 |
ປັດຈຸບັນ ສຂຈ ມີພະນັກງານຝ່າຍລາວທັງໝົດ 14 ຄົນ ຍິງ 10 ຄົນ ພະນັກງານຕາມສັນຍາ 6 ຄົນ ຍິງ 2 ຄົນ; ຝ່າຍຈີນມີພະນັກງານຄູອາຈານ-ອາສາສະໝັກຈີນທັງໝົດ 42 ຄົນ ຍິງ 38 ຄົນ ແລະ ມີຫ້ອງຮຽນຂົງຈືທີ່ຂຶ້ນກັບ 5 ແຫ່ງຄື: ຫ້ອງຮຽນຂົງຈື ມ.ສ ສາທິດ, ມ.ສ ວຽງຈັນ, ໂຮງຮຽນຊົນເຜົ່າກິນນອນແຂວງວຽງຈັນ, ສະຖາບັນການເມືອງການປົກຄອງແຫ່ງຊາດ ແລະ ວິທະຍຸກະຈາຍສຽງແຫ່ງຊາດລາວ ຊຶ່ງມີພາລະບົດບາດສົ່ງເສີມການຮ່ວມມື ແລະ ການແລກປ່ຽນທາງດ້ານວັດທະນະທໍາ, ການສຶກສາການສ້າງຫຼັກສູດ, ການຝຶກອົບຮົມ ແລະ ວິທະຍາສາດລະຫວ່າງ ສປປ ລາວ ກັບ ສປ ຈີນ ເພື່ອພັດທະນາຊັບພະຍາກອນມະນຸດຢູ່ພາຍໃນ ແລະ ພາຍນອກມະຫາວິທະຍາໄລແຫ່ງຊາດ ດ້ວຍການຈັດຕັ້ງການຮຽນ-ການສອນເພື່ອກໍ່ສ້າງນັກວິຊາການ, ນັກຄົ້ນຄວ້າ, ນັກວິທະຍາສາດ ແລະ ໃຫ້ການບໍລິການທາງດ້ານວິຊາການແກ່ສັງຄົມໃນສາຂາພາສາຈີນ ແລະ ອື່ນໆ.
 |
ທ່ານ ຄໍາຮຸ່ງ ຈັນທະວົງ ໃຫ້ຮູ້ຕື່ມອີກວ່າ: ສຂຈ ມີລະບົບການຮຽນ-ການສອນ 2 ລະບົບຄື: ພາກບໍາລຸງ ຊຶ່ງປັດຈຸບັນໄດ້ເປີດເປັນຊຸດທີ 31 ມີນັກສຶກສາ 2,571 ຄົນ ຍິງ 1,506 ຄົນ, ພະສົງ 147 ອົງ ແລະ ຫຼັກສູດສາຂາຄູພາສາຈີນ ຊຶ່ງເປັນສະຖາບັນແຫ່ງທໍາອິດຂອງໂລກທີ່ເປີດການຮຽນ-ການສອນໃນລະດັບ ປ.ຕີ. ໂດຍຫຼັກສູດນີ້ໄດ້ມີການຮຽນ-ການສອນຄືກັບຫຼັກສູດຂອງ ສປ ຈີນ ແລະ ເປັນຫຼັກສູດ 2+2 ຊຶ່ງຈະຮຽນຢູ່ ສຂຈ ໃນສອງປີທໍາອິດ ແລະ ຜູ້ຜ່ານເງື່ອນໄຂຈະໄດ້ຮຽນປີ 3-4 ຢູ່ມະ ຫາວິທະຍາໄລຊົນເຜົ່າກວາງຊີພາຍໃຕ້ທຶນ 100% ເມື່ອຈົບມານັກສຶກສາຈະໄດ້ໃບປະກາດ 2 ໃບຈາກສອງມະຫາວິທະຍາໄລ, ຫຼັກສູດສາຂາຄູພາສາຈີນໄດ້ຮັບອະນຸມັດໃນປີ 2021 ແລະ ປີນີ້ເປັນຊຸດ ທໍາອິດທີ່ນັກສຶກສາຈົບຈໍານວນ 74 ຄົນ ຍິງ 42 ຄົນ. ສຂຈ ມີແຜນຈະເປີດການຮຽນ-ການສອນໃນລະດັບປະລິນຍາໂທໃນຕໍ່ໜ້າ, ສຳລັບສົກຮຽນ 2025-2026 ມີນັກສຶກສາທັງໝົດ 354 ຄົນ ຍິງ 200 ຄົນ; ມີນັກສຶກສາທີ່ກໍາລັງຮຽນປີ 3, ປີ 4 ທີ່ມະຫາວິທະຍາ ໄລຊົນເຜົ່າກວາງຊີຈໍານວນ 104 ຄົນ ຍິງ 57 ຄົນ. ເພື່ອຮັບປະກັນດ້ານຄຸນນະພາບ ສຂຈ ໄດ້ຈັດການສອບເສັງຄັດເລືອກເຂົ້າສາ ຂາຄູພາສາຈີນໂດຍໃຊ້ພາ ສາລາວ, ຈີນ ແລະ ອັງກິດ ພ້ອມດຽວກັນ ນອກຈາກການຈັດຕັ້ງການຮຽນ-ການສອນແລ້ວ ທາງສະຖາບັນຍັງໄດ້ມີຫຼາຍກິດຈະກຳທີ່ຕິດພັນກັບການໃຊ້ພາສາຈີນ ເພື່ອສ້າງໂອກາດໃຫ້ນັກສຶກສາມີຄວາມກ້າ ຫານກ້າສະແດງອອກເທິງເວທີ, ສ້າງທັກສະພາສາຈີນ, ມີຄວາມຊໍານິຊໍານານ ເຮັດໃຫ້ນັກສຶກສາມີຄວາມໝັ້ນໃຈຂຶ້ນຕື່ມ.
 |
ຄໍາເຫັນ