້ນໍາວຽກງານຮອບດ້ານປະຈຳ 6 ເດືອນຕົ້ນປີ ແລະ ທິດທາງແຜນການຈຸດສຸມ 6 ເດືອນທ້າຍປີ 2025, ຮັບຟັງການຜ່ານຮ່າງບົດສະຫຼຸບການຈັດຕັ້ງປະຕິບັດແຜນພັດທະນາເສດຖະກິດ-ສັງຄົມຂອງເມືອງ 6 ເດືອນຕົ້ນປີ ແລະ ທິດທາງແຜນວຽກຈຸດສຸມ 6 ເດືອນທ້າຍປີ 2025.ໃນໄລຍະ 6 ເດືອນຜ່ານມາເມືອງໄຊຍະບູລີສາມາດເກັບລາຍຮັບໄດ້ 4,095ລ້ານກວ່າກີບ, ເທົ່າກັບ 62.01% ຂອງແຜນປີ, ທຽບໃສ່ໄລຍະດຽວກັນຂອງປີຜ່ານມາເພີ້ມຂຶ້ນ ເທົ່າກັບ 4.2%;ດ້ານລາຍຈ່າຍໄດ້ເອົາໃຈໃສ່ຄຸ້ມຄອງລາຍຈ່າຍບໍລິຫານ, ດັດສົມສົ່ງເສີມຕາມທິດປະຢັດ, ຕ້ານການຟຸມເຟືອຍ ປະຕິບັດລາຍຈ່າຍໄດ້ທັງໜົດ 1,519ລ້ານກວ່າກີບເທົ່າກັບ 48.08% ຂອງແຜນປີ.ໃນນັ້ນ,ລາຍຈ່າຍບໍລິຫານປົກກະຕິປະຕິບັດໄດ້ 1,272ລ້ານກວ່າກີບເທົ່າກັບ 52.02% ຂອງແຜນການປີ, ລາຍຈ່າຍດັດສົມສົ່ງເສີມປະຕິບັດໄດ້ 247ລ້ານກວ່າກີບເທົ່າກັບ 34.57% ຂອງແຜນປີ;ການປູກພືດລະດູແລ້ງທົ່ວເມືອງມີເນື້ອທີ່ແຜນການທັງໝົດ 5,700 ເຮັກຕາ ປະຕິບັດໄດ້ 5,825 ເຮັກຕາ ລື່ນແຜນການ 2.20%, ເກັບກູ້ 5,811ເຮັກຕາກວ່າ ເທົ່າກັບ 99.76%, ຜົນຜະລິດໄດ້ 50,760 ກວ່າໂຕນ; ພຶດຊະນິດຕ່າງໆມີເນື້ອທີ່ 5,304 ເຮັກຕາເກັບກູ້ 5,290 ເຮັກຕາ ເທົ່າກັບ 99.74%, ຜົນຜະລິດໄດ້ 48,427 ກວ່າໂຕນ, ການປູກພືດລະດູຝົນທົ່ວເມືອງມີເນື້ອທີ່ທັງໝົດ 29,700 ເຮັກຕາ.ໃນນີ້, ນາປີເນື້ອທີ່ແຜນການ 4,415 ເຮັກຕາ, ເຂົ້າໄຮ່ເນື້ອທີ່ແຜນການ 2,210 ເຮັກຕາ, ການປູກພືດຊະນິດຕ່າງໆເນື້ອທີ່ແຜນການ 21,955 ເຮັກຕາ, ແຜນການປູກໄມ້ໃຫ້ໝາກທັງໝົດ 1,120 ເຮັກຕາ.ໃນນີ້, ແຜນປູກໃໝ່ 50 ເຮັກຕາ.ຈາກນັ້ນ, ໃນກອງປະຊຸມກໍໄດ້ຮັບຟັງ ການຜ່ານແຜນດໍາເນີນງານ 5 ປີ ຂອງຄະນະບໍລິຫານງານພັກເມືອງສະໄໝທີ X, ຜ່ານໂຄງການດໍາເນີນງານປະຈໍາປີ 2025 ຂອງຄະນະບໍລິຫານງານພັກເມືອງສະໄໝທີ X, ຮັບຮອງມະຕິແບ່ງຄວາມຮັບຜິດຊອບຂອງຄະນະບໍລິຫານງານພັກເມືອງສະໄໝທີ X.
(ຂ່າວ-ພາບ: ສົມພົງ ສີສະຫວັດ)
ຄໍາເຫັນ