 |
ໂຄງການສ້ອມແປງດັ່ງກ່າວ ແມ່ນການຮ່ວມແຮງຮ່ວມໃຈຂອງບັນດາສິດເກົ່າອຸດົມໂຂງ ທີ່ໄດ້ເລີ່ມລົງມືສຳຫຼວດແຕ່ວັນທີ 17 ມີນາ 2026 ແລະ ດຳເນີນການກໍ່ສ້າງແຕ່ວັນທີ 23 ມີນາ ເປັນຕົ້ນມາ. ວຽກງານຫຼັກປະກອບມີ: ມຸງຫຼັງຄາໃໝ່, ເທພື້ນເບຕົງ, ກໍ່ຝາອ້ອມຂ້າງ, ຕິດຕັ້ງປະຕູເຫຼັກ ແລະ ທາສີບູລະນະໃໝ່ໃຫ້ມີຄວາມສວຍງາມ. ໂຄງການດັ່ງກ່າວ, ໄດ້ສຳເລັດສົມບູນໃນວັນທີ 7 ເມສາ 2026 ດ້ວຍມູນຄ່າການກໍ່ສ້າງລວມທັງໝົດ 100 ລ້ານກວ່າກີບ.
ໃນໂອກາດນີ້, ທ່ານ ສະນັ່ນ ສີພາພົມມະຈັນ ຕົວແທນສິດເກົ່າໄດ້ຍົກໃຫ້ເຫັນເຖິງປະຫວັດຄວາມເປັນມາຂອງການເຄື່ອນໄຫວໃນໄລຍະຜ່ານມາພ້ອມທັງເນັ້ນໜັກວ່າ: ການປະກອບສ່ວນ ຄັ້ງນີ້, ບໍ່ພຽງແຕ່ແມ່ນການປັບປຸງດ້ານວັດຖຸອາຄານສະຖານທີ່ເທົ່ານັ້ນ, ແຕ່ຍັງເປັນການສະແດງອອກເຖິງຄວາມກະຕັນຍູຮູ້ບຸນຄຸນຕໍ່ສະຖາບັນການສຶກສາທີ່ເຄີຍບົ່ມສອນມາ. ທັງນີ້ ກໍເພື່ອສ້າງສະພາບແວດລ້ອມການຮຽນ-ການສອນໃຫ້ດີຂຶ້ນ, ທັງເປັນການປຸກລະດົມຈິດສຳນຶກໃຫ້ແກ່ນັກຮຽນລຸ້ນຫຼັງໄດ້ເຫັນເປັນແບບຢ່າງໃນການຮັກບ້ານເກີດເມືອງນອນ ແລະ ຮ່ວມກັນພັດທະນາການສຶກສາພາຍໃນທ້ອງຖິ່ນໃຫ້ມີຄວາມເຂັ້ມແຂງ.
ປັດຈຸບັນ, ໂຮງຮຽນ ມສ ໂຂງ ມີນັກຮຽນທັງໝົດ 330 ຄົນ ຍິງ 165 ຄົນ ແລະ ຄູ-ອາຈານ 20 ຄົນ. ຊຶ່ງການຊ່ວຍເຫຼືອບູລະນະສະໂມສອນໃນຄັ້ງນີ້ ຖືເປັນຂີດໝາຍອັນສຳຄັນໃນການຮ່ວມມືລະຫວ່າງສັງຄົມ ແລະ ພາກສ່ວນການສຶກສາ ເພື່ອສ້າງຜົນປະໂຫຍດສູງສຸດໃຫ້ແກ່ລູກຫຼານຊາວເມືອງໂຂງໃນຕໍ່ໜ້າ.
(ຂ່າວ--ພາບ: ພຸດທະສິນ ວົງວິໄລທອງ)
ຄໍາເຫັນ