 |
ສົກຮຽນ 2024-2025 ໂຮງຮຽນມັດທະຍົມສຶກສາທົ່ວ ນວ ມີທັງໝົດ 205 ແຫ່ງ ໃນນັ້ນມີໂຮງຮຽນເອກະຊົນ 98 ແຫ່ງ, ໂຮງຮຽນລັດ 107 ແຫ່ງ, ໂຮງຮຽນທີ່ມີຊັ້ນ ມ4 ຈຳນວນ 179 ແຫ່ງ ຈໍານວນນັກຮຽນ 11,391 ຄົນ ຍິງ 5,988 ຄົນ ແລະ ໂຮງຮຽນທີ່ຊັ້ນ ມ7 ມີ 118 ແຫ່ງ ຈຳນວນນັກຮຽນ 9,164 ຄົນ ຍິງ 4,755 ຄົນ ສ່ວນການສອບເສັງຈົບຊັ້ນ ມ4 ໄດ້ສຳເລັດໄປແລ້ວລະຫວ່າງໃນວັນທີ 11-13 ມິຖຸນາ 2025 ຜ່ານມາ.
ສ່ວນການສອບເສັງຈົບຊັ້ນ ມ7 ໃນວັນທີ 18-20 ມິຖຸນາ ນີ້ ຈັດເປັນ 22 ສູນສອບເສັງ ຈໍານວນນັກສອບເສັງທັງໝົດ 9,164 ຄົນ ຍິງ 4,755 ຄົນ ຫ້ອງສອບເສັງ 446 ຫ້ອງ ສະເລ່ຍຫ້ອງລະ 21-25 ຄົນ ແຕ່ລະຫ້ອງນັ່ງໂຕະລະ 1 ຄົນ ຈໍານວນກໍາມະການຍາມຫ້ອງທັງໝົດ 1,231 ຄົນ ຊຶ່ງໄດ້ຈັດຢູ່ແຕ່ລະເມືອງ ສະເພາະເມືອງຈັນທະບຸລີ ຈັດເປັນ 2 ສູນສອບເສັງ: (1) ມ.ສ ວຽງຈັນ ແລະ (2) ມ.ປາຍ ຈັນທະບູລີ, ສູນສອບເສັງ ມສ ວຽງຈັນ ມີນັກສອບເສັງມາຈາກ 20 ໂຮງຮຽນ ພາຍໃນເມືອງ ຈັດເປັນຫ້ອງສອບເສັງ 65 ຫ້ອງ ມີນັກຮຽນສອບເສັງທັງໝົດ 1,302 ຄົນ ຍິງ 732 ຄົນ ນັກສອບເສັງພາຍໃນມີ 585 ຄົນ ຍິງ 352 ຄົນ ມີກຳມະການຍາມຫ້ອງສອບເສັງ 138 ຄົນ ຍິງ 87 ຄົນ.
 |
ໂອກາດນີ້ດຽວກັນ ທ່ານເຈົ້າເມືອງຈັນທະບູລີ ແລະ ຄະນະຮັບຜິດຊອບສູນສອບເສັງ ກໍໄດ້ພາກັນຕິດຕາມເບິ່ງຄວາມເປັນລະບຽບຮຽບຮ້ອຍພາຍໃນສູນຕື່ມອີກ.
(ຂ່າວ-ພາບ: ບຸນມີ)
ຄໍາເຫັນ