ຄະນະປະຈໍາສະພາແຫ່ງຊາດ ໄດ້ມີຄໍາເຫັນຕໍ່ບົດລາຍງານຂອງສານປະຊາຊົນສູງສຸດ ແລະ ອົງ ການໄອຍະການ ກ່ຽວກັບການເຄື່ອນໄຫວຽກງານກາງສະໄໝ 5 ປີ (2021-2025) ການເຄື່ອນໄຫວວຽກງານ ປະຈໍາປີ 2023; ທິດທາງທ້າຍສະໄໝ ຮອດປີ 2025 ແລະ ວຽກງານຈຸກສຸມ ປີ 2024 ຊຶ່ງກໍໄດ້ມີຄໍາເຫັນຊົມເຊີຍ ແລະ ຕີລາຄາສູງຕໍ່ຜົນສຳເລັດຜ່ານມາ, ແຕ່ກໍຍັງມີບາງດ້ານຄວນສືບຕໍ່ແກ້ໄຂ ຊຶ່ງເພື່ອຮັບປະກັນການຈັດຕັ້ງປະຕິບັດວຽກງານຕໍ່ໜ້າໃຫ້ມີຜົນສໍາເລັດ ຄະນະປະຈໍາສະພາແຫ່ງຊາດ ກໍໄດ້ສະເໜີບາງມາດຕະການ ຕໍ່ສານປະຊາຊົນສູງສຸດ ແລະ ອົງການໄອຍະການປະຊາຊົນສູງສຸດ.
ທ່ານ ຄຳແພງ ວິລະພັນ ປະທານກຳມາທິການຍຸຕິທຳ ໄດ້ຕາງໜ້າຄະນະປະຈໍາສະພາແຫ່ງຊາດ ມີຄໍາເຫັນຕໍ່ບົດລາຍງານຂອງ 2 ອົງການດັ່ງກ່າວ ຊຶ່ງໄດ້ກ່າວບາງຕອນສຳຄັນວ່າ:
ຕໍ່ກັບ, ສານປະຊາຊົນສູງສຸດ: ຄະນະປະຈໍາສະພາແຫ່ງຊາດ ເຫັນດີເປັນເອກະພາບ ຕໍ່ທິດທາງແຜນການເຄື່ອນໄຫວວຽກງານໄລຍະທ້າຍສະໄໝ 2023-2025, 6 ຄາດໝາຍສູ້ຊົນ ແລະ 10 ແຜນງານຈຸດສຸມ ປີ 2024 ຂອງສານປະຊາຊົນສູງສຸດ. ຄະນະປະຈໍາສະພາແຫ່ງຊາດ ເຊື່ອໝັ້ນວ່າ ດ້ວຍການນໍາພາ-ຊີ້ນໍາ ຂອງຄະນະນໍາສານປະຊາຊົນສູງສຸດ ຈະສູ້ຊົນຈັດຕັ້ງປະຕິບັດ 5 ແຜນງານ, 22 ໂຄງການ ແລະ 79 ກິດຈະກໍາ ໃນທ້າຍສະໄໝ ໃຫ້ສໍາເລັດຕາມທີ່ໄດ້ກໍານົດໄວ້ໃນມະຕິ ສະບັບເລກທີ 15/ສພຊ, ລົງວັນທີ 24 ມີນາ 2021. ນອກນີ້, ຕໍ່ກັບທິດທາງແຕ່ລະດ້ານ ໃນປີ 2024, ຄະນະປະຈໍາສະພາແຫ່ງຊາດ ສະເໜີບາງມາດຕະການ ເພື່ອຮັບປະກັນການຈັດຕັ້ງປະຕິບັດ ມີຜົນສໍາເລັດ ດັ່ງນີ້: 1. ນໍາພາ-ຊີ້ນໍາ ຈັດຕັ້ງຜັນຂະຫຍາຍ 6 ຄາດໝາຍສູ້ຊົນ ແລະ 10 ແຜນງານຈຸດສຸມ ປີ 2024 ໂດຍມີມາດຕະການ, ວິທີການຈັດຕັ້ງປະຕິບັດໃຫ້ລະອຽດ, ຈະແຈ້ງ, ເຂັ້ມງວດ ເຮັດໃຫ້ບັນດາແຜນວຽກຈຸດສຸມ ສາມາດຈັດຕັ້ງປະຕິບັດ ມີຜົນສໍາເລັດ ຕາມຄາດໝາຍທີ່ໄດ້ວາງໄວ້; 2. ສືບຕໍ່ຄົ້ນຄວ້າ, ປັບປຸງກົງຈັກການຈັດຕັ້ງຂອງສານປະຊາຊົນແຕ່ລະຂັ້ນ ໃຫ້ສາມາດຕອບສະໜອງຄວາມຮຽກຮ້ອງຕ້ອງການໜ້າທີ່ການເມືອງໃນໄລຍະໃໝ່; ຍົກລະດັບຄວາມຮູ້, ຄວາມສາມາດ ທາງດ້ານການເມືອງແນວຄິດ, ຄຸນສົມບັດສິນທໍາປະຕິວັດ, ຈັນຍາບັນ-ຈັນຍາທໍາ, ມີຄວາມຮູ້ ຄວາມສາມາດທາງດ້ານວິຊາສະເພາະ; ຈັດຕັ້ງປະເມີນການປະຕິບັດໜ້າທີ່ ຂອງຜູ້ພິພາກສາ ໃຫ້ທົ່ວເຖິງ, ເລືອກເຟັ້ນຜູ້ພິພາກສາດີ-ເກັ່ງ ໃຫ້ໄດ້ຫຼາຍກວ່າ 25% ຂອງຜູ້ພິພາກສາທັງໝົດ; 3. ເອົາໃຈໃສ່ຄົ້ນຄວ້າ ສ້າງ, ປັບປຸງ ແລະ ປະເມີນຄືນ ບັນດານິຕິກໍາທີ່ນອນໃນຄວາມຮັບຜິດ ຊອບຂອງຕົນ ໂດຍສະເພາະແມ່ນ ບັນດານິຕິກໍາທີ່ພົວພັນກັບການດໍາເນີນຄະດີແພ່ງ ເພື່ອສ້າງຄວາມເປັນເອກກະພາບ ໃນການປະຕິບັດໜ້າທີ່ວຽກງານຂອງສານປະຊາຊົນແຕ່ລະຂັ້ນ; 4. ເອົາໃຈໃສ່ວຽກງານຄຸ້ມຄອງ, ນໍາພາ-ຊີ້ນໍາ ແລະ ກວດກາ ສານປະຊາຊົນຂັ້ນລຸ່ມ ໃຫ້ເປັນ ປົກກະຕິ, ພ້ອມທັງແນະນໍາ, ກວດກາຄວາມຖືກຕ້ອງ ແລະ ຄວາມເປັນເອກະພາບໃນການດໍາເນີນຄະດີຂອງສານປະຊາຊົນແຕ່ລະຂັ້ນ, ຮັບປະກັນການດໍາເນີນຄະດີຂອງສານປະຊາຊົນ ມີຄວາມຮອບດ້ານ, ຄົບຖ້ວນ, ພາວະວິໄສ, ຖືກຕ້ອງຕາມກົດໝາຍ ແລະ ຄວາມເປັນຈິງແຕ່ຫົວທີ ເພື່ອຫຼຸດຜ່ອນການຂໍອຸທອນ, ຂໍລົບລ້າງ ແລະ ຂໍຮື້ຟື້ນຄະດີຄືນໃໝ່ຫຼົບໄປຫຼົບມາຫຼາຍເທື່ອ ແລະ ສູ້ຊົນແກ້ໄຂຄະດີ ທີ່ເຂົ້າມາສານແຕ່ລະຂັ້ນ ໃຫ້ບັນລຸ 85% ຕາມຄາດໝາຍທີ່ວາງໄວ້; 5. ຍູ້ແຮງກົນໄກການບໍລິຫານສານ ເພື່ອຮັບປະກັນໃຫ້ປະຊາຊົນ ໄດ້ເຂົ້າເຖິງຂະບວນຍຸຕິທໍາ ມີຄວາມວ່ອງໄວ ແລະ ໂປ່ງໃສ ຕາມກົດໝາຍ; ສ້າງເງື່ອນໄຂໃຫ້ໂຈດ, ຈໍາເລີຍ, ບຸກຄົນທີສາມ ແລະ ທະນາຍຄວາມ ເຂົ້າຮ່ວມໃນການໂຕ້ແຍ້ງ, ໂຕ້ຖຽງ, ຊີ້ແຈງ ແລະ ອະທິບາຍຂໍ້ມູນຫຼັກຖານໃນທີ່ປະຊຸມສານ ໃຫ້ເລິກເຊິ່ງ ແລະ ຄົບຖ້ວນ; 6. ເອົາໃຈໃສ່ຄົ້ນຄວ້າ ສ້າງ ແລະ ປັບປຸງກົນໄກການປະສານສົມທົບ ລະຫວ່າງ ສານປະຊາຊົນ ກັບພາກສ່ວນທີ່ກ່ຽວຂ້ອງ ແນໃສ່ຍົກສູງຄຸນນະພາບການເຄື່ອນໄຫວວຽກງານ ໃນການດໍາເນີນຄະດີ ໃຫ້ຖືກຕ້ອງຕາມ ພາລະບົດບາດ, ຂອບເຂດສິດ ແລະ ໜ້າທີ່ ຕາມກົດໝາຍໄດ້ກໍານົດໄວ້.
ຕໍ່ກັບ, ອົງການໄອຍະການປະຊາຊົນສູງສຸດ: ຄະນະປະຈໍາສະພາແຫ່ງຊາດ ເຫັນດີເປັນເອກະພາບ ຕໍ່ທິດທາງແຜນການທ້າຍສະໄໝ ແລະ 10 ວຽກງານຈຸດສຸມ ປີ 2024 ຂອງອົງການໄອຍະການປະຊາຊົນສູງສຸດ. ຄະນະປະຈໍາສະພາແຫ່ງຊາດ ສະເໜີໃຫ້ອົງການໄອຍະການປະຊາຊົນສູງສຸດ ເພີ່ມທະວີຄວາມຮັບ ຜິດຊອບຂອງຕົນ ສູ້ຊົນຈັດຕັ້ງປະຕິບັດ 6 ແຜນງານ, 25 ໂຄງການ ແລະ 94 ກິດຈະກໍາ ໃນທ້າຍສະໄໝ ທີ່ໄດ້ຮັບຮອງເອົາໃນກອງປະຊຸມຄັ້ງປະຖົມມະລືກຂອງສະພາແຫ່ງຊາດ ຊຸດທີ IX ໃຫ້ມີຜົນສໍາເລັດ. ພ້ອມນີ້, ຕໍ່ວຽກງານຈຸດສຸມ ປີ 2024, ຄະນະປະຈໍາສະພາແຫ່ງຊາດ ສະເໜີບາງມາດຕະການເພີ່ມເຕີມ ເພື່ອຮັບປະກັນເຮັດໃຫ້ວຽກງານຈຸດສຸມດັ່ງກ່າວ ໄດ້ຮັບການຈັດຕັ້ງປະຕິບັດ ມີຜົນສໍາເລັດ ຕາມທີ່ໄດ້ກໍານົດໄວ້ ດັ່ງນີ້: 1. ນໍາພາ-ຊີ້ນໍາ ຈັດຕັ້ງຜັນຂະຫຍາຍ 5 ຄາດໝາຍສູ້ຊົນ, 10 ວຽກຈຸດສຸມ ປີ 2024 ໃຫ້ເປັນແຜນວຽກ ແລະ ມີມາດຕະການລະອຽດ ເພື່ອຈັດຕັ້ງປະຕິບັດ ໃຫ້ສໍາເລັດຕາມຄາດຫມາຍທີ່ໄດ້ວາງໄວ້; 2. ສືບຕໍ່ຄົ້ນຄວ້າ ແລະ ຈັດຕັ້ງຜັນຂະຫຍາຍ ຜົນການປະເມີນການຈັດຕັ້ງປະຕິບັດກົດໝາຍວ່າດ້ວຍ ອົງການໄອຍະການປະຊາຊົນ ແລະ ກົດໝາຍວ່າດ້ວຍ ການດໍາເນີນຄະດີອາຍາ ເພື່ອກ້າວໄປເຖິງການປັບປຸງ ຫຼື ອອກນິຕິກໍາໃຕ້ກົດໝາຍ ໃຫ້ແທດເໝາະກັບຄວາມຮຽກຮ້ອງຕ້ອງການຂອງໜ້າທີ່ການເມືອງໃນໄລຍະໃໝ່;
3. ເອົາໃຈໃສ່ປັບປຸງກົງຈັກການຈັດຕັ້ງຂອງອົງການໄອຍະການປະຊາຊົນສູງສຸດ ແຕ່ລະຂັ້ນ ໃຫ້ເປັນລະບົບ ແລະ ເໝາະສົມ; ກໍ່ສ້າງພະນັກງານໄອຍະການ ທາງດ້ານຄຸນທາດການເມືອງ, ຄຸນສົມບັດສິນທໍາປະຕິວັດ, ຈັນຍາບັນ-ຈັນຍາທໍາ, ຄວາມຮູ້ຄວາມສາມາດ ໃຫ້ມີຄຸນນະພາບເພື່ອບັນຈຸ, ສັບຊ້ອນ ເຂົ້າໃສ່ກົງຈັກການຈັດຕັ້ງ ນັບແຕ່ສູນກາງລົງຮອດທ້ອງຖີິ່ນຕອບສະໜອງຕາມຄວາມຮຽກຮ້ອງຕ້ອງການໜ້າທີ່ການເມືອງ ທີ່ໄດ້ຮັບມອບໝາຍ; 4. ສຸມໃສ່ປັບປຸງກົນໄກ, ຮູບການ ແລະ ວິທີການ ໃນການປະຕິບັດພາລະບົດບາດ ຕິດຕາມ ກວດກາການປະຕິບັດກົດໝາຍ ຕາມມາດຕາ 40, 43, 46, 48, 49, 52, 54 ຂອງກົດໝາຍວ່າ ດ້ວຍອົງການໄອຍະການປະຊາຊົນ ໃຫ້ມີຄວາມຖືກຕ້ອງ, ເຂັ້ມງວດກວ່າເກົ່າ ເປັນຕົ້ນການຕິດຕາມກວດກາການປະຕິບັດກົດໝາຍ ຂອງອົງການສືບສວນ-ສອບສວນ; ການສັ່ງຟ້ອງຜູ້ຖືກຫາຂຶ້ນ ສານ; ການຕິດຕາມກວດກາການປະຕິບັດຄໍາຕັດສິນຂອງສານ ແລະ ການປະຕິບັດກົດໝາຍໃນສະຖານທີ່ກັກຕົວ, ສະຖານທີ່ກັກຂັງ, ສູນດັດສ້າງ, ຄ້າຍດັດສ້າງ, ສຸມໃສ່ ແກ້ໄຂບັນຫາການກັກຂັງຜູ້ຖືກຫາ ແລະ ນັກໂທດ ທີ່ບໍ່ຖືກຕ້ອງຕາມກົດໝາຍ; 5. ສືບຕໍ່ຄົ້ນຄວ້າ ສ້າງ ແລະ ປັບປຸງ ກົນໄກການປະສານສົມທົບກັບພາກສ່ວນທີ່ກ່ຽວຂ້ອງ ໃນການເຄື່ອນໄຫວຕິດຕາມກວດກາການປະຕິບັດກົດໝາຍ ຂອງອົງການທີ່ກ່ຽວ ຂ້ອງ ແນໃສ່ຍົກສູງຄວາມຮັບຜິດຊອບການເມືອງ ຂອງແຕ່ລະພາກສ່ວນຕາມພາລະບົດບາດ, ສິດ ແລະ ໜ້າທີ່ຂອງຕົນ ເຮັດໃຫ້ສະຕິເຄົາລົບ, ປະຕິບັດລັດຖະທໍາມະນູນ ແລະ ກົດໝາຍ ນັບມື້ດີຂຶ້ນ.
(ຂ່າວ-ພາບ: ສຸກສະຫວັນ)
ທ່ານ ຄຳແພງ ວິລະພັນ ປະທານກຳມາທິການຍຸຕິທຳ ໄດ້ຕາງໜ້າຄະນະປະຈໍາສະພາແຫ່ງຊາດ ມີຄໍາເຫັນຕໍ່ບົດລາຍງານຂອງ 2 ອົງການດັ່ງກ່າວ ຊຶ່ງໄດ້ກ່າວບາງຕອນສຳຄັນວ່າ:
ຕໍ່ກັບ, ສານປະຊາຊົນສູງສຸດ: ຄະນະປະຈໍາສະພາແຫ່ງຊາດ ເຫັນດີເປັນເອກະພາບ ຕໍ່ທິດທາງແຜນການເຄື່ອນໄຫວວຽກງານໄລຍະທ້າຍສະໄໝ 2023-2025, 6 ຄາດໝາຍສູ້ຊົນ ແລະ 10 ແຜນງານຈຸດສຸມ ປີ 2024 ຂອງສານປະຊາຊົນສູງສຸດ. ຄະນະປະຈໍາສະພາແຫ່ງຊາດ ເຊື່ອໝັ້ນວ່າ ດ້ວຍການນໍາພາ-ຊີ້ນໍາ ຂອງຄະນະນໍາສານປະຊາຊົນສູງສຸດ ຈະສູ້ຊົນຈັດຕັ້ງປະຕິບັດ 5 ແຜນງານ, 22 ໂຄງການ ແລະ 79 ກິດຈະກໍາ ໃນທ້າຍສະໄໝ ໃຫ້ສໍາເລັດຕາມທີ່ໄດ້ກໍານົດໄວ້ໃນມະຕິ ສະບັບເລກທີ 15/ສພຊ, ລົງວັນທີ 24 ມີນາ 2021. ນອກນີ້, ຕໍ່ກັບທິດທາງແຕ່ລະດ້ານ ໃນປີ 2024, ຄະນະປະຈໍາສະພາແຫ່ງຊາດ ສະເໜີບາງມາດຕະການ ເພື່ອຮັບປະກັນການຈັດຕັ້ງປະຕິບັດ ມີຜົນສໍາເລັດ ດັ່ງນີ້: 1. ນໍາພາ-ຊີ້ນໍາ ຈັດຕັ້ງຜັນຂະຫຍາຍ 6 ຄາດໝາຍສູ້ຊົນ ແລະ 10 ແຜນງານຈຸດສຸມ ປີ 2024 ໂດຍມີມາດຕະການ, ວິທີການຈັດຕັ້ງປະຕິບັດໃຫ້ລະອຽດ, ຈະແຈ້ງ, ເຂັ້ມງວດ ເຮັດໃຫ້ບັນດາແຜນວຽກຈຸດສຸມ ສາມາດຈັດຕັ້ງປະຕິບັດ ມີຜົນສໍາເລັດ ຕາມຄາດໝາຍທີ່ໄດ້ວາງໄວ້; 2. ສືບຕໍ່ຄົ້ນຄວ້າ, ປັບປຸງກົງຈັກການຈັດຕັ້ງຂອງສານປະຊາຊົນແຕ່ລະຂັ້ນ ໃຫ້ສາມາດຕອບສະໜອງຄວາມຮຽກຮ້ອງຕ້ອງການໜ້າທີ່ການເມືອງໃນໄລຍະໃໝ່; ຍົກລະດັບຄວາມຮູ້, ຄວາມສາມາດ ທາງດ້ານການເມືອງແນວຄິດ, ຄຸນສົມບັດສິນທໍາປະຕິວັດ, ຈັນຍາບັນ-ຈັນຍາທໍາ, ມີຄວາມຮູ້ ຄວາມສາມາດທາງດ້ານວິຊາສະເພາະ; ຈັດຕັ້ງປະເມີນການປະຕິບັດໜ້າທີ່ ຂອງຜູ້ພິພາກສາ ໃຫ້ທົ່ວເຖິງ, ເລືອກເຟັ້ນຜູ້ພິພາກສາດີ-ເກັ່ງ ໃຫ້ໄດ້ຫຼາຍກວ່າ 25% ຂອງຜູ້ພິພາກສາທັງໝົດ; 3. ເອົາໃຈໃສ່ຄົ້ນຄວ້າ ສ້າງ, ປັບປຸງ ແລະ ປະເມີນຄືນ ບັນດານິຕິກໍາທີ່ນອນໃນຄວາມຮັບຜິດ ຊອບຂອງຕົນ ໂດຍສະເພາະແມ່ນ ບັນດານິຕິກໍາທີ່ພົວພັນກັບການດໍາເນີນຄະດີແພ່ງ ເພື່ອສ້າງຄວາມເປັນເອກກະພາບ ໃນການປະຕິບັດໜ້າທີ່ວຽກງານຂອງສານປະຊາຊົນແຕ່ລະຂັ້ນ; 4. ເອົາໃຈໃສ່ວຽກງານຄຸ້ມຄອງ, ນໍາພາ-ຊີ້ນໍາ ແລະ ກວດກາ ສານປະຊາຊົນຂັ້ນລຸ່ມ ໃຫ້ເປັນ ປົກກະຕິ, ພ້ອມທັງແນະນໍາ, ກວດກາຄວາມຖືກຕ້ອງ ແລະ ຄວາມເປັນເອກະພາບໃນການດໍາເນີນຄະດີຂອງສານປະຊາຊົນແຕ່ລະຂັ້ນ, ຮັບປະກັນການດໍາເນີນຄະດີຂອງສານປະຊາຊົນ ມີຄວາມຮອບດ້ານ, ຄົບຖ້ວນ, ພາວະວິໄສ, ຖືກຕ້ອງຕາມກົດໝາຍ ແລະ ຄວາມເປັນຈິງແຕ່ຫົວທີ ເພື່ອຫຼຸດຜ່ອນການຂໍອຸທອນ, ຂໍລົບລ້າງ ແລະ ຂໍຮື້ຟື້ນຄະດີຄືນໃໝ່ຫຼົບໄປຫຼົບມາຫຼາຍເທື່ອ ແລະ ສູ້ຊົນແກ້ໄຂຄະດີ ທີ່ເຂົ້າມາສານແຕ່ລະຂັ້ນ ໃຫ້ບັນລຸ 85% ຕາມຄາດໝາຍທີ່ວາງໄວ້; 5. ຍູ້ແຮງກົນໄກການບໍລິຫານສານ ເພື່ອຮັບປະກັນໃຫ້ປະຊາຊົນ ໄດ້ເຂົ້າເຖິງຂະບວນຍຸຕິທໍາ ມີຄວາມວ່ອງໄວ ແລະ ໂປ່ງໃສ ຕາມກົດໝາຍ; ສ້າງເງື່ອນໄຂໃຫ້ໂຈດ, ຈໍາເລີຍ, ບຸກຄົນທີສາມ ແລະ ທະນາຍຄວາມ ເຂົ້າຮ່ວມໃນການໂຕ້ແຍ້ງ, ໂຕ້ຖຽງ, ຊີ້ແຈງ ແລະ ອະທິບາຍຂໍ້ມູນຫຼັກຖານໃນທີ່ປະຊຸມສານ ໃຫ້ເລິກເຊິ່ງ ແລະ ຄົບຖ້ວນ; 6. ເອົາໃຈໃສ່ຄົ້ນຄວ້າ ສ້າງ ແລະ ປັບປຸງກົນໄກການປະສານສົມທົບ ລະຫວ່າງ ສານປະຊາຊົນ ກັບພາກສ່ວນທີ່ກ່ຽວຂ້ອງ ແນໃສ່ຍົກສູງຄຸນນະພາບການເຄື່ອນໄຫວວຽກງານ ໃນການດໍາເນີນຄະດີ ໃຫ້ຖືກຕ້ອງຕາມ ພາລະບົດບາດ, ຂອບເຂດສິດ ແລະ ໜ້າທີ່ ຕາມກົດໝາຍໄດ້ກໍານົດໄວ້.
ຕໍ່ກັບ, ອົງການໄອຍະການປະຊາຊົນສູງສຸດ: ຄະນະປະຈໍາສະພາແຫ່ງຊາດ ເຫັນດີເປັນເອກະພາບ ຕໍ່ທິດທາງແຜນການທ້າຍສະໄໝ ແລະ 10 ວຽກງານຈຸດສຸມ ປີ 2024 ຂອງອົງການໄອຍະການປະຊາຊົນສູງສຸດ. ຄະນະປະຈໍາສະພາແຫ່ງຊາດ ສະເໜີໃຫ້ອົງການໄອຍະການປະຊາຊົນສູງສຸດ ເພີ່ມທະວີຄວາມຮັບ ຜິດຊອບຂອງຕົນ ສູ້ຊົນຈັດຕັ້ງປະຕິບັດ 6 ແຜນງານ, 25 ໂຄງການ ແລະ 94 ກິດຈະກໍາ ໃນທ້າຍສະໄໝ ທີ່ໄດ້ຮັບຮອງເອົາໃນກອງປະຊຸມຄັ້ງປະຖົມມະລືກຂອງສະພາແຫ່ງຊາດ ຊຸດທີ IX ໃຫ້ມີຜົນສໍາເລັດ. ພ້ອມນີ້, ຕໍ່ວຽກງານຈຸດສຸມ ປີ 2024, ຄະນະປະຈໍາສະພາແຫ່ງຊາດ ສະເໜີບາງມາດຕະການເພີ່ມເຕີມ ເພື່ອຮັບປະກັນເຮັດໃຫ້ວຽກງານຈຸດສຸມດັ່ງກ່າວ ໄດ້ຮັບການຈັດຕັ້ງປະຕິບັດ ມີຜົນສໍາເລັດ ຕາມທີ່ໄດ້ກໍານົດໄວ້ ດັ່ງນີ້: 1. ນໍາພາ-ຊີ້ນໍາ ຈັດຕັ້ງຜັນຂະຫຍາຍ 5 ຄາດໝາຍສູ້ຊົນ, 10 ວຽກຈຸດສຸມ ປີ 2024 ໃຫ້ເປັນແຜນວຽກ ແລະ ມີມາດຕະການລະອຽດ ເພື່ອຈັດຕັ້ງປະຕິບັດ ໃຫ້ສໍາເລັດຕາມຄາດຫມາຍທີ່ໄດ້ວາງໄວ້; 2. ສືບຕໍ່ຄົ້ນຄວ້າ ແລະ ຈັດຕັ້ງຜັນຂະຫຍາຍ ຜົນການປະເມີນການຈັດຕັ້ງປະຕິບັດກົດໝາຍວ່າດ້ວຍ ອົງການໄອຍະການປະຊາຊົນ ແລະ ກົດໝາຍວ່າດ້ວຍ ການດໍາເນີນຄະດີອາຍາ ເພື່ອກ້າວໄປເຖິງການປັບປຸງ ຫຼື ອອກນິຕິກໍາໃຕ້ກົດໝາຍ ໃຫ້ແທດເໝາະກັບຄວາມຮຽກຮ້ອງຕ້ອງການຂອງໜ້າທີ່ການເມືອງໃນໄລຍະໃໝ່;
3. ເອົາໃຈໃສ່ປັບປຸງກົງຈັກການຈັດຕັ້ງຂອງອົງການໄອຍະການປະຊາຊົນສູງສຸດ ແຕ່ລະຂັ້ນ ໃຫ້ເປັນລະບົບ ແລະ ເໝາະສົມ; ກໍ່ສ້າງພະນັກງານໄອຍະການ ທາງດ້ານຄຸນທາດການເມືອງ, ຄຸນສົມບັດສິນທໍາປະຕິວັດ, ຈັນຍາບັນ-ຈັນຍາທໍາ, ຄວາມຮູ້ຄວາມສາມາດ ໃຫ້ມີຄຸນນະພາບເພື່ອບັນຈຸ, ສັບຊ້ອນ ເຂົ້າໃສ່ກົງຈັກການຈັດຕັ້ງ ນັບແຕ່ສູນກາງລົງຮອດທ້ອງຖີິ່ນຕອບສະໜອງຕາມຄວາມຮຽກຮ້ອງຕ້ອງການໜ້າທີ່ການເມືອງ ທີ່ໄດ້ຮັບມອບໝາຍ; 4. ສຸມໃສ່ປັບປຸງກົນໄກ, ຮູບການ ແລະ ວິທີການ ໃນການປະຕິບັດພາລະບົດບາດ ຕິດຕາມ ກວດກາການປະຕິບັດກົດໝາຍ ຕາມມາດຕາ 40, 43, 46, 48, 49, 52, 54 ຂອງກົດໝາຍວ່າ ດ້ວຍອົງການໄອຍະການປະຊາຊົນ ໃຫ້ມີຄວາມຖືກຕ້ອງ, ເຂັ້ມງວດກວ່າເກົ່າ ເປັນຕົ້ນການຕິດຕາມກວດກາການປະຕິບັດກົດໝາຍ ຂອງອົງການສືບສວນ-ສອບສວນ; ການສັ່ງຟ້ອງຜູ້ຖືກຫາຂຶ້ນ ສານ; ການຕິດຕາມກວດກາການປະຕິບັດຄໍາຕັດສິນຂອງສານ ແລະ ການປະຕິບັດກົດໝາຍໃນສະຖານທີ່ກັກຕົວ, ສະຖານທີ່ກັກຂັງ, ສູນດັດສ້າງ, ຄ້າຍດັດສ້າງ, ສຸມໃສ່ ແກ້ໄຂບັນຫາການກັກຂັງຜູ້ຖືກຫາ ແລະ ນັກໂທດ ທີ່ບໍ່ຖືກຕ້ອງຕາມກົດໝາຍ; 5. ສືບຕໍ່ຄົ້ນຄວ້າ ສ້າງ ແລະ ປັບປຸງ ກົນໄກການປະສານສົມທົບກັບພາກສ່ວນທີ່ກ່ຽວຂ້ອງ ໃນການເຄື່ອນໄຫວຕິດຕາມກວດກາການປະຕິບັດກົດໝາຍ ຂອງອົງການທີ່ກ່ຽວ ຂ້ອງ ແນໃສ່ຍົກສູງຄວາມຮັບຜິດຊອບການເມືອງ ຂອງແຕ່ລະພາກສ່ວນຕາມພາລະບົດບາດ, ສິດ ແລະ ໜ້າທີ່ຂອງຕົນ ເຮັດໃຫ້ສະຕິເຄົາລົບ, ປະຕິບັດລັດຖະທໍາມະນູນ ແລະ ກົດໝາຍ ນັບມື້ດີຂຶ້ນ.
(ຂ່າວ-ພາບ: ສຸກສະຫວັນ)
ຄໍາເຫັນ