ສ້າງຫຼັກສູດປະລິນຍາຕີພາສາຈີນໃນສາຂາວິຊາສະເພາະຕ່າງໆ ເພື່ອສ້າງບຸກຄະລາກອນທີ່ມີຄວາມສາມາດທີ່ຫຼາກຫຼາຍໃນລະດັບສູງ

ເພື່ອຕອບສະໜອງຄວາມຕ້ອງການຂອງສັງຄົມລາວ, ໃນຕໍ່ໜ້າສະຖາບັນຂົງຈື ໄດ້ມີແຜນສະເໜີຕໍ່ ກະຊວງສຶກສາທິການ ແລະ ກິລາ ເພື່ອເປີດຫຼັກສູດປະລິນຍາຕີ “ພາສາຈີນ ການຄ້າເອເລັກໂຕຣນິກ”, “ພາສາຈີນ ການບໍລິຫານໂຮງແຮມ (ການບໍລິຫານການທ່ອງທ່ຽວ)”, “ພາສາຈີນ ວິສະວະກໍາໄຟຟ້າ” ແລະ ອື່ນໆ ເພື່ອຂະຫຍາຍຫຼັກສູດ “ພາສາຈີນ ເຕັກນິກວິຊາຊີບ” ໃຫ້ກວມເອົາຫຼາຍຂະແໜງການໃນຂະແໜງການສຶກສາຂັ້ນສູງຫຼາຍຂຶ້ນ. ການສິດສອນໃນຫຼັກສູດນີ້ຈະໃຊ້ຕົວແບບການສຶກສາແບບ “2+2” ຫຼື “4+0” ທີ່ມີຄວາມຄ່ອງຕົວ ຊຶ່ງຈະຊ່ວຍໃຫ້ສະພາບແວດລ້ອມຂອງການຮຽນ ແລະ ການຝຶກຫັດງານຂອງນັກສຶກສາມີຄວາມຫຼາຍຫຼາຍຍິ່ງຂຶ້ນ ຊຶ່ງມີຢູ່ລາວ ແລະ ຈີນ ທັງເປັນຝຶກບຸກຄະລາກອນທີ່ມີຄວາມພ້ອມທັງພາສາຈີນ ແລະ ວິຊາຊີບ ໄປພ້ອມກັນ.

ເພື່ອເປັນການຍົກລະດັບຫຼັກສູດ “ພາສາຈີນ ວິສະວະກໍາໄຟຟ້າ” ໃຫ້ມີລັກສະນະການນຳໃຊ້ຕົວຈິງ ແລະ ກົງເປົ້າໝາຍຍິ່ງຂຶ້ນ, ສະຖາບັນຂົງຈື ໄດ້ຮ່ວມມືກັບມະຫາວິທະຍາໄລວິທະຍາສາດ ແລະ ເຕັກໂນໂລຊີຄຸນໝິງ ຮຽບຮຽງປຶ້ມແບບຮຽນ “ວິສະວະກຳໄຟຟ້າ” ສະບັບສອງພາສາຈີນ-ລາວ ຂຶ້ນ ຊຶ່ງເປັນປຶ້ມແບບຮຽນວິສະວະກຳໄຟຟ້າພາສາຈີນເຫຼັ້ມທໍາອິດໃນປະເທດລາວທີ່ໄດ້ສັງລວມເອົາທິດສະດີ ແລະ ການປະຕິບັດຕົວຈິງມາສ້າງເປັນປື້ມຕຳລາ, ປື້ມເຫຼັ້ມນີ້ມີປະມານ 200,000 ຄໍາ ແລະ ໄດ້ພີມອອກມານໍາໃຊ້ໃນປີ 2024. ປື້ມເຫຼັ້ມນີ້ຈະຊ່ວຍໃຫ້ນັກຮຽນລາວຮຽນພາສາຈີນ, ພ້ອມທັງກຳໄດ້ຄວາມຮູ້ວິຊາສະເພາະ ແລະ ການປະຕິບັດຕົວຈິງໄປພ້ອມກັນ.

ນອກຈາກນີ້, ສະຖາບັນຂົງຈື ຍັງໄດ້ບູລະນາການໃນການນຳໃຊ້ຊັບພະຍາກອນການສຶກສາຮ່ວມກັບມະຫາວິທະຍາໄລວິທະຍາສາດ ແລະ ເຕັກໂນໂລຊີຄຸນໝິງຢ່າງຕັ້ງໜ້າ, ຮ່ວມມືກັບພະແນກການຕ່າງໆໃນປະເທດຈີນ ແລະ ສະຖາບັນການສຶກສາຂັ້ນສູງໃນປະເທດລາວເພື່ອປັບປຸງການຈັດຫາຊັບພະຍາກອນດ້ານການສຶກສາເພື່ອຮັບປະການການດຳເນີນຫຼັກສູດ “ພາສາຈີນ ເຕັກນິກວິຊາຊີບ” ໃຫ້ມີປະສິດທິພາບ. ໃນເດືອນສິງຫາ 2024 ຜ່ານມາ, ໄດ້ມີການເປີດອາຄານສອນພາສາຈີນຂອງສະຖາບັນຂົງຈືໄດ້ຮັບທຶນໂຄງການຊ່ວຍເຫຼືອຈາກພະແນກການຄ້າແຂວງຢຸນນານ ຊຶ່ງມີສາມພາກສ່ວນຮ່ວມກັນດຳເນີນງານຄື: ມະຫາວິທະຍາໄລວິທະຍາສາດ ແລະ ເຕັກໂນໂລຊີຄຸນມິງເປັນຝ່າຍສະເໜີຂໍທຶນ, ສະຖາບັນຂົງຈືເປັນຝ່າຍ ຈັດສັນທຶນ ແລະ ມະຫາວິທະຍາໄລສຸພານຸວົງເປັນຝ່າຍປະຕິບັດ. ໂຄງການນີ້ບໍ່ພຽງແຕ່ເປັນການປັບປຸງສະພາບແວດລ້ອມໃນການຮຽນການສອນພາສາຈີນໃຫ້ດີຂຶ້ນເທົ່ານັ້ນ, ມັນຍັງເປັນສັນຍາລັກຕົວແບບ ຂອງການຮ່ວມມືການສຶກສາຂອງລາວ-ຈີນ,ທັງເປັນຄວາມເຊື່ອໝັ້ນຊຶ່ງກັນ ແລະ ກັນຢ່າງເລິກ ໃນຂະແໜງການສຶກສາລະຫວ່າງສອງຊາດອີກດ້ວຍ. ສະຖາບັນຂົງຈືເຮັດໜ້າທີ່ເປັນຂົວເຊື່ອມຕໍ່ການປະສານງານຢ່າງເຕັມຄວາມສາມາດ ນໍາເອົາຊັບພະຍາກອນອັນທັນສະໄໝຈາກສະຖາບັນການສຶກສາຈາກຝ່າຍຈີນ ແລະ ສ້າງເວທີໃຫ້ແກ່ການພົວພັນຮ່ວມມື ດ້ານເຕັກໂນໂລຊີ ລະຫວ່າງລາວ-ຈີນ. ໃນປີ 2023 ສະຖາບັນຂົງຈື, ຄະນະວິສະວະກຳສາດ ມະຫາວິທະຍາໄລສຸພານຸວົງ ໄດ້ຮ່ວມມືກັບຄະນະວິສະວະກຳຂໍ້ມູນຂ່າວສານ ແລະ ລະບົບອັດຕະໂນມັດ (ຄະນະອຸດສາຫະກໍາປັນຍາປະດິດ) ມະຫາວິທະຍາໄລວິທະຍາສາດ ແລະ ເຕັກໂນໂລຊີຄຸນໝິງ ຮ່ວມກັນສ້າງ “ຫ້ອງທົດລອງການຮ່ວມມືສາກົນເພື່ອພັດທະນາເຄື່ອງແປພາສາອາຊີໃຕ້-ອາຊີຕາວັນອອກສ່ຽງໃຕ້ຂອງແຂວງຢຸນນານ”. ຮ່ວມມືກັບຄະນະກະເສດສາດ ແລະ ຊັບພະຍາກອນປ່າໄມ້ ມະຫາວິທະຍາໄລສຸພານຸວົງ ແລະ ຄະນະວິທະຍາສາດອາຫານ ແລະ ວິສະວະກຳ ມະຫາວິທະຍາໄລວິທະຍາສາດ ແລະ ເຕັກໂນໂລຊີຄຸນໝິງ ຮ່ວມກັນສ້າງ “ຫ້ອງທົດລອງຮ່ວມມືສາກົນກ່ຽວກັບການປຸງແຕ່ງອາຫານສີຂຽວແຂວງຢຸນນານ”. ໃນປີ 2024 ສະຖາບັນຂົງຈື, ຄະນະກະເສດສາດ ແລະ ຊັບພະຍາກອນປ່າໄມ້ ມະຫາວິທະຍາໄລສຸພານຸວົງ ຍັງໄດ້ຮ່ວມມືກັບ ຄະນະວິສະວະກຳກະສິກຳສະໄໝໃໝ່ ມະຫາວິທະຍາໄລວິທະຍາສາດ ແລະ ເຕັກໂນໂລຊີ ຄຸນໝິງ ຮ່ວມກັນສ້າງ “ຫ້ອງທົດລອງເຕັກໂນໂລຊີ ແລະ ອຸປະກອນວິສະວະກຳກະເສດອັດສະລິຍະແຂວງຢຸນນານ”. ຫ້ອງທົດລອງນີ້ ບໍ່ພຽງແຕ່ຈະເປັນການຊຸກຍູ້ການສ້າງນະວັດຕະກໍາ ແລະ ການຮ່ວມມືໃນຂົງເຂດວຽກງານກະສິກຳອັດສະລິຍະຂອງສອງປະເທດລາວ - ຈີນ, ທັງເປັນການຝຶກອົບຮົມບຸກຄະລາກອນດ້ານ “ພາສາຈີນ ກະສິກຳອັດສະລິຍະ” ໃຫ້ກັບຝ່າຍລາວອີກດ້ວຍ. ໃນຂະນະດຽວກັນ, ສະຖາບັນຂົງຈືຍັງໄດ້ຮັບອະນຸມັດໂຄງການ “ຜູ້ຊ່ຽວຊານທີ່ໄດ້ຮັບການແຕ່ງຕັ້ງດ້ານເຕັກນິກວິທະຍາສາດສາກົນ” ຈາກພະແນກເຕັກໂນໂລຊີແຂວງຢຸນນານ ຊຶ່ງຈະມາໃຫ້ການບໍລິການວຽກງານວິສະວະກຳໄຟຟ້າໄດ້ດີຍິ່ງຂຶ້ນ. ຜ່ານການສ້າງຫ້ອງທົດລອງວິທະຍາສາດຮ່ວມກັນ ຈະເປັນການຍົກລະດັບການສຶກສາວິຊາສະເພາະຂອງປະເທດລາວໃຫ້ສູງຂຶ້ນອີກໜຶ່ງບາດກ້າວ, ທັງເປັນການສ້າງບຸກຄະລາກອນທີ່ມີຄວາມຮູ້ທັງທາງດ້ານທິດສະດີ ແລະ ປະສົບການທີ່ຫຼາກຫຼາຍໃຫ້ນັບມື້ນັບຫຼາຍຂຶ້ນ. ຄວາມຄາດຫວັງໃນອະນາຄົດຂອງສະຖາບັນຂົງຈື ມະຫາວິທະຍາໄລ ສຸພານຸວົງ ແມ່ນຈະຖືເອົາແຜນປະຕິບັດງານການສ້າງປະຊາຄົມຄູ່ຮ່ວມຊາຕາກຳລາວ-ຈີນ (2024-2028) ເປັນທິດຊີ້ນໍາ, ຈະເຮັດໜ້າທີ່ໃນການເປັນຂົວເຊື່ອມຕໍ່ປະສານງານຢ່າງເຕັມຄວາມສາມາດ, ຊ່ວຍນໍາເອົາຊັບພະຍາກອນການສຶກສາທີ່ທັນສະໄໝຈາກປະເທດຈີນມາສູ່ລາວໃຫ້ດີຍິ່ງຂຶ້ນ ແລະ ຫຼາຍຍິ່ງຂຶ້ນ, ຜັນຂະຫຍາຍບົດບາດໃນການປະສານງານກັບສະຖາບັນການສຶກສາຂັ້ນສູງຝ່າຍຈີນຢ່າງຕັ້ງໜ້າ, ເພີ່ມທະວີການຮ່ວມມືກັບຄະນະວິສະວະກຳຜັງເມືອງ (ຄະນະວິສະວະກຳຈີນ-ເຢຍລະມັນ) ມະຫາວິທະຍາໄລວິທະຍາສາດ ແລະ ເຕັກໂນໂລຊີຄຸນມິງ, ຜັນຂະຫຍາຍໂຄງການ “ພາສາຈີນເຕັກນິກວິຊາຊີບ” ໃຫ້ເລິກເຊິ່ງ ແລະ ກວ້າງຂວາງ, ສືບຕໍ່ສ້າງບຸກຄະລາກອນເພື່ອສະໜອງໃຫ້ໂຄງການ “ໜຶ່ງແລວໜຶ່ງເສັ້ນທາງ” ໃຫ້ຫຼາຍຂຶ້ນ. ດ້ານໜຶ່ງ, ແມ່ນ ຍົກສູງຄຸນນະພາບການຮຽນ ການສອນພາສາຈີນຢູ່ລາວຢ່າງຕໍ່ເນື່ອງ, ຊຸກຍູ້ການເຊື່ອມປະສານວັດທະນະທໍາລາວ-ຈີນ ເພື່ອສ້າງພື້ນຖານອັນແໜ້ນແກ່ນໃຫ້ແກ່ພາລະກິດການກໍ່ສ້າງຄູ່ຮ່ວມສະຕາກຳລາວ -ຈີນ. ອີກດ້ານໜຶ່ງ, ແມ່ນຈະສືບຕໍ່ສົ່ງເສີມ “ການໃຊ້ການສຶກສາພາສາຈີນເປັນຂົວເຊື່ອມຕໍ່, ໃຊ້ວິຊາສະເພາະເພີ່ມຄວາມເຂັ້ມແຂງການພົວພັນຮ່ວມມື” ເປັນເປົ້າໝາຍຫຼັກ ເພື່ອຊ່ວຍເຫຼືອໃນການຫຼຸດຜ່ອນຄວາມທຸກຍາກ ແລະ ການພັດທະນາ ປະເທດລາວ, ສົ່ງເສີມໃຫ້ສອງປະເທດລາວ-ຈີນ ພັດທະນາໄປພ້ອມໆກັນ.