ສຳເລັດກອງປະຊຸມໃຫຍ່ຄະນະພັກຮາກຖານຫ້ອງວ່າການແຂວງຊຽງຂວາງ

ສະຫາຍນາງ ຈັນທະສອນ ພູນສຸກ ກຳມະການພັກແຂວງ ເລຂາຄະນະພັກຮາກຖານຫ້ອງວ່າການແຂວງ ຫົວໜ້າຫ້ອງວ່າການແຂວງ ໄດ້ກ່າວເປີດກອງປະຊຸມຢ່າງເປັນທາງການ ພ້ອມທັງຜ່ານຮ່າງບົດລາຍງານການເມືອງ ຂອງຄະນະພັກຮາກຖານທັງ2 ພາກ ຊຶ່ງຍົກໃຫ້ເຫັນຄະນະພັກໄດ້ນຳພາ-ຊີ້ນຳວຽກງານປ້ອງກັນຊາດ-ປ້ອງກັນຄວາມສະຫງົບ, ປະສານສົມທົບກັບກຳລັງ ປກສ ກອງພັນ 208 ເວນຍາມສຳນັກງານຂອງແຂວງຕະຫຼອດ 24 ຊົ່ວໂມງ, ຊຸກຍູ້ປຸກລະດົມບັນດາສະຫາຍສະມາຊິກພັກເພີ່ມທະວີນໍ້າໃຈປະຢັດມັດທະຍັດ, ຕ້ານການຟູມເຟືອຍຕາມທິດຊີ້ນຳຂອງພັກ, ເອົາໃຈໃສ່ນໍາພາຄອບຄົວສົ່ງເສີມລູກຫຼານເຂົ້າຮຽນ, ຊຸກຍູ້ການສັກຢາກັນພະຍາດ, ການຮັກສາອະນາໄມ; ການປົກປັກຮັກສາວັດທະນາທຳ, ຮີດຄອງປະເພນີ ແລະ ສົ່ງເສີມມູນເຊື້ອອັນດີງາມຂອງປະຊາຊົນບັນດາເຜົ່າ, ຄົ້ນຄວ້າເຊື່ອມຊືມບັນດາເອກະສານ ແລະ ນິກຳຕ່າງໆທີ່ຂັ້ນເທິງວາງອອກ,ຊຸກຍູ້ອົງການຈັດຕັ້ງມະຫາຊົນໃຫ້ສາມາດເຄື່ອນໄຫວໄດ້ຕາມພາລະບົດບາດ, ສິດ ແລະ ໜ້າທີ່ຂອງອົງການຈັດຕັ້ງຕ່າງໆ ທີ່ໄດ້ກຳນົດໄວ້, ຈັດຕັ້ງເຊື່ອມຊືມແນວທາງຂອງພັກ, ນະໂຍບາຍຂອງລັດ, ມະຕິ, ຄຳສັ່ງ, ຂໍ້ກຳນົດຕ່າງໆ,ກໍ່ສ້າງພັກປອດໃສ, ເຂັ້ມແຂງ ແລະ ໜັກແໜ້ນ ເປັນມາດຖານຕີລາຄາໜ້າທີ່ຄວາມຮັບຜິດຊອບ ຂອງຄະນະພັກ,ຊຸກຍູ້ໃຫ້ພະນັກງານ-ລັດຖະກອນໄປຍົກລະດັບທິດສະດີການເມືອງ-ການປົກຄອງ 3 ສະຫາຍ, ຍິງ 1 ສະຫາຍ, ຍົກລະດັບວິຊາສະເພາະ 9 ສະຫາຍ, ຍິງ 01 ສະຫາຍ, ໄດ້ຖືສໍາຄັນໃນການຕິດຕາມ, ກວດກາພັກ ເປັນປົກກະຕິ, ຖືກຕ້ອງຕາມກົດລະບຽບຂອງພັກ ແລະ ບັນດານິຕິກຳທີ່ກ່ຽວຂ້ອງ ແລະວຽກງານອື່ນໆ ກໍມີຜົສໍາເລັດ.ຈາກນັ້ນ, ສະມາຊິກພັກສົມບູນໄດ້ໃຊ້ສິດປະຊາທິປະໄຕ ປ່ອນບັດຄັດເລືອກເອົາຄະນະພັກຮາກຖານຊຸດໃໝ່. ກອງປະຊຸມຄັ້ງປະມະລຶກໄດ້ເປັນເອກະສັນເລືອກເອົາສະຫາຍນາງ ຈັນທະສອນ ພູນສຸກ ເປັນເລຂາ, ສະຫາຍ ສີພອນໄຊ ທິບດາລາ ເປັນຮອງເລຂາທັງເປັນປະທານກວດກາ.

(ຂ່າວ: ບຸນມີ ແສງທຸມມີ)