 |
ໃນພິທີ ທ່ານ ສົມສີ ເທບພະວົງ ຫົວໜ້າຫ້ອງການສຶກສາທິການ-ກີລາ ເມືອງຫາດຊາຍຟອງ ໄດ້ລາຍງານບົດສະຫຼຸບຜົນການສອບເສັງໃນຂັ້ນຮຽນຊັັັັັັັັັັັັັັັ້ນ ປ5 ແລະ ຊັ້ນ ມ4 ສົກຮຽນ 2025-2026 ວ່າ ທົ່ວເມືອງຫາດຊາຍຟອງ ມີໂຮງຮຽນທີ່ເຂົ້າຮວມສອບເສັງ ຊັ້ນ ປ5 ແລະ ມ4 ລວມມີ 69 ແຫ່ງ ພາກເອກະຊົນ 24 ແຫ່ງ ຈັດເປັນຫ້ອງສອບເສັງທັງໝົດ 133 ຫ້ອງ ແລະ ມີຈໍານວນນັກຮຽນເຂົ້າຮ່ວມສອບເສັງທັງໝົດ 2.800 ຄົນ ຍິງ 1.439 ຄົນ ໃນນັ້ນ ຊັ້ນປະຖົມ ມີນັກຮຽນເຂົ້າຮ່ວມສອບເສັງຕົວຈິງມີ 1,521 ຄົນ ຍິງ 766 ຄົນ ພາກເອກະຊົນມີ 839 ຄົນ ຍິງ 455 ຄົນ ແລະ ຊັ້ນ ມ4 ມີນັກຮຽນເຂົ້າຮ່ວມສອບເສັງຕົວຈິງມີ 1,276 ຄົນ ຍິງ 673 ຄົນ ພາກເອກະຊົນມີ 499 ຄົນ ຍິງ 252 ຄົນ ຊຶ່ງໄດ້ຈັດຕັ້ງການສອບ ເສັງໂດຍໜ່ວຍງານການສຶກສາກ່ອນໄວຮຽນສາມັນສຶກສາ ແລະ ວິທະຍາສາດ ຫ້ອງການສຶກສາທິການ ແລະ ກິລາ ເມືອງຫາດ ຊາຍຟອງ ຊຶ່ງໄດ້ສ້າງແຜນການສອບເສັງແຕ່ງຕັ້ງຄະນະປະທານ ແລະ ຄະນະກໍາມະການຄວບຄຸມການສອບເສັງຢ່າງເປັນລະບົບ ທີ່ໄດ້ຮັບການຊີ້ນໍາໂດຍພະແນກສຶກສາທິການ ແລະ ກິລາ ນະຄອນຫຼວງວຽງຈັນ ແລະ ປະທານຄະນະກໍາມະການປົກຄອງເມືອງຫາດ ຊາຍຟອງ ເພື່ອເຮັດໃຫ້ການສອບເສັງຈົບຊັ້ນຮຽນ ສົກຮຽນ 2025-2026 ນີ້ ປະຕິບັດໃຫ້ໄດ້ຕາມກົດລະບຽບຢ່າງເຂັ້ມງວດ ຊຶ່ງການສອບເສັງຂອງຊັ້ນ ປ5 ແມ່ນໄດ້ດໍາເນີນໃນວັນທີ 26-27 ພຶດສະພາ 2026 ໂດຍແບ່ງເປັນ 3 ສູນສອບເສັງ ແລະ ການສອບເສັງ ນໍາໃຊ້ 3 ວິຊາຫຼັກ ສ່ວນຊັ້ນ ມ4 ແມ່ນໄດ້ດໍາເນີນການສອບເສັງໃນ ວັນທີ 10-12 ມິຖຸນາ 2026 ແບ່ງເປັນ 3 ສູນສອບເສັງ ໂດຍການສອບເສັງໄດ້ນໍາໃຊ້ 5 ວິຊາຫຼັກ.
ສໍາລັບຜົນຂອງການສອບເສັງຈົບຊັ້ນປະຖົມສຶກສາ ປ5 ປະຈໍາສົກຮຽນ 2025-2026 ແມ່ນມີອັດຕາການສອບເສັງໄດ້ 100% ໃນນັ້ນນັກຮຽນທີ່ສອບເສັງໄດ້ຄະແນນສົມບູນ 5 ຂຶ້ນໄປທຸກວິຊາມີ 759 ຄົນ ຍິງ 435 ຄົນ ສະເລ່ຍ 49.90% ເສັງໄດ້ຄະແນນ 7 ຂຶ້ນໄປທຸກວິຊາ ມີ 482 ຄົນ ຍິງ 296 ຄົນ ສະ ເລ່ຍ 31.68% ແລະ ມີນັກຮຽນທີ່ໄດ້ຄະແນນສອບເສັງສູງສຸດ 16 ຄົນ ຍິງ 14 ຄົນ ສະເລ່ຍ 1.05 % ຊຶ່ງໃນນັ້ນໂຮງຮຽນທີ່ນັກຮຽນເສັງໄດ້ສົມບູນຄະແນນ 5 ຂຶ້ນໄປທຸກວິຊາ ມີ 12 ໂຮງງຮຽນ ສອບເສັງໄດ້ຄະແນນ 7ຂຶ້ນໄປທຸກວິຊາ ມີ 8 ໂຮງຮຽນ ແລະ ໂຮງຮຽນທີ່ສອບເສັງໄດ້ຄະແນນສູງສຸດ ຂອງຊັ້ນ ປ5 ປະຈໍາສົກຮຽນ 2025-2026 ທີ່ເປັນນັກຮຽນເກັ່ງຕົວແທນຂັ້ນເມືອງ ຊຶ່ງໃນນັ້ນແມ່ນມາຈາກໂຮງຮຽນປະຖົມ ເຄເອັນຊີ ແລະ ໂຮງຮຽນປະຖົມ ມະຍຸລີ
ສ່ວນຂອງການສອບເສັງຈົບຊັ້ນມັດທະຍົມຕອນຕົ້ນ ມ4 ປະຈໍາສົກຮຽນ 2025-2026 ມີອັດຕາການເສັງໄດ້ 100% ມີນັກ ຮຽນທີ່ເສັງໄດ້ຄະແນນ 5 ຂຶ້ນໄປທຸກວິຊາ 1,279 ຄົນ ຍິງ 673 ຄົນ ສະເລ່ຍ 100% ນັກຮຽນທີ່ສອບເສັໄດ້ຄະແນນສະເລ່ຍ 7 ຂຶ້ນໄປທຸກວິຊາມີ 386 ຄົນ ຍິງ 225 ຄົນ ສະເລ່ຍ 30.18% ນັກຮຽນທີ່ສອບເສັງໄດ້ໃບປະກາດສະນີຍະບັດແດງ ມີ 22 ຄົນ ຍິງ 16 ຄົນ ສະເລ່ຍ 1.72% ແລະ ໂຮງຮຽນທີ່ມີຜົນງານດີເດັ່ນ ລະດັບຊັ້ນ ມ4 ທີ່ມີນັກຮຽນໄດ້ຄະແນນສະເລ່ຍ 5 ຂຶ້ນໄປທຸກວິຊາ ມີໂຮງຮຽນ 7 ໂຮງຮຽນທີ່ມີນັກຮຽນໄດ້ຄະ ແນນເກັ່ງຮອບດ້ານ 7 ຂຶ້ນໄປທຸກວິຊາມີ 5 ໂຮງຮຽນ ແລະ ນັັກຮຽນທີ່ສອບເສັງໄດ້ຄະແນນໃບປະກາດສະນີຍະບັດແດງ ຂອງຊັ້ນ ມ4 ປະຈໍາສົກຮຽນ 2025-2026 ມີ 22 ຄົນ ເປັນຍິງ 16 ຄົນ ຊຶ່ງເປັນນັກຮຽນເກັ່ງຂັ້ນເມືອງທີ່ໄດ້ເຂົ້າຮ່ວມການສອບເສັງໃນຂັ້ນ ນະຄອນຫຼວງວຽງຈັນ ຊຶ່ງໃນນັ້ນແມ່ນເປັນນັກຮຽນມາຈາກ ມສ ສາລາຄໍາ ມສ ຫ້ອມສະຫວັນ ມສ ເຄເອັນຊີ ແລະ ມສ ມະຍຸລີ. ແຫຼ່ງຂ່າວ:ວຽງຈັນໃໝ່
ຄໍາເຫັນ