flag

ຂ່າວການຮ່ວມມື

ສອງໂຮງຮຽນການເມືອງ ແລະ ການປົກຄອງລາວ-ຈີນ ຮັດແໜ້ນການຮ່ວມມື

ສອງໂຮງຮຽນການເມືອງ ແລະ ການປົກຄອງລາວ-ຈີນ ຮັດແໜ້ນການຮ່ວມມື

ສອງໂຮງຮຽນການເມືອງ ແລະ ການປົກຄອງລາວ-ຈີນ ຮັດແໜ້ນການຮ່ວມມື
ຄະນະນຳ, ຄູ-ອາຈານ ຢູ່ໂຮງຮຽນການເມືອງ ແລະ ການປົກຄອງ ນະຄອນຫຼວງວຽງຈັນ (ນວ) ໄດ້ຮ່ວມກັນຕ້ອນຮັບຄະນະຜູ້ແທນຈາກໂຮງຮຽນພັກ ແຂວງຢູນນານ ສປ ຈີນ ໃນໂອກາດທີ່ເດີນທາງມາຢ້ຽມຢາມ ແລະ ເຮັດວຽກ ເພື່ອແລກປ່ຽນບົດຮຽນ ແລະ ສົ່ງເສີມຄວາມຮ່ວມມືລະຫວ່າງສອງສະຖາບັນ, ໃນວັນທີ 30 ມິຖຸນານີ້ ທີ່ໂຮງຮຽນການເມືອງ ແລະ ການປົກຄອງນະຄອນຫຼວງວຽງຈັນ ນວ.
ສອງໂຮງຮຽນການເມອງ ແລະ ການປກຄອງລາວ-ຈນ ຮດແໜນການຮວມມ - image 1
 

 

ຄະນະຜູ້ແທນຝ່າຍ ສປ ຈີນ ນຳພາໂດຍ ສະຫາຍ ຈາງ ຈີ້ຈຸນ ຮອງຫົວໜ້າໂຮງຮຽນພັກ ແຂວງຢູນນານ ພ້ອມດ້ວຍຄະນະ ໂດຍໄດ້ຮັບການຕ້ອນຮັບຢ່າງອົບອຸ່ນຈາກຝ່າຍລາວ ຊຶ່ງນຳໂດຍ ສະຫາຍ ນາງ ວຽງພອນ ແກ້ວຄູນສີ ກຳມະການພັກນະຄອນຫຼວງ, ຫົວໜ້າໂຮງຮຽນການເມືອງ ແລະ ການປົກຄອງ ນວ ພ້ອມດ້ວຍຄະນະນຳ, ຄູ-ອາຈານ ເຂົ້າຮ່ວມຢ່າງພ້ອມພຽງ.

ການພົບປະ ແລະ ເຮັດວຽກຮ່ວມກັນໃນຄັ້ງນີ້ ມີຄວາມໝາຍຄວາມສຳຄັນຢ່າງຍິ່ງ ໂດຍທັງສອງຝ່າຍໄດ້ຮ່ວມກັນປຶກສາຫາລື ແລະ ແລກປ່ຽນບົດຮຽນໃນຫຼາຍດ້ານທີ່ປິ່ນອ້ອມວຽກງານວິຊາສະເພາະໂດຍ ສະເພາະແມ່ນການຈັດຕັ້ງການຮຽນ-ການສອນ: ຫຼັກສູດທິດສະດີການເມືອງໃນລະດັບຂັ້ນຕົ້ນ ແລະ ຂັ້ນກາງ, ວຽກງານຝຶກອົບຮົມ: ການຈັດຕັ້ງຝຶກອົບຮົມໃນຫົວຂໍ້ສະເພາະຕ່າງໆ ພ້ອມທັງການຜັນຂະຫຍາຍວຽກງານຈຸດສຸມຂອງ ນວ, ການຄົ້ນຄວ້າວິທະຍາສາດ: ການພັດທະນາວຽກງານການຄົ້ນຄວ້າວິທະຍາ ສາດການເມືອງ ແລະ ການປົກຄອງ.

ນອກຈາກນີ້, ໃນການພົບປະ ຄະນະຜູ້ແທນຍັງໄດ້ຮັບຟັງການລາຍງານກ່ຽວກັບສະພາບການພັດ ທະນາເສດຖະກິດ-ສັງຄົມ ຂອງ ນວ ໃນໄລຍະ 6 ເດືອນຕົ້ນປີ ຜ່ານມາ ພ້ອມທັງທິດທາງແຜນການ ແລະ ວຽກງານຈຸດສຸມທີ່ຈະສືບຕໍ່ຈັດຕັ້ງປະຕິບັດໃນໄລຍະ 6 ເດືອນທ້າຍປີ 2026 ອີກດ້ວຍ.

ການພົບປະແລກປ່ຽນບົດຮຽນໃນຄັ້ງນີ້ ຈະເປັນຂີດໝາຍອັນດີໃນການຮັດແໜ້ນຄວາມສຳພັນ ແລະ ຍົກລະດັບຄຸນນະພາບການສຶກສາທິດສະດີການເມືອງ-ການປົກຄອງ ຂອງທັງສອງປະເທດໃຫ້ແໜ້ນແຟ້ນ ຍິ່ງໆຂຶ້ນ.

(ຂ່າວ: ແສງຈັນ)

ຄໍາເຫັນ

ຂ່າວການຮ່ວມມື

ກອງປະຊຸມລັດຖະມົນຕີ ຄັ້ງທີ 2 ລະຫວ່າງ ກະຊວງພາຍໃນກໍາປູເຈຍ, ກະຊວງ ປກສ ລາວ ແລະ ກະຊວງ ປກສ ຫວຽດນາມ

ກອງປະຊຸມລັດຖະມົນຕີ ຄັ້ງທີ 2 ລະຫວ່າງ ກະຊວງພາຍໃນກໍາປູເຈຍ, ກະຊວງ ປກສ ລາວ ແລະ ກະຊວງ ປກສ ຫວຽດນາມ

ກອງປະຊຸມລັດຖະມົນຕີ ຄັ້ງທີ 2 ລະຫວ່າງ ກະຊວງພາຍໃນກໍາປູເຈຍ, ກະຊວງປ້ອງກັນຄວາມສະຫງົບ(ປກສ) ລາວ ແລະ ກະຊວງປ້ອງກັນຄວາມສະຫງົບ (ປກສ) ຫວຽດນາມ ໄດ້ຈັດຂຶ້ນໃນວັນທີ 30 ມິຖຸນາຜ່ານມາ ທີ່ນະຄອນພະນົມເປັນ ຣາຊະອານາຈັກກຳປູເຈຍ, ພາຍໃຕ້ການເປັນປະທານຮ່ວມຂອງທ່ານ ອະພິສັນຕິບັນດິດ ຊໍ ສົກຂາ ຮອງນາຍົກລັດຖະມົນຕີ ລັດຖະມົນຕີກະຊວງພາຍໃນ ແຫ່ງຣາຊະອານາຈັກກຳປູເຈຍ, ທ່ານ ພົນໂທ ວັນທອງ ກອງມະນີ ຄະນະເລຂາທິການສູນກາງພັກ ລັດຖະມົນຕີກະຊວງປ້ອງກັນຄວາມສະຫງົບ ແຫ່ງ ສາທາລະນະລັດ ປະຊາທິປະໄຕ ປະຊາຊົນລາວ ແລະ ທ່ານ ພົນເອກ ເລືອງ ຕາມ ກວາງ ລັດຖະມົນຕີກະຊວງປ້ອງກັນຄວາມສະຫງົບ ແຫ່ງສາທາລະນະລັດສັງຄົມນິຍົມຫວຽດນາມ ພ້ອມດ້ວຍຄະນະຜູ້ແທນທັງສາມກະຊວງເຂົ້າຮ່ວມ.
ທົບທວນຄືນເສັ້ນທາງແຫ່ງການເຕີບໃຫຍ່ ໝາກຜົນແຫ່ງການເປັນເສນາທິການ ແລະ ວິໄສທັດກ້າວສູ່ອະນາຄົດ (ໃນໂອກາດວັນສ້າງຕັ້ງຄະນະພົວພັນຕ່າງປະເທດສູນກາງພັກ ຄົບຮອບ 43 ປີ)

ທົບທວນຄືນເສັ້ນທາງແຫ່ງການເຕີບໃຫຍ່ ໝາກຜົນແຫ່ງການເປັນເສນາທິການ ແລະ ວິໄສທັດກ້າວສູ່ອະນາຄົດ (ໃນໂອກາດວັນສ້າງຕັ້ງຄະນະພົວພັນຕ່າງປະເທດສູນກາງພັກ ຄົບຮອບ 43 ປີ)

ວັນທີ 29 ມິຖຸນາ 2026 ແມ່ນຂີດໝາຍປະຫວັດສາດອັນສະຫງ່າງາມ, ມີຄວາມໝາຍເລິກເຊິ່ງ ແລະ ກ້າວໜ້າຢ່າງຍິ່ງຂອງການເຄື່ອນໄຫວວຽກງານການຕ່າງປະເທດຂອງພັກປະຊາຊົນປະຕິວັດລາວ ຊຶ່ງເປັນວັນທີ່ຄະນະພົວພັນຕ່າງປະເທດສູນກາງພັກ (ຂຽນຫຍໍ້ວ່າ: “ຄຕພ”) ໄດ້ຮັບການສ້າງຕັ້ງ ຄົບຮອບ 43 ປີ ບົນພື້ນຖານຄວາມຮຽກຮ້ອງຕ້ອງການອັນຮີບດ່ວນຂອງພາລະກິດປະຕິວັດໃນໄລຍະໃໝ່. ຕະຫຼອດໄລຍະເສັ້ນທາງແຫ່ງການເຕີບໃຫຍ່ຂະຫຍາຍຕົວ, ບຸກທະລຸ ແລະ ຜ່ານຜ່າທຸກອຸປະສັກຕະຫຼອດມາ, ຄຕພ ໄດ້ຢັ້ງຢືນເຖິງບົດບາດອັນໜັກແໜ້ນໃນຖານະເປັນອົງການຈັດຕັ້ງໜຶ່ງຂອງພັກຂຶ້ນກັບຄະນະບໍລິຫານງານສູນກາງພັກ, ມີຖານະທຽບເທົ່າຄະນະຂອງພັກຂັ້ນສູນກາງພັກ ໄດ້ຢ່າງສົມກຽດ.
ການສຳຫຼວດພົນລະເມືອງ ແລະ ທີ່ຢູ່ອາໄສທົ່ວປະເທດຄັ້ງທີ 5 ປີ 2025 ໄດ້ກ້າວເຂົ້າສູ່ຂັ້ນຕອນປຸງແຕ່ງ ວິເຄາະວິໄຈ ແລະ ສ້າງບົດລາຍງານເຜີຍແຜ່

ການສຳຫຼວດພົນລະເມືອງ ແລະ ທີ່ຢູ່ອາໄສທົ່ວປະເທດຄັ້ງທີ 5 ປີ 2025 ໄດ້ກ້າວເຂົ້າສູ່ຂັ້ນຕອນປຸງແຕ່ງ ວິເຄາະວິໄຈ ແລະ ສ້າງບົດລາຍງານເຜີຍແຜ່

ຫວ່າງບໍ່ດົນມານີ້, ສູນສະຖິຕິແຫ່ງຊາດ ກະຊວງການເງິນ ໄດ້ຈັດພິທີປິດຊຸດຝຶກອົບຮົມກ່ຽວກັບກວດແກ້ ແລະ ການປຸງແຕ່ງຂໍ້ມູນ ຊຶ່ງຖືເປັນບາດກ້າວທີ່ສຳຄັນໃນຂະບວນການຈັດຕັ້ງປະຕິບັດການສຳຫຼວດພົນລະເມືອງ ແລະ ທີ່ຢູ່ອາໄສທົ່ວປະເທດຄັ້ງທີ 5 ປີ 2025.
ລັດຖະບານ ສປປ ລາວ ປະດັບຫຼຽນໄຊມິດຕະພາບໃຫ້ແກ່ ເອກອັກຄະລັດຖະທູດ ແຫ່ງ ສ ເກົາຫຼີ ປະຈໍາ ສປປ ລາວ

ລັດຖະບານ ສປປ ລາວ ປະດັບຫຼຽນໄຊມິດຕະພາບໃຫ້ແກ່ ເອກອັກຄະລັດຖະທູດ ແຫ່ງ ສ ເກົາຫຼີ ປະຈໍາ ສປປ ລາວ

ໃນວັນທີ 30 ມິຖຸນານີ້ ທີ່ ກະຊວງການຕ່າງປະເທດ, ທ່ານ ທອງສະຫວັນ ພົມວິຫານ ຮອງນາຍົກລັດຖະມົນຕີ ລັດຖະມົນຕີກະຊວງການຕ່າງປະເທດ ແຫ່ງ ສປປ ລາວ ໄດ້ຕ້ອນຮັບການເຂົ້າຢ້ຽມອໍາລາຂອງ ທ່ານ ຈອງ ຢອງ ຊູ (JUNG Yung-Soo) ເອກອັກຄະລັດຖະທູດວິສາມັນຜູ້ມີອໍານາດເຕັມ ແຫ່ງ ສ ເກົາຫຼີ ປະຈໍາ ສປປ ລາວ, ໃນໂອກາດທີ່ທ່ານສໍາເລັດການປະຕິບັດໜ້າທີ່ການທູດ ຢູ່ ສປປ ລາວ, ພ້ອມທັງຕາງໜ້າໃຫ້ລັດຖະບານ ແຫ່ງ ສປປ ລາວ ປະດັບຫຼຽນໄຊມິດຕະພາບ ໃຫ້ແກ່ທ່ານທູດ ແຫ່ງ ສ ເກົາຫຼີ ເພື່ອເປັນການຊົມເຊີຍ ແລະ ສັນລະເສີນ ຕໍ່ຜົນງານໃນການປະກອບສ່ວນຂອງທ່ານທູດ ເຂົ້າໃນການເສີມຂະຫຍາຍສາຍພົວພັນມິດຕະພາບ ແລະ ການຮ່ວມມືອັນດີງາມ ລະຫວ່າງ ສປປ ລາວ ແລະ ສ ເກົາຫຼີ ຕະຫຼອດໄລຍະການປະຕິບັດໜ້າທີ່ການທູດ.
ຫົວໜ້າຄະນະພົວພັນຕ່າງປະເທດສູນກາງພັກ ເຂົ້າຮ່ວມກອງປະຊຸມສາກົນ ທີ່ເມືອງເຊັນປີເຕີສະເບີກ ສ ຣັດເຊຍ

ຫົວໜ້າຄະນະພົວພັນຕ່າງປະເທດສູນກາງພັກ ເຂົ້າຮ່ວມກອງປະຊຸມສາກົນ ທີ່ເມືອງເຊັນປີເຕີສະເບີກ ສ ຣັດເຊຍ

ຄະນະຜູ້ແທນພັກປະຊາຊົນ ປະຕິວັດລາວ ນໍາໂດຍ ສະຫາຍ ບຸນເຫຼືອ ພັນດານຸວົງ ກໍາມະການສູນກາງພັກ ຫົວໜ້າຄະນະພົວພັນຕ່າງປະເທດສູນກາງພັກ ພ້ອມດ້ວຍຄະນະ ໄດ້ເດີນທາງເຂົ້າຮ່ວມກອງປະຊຸມຄະນະປະຈຳ ຄັ້ງທີ 3 ຂອງເວທີປຶກສາຫາລື ຂອງບັນດາຝ່າຍສະໜັບສະໜູນການຕໍ່ສູ້ຕ້ານການປະຕິບັດໃນສະໄໝໃໝ່ຂອງລັດທິລ່າເມືອງຂຶ້ນແບບໃໝ່ ແລະ ກອງປະຊຸມສໍາມະນາດ້ານກົດໝາຍສາກົນ ເຊັນປີເຕີສະເບີກ ຄັ້ງທີ 14 ຊຶ່ງຈັດຂຶ້ນ ທີ່ ເມືອງເຊັນປີເຕີສະເບີກ ສະຫະພັນຣັດເຊຍ ໃນລະຫວ່າງວັນທີ 24-26 ມິຖຸນາ ຜ່ານມາ ໂດຍການເປັນເຈົ້າພາບຂອງພັກຣັດເຊຍເອກະພາບ, ມີຄະນະຜູ້ແທນຈາກພັກການເມືອງທີ່ເປັນຄະນະປະຈຳຂອງຂອບການຮ່ວມມືດັ່ງກ່າວ ແລະ ບັນດາພັກການເມືອງຄູ່ຮ່ວມສັງເກດການ ທີ່ມາຈາກທະວີບອາຊີ, ເອີຣົບ, ອາຟຣິກາ ແລະ ອາເມຣິກາລາຕິນ ຫຼາຍກວ່າ 20 ປະເທດເຂົ້າຮ່ວມ.
ປະທານອົງການກວດສອບແຫ່ງລັດ ຕ້ອນຮັບເອກອັກຄະລັກຖະທູດ ສ ເກົາຫຼີ

ປະທານອົງການກວດສອບແຫ່ງລັດ ຕ້ອນຮັບເອກອັກຄະລັກຖະທູດ ສ ເກົາຫຼີ

ທ່ານ ວຽງທະວີສອນ ເທບພະຈັນ ກໍາມະການສູນກາງພັກ ປະທານອົງການກວດສອບແຫ່ງລັດໄດ້ຕ້ອນຮັບການເຂົ້າຢ້ຽມຂໍ່ານັບ ຂອງ ທ່ານ ຈອງ ຢອງ ຊູ (JUNG Yung Soo) ເອກອັກຄະລັດຖະທູດວິສາມັນ ຜູ້ມີອຳນາດເຕັມ ແຫ່ງ ສາທາລະນະລັດ ເກົາຫຼີ (ສ ເກົາຫຼີ) ປະຈຳ ສປປ ລາວ ໃນວັນທີ 29ມິຖຸນາຜ່ານມານີ້ ທີ່ອົງການກວດສອບແຫ່ງລັດ, ເນື່ອງໃນໂອກາດທີ່ທ່ານໄດ້ສຳເລັດການປະຕິບັດໜ້າທີ່ເປັນເອກອັກຄະລັດຖະທູດ ສ ເກົາຫຼີ ປະຈຳ ສປປ ລາວ.
ພັກປະຊາຊົນ ປະຕິວັດລາວ ຮັດແໜ້ນການຮ່ວມມືກັບພັກກອມມູນິດສະຫະພັນຣັດເຊຍ

ພັກປະຊາຊົນ ປະຕິວັດລາວ ຮັດແໜ້ນການຮ່ວມມືກັບພັກກອມມູນິດສະຫະພັນຣັດເຊຍ

ໃນໂອກາດເດີນທາງມາເຄື່ອນໄຫວວຽກງານທີ່ ສ ຣັດເຊຍ, ໃນວັນທີ 24 ມິຖຸນາ ຜ່ານມານີ້ ທີ່ນະຄອນຫຼວງມົສກູ, ສະຫາຍ ບຸນເຫຼືອ ພັນດານຸວົງ ກຳມະການສູນກາງພັກ ຫົວໜ້າຄະນະພົວພັນຕ່າງປະເທດສູນກາງພັກໄດ້ນຳພາຄະນະຜູ້ແທນພັກ ປປ ລາວ ເຂົ້າພົບປະເຮັດວຽກກັບ ສະຫາຍ ດິມິຕຣີ ໂນວິກົບ (Dmitry Novikov) ຮອງປະທານພັກກອມມູນິດສະຫະພັນຣັດເຊຍ ຮອງປະທານກຳມາທິການຕ່າງປະເທດຂອງສະພາດູມາແຫ່ງ ສ ຣັດເຊຍ.
ຮອງຫົວໜ້າຄະນະພົວພັນຕ່າງປະເທດສູນກາງພັກ ເຂົ້າຢ້ຽມຂໍ່ານັບການນຳຂັ້ນສູງຂອງ ພັກປະຊາຊົນມົງໂກລີ

ຮອງຫົວໜ້າຄະນະພົວພັນຕ່າງປະເທດສູນກາງພັກ ເຂົ້າຢ້ຽມຂໍ່ານັບການນຳຂັ້ນສູງຂອງ ພັກປະຊາຊົນມົງໂກລີ

ໃນວັນທີ 26 ມິຖຸນາຜ່ານມານີ້, ສະຫາຍ ວາລະໄຊ ເລັ່ງສະຫວັດ ກຳມະການສໍາຮອງສູນກາງພັກ ຮອງຫົວໜ້າຄະນະພົວພັນຕ່າງປະເທດສູນກາງພັກ ໄດ້ນຳພາຄະນະເຂົ້າຢ້ຽມຂໍ່ານັບ ສະຫາຍ ຢັງກຸກ ຊອດບາທາຣ (Yangug Sodbaatar) ເລຂາທິການໃຫຍ່ພັກປະຊາຊົນມົງໂກລີ (Mongolian People’s Party), ໃນໂອກາດເຂົ້າຮ່ວມກອງປະຊຸມຄະນະປະຈໍາ ຂອງອົງການກອງປະຊຸມສາກົນຂອງບັນດາພັກການເມືອງໃນອາຊີ ຄັ້ງທີ 45(The 45th Meeting ofthe ICAPP Standing Committee) ທີ່ນະຄອນຫຼວງອູລານບາຕໍ ປະເທດມົງໂກລີ.
ສານປະຊາຊົນ ອັດຕະປື​-​ກວາງຫງາຍ ເພີ່ມທະວີການຮ່ວມມື ປ້ອງກັນ-ຕ້ານອາຊະຍາກຳຂ້າມຊາຍແດນ

ສານປະຊາຊົນ ອັດຕະປື​-​ກວາງຫງາຍ ເພີ່ມທະວີການຮ່ວມມື ປ້ອງກັນ-ຕ້ານອາຊະຍາກຳຂ້າມຊາຍແດນ

ພິທີເຊັນບົດບັນທຶກຊ່ວຍຈໍາ ດ້ານວິຊາສະເພາະກ່ຽວກັບການຊ່ວຍເຫຼືອດ້ານຍຸຕິທຳ ການປ້ອງກັນ ແລະ ຕ້ານອາຊະຍາກຳຂ້າມຊາຍແດນ ລະຫວ່າງ ສານປະຊາຊົນ ແຂວງອັດຕະປື ສປປ​ ລາວ ແລະ ສານປະຊາ ຊົນ ແຂວງກວາງຫງາຍ ສສ​ ຫວຽດນາມ​ ຈັດຂຶ້ນໃນວັນທີ 26 ມິຖຸນາຜ່ານມາ, ທີ່ຫ້ອງປະຊຸມໃຫຍ່ແຂວງອັດຕະປື, ຮ່ວມລົງນາມ ໂດຍສະຫາຍ ຄໍາຫຼ້າ ແກ້ວວັນສອນ ກຳມະການພັກແຂວງ, ເລຂາໜ່ວຍພັກ, ຜູ້ພິ ພາກສາຊັ້ນ 3, ປະທານສານປະຊາຊົນແຂວງອັດຕະປື; ຝ່າຍແຂວງກວາງຫງາຍ ໂດຍສະຫາຍ ເລືອງ ວັນຮຸ່ງ ຮອງເລຂາຄະນະພັກ, ຜູ້ພິພາກສາສານປະຊາຊົນຂັ້ນ 2, ຮອງປະທານສານປະຊາຊົນແຂວງກວາງຫງາຍ, ພ້ອມດ້ວຍພາກສ່ວນກ່ຽວຂ້ອງທັງສອງຝາຍເຂົ້າຮ່ວມ.
ສໍາເລັດຝຶກອົບຮົມການນໍາໃຊ້ເຄື່ອງມືປັນຍາປະດິດຫຼາຍຮູບແບບ

ສໍາເລັດຝຶກອົບຮົມການນໍາໃຊ້ເຄື່ອງມືປັນຍາປະດິດຫຼາຍຮູບແບບ

ສື່ມວນຊົນລາວ ຈໍານວນ 40 ຄົນ ສໍາເລັດຊຸດຝຶກອົບຮົມ “ທັກສະການນໍາໃຊ້ເຄື່ອງມືປັນຍາປະດິດໃນສື່ມວນຊົນຫຼາຍຮູບແບບ ຫຼາຍຊ່ອງທາງ” ແລະ “ທັກສະການຜະລິດລາຍການ, ຂ່າວ, ບົດຂ່າວ, ຜ່ານໂທລະສັບມືຖື”, ພາຍຫຼັງໄດ້ດໍາເນີນມາເປັນເວລາ 5 ວັນ ແຕ່ວັນທີ 22-26 ມິຖຸນານີ້ ທີ່ໂຮງແຮມເມືອງແທ໋ງ ນະຄອນຫຼວງວຽງຈັນ.
ເພີ່ມເຕີມ

ຂ່າວ​ລ່າ​ສຸດ

EPaper